段純貞牛肉麵XChatime (如心廣場一期)

一直久仰「段純貞」大名，他們的牛肉麵曾被台灣美食家評為5星！非常高興他們在香港開了分店，今晚就和朋友來到如心廣場分店，一試這碗馳名的牛肉麵！滷菜分別有豆乾、杏飽菇、娃娃菜、花生、麵根等，份量都頗多。食材入口帶有滷水香料的氣味，當中以杏飽菇、麵根最為索汁，味道特別濃郁。雞翼放在藥膳湯內燉煮，肉質保持著嫩滑。重點在藥膳湯頭！雞湯十分濃厚，鮮甜稠身，再滲出陣陣藥膳甘澀味，幾好飲。招牌紅燒牛肉麵不得不試！據悉湯頭以23種藥材、豆瓣醬和牛骨等熬煮8小時而成，入口十分香濃，充滿肉香之餘，還有微微的椒麻辣感。牛腱心肉厚身，燉至軟腍入味，味道香醇。麵底配了手工麵，麵條寬扁，質感煙韌帶少許彈牙感，而且甚為掛湯。乾拌麵必須第一時間撈起，筆者吃完牛肉麵才拌勻，麵條已經黏在一起，變成麵餅了。細麵條幼身，質感細滑有口感。看似醬汁不多，但每一口都感受到青花椒的麻香。手撕雞滑嫩，夾雜麵條同吃，豐富口感。西生菜爽口，感覺都頗為新鮮。配上蒜醬，味道更加香口。到台式餐廳又怎會不點台式飲品？和朋友各點了一杯玫瑰荔枝璞玉紅茶，以及手打鮮檸鳳梨茉莉綠茶，香甜解渴。…查看更多

作為荃灣友，呢間台灣菜都真係間唔中會去食🫶🏻尤其早排去完台灣，真係心心念念台灣既各種美食例如牛肉麵鹽酥雞呢啲🥹🥹-🎈蒜醬油麥菜🥬 $48可以選擇生菜同油麥菜，份量好多好多！超健康之選😚-🎈滷水豬大腸 $68滷得好入味，而食落亦冇個種內臟既臭味～-🎈鹽酥雞 $48必點！炸得金黃香脆，作為小食黎講有六七舊真係算好多🤭出色🥳-🎈招牌紅燒鍵心牛肉麵 $86湯頭夠哂濃郁！有得揀細麵或手工麵，我地揀左手工麵即係寬麵🍜都幾大塊既麵，幾有口感🤣牛鍵燉煮得入味軟稔，自己食哂成碗已經好飽了🤭-🎈青花椒香手撕雞乾拌麵 $78呢款乾拌麵最有驚喜😍味道好好😌食落麻麻香香咁，有啲辣有啲刺激但又好惹味！手撕雞再配搭啲蔥花同花生碎好夾，會令人不自然咁係咁食☺️-🎈凍黑糖珍珠鮮奶 🎈凍太極厚奶餐廳同日出茶太合作，今次叫左經典既黑糖珍珠鮮奶同太極厚奶！個人幾喜歡太極厚奶，配搭左紐西蘭1.5倍既厚奶，同時飲到茶香及奶香🫶🏻而裡面仲有珍珠同蒟蒻晶球，令到成個口感好豐富好有咀嚼感！-🔸段純貞牛肉麵📍荃灣楊屋道8號如心廣場一期1樓105-107號舖…查看更多

呢日同媽咪嚟咗荃灣行街，行到攰攰地見到呢一間過江龍嘅台灣菜就入咗去試吓，都相當有驚喜🥳招牌紅燒腱心牛肉麵餐廳嘅麵有兩款可以選擇，我哋揀咗較厚身嘅手工麵🍜 質感唔算係好煙靭嗰種，但係佢幾厚身，同牛肉湯底好夾。特別鍾意佢嘅腱心牛肉，係滷得好軟腍，牛筋喺個嘴度化開，但係牛肉依然有佢嘅質感，非常推介大家試呢個牛肉🐮青花椒香手撕雞乾拌麵呢個乾拌麵preset咗係幼麵，果然有佢嘅道理，因為幼面更加掛汁🥰 呢一個乾拌麵食落口非常惹味，有青花椒嘅香味，加埋脆口嘅花生碎，同埋一絲絲嘅手撕雞，撈勻一齊嚟食味道唔錯👍🏻滷豬大腸呢個滷水味道帶點甜甜地，豬大腸完全冇內臟嘅味道，每件都幾厚身，但係又唔會有好厚嘅肥膏🐷 側邊仲有啲鹹酸菜、滷水花生同埋油麥菜，滷水花生都滷得好腍🥜三星蔥肉鍋餅呢個上碟時非常熱辣辣，用上台灣出名嘅三星蔥，蔥味非常突出😛 個人認為原汁原味，唔使點隔離嘅醬都已經好好食😋蒜醬青菜我哋揀咗油麥菜，係加咗啲調味嘅油麥菜，但係唔會好鹹🥬太極厚奶就咁聽個名，其實唔知係啲乜嘢😂 店員話太極係指入面嘅配料有蒟蒻晶球同埋珍珠，飲落口真係幾有質感，而且呢個厚奶嘅奶茶底口感比較Rich。黑糖珍珠鮮奶甜度同埋冰度係固定嘅，入面嘅黑糖珍珠食落口都幾煙靭，飲落口其實唔會太甜🧋店員嘅服務態度幾好，而且環境都坐得幾舒服，如果下次嚟荃灣應該都會再過嚟嘆吓。…查看更多

荃灣都有唔少台式餐廳，今日揀咗段純貞😌 段純貞係一間台灣嘅過江龍，喺銅鑼灣同埋將軍澳都有分店～裝修用咗木色做主調，連隔板都有match返成個主題👍🏻 今次同樣揀咗一個湯麵同一個拌麵～•🥢 麻辣嫩五花牛肉麵 $84湯麵可以揀手工麵/細麵，我哋揀咗手工麵，餐牌介紹手工麵係由麵團反覆延壓維持韌性，食落都真係幾有咬口，雖然麵條厚薄不一，但唔會有啲太硬/淋，反而可以掛到多啲湯；一上枱係生牛肉，靠熱湯整熟啲，牛肉份量唔少，而且好嫩、好滑👍🏻 但麻辣湯嘅辣味遮咗牛肉味😢•🥢 青花椒香手撕雞乾拌麵 $78蔥同花生多到鋪滿咗成個碗，花生係炸到好脆，好好食😍 撈勻之後花椒香味好香濃，幾鍾意佢拌麵入面都有少少湯汁，咁食到底都唔會太乾！手撕雞有調味，份量好多，撈埋花椒等配料好惹味～•🥢 雞湯抄手 $48一份有6粒，抄手係胡椒豬肉餡，肉幾結實，皮薄👍🏻 但蝦應該混合咗喺豬肉餡，唔係幾食到；雞湯幾濃，同抄手都夾嘅～•🥢 胚芽珍珠奶茶 $28平時覺得台式餐廳嘅飲品都爭少少，但呢間嘅胚芽珍珠奶茶都可以一試，飲落有明顯黑糖味同茶味，珍珠有咬口，不過就偏甜咗少少。•🥢 荔枝乳酸飲料 $28普通啲乳酸飲品+荔枝，有兩粒荔枝肉，都係偏甜咗啲。…查看更多

今日係楊屋道打完波，就順便去如心廣場試下人氣台灣過江龍牛肉麵。 平日午膳時間都唔少人排隊，好彩等左15分鐘左右就入到去。原 味 牛 肉 麵 ($84)以牛大骨慢火熬煮嘅湯底，飲落順滑不油膩。而厚薄不平嘅手工麵亦掛滿湯頭，配上炆到入口即溶嘅牛腱，水準非常之高👍🏻青 花 椒 香 手 撕 雞 乾 拌 麵 ($78)之前食過其他地方嘅乾拌麵，一係就覺得太重口味，一係就覺得麵底平平無奇。但呢個乾拌麵個幼麵煙韌得黎又掛汁，食落亦唔會有食味精嘅感覺，而流心嘅滷水蛋更加係錦上添花，我個人就中意呢個麵多啲🙊Btw是日啲葱一定係大豐收，碗碗麵都有大量葱花，唔食葱嘅記得一定要走青😂新 鮮 豚 肉 鍋 貼 (5pc) ($48)用餃子皮包嘅鍋貼食落唔會成口粉，肉饀亦很juicy，點埋附上嘅醋更加釣到個鮮味。胚 芽 珍 珠 奶 茶、珍 珠 奶 茶 ($28@)只飲珍珠奶茶有點漏，加左胚芽會平衡好多😌…查看更多

有別於平常吃到的台灣牛肉麵，麻辣嫩五花牛肉麵是用薄薄的五花牛肉，上桌時還帶點粉嫩的，浸在熱湯中不消幾秒就熟透了。牛肉可見清晰的紋理，吸收了香濃的麻辣味但依然沒蓋過牛味，軟嫩多汁而且愈吃愈辣，非常過癮。有手工麵和細麵可選，來到這間過江龍當然要試試手工麵！厚薄不均的麵條煙韌有口感，有點像刀削麵，吸收了湯汁的麵條辣得嘴唇發麻，正🌶湯底很好喝，雖然愈喝愈麻，不過辣得很有風味，值得一試！青花椒香手撕雞乾拌麵原來有兩邊溏心蛋😍入味得剛剛好😋 乾拌麵用的是細麵，細麵氣孔多，容易沾滿醬汁將麵條伴手撕雞、葱粒和乾葱一起吃，特別清爽開胃。雞湯抄手賣相很有家常小菜感覺抄手皮薄得看得見餡料，非常飽滿雞湯清甜，配著抄手一起吃份外鮮嫩珍珠奶茶和胚芽珍珠奶茶尚算大杯，味道普通，不過不失。…查看更多