串Grill 自助燒烤專門店 (譽發廣場) (已結業)

見到有朋友去bbq店都會自動轉轉轉，非常吸睛🤭🤭搞到我即刻都去試試！！枱上放好幾款配料可以按喜好落去食物度，包括有 孜然粉 椒鹽 同辣椒粉，另外仲有醬油 魚露同柚子醬，而我就推介 柚子醬加少少椒鹽同孜然，惹味得嚟，有柚子甜度中和，唔會太搶味！🤪120分鐘任點~見佢有唔同食物分類，包括有 豬肉類、牛肉類、雞肉類、腸類、海鮮類、蔬菜、丸類、羊肉同甜點類，真係滿足貪心嘅我🤭樣樣都想試少少而飲品可以去雪櫃自由揀選，不定期會入唔同款式，除咗平時見嘅汽水，今次有凍檸茶、凍檸蜜、烏龍茶、豆漿、燕麥奶等，仲有LoLo代言汽水 正🤭🤭 岩哂我！！特別推薦以下嘅串串：💬 豬五花 燒完油香入口軟滑，加埋柚子醬超夾🤗💬 牛肋腩 肋腩牛香濃濃😍爽口得嚟唔會太韌，食完一串再叫多幾串！😋💬 雞腎 鍾意食爽口嘢嘅朋友，點少得雞腎呢！ 搭配醬油同孜然粉食一流🤤💬 雞軟骨 必食推介🤪次次食串燒都要食嘅，當前菜一流，少少油香配上脆脆軟骨位置❤️🤤 食完一啖接一啖！！💬 台灣腸 太懷念去台灣日子，一食滿滿台式美味🤫 佢本身相對較濃味，我就建議沾少少椒鹽食就足夠！💬 菠蘿 超級甜💖😋 燒香表面，外脆內香，encore!!💬 蝦卷 佢外皮包咗腐皮，燒完脆口，入面係蝦餅嘅朋友，就香幾好食😋有驚喜！💬 雞脾菇 燒完都好juicy 😆 當食咗好多肉時就食下蔬菜類，之後再愈「食」愈勇😎最後，緊係食下佢嘅 綿花糖加雞蛋仔，為依餐畫上完美句號😚🫰總結一下，食物同飲品款式都唔少，最緊要有自動轉轉燒爐，岩哂唔想一邊係咁郁，一邊要食嘢嘅我！而環境都幾舒服，位置都好方便👍👍 岩哂同朋友小聚/ 帶另一半燒烤嘅朋友仔😋💛串Grill 自助燒烤專門店 (譽發廣場) 💛旺角彌敦道558-560號譽發廣場7樓💛5511 1551…查看更多

本身留意左呢間串燒店好耐，之前經過廣華街見到成日都大排長龍。最近發現餐廳開了分店，即刻去食下🔥！分店比較近油麻地，一出mtr後行陣已到，地點好方便呢！店內格局比較簡單，但估唔到用料食材好用心+幾有水準，可以話係禾稈冚珍珠🤣大胃王開動！一坐低店員會先上一盤串燒，然後其他任點，估唔到呢盤串燒有幾款已經係好好水準，之後仲不斷encore的！😋😋😋自助燒爐只需要將串燒放好，就會自轉再自轉，熟得快，好快傾陣計就有得食😍而呢到嘅串燒特別之處係無點調味，完全食到食物最natural，亦都係高質食材先有嘅食物鮮+甜味。餐廳亦都有幾款調味料提供，可以自行調味。😋😋😋推介必點款式！🐷豬肩胛係我不斷encore再encore嘅食物，因為真係好高質！外層烤到脆香，入面好juicy！😋雖然無調味、但完全食到啖啖好香甜豬肉味，真係必食！🐔雞軟骨亦都係必點！烤過後賣相好吸引，外層烤香，食落去成粒都係軟骨無咩肥肉，好滋味😋😋🐷豬大腸係非常肥美，外層脆香，入面有嚼勁。🐟魚肉年糕中間年糕好煙韌🌟台灣腸外層有層蜜糖，烤出來好香口且微甜，幾特別。🌟竟然會有粒粒雞蛋仔燒，好得意🐷豬腩肉竟然唔算好肥，肉質同樣有水準💕烤棉花糖幾時都係最吸引得，棉花糖大大粒，可能係爐溫問題，竟然perfect地烤到外層微微焦香，內裡溶化了嘅棉花糖😋😋以呢個價錢來說，有咁高水準嘅串燒任食，cp值超高😍一定再來…查看更多

串Grill分店有分別原來分店都係有啲唔同😂 其實食過廣華街。但係原來譽發廣場好少少😆🤫🤫一。坐得舒服啲，呢一點睇門面裝仲修都會feel到二。服務態度再nice d .. 今次都係waitress :) ⋯⋯（應該不用多說）三。食物⋯ 其實都唔係差得好遠😂😂 但真心幾鍾意食呢度嘅牛舌 👅 🐄 因為彈牙QQ 啲感覺。今次研發左啲新配搭1）燒牛舌 配蜜糖燒菠蘿🍍2）燒雞蛋仔 配 Haagen-Daz 雪糕 🍦 感覺好似食緊媽媽雞蛋仔咁😆3）車厘茄就咁新鮮生食今次有啲新發現係1）佢雞軟骨呢有連埋雞皮，泌到啲油出嚟再好食啲2）蔬菜🥬燒完好乾嘅問題⋯ 我都係解決唔到😂 （唔識燒）原來佢有個位置係俾你將消耗嘅串燒擺喺度保持住溫度，係侍應姐姐提我先識😅總結：雖然要俾近三百蚊，但係可以坐喺度慢慢享受，玩下將唔同食物配搭擺埋一齊，同女朋友傾到計， 本人覺得呢啲元素加埋就幾抵…查看更多