斗滾 (銀座38)

來到位於尖沙咀山林道的斗滾，一步出電梯就已有好幾張枱在附近枱與枱之間擺放得好密集，環境狹迫。斗滾的雞煲及火鍋都是任食，海鮮則是限量的，每位$298，另收加一。亦可加錢加購海鮮或提前預訂龍蝦刺身/象拔蚌刺身。先上雞煲，雞煲可選不辣，辣度也有四種。斗滾的雞煲特別在於自己也有份煮！每隔兩分鐘就揭開煲蓋炒一炒，一共炒四次即可。當炒到第三四次之後，配料的味道開始飄出，雞煲變得香噴噴。雞件啖啖肉又嫩滑入味，豆卜及菇菌也有不少，而且是任食的，不夠喉的話，可再添加～～食完雞煲就輪到海鮮盛宴，一共有6款海鮮，份量按人頭數。海鮮有鮑魚、蟶子、扇貝、海蝦、花蜆及龍躉，還有少量蔬菜及讚岐烏冬。每款海鮮都好鮮甜，蒜蓉香惹味，但不會遮蓋海鮮的甜。海鮮的熟度恰好，爽口不會過韌，魚片嫩滑。火鍋湯底的選擇不算多，我們選了養生燉湯，即蟲草花烏雞湯。食火鍋前先飲湯，湯底足料清甜！任食手切牛頸脊，需要全枱在社交平台留言才可享任食優惠，除牛頸脊外，還有黑豚肉也是任食。值得一讚的是，每一round牛頸脊的質素都是同樣好吃，不會有參差的情況。牛頸脊的肉味香濃，入口稔滑無筋，好吃！丸類及蔬菜有充足選擇，需要去雪櫃自取，丸類質素正常。烏冬更是原個包裝的讚岐烏冬，$298的價錢絕對令人吃得飽飽的離座！最後還有每人一碗椰汁雪燕，椰汁味香，不會過甜，雪燕軟滑！以這樣的價錢，食物份量及質素是值得的。惟空間環境問題是最大弊病，狹迫不在話下，空氣亦不夠流通！…查看更多

再見老朋友，所以一早預訂咗呢間餐廳，希望大家可食得開心又滿足！ 一上到去就知呢間餐廳好受歡迎，基本上座無虛席，好在我哋有預約到！😎一入座，店員已經事不宜遲雞煲奉上！我哋跟足佢個指示，好認真地計時⌛️炒雞🤣，所以啲雞唔會變到好乾。雞煲配料好足，所以食落好惹味，令人食指大動🤤！ 同埋佢唔會俾晒啲骨同雞皮，有好多雞肉，非常好！雖然雞煲係任食，不過我哋有啲廢，淨係添咗一次雞。然後到咗食海鮮嘅環節！ 盤海鮮一上枱，令人驚嘆，完全係海鮮晒你冷🤣，佢仲要係按人頭計份量，所以每種海鮮都人人有份，永不落空！ 好正！😆 至於味道就係簡單用蒜蓉粉絲蒸海鮮咁味！去到呢個位，其實都有啲飽。不過仲有邊爐要打！我哋揀咗養生燉湯湯底，入面有隻竹絲雞，係好足料嘅老火湯。佢有兩款肉揀：手切牛頸脊and 黑豚肉，都係任食。 牛肉好嫩滑，而黑豚肉唔會好重豬肉味同腥味，都十分出色！ 其實仲可以去雪櫃攞其他火鍋配料，不過我哋實在係太飽，所以放棄了！總結，呢間餐廳性價比好高，唔止好食，價錢方面都係差唔多每人$300！ 十分推介！…查看更多

斗滾 (銀座38)，位於尖沙咀山林道38號銀座38  12樓。 大約一個多月前已經訂枱， 星期五晚上 八點半到達，超多人，📌$298 一位(收加一) ， 再另加西澳龍蝦$368。 ▫️首先食雞煲， 點了微辣， 香濃入味，雞件嫩滑，仲可以任食添！ ▫️蒸海鮮拼盤， 人頭計每人都有一份鮑魚、蟶子、扇貝、海蝦、花蜆、龍躉和讚岐烏冬， 海鮮好豐富，打卡一流呀！ ▫️五指毛桃烏雞湯底 ～ 滋補美味又健康，打邊爐之前記得飲返一兩碗， 但用這個湯底食牛肉，感覺好似怪怪的。 ▫️龍蝦刺身，鮮甜美味的龍蝦刺身，蝦頭仲可以用嚟淆湯打邊爐。 ▫️手切牛頸脊 ～ 任食手切牛頸脊和黑豚肉， 因為太飽，所以只食牛頸脊了。 一次過食雞煲、打邊爐和刺身， 最後仲有糖水餸 ，性價比算高， 但環境比較迫，有待改善。 🏷️溫馨提示～ 整個用餐體驗均屬個人分享意見， 只作參考😊。 …查看更多

$298無限時任食人氣店，雞煲海鮮手切牛，抵食仲要好食，掙扎同唔同大家分享嘅程度😂，必save🔖！・・・・・・・・・・・・・・・・・・・・🥘 雞煲 少辣 ⭐️任食⭐️・味道：雞煲分咗5種辣，走辣、BB辣、少辣、中辣、大辣，揀咗少辣都幾刺激惹味。除咗雞仲有菇、紫洋蔥同豆卜，好吸味好正👍🏻XD 雞正常發揮，配惹味雞煲醬一定冇死。店員有教埋點煮，每隔2分鐘開蓋撈，total煮4次，有得玩下煮下都唔錯。・口感：雞有鞋有嫩，都係正常雞煲冇伏。🦐 海鮮拼盤＞ 粉絲帶子、鮑魚、聖子、沙白、蝦、魚塊、烏冬・味道：每一款都好好好鮮甜！！！配蒜蓉都唔會蓋過海鮮鮮味，既惹味又吊到海鮮嘅鮮甜～呢款按人頭計嘅，但真心抵食。懶人必備，幫你開晒殼，即刻好鍾意食海鮮😂😂😂・口感：爽彈脆口，就係期待嘅口感！🍲 老火湯＋邊爐 ⭐️任食⭐️＞ 蕃茄薯仔蜆湯＋手切牛頸脊・味道：媽媽的靚湯味，清甜好飲。店員會建議先飲碗湯先打邊爐～之後就係牛魔王狂歡時間🥳，任食手切牛頸脊！！！呢款牛頸脊係重肉香少油脂，gym-friendly🏋🏻同埋因為少啲油脂冇咁滯可以食多啲🤭・口感：作為冇乜油脂嘅牛頸脊食落依然好軟腍，少少筋都冇，一啲都唔韌，掂！🍨 椰汁雪燕・味道：就係椰汁雪耳，想像到嘅好食，唔算好甜，用嚟收尾降下邊爐完嘅燥熱(心理上)，不錯XD・口感：都幾多雪耳同切到幾細，好易啜v3v XD・・・・・・・・・・・・・・・・・・・・🤰性價比：高～🤰9衝度：9衝～🤰結論：好耐之前同朋友食過西環店都好出色，服務好，無限時任飲任食，最重要係！好！食！真係完全唔會催你，可以任食嘅item真係可以無限refill，冇得頂👍🏻所以呢間真係好受歡迎，記得要預早至少一個禮拜book啊！lunch仲要有9折，折完真係$298冇加一落樓，癲😎・・・・・・・・・・・・・・・・・・・・I…查看更多

一定要encore既餐廳第一下雞煲雖然係任食，但真係唔好食咁盡，因為後續仲有重頭戲，一大盤海鮮(人頭計)加靚牛(手切牛勁脊)，有連湯都very骨可以勁飲既邊爐湯底真係超滿足😍😍…查看更多

銀座𝟑𝟖 斗滾🥘比較難𝐁𝐨𝐨𝐤既餐廳 朋友表示想食幾次諗住訂枱嘅時候都話滿咗🥲食完今餐飯就知道點解佢長期都𝐅𝐮𝐥𝐥 𝐇𝐨𝐮𝐬𝐞海鮮盛宴 ⚓️鮑魚/蟶子/扇貝/海蝦/花蜆/龍躉加讚岐烏冬全部都好鮮甜 龍蝦啖啖肉 蟶子肉質肥美😋😋打卡一流今次朋友加左錢𝑶𝒓𝒅𝒆𝒓原隻龍蝦刺身同象拔蚌刺身，份量比想像多 賣相吸引 食落新鮮👍🏻👍🏻另外有蘋果竹絲雞燉湯 🍎非常足料 味道鮮甜同好潤☺️店員表示每人飲完一碗之後用湯底淥手切牛頸脊 肉質算嫩 招牌雞煲🐔有五種辣度可選擇🌶️今次試左BB辣同小辣 我覺得如果本身比較食得辣，可以直接叫中🌶️食晒雞煲之後可以再加湯打邊爐 有自助配料區可供拎丸類最估唔到嘅係最尾有椰汁雪燕糖水 唔會太甜 好味 好想叫店員黎多𝑹𝒐𝒖𝒏𝒅 😂餐廳性價比高 店員有禮貌 座位相對上比較擠擁 整體來講大家可以一試 食雞煲打邊爐 特別岩身邊有大胃王既朋友😎…查看更多

抵食海鮮雞煲邊爐🦐🐔🥘📍位置：尖沙咀山林道38號銀座38 12樓(另設分店：西環石塘咀山道54-66號適安大廈地下A號舖及1樓AB號舖)🍽特點：高性價比無限時任食雞煲海鮮🐓🦐🥘🌟推薦菜：海鮮拼盤 🐟🦐🥘💰價錢：人均消費$305💯評價：可以一次過滿足哂3️⃣個願望嘅餐廳😋一開始打頭陣嘅係雞煲🐓 職員有教要點煮(煮8️⃣分鐘之後先食得⌛️)可以無限添加，我覺得如果四個人就食一Round已經好夠，如果唔係食唔到之後嘅～ （有朋友多啲人一齊去食，食咗成 4 ROUND，所以好DEPENDS你哋本身自己嘅食量！👬🏻👫🏻👭🏻）之後就到海鮮拼盤！ 呢個海鮮拼盤係包括鮑魚、蟶子、扇貝、海蝦、花蜆、龍躉同烏冬，賣相十分吸引，打卡一流！ 🦐🐟🧑🏻‍🍳不過其實我覺得比想像中冇咁驚艷😂全部海鮮都新鮮，但係無好食到不得了嘅感覺🙊同埋我覺得反而係望落好普通嘅烏冬，就有驚喜，好好食😂烏冬因為吸晒啲海鮮嘅汁，所以好好食！🙈第三輪就係令到佢嘅燉湯打邊爐🥘我哋今次揀咗涼瓜花膠湯，冇咩涼瓜味，反而係唔知點解我覺得有少少胡椒味。幾好飲嘅，不過就真係唔係花膠湯嘅嗰種味道。😔😬同埋可能已經係食到第三輪嘅關係，其實打邊爐上面都食唔到好多，我哋淨係飲完湯已經飽哂！🤰🏼🤰🏻🫄🏾🫄🏿如果未夠飽嘅話可以喺佢嘅食物櫃上面揀！種類有好多，有丸同蔬菜等等。🥗🥬🥒🥔🌽最後最後仲有贈送嘅椰汁燕窩食非常滋味😋…查看更多

事隔大半年，朋友們終於夾到時間，再去幫襯。一個價，$268，另收加一，只收現金。雞煲，食咗兩煲，惹味，最好係雞件並不是雞脾肉。蒸海鮮，有六款（聖子、鮑魚、海蝦、龍躉、帶子、花甲），樣樣都新鮮，但有少少蒸過火。燉湯，清得嚟又夠味，烏雞健康又唔肥膩。打邊爐，主要都係食手切牛頸脊同黑豚肉。甜品，椰汁雪燕，味道正常。質素唔差（但整體感覺對上一次好食啲），收費合理，最重要係冇限時（5點食到9點），慢慢食，吹吓水，開開心心咁又一餐。…查看更多

網上近期熱烈推介嘅食店，見星期六午巿可以食足5小時，最啱約埋班姐妹圍爐，呢度地方唔大，坐低之後睇下個menu先，咦…斗滾四式咁搞👻先嚟第1️⃣式 任食雞煲，揀咗小辣🌶，雞嫩有肉汁，個🐔煲幾重花椒八角味，仲食到濃濃嘅孜然味道，都幾特別第2️⃣式 海鮮盛宴，以蒜蓉清蒸，龍躉片較為出色，其他海鮮一般第3️⃣式  燉竹絲雞湯🥣，好足料，但個湯偏咸第4️⃣式 手切牛頸脊，只要同枱人士like佢哋嘅社交平台，就可以任食，牛頸脊幾，冇話嚟兩碟之後就走樣，相對火鍋配料就明顯失色，少選擇之餘，質素亦麻麻，仲有火鍋豉油偏咸🥴，最後每位奉送椰汁雪燕總括來說如能改善火鍋配料呢part，相信cp值會提升不少⬆️ …查看更多

‼️尖沙咀店星期六日同埋公眾假期有午市，目前午市仲有免加一‼️💵 只收現金💵 記住撳錢前一日店家會whatsapp確認訂座，有需要嘅話仲可以額外加龍蝦或者象拔蚌刺身。🔸雞煲原來係自己炒，每兩分鐘炒一次，重複四次。有得唔辣，啱晒小朋友一齊嚟食，醬汁調味剛好，唔會太鹹，雞肉嫩滑，我地都食咗兩煲🤭🔸蒸海鮮總共有六種海鮮，配料有粉絲、烏冬、粟米味道不過不失🔸竹絲雞湯湯清甜，有半隻雞，飲咗幾啖湯之後就可以開始打邊爐。 like 同comment FB/ IG就可以仼食手切牛頸脊，幾有牛味，唔柴。豬肉同牛肉都係叫侍應落order，其他配料同飲品就自助🧃🥤…查看更多

近日在市區再下一城，以蒸、煮、滾三部曲聞名，分別是雞煲、海鮮、及火鍋，當中以海鮮盛宴最令人目不暇給。(1) 雞煲隨枱有計時器，每兩分鐘將雞件及香料爆炒，最後放上芫茜。除了雞件，還有秀珍菇、豆卜等，充分將醬汁收入囊中。但辣度偏猛，因為有花椒、八角及麻椒令辣度層次更為鮮明。(2) 海鮮盛宴打卡名物：鮑魚、扇貝、花蜆、龍躉，海蝦及讚歧烏冬。是日不見聖子蹤影，而龍躉及烏冬與其他海鮮並不合襯。味道亦被蒜蓉蓋過，掩蓋每款海鮮的鮮味。(3) 養生燉湯原隻烏雞，有杞子、龍眼肉、紅棗及蟲草花。(4) 手切牛頸脊牛頸脊的部位油花細緻而滿佈，口感爽嫰。養生湯底突出牛頸脊的味道及口感，但湯底濃度不夠，略嫌不足。最後還有一道椰汁雪燕。以整體來說，這個放題套餐的確滿足到香港人的博愛，所有的肉食、海鮮、及甜品都考慮到位。奈何每道食法的銜接有點唐突，無法一下子消受。不過，性價比很OK，店員亦大多友善，也有時間顧及食客的情況。…查看更多

一早知道朋友八月離開香港，預先早一個月前訂位，但都淨返坐𨋢口位，不過都值得。餐廳非常貼心，預先詢問要唔要留刺身，我哋都加$298預訂左一個象拔蚌刺身，新鮮好食。星期五晚每位298另加$30。四個人，一個雞煲但要自己計時炒，雞煲可以選擇辣到亦都可以添食，食完已經有啲小小飽， 但非常期待海鮮。 海鮮除左蟶子有啲煮耐左， 其他都幾好食， 蝦都係新鮮既，中間有烏冬就真係有啲多左。食完海鮮有雞湯飲， 其實係好補身，飲左一碗湯已經急不及待要落牛肉打邊爐， 餐廳裡面有丸，菜可以自己拎，中間有職員問你加唔加牛肉， 但已經好飽, 臨尾仲有椰汁糖水送。 今餐真心性價比高， 仲要高質。…查看更多

難得齊腳～大家都鍾意食雞煲打邊爐，朋友又book到呢間任食無限時嘅雞煲打邊爐，唔係唔去呀嘛😆。可能我地比較遲book枱，所以得出面嘅位可以坐。我地張枱一出lift就會見到，好似去飲咁，一出lift見到張簽名reception desk，有趣有趣😌雖然係坐出面比較open，拎野食飲品都要入返去，但我地覺得又幾好呀，夠晒涼（因為個吹風機就係我地隔離😂），如果坐裏面就會迫同埋好嘈😂..一開始就先黎雞煲..我地6個人有兩個，服務員有教我地點食。個雞煲勁香又夠麻辣💯。食完個雞煲，陸續有黎..雞煲之後，我地加左錢要兩個刺身,分別係龍蝦同象拔蚌😍兩款刺身一d都唔Hea ，大大份勁抵食🤩再黎一大籮蒸海鮮🥳🥳，食落去感覺ok，應該幾新鮮😋再黎兩煲燉湯： 烏雞燉湯同蘿蔔清湯腩湯，呢兩個湯算系真材實料，烏雞湯夠晒藥材味，蘿蔔清湯腩清清地得黎又有胡椒香味😋飲完呢2個湯，人都滾晒😂跟住就開始打邊爐喇…不過我地已經飽得七七八八😂。所以都係hea hea地烚下菜，響鈴同埋d牛肉😂…聽聞係手切牛頸脊到最後服務員就送埋糖水比我地埋尾（有小小失望因為唔係雪糕🤣）仲叫我地慢慢食，唔趕我地走🥰總結：任食黎講真係幾抵食，除咗係出面自助拎嘅配菜Hea Hea 地之外，所有食物質素都算中上，尤其是雞煲同燉湯👍🏼，想任食無限時打邊爐，我都會推介尖沙咀斗滾比大家😆…查看更多

見到近期斗滾好紅，好多朋友都食過，我想訂位，但好爆，要三星期前預約定先有位。於訂座時間前15分鐘到，全場爆滿，坐到出𨋢口，勁爆場，等左25分鐘先入到座，一埋位有人教你食：第一部先食雞煲，可以任食。第二部吃蒸海鮮。第三部打邊爐，牛同豬都可以任食。雞煲二人份量勁多，食極唔完，而且味濃肉嫩，加埋豆卜食特別惹味😋😋蒸海鮮有蟶子、蜆、扇貝、蝦、龍躉片同鮑魚，龍躉好鮮味，鮑魚蒸得剛剛好，有鮑魚味，其他都蒸得過老，中間嘅烏冬索晒啲精華，好鮮味😋打邊爐有任食手切牛同豬，豬好食過牛，牛味比較淡，配料任拎，不過無乜特別同埋係雪櫃雪得太耐乾晒。$268加一食得過啦…查看更多

本身今日係想打邊爐，朋友介紹左呢間食店，於是來左試下。食店位於山林道銀座38，其實呢棟野喺山林道最入，真係好唔起眼，但係成棟大廈都有啲幾出名既食肆，我之前都來過一間rooftop bar，大廈非常新淨舒服，有成4部lift，極快就上到餐廳。 餐廳裝修簡潔，枱都夠大，坐得舒服。呢度基本上得一個set食，跟住佢餐牌既4部曲上菜。 第一式係食雞煲，其實我同朋友都食得幾辣，但係我第一次食，所以保守揀啲左小辣，點知係冇乜辣勁，下次再來食應該會揀中/大辣。但係雞煲香口，味道濃郁，有炒炒孜然粉既味道，亦都有麻香，幾唔錯。店內姨姨會教你炒，炒4次就可以食，有埋計時器提供，幾貼心。 第二式係食蒜蓉蒸海鮮，呢個相對來講一般般，不過份量幾多，款式都多，有扇貝、鮑魚、聖子、蝦同埋斑塊。因為夠多蒜蓉，而我係garlic fans，所以整體來講都ok。我本身唔鍾意食海鮮，不過呢度我估都係雪藏海鮮，唔重海鮮味，但係唔難食。 第三式就係飲湯，飲完湯就係第四式用個湯打邊爐。個湯底係蕃茄著仔湯，味道偏鹹，應該都落畫味精，不過真係有新鮮蕃茄同薯仔，飲飲下都幾好味。重點係之後佢上左碟牛頸脊，真係好滑好好食！我驚艷左，但係記得淥幾秒就要食，咁先唔會鞋！店內仲有其他土鍋配料比你自己攞，款式雖然唔算多，但係我覺得都夠，因為食到邊爐已經幾飽，同埋仲有飲品任飲！ 呢餐人均$298，個人覺得真心幾抵，好難有埋海鮮食都唔洗$300！…查看更多