斗滾 (寶輝閣)

一個價錢，四種享受。任食雞煲，手切牛頸脊 、蒸焗海鮮（一次）同養生滋補火鍋。雞煲有5種辣度，不過要自炒，每2分鐘炒一次，總共炒四次，貼心嘅係每枱一部計時器。屋企人唔食得辣，揀咗BB辣，少少香辣吊下味，雞肉鮮嫩，我勁中意既紫洋蔥好juicy。蒸焗海鮮簡直係海鮮愛好者嘅天堂～海鮮肥嫩多汁，無腥味，經過蒸焗嘅海鮮，保留左海鮮嘅原汁原味，又可以鎖住營養。淮山鷓鴣湯火鍋前先飲湯，味蕾瞬間被打開。鷓鴣肉燉煮到軟爛入味，吸飽左湯底精華。淮山都係呢個湯嘅靈魂，煮到軟糯，入口即化，仲有淡淡嘅清甜，營養豐富到不得了。之後落晒啲火鍋食材，吸滿湯汁之後又係另一番滋味。牛頸脊任食但頭兩輪質素好肥，好碎。去到繁忙時間再點，變返口感軟嫩又帶有嚼勁。肉吸飽湯汁後就入哂味，每一啖都係滿滿醇厚香味。…查看更多

第一次嚟食係公司gathering 點知一食愛上 因為真係好抵食！✨蒸海鮮+ 任食雞煲+ 任食火鍋都只係 由飲品、火鍋配料🔥今次揀咗鮮茄薯仔花甲湯🍅🥔 飲落非常甜😋忍唔住飲咗幾碗😌 火鍋配料選擇非常之多 由海鮮、丸類、蔬菜琳瑯滿目 有啲丸仲好有特色 例如係爆汁汁咖喱魚蛋 個人非常推介墨魚滑 魚片💓如果like佢哋FB page仲可以送手切牛頸肉🥩脂肪比例雖然低 但一啲都唔嚡 而且牛味濃郁次次去都食好多盤絕對唔需要擔心唔夠飽~食完仲有水果、甜品(椰汁雪燕🥥)同雪糕🍦 每次離開嘅時候都係大滿足～😌😆提提大家一定要book位！…查看更多

呢間餐廳主打非一般嘅放題，一個價錢就可以食盡雞煲、海鮮拼盤、養生鍋、火鍋同手切牛頸脊🤩🍲斗滾四式任食放題 （星期一至四$268；星期五至日及公眾假期 $298）💗第一式任食雞煲雞煲總共有5個辣度，今次選咗小辣，秘製椒麻辣醬辛辣又有麻香，加咗芫茜、豆卜、洋蔥 、辣椒等配料更加香濃惹味 🌶️雞件炒到雞皮少少焦香，雞肉嫩滑又夠入味🐓💗第二式海鮮盛宴海鮮拼盤包括鮑魚、蟶子、扇貝、海蝦、花蜆、龍躉和讚岐烏冬，全部都非常新鮮，用上蒜蓉粉絲蒸已經係最簡單嘅美味🦐💗第三式滋補火鍋（+$38）香甜椰皇雞鍋用咗1/4隻雞、椰青水、椰肉、杞子同雪梨乾一齊煲，飲落非常清甜滋補🥥💗第四式火鍋任食最後就嚟到打邊爐環節，最回本當然係任食手切牛頸脊，牛頸脊爽嫩軟滑，肉味濃而且有油香🐮另外亦設多款火鍋配料作自取，有海鮮、丸類、蔬菜、麵食等，選擇夠哂多‼️💗每人再一客椰汁雪燕為甜品作結…查看更多

今晚去左位於佐敦既「斗滾」享用2小時既雞煲、海鮮盛宴 & 火鍋馬刀貝刺身馬刀貝刺身卑我想像中大碟，鮮甜爽口 （另外加錢）雞煲雞煲係任食的，分別有5種辣度，每2分鐘揭蓋炒炒，炒四次總共八分鐘，炒完熄爐食得，雞件嫩滑，雞煲醬好惹味海鮮盛宴好大盤海鮮呀，有鮑魚、扇貝、海蝦、花蜆、龍躉 & 讚岐烏冬，加了大量香蒜、蔥、辣椒等調味料，食完呢盤海鮮都飽左7成火鍋選了香甜椰皇雞湯，先飲湯，再打邊爐，手切牛頸脊仲可以任食，另外出面仲有大量打邊爐必食食物，例如丸類、菜、麵、飲品等等大量供應座位坐得闊落舒適，食物質素都唔錯，價錢只需$298就食到咁多款式既食物，一次過滿足晒港人最愛既雞煲、海鮮 & 打邊爐既慾望，性價比高，岩晒大食既朋友過黎食到飽…查看更多

集齊曬雞煲、海鮮同埋打邊爐既斗滾之前聽唔少朋友去食過，都話唔錯，今次預早訂左位，去試下係咪真係咁抵食先！今次去嘅係佐敦分店，上到去已經好多人等緊，好熱鬧，佢哋主打分4 part嘅食法，首先係雞煲，然後海鮮鍋，最後打邊爐同埋手切牛，雞煲味道幾惹味，份量唔算多，但可以過下口癮，食完之後職員仲問我哋要唔要加，最後我哋嗌咗一個辣一個唔辣嘅雞煲，我比較鍾意辣嘅，因為較開胃。然後就係佢哋最出名嘅海鮮鍋，按人頭每人一份鮑魚、蟶子等海鮮，味道唔錯，都幾新鮮，整體嚟講都合格。最後係火鍋任食，佢哋嘅手切牛肉唔差，仲有啲蝦滑、魷魚等其他菜品，食到最尾已經好飽，一餐可以品嚐晒雞煲、海鮮同埋打邊爐，真係幾滿足。不過佢限時90分鐘，時間真係唔係幾夠，如果食得慢嘅朋友就會有啲趕，但整體嚟講都唔差，如果又想食雞煲又想打邊爐嘅朋友，不妨嚟試一試。…查看更多

回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指數: 💰💰💰(TTL $983.4，人均消費$327.8)環境質素: ☘️☘️☘️可以任食既餐廳越來越多，但未至於間間質素都好好。同屋企人咁啱食到呢一間，既有雞煲，又可以同時打邊爐同食海鮮，真係不得了😍。斗滾四式仼食 ($298; 星期一至四$268)雞煲+海鮮盛宴+火鍋+高質牛肉 +甜品頭盤 - 雞煲有5種辣度可以選擇! 雞煲雞件份量都好多，唔夠可以再加😉叫左小辣，整體好香，連怕辣既人都接受到既辣，而且雞肉都鬆軟嫩滑海鮮盛宴有鮑魚、蟶子、扇貝、海蝦、花蜆 & 龍躉，全部都佈滿重重既蒜蓉粒，味道勁香，而海鮮食落鮮甜多汁🤤最鍾意係鮑魚&蟶子，爽口彈牙有讚岐烏冬墊係海鮮下面，所以每樣海鮮汁都滲左入烏冬裏面，食起嚟味道一流😍火鍋仼食揀左養生燉湯，裏面甚至有烏雞添，飲落清甜，感覺好似即刻潤肺護肝咁😂😂只要現場Like左 FB/IG，就可以任食手切牛頸脊同黑豚肉。牛頸脊每塊都好厚肉，全部都平均佈滿脂肪，幾夠牛肉味又有咬口甜品 - 椰汁雪燕 食完感覺即刻皮膚靚返晒，順便清埋熱…查看更多

今日再次光臨斗滾，但唔係尖沙咀山林道嘅分店，而係去咗位於佐敦嘅佐敦道新店（前舖位餐廳係倫哥尊尚火鍋私房菜）。地方大咗，坐位寬敞咗，坐得舒服咗。收費$298一位，另收加一服務費，午市有九折優惠（12：00 - 16：00）。食品款式無變，雞煲惹味、蒸海鮮拼盤新鮮、烏雞燉湯清甜、火鍋（手切牛頸脊夠厚度有肉味，黑毛豬彈牙）、椰汁燕窩糖水滋潤，質素仍然好好，服務亦不錯。一班朋友慢慢一路食，吹吓水，過咗過愉快嘅中午。PS：只收現金。…查看更多