阿閒泰 (K11購物藝術館)

其實K11購物藝術館內都藏了不少高質素餐廳。今晚約了好友吃晚飯，選擇了2樓的「阿閒泰」，感覺不錯。一向喜歡吃泰式小食，鹹香美味令人食不停口！而這個拼盤就分別有柚子沙律、炸肉棗、軟殼蟹米卷、泰香葉墨魚餅、咸蛋黃雞翼和燒豬頸肉共6款小食。軟殼蟹米卷外皮微微煙韌，包裹着脆身軟殼蟹。咸蛋黃雞翼經單骨處理，咸蛋黃香氣十分誘人。豬頸肉燒得好香。泰香葉墨魚餅非常彈牙，內餡混入香葉等配料，豐富了口感。串燒一份有2串。羊肉以炭燒方式處理，味道帶焦香。不過稍嫌肉質有點柴口。河粉炒得好香，闊條令它掛上更多醬汁更入味，口感略帶煙韌。據知粉麵全是由泰國直送空運過來的。豬肉份量挺多的，充滿醬油香氣。而且還伴有雞蛋和芥蘭。奶綠賣相蠻漂亮的，綠白分明的顏色分層，還放了一串焦糖香蕉作點綴。因為泰式飲品的關係，整體甜度會偏高。另一杯特調以氣泡水沖製，清爽感十足，入口盡是鳳梨的甜香味。…查看更多

🙋🏻‍♂️餓底探員去尖沙咀調查呢間泰國菜，餐廳走木系風格，泰國直送食材及私房製醬汁，以新派手法融合於西式菜餚入面，主打泰西fusion菜式，仲有私房泰式粉麵，創意手工甜品，特飲同雞尾酒，可以體驗到不一樣嘅泰式風情🍗泰鹹蛋黃金單骨雞翼 $78🙋🏻‍♂️表示單骨雞翼炸到金黃色，表面以鹹蛋黃醬包住，外脆內軟，雞肉嫩滑多汁，食落充滿住鹹蛋黃醬嘅鹹香，香口惹味🦀脆炸軟殼蟹米紙卷配牛油果醬 $128🙋🏻‍♂️表示香滑軟糯嘅米紙卷包住脆炸軟殼蟹，口感對比強烈，軟殼蟹炸得香脆，肉質鮮甜，配上香濃牛油果醬，增添清新氣息🍝冬蔭功濃汁虎蝦意大利麵 $148🙋🏻‍♂️表示以傳統泰式冬蔭功融合意大利麵，配上大蝦，青口，魷魚等海鮮，麵質彈牙，每啖都充滿濃郁冬蔭功汁，香辣惹味，將泰西料理完美結合🍜清萊咖喱豬頸肉金麵 $86🙋🏻‍♂️表示呢個金麵係泰北經典麵食，麵質爽彈充滿蛋香，配上香軟爽口嘅豬頸肉，咖喱湯頭辛香濃郁，帶有濃厚椰香，面頭放上脆炸嘅麵條增添口感🍋阿閒泰氮氣冷泡檸檬茶 $58🙋🏻‍♂️表示檸檬茶用港式茶底配上西式茶葉，以冷泡方式處理，配上鮮榨檸檬汁，冷泡茶注入氮氣形成泡沫，飲落香醇細滑，營造出啤酒般嘅口感，非常特別🍵阿閒泰奶綠 $48🙋🏻‍♂️表示綠茶同奶形色夢幻嘅漸層，飲落茶味甘香，底層有香甜嘅煉奶，配上經焦糖化嘅香蕉，增添甜蜜氣息📈吃貨指數😋好味度 9/10🔙返啅度 9/10…查看更多

🍃同𡃁妹幾耐無見？難得一見，熊妹就帶𡃁妹食好西喇！📌好耐無同𡃁妹食泰國野🇹🇭？熊妹之前同家人試過《阿閒泰》銅鑼灣店，食物味道夠大眾化😋，擺款精緻，價錢又唔貴，今次就同𡃁妹一嚐尖沙咀店。📌位於K11 2️⃣樓，一上電梯就係。成間店鋪佔據2️⃣樓一個角落，地方好開揚，一個個長型或圓形卡位包廂，坐得好舒服。沙律醬烤粟米條，$58泰國菜來講好少見到呢款小食，又幾特別喎！粟米一開四，烤熟後撈上帶辣味的沙律醬，灑滿芝士粉🧀，酸甜沙律醬帶少許辣味再滲出鹹香芝士味，確實好惹味！紅菜頭芒果米紙卷，$58 賣相紅紅黃黃好吸引！米做的米紙皮包裹住粒粒芒果粒🥭、紅蘿蔔絲🥕同埋紅菜頭絲，無添加醬汁就係食食材的原味！芒果粒夠甜有汁，紅菜頭夠軟身，夾埋一齊食感覺好清新💫。泰魚露炸單骨雞翼，$78單骨雞翼有十隻，奇脆炸起好夠脆無油益味，加點魚露多點鹹味，成隻單骨雞翼放入口再原條單骨拉出來，就係近期單骨雞翼咁受歡迎的地方。泰式醉貓炒黑毛豬肉手工卷粉，$138主食點了這款手工卷粉，餐牌話係皇牌之選👑。手工卷粉一卷卷一舊舊，食落有咬口，掛上醬汁一舊舊食，係粉類的另類食法。配料有紫洋蔥絲🧅，豆角粒，蛋碎同豬肉片，濃汁味濃，炒埋一碟好香，果然係皇牌推介菜式。椰香芒果黑糯米，$78𡃁妹話想食芒果糯米飯，用上黑糯米比較甜一點，半隻芒果🥭放上飯上夠哂份量，最驚喜係糯米飯入面都夾了芒果果肉，令食每一啖飯都充滿芒果同糯米，做法出色，果然係招牌甜品。原味泰茶配自家奶茶雪條，$68熊妹其實都幾鐘意飲泰式奶茶，又最鐘意食雪糕，見到呢款奶茶配雪糕即刻心心眼😍。其實呢款簡直係飲品連甜品組合，有原條奶茶雪條，再跟上一樽泰式紅茶同一杯仔花奶🥛，沖入紅茶入面變奶茶🧋。泰式奶茶茶味濃，味道偏甜，有獨特的茶味比奶味更出，一飲就會知呢個係泰茶。可以好似affogato咁食法，將溝好的泰式奶茶倒入雪條杯入面🫗，又可以食到溶溶地的雪糕，又可以飲到奶茶。不過熊妹認為先獨自吃掉了奶茶雪條，品嚐完美味creamy的奶茶雪條後，再慢慢歎奶茶，咁樣食法可以食出原汁原味，唔會溝淡了，係熊妹認為的最佳食法。阿閒泰奶綠，$48𡃁妹想試下泰式牛奶綠茶，分成兩層面，上層綠茶，下層牛奶，望落去的綠色好搶眼，攪拌後就得出牛奶綠茶，泰式沖出的茶類都比較偏甜，所以綠茶味唔算好出。📌多款泰式美食，賣相精美，價錢相宜，最主要環境坐得舒服，好適合多人聚餐。📌今晚到來，客流源源不絕，全場爆滿，仲要等位，可見受歡迎程度頗高，今時今日真係唔容易。…查看更多