蕃滿門

今日放工約左朋友系九龍灣食飯。由於好想食蕃茄，諗起office 附近有間專食蕃茄湯底既食店，就決定試下。地點人流唔多既關係，放工時間完全唔需要等位。 我叫左吉列豬扒拼雞翼經典蕃茄湯。蕃茄湯好重蕃茄味，而且好甜，再配埋炒蛋，非常好食😋但對吉列豬扒同雞翼有少少失望。豬扒雖然炸得好脆，但胡椒味偏重，如果少D胡椒味會更好。雞翼味道不錯，但偏乾，可能炸得有D耐🤔另外仲加左個小食－花枝丸，味道吾錯，但有D 辣。 朋友叫左鎮店蕃茄湯粉，揀左雙重芝士蕃茄湯少辣。我試左一啖，加芝士落蕃茄湯又幾夾幾好味喎😍。個湯粉份量十足，有好多配料，絕對吾系一人份量，兩個人食應該都夠飽。總括而言，蕃茄湯係甜甜的，水準唔差，但配料就一般（可能係因為我地唔識叫）下次再試其他配料試下。…Read More

召喚喜愛蕃茄嘅你地📣今日難得黎到e-max等睇戲，見仲有時間就係附近食個lunch先！呢到好方便係自助式嘅，只要落完單等牌仔響就可以出去取餐啦😋· 🍅鎮店蕃茄湯粉 (HKD 68)湯底揀左香辣湯配公仔麵，可以自由選擇辣度，我地揀左微辣。呢碗公仔麵真係超大碗呀😍食落有好香甜嘅蕃茄味呀！仲見到一大粒蕃茄係湯底到👏🏻總共仲有7-8樣餸，例如有牛腩同煙鴨胸片。好飽好抵食！·🍅厚切餐肉腸仔螺絲粉 (HKD 56)今次特登揀左個雙重芝士湯底，太吸引了🤩芝士份量真係好多，拉絲拉到隻手伸直哂都拉唔斷😂塊餐肉真係厚到不得了！！腸仔都有煎過，好香👏🏻蕃茄味湯底真係好濃郁！·🍟炸薯條 - 芝士味(HKD 18)薯條份量都好多😍夠粗身而且外脆內軟，最正係薯條夠咸味！最怕食到無味嘅薯條，芝士醬都夠鹹香，好正🤩📍 蕃滿門地址：九龍灣展貿徑1號E-Max 國際展貿中心2樓12號鋪…Read More

久不久會去九展睇戲, 貪佢依度人少D, 同D院新D又大D, 最重要係有4小時泊車優惠, 不過之前依度真係無啖好食, 去得最多都係麥當奴, 但而家唔同喇, 係2樓開左食街, 多左好多唔同野食  。人最多又最近電梯口既係蕃滿門喇, 佢依間餐廳主打蕃茄湯既粉面, 見到餐牌有個叫鎮店蕃茄湯粉就一於試下, 我揀左鑼絲粉同小辣, 收銀會俾個咇咇機你, 響機就自己去攞。依個鎮店蕃茄湯粉真係好大碗, 第一時間就試下個湯先，蕃茄味好正下，唔係個啲鮮茄湯既味，無咗啲蕃茄個啲腥味，係有甜味既蕃茄湯，但係點解無辣味既呢？原來我未撈勻個湯，我覺得小辣已經好夠，佢既辣似辣椒醬既，同蕃茄湯好夾。啲餸就普通啲，都有5，6樣野，都可以叫豐富既，如果想食好啲既我就推介豬手喇，餘咗係肥啲之外，性價比都幾高。蕃茄湯粉黎講，依間唔會失望。…Read More