上戶酒場 (已結業)

-今次同閨蜜一齊食好西，裝修走傳統日式木系風，播放住日本嘅音樂，令我好似去咗日本🇯🇵屋洒屋一樣，食物方面都好多元化，從刺身、熟食、串燒同拉麵都有，亦有比較創新菜色。前菜🥒🥕野菜條伴鯷魚醬第一次食呢個組合，屬於超特別嘅前菜，蔬菜嘅鮮甜中和咗鯷魚醬嘅鹹鮮味，令到整體味道變得平衡。🦐刺身盛合五款 🐟（赤鯛/赤蝦/油甘魚/生吞拿魚/三文魚）全部都好新鮮、大件厚切，特別鍾意；赤鯛 - 屬於高檔嘅刺身食材，味道清鮮甜美，咬到中間肉質綿密黏密。赤蝦 - 大大隻赤蝦，入口鮮甜彈牙。🥢揚物蟹肉蟹膏炸豆腐上面除咗蟹肉蟹膏，仲有蟹籽，豆腐雖然係炸，但係入面嘅豆腐超級滑，滑到好似玉子豆腐咁嘅質地，整體味道都平衡。🍻酒肴泡菜炒牛舌尖我本身勁鍾意食牛舌，呢一隻入口類似四川辣，牛舌煙靭有口感，加埋泡菜超級惹味，呢個餸酒一流，屬於重口味之選。🍢燒物鐵板原隻龍蝦三隻龍蝦蝦蝦 🦞 食到笑哈哈燒得勁香，龍蝦上嘅芝士溶化咗，配合咗少少黑椒，勁香口，中間嗰隻拆晒肉配合蟹籽喺上面，啖啖肉都算新鮮爽口。💮串燒 洋蔥牛小排/ 廣島蠔🦪/ 三文魚籽帆立貝全部都正常發揮，燒得啱啱先 (・∀・)蘋果豚肉卷呢個是我整餐至愛，蘋果好甜爽口，配合豚肉可以中和油膩，呢個卷可以不停食都唔膩。🍜食事 🅜🅐🅘🅝 🅓🅘🅢🅗日本豬骨湯叉燒拉麵其他食物太出色，顯得呢個拉麵一般般。甜點 🍭黑糖紅豆蘋果呢個甜點好好食，有啲似蘋果批，蘋果夠爽口清甜，再加日式紅豆蓉，再加上黑糖醬放喺批面，呢個配搭好match。推薦指數：⭐️⭐️⭐️⭐️⭐️ 整體食物質素都好高，氣氛同服務都好好，食飯最緊要開心，下次會點清酒令用餐體驗更完美～( ♥д♥)…查看更多

平時去九龍城就食泰國菜多，喺九龍城食日式居酒屋都係第一次😝今次朋友提議試呢間＜上戶酒場＞，真的很不錯！食物高質，新鮮又好味九龍城真係臥虎藏龍呀！＜上戶酒場＞鄰近港鐵宋皇臺站B3出口，再步行2分鐘就到，好易搵又方便店內環境酷似傳統日式居酒屋，好有親切感店內坐位又有空間感，不會焗促濟逼，可以同朋暢所欲言！店員服務態度親切友禮，還會為我同朋友不定時添加茶水，很貼心整個用餐過程都很愉快！店內還會不定期更換menu,下次再嚟食先今次同朋友點咗：野菜條伴鯷魚醬（前菜）刺身盛合五款蟹肉蟹膏豆腐泡菜炒牛舌尖鐵板原隻龍蝦日式叉燒拉麵：豬骨湯黑糖紅豆蘋果（串）蘋果豚肉卷（串）洋蔥牛小排（串）廣島蠔（串）三文魚籽帆立貝（串）…查看更多

屯馬線開通之後，偶然都會去九龍城搵食！除咗泰國嘢之外，呢幾年原來進駐咗唔少高質嘅日本居酒屋。Happy Friday！同事就帶我哋去食呢間海鮮都係由日本直送嘅居酒屋，刺身新鮮肥美超大件，🥰真係好正呢！呢間居酒屋喺宋王臺B出口出，行 5分鐘左右就到。🪵門口同內部都係木系裝修，枱係可以自己組合，隨時變成幾張大枱，入到去就有幾枱日本大叔喺度收工啤一啤，超有氣氛！🥕野菜條伴鯷魚醬 $32一開始少少哋叫咗個前菜食住先！蘿蔔、青瓜切成一條條，其實有啲似兔仔食糧，哈哈～不過重點係旁邊用火爐仔熱住嘅鯷魚醬，鯷魚醬加咗沙甸魚同多春魚，鹹香十足。沾爽甜嘅野菜條食，絕對衝擊味蕾，送酒一流！🍏松葉蟹肉青蘋果蟹籽沙律 $118爽甜嘅青蘋果絲配上滿滿嘅蟹籽同松葉肉，入口清新又帶有卜卜口感，夏天就係要食啲開胃嘢！🦪仙氣町生蠔 $196/2生蠔喺宮城縣仙氣町直送嘅～手掌咁大，肉質爽身，厚肉肥美，而且十級鮮甜！🐟刺身盛合(五款) $348刺身盛合嘅刺身都係新鮮從日本空運到港，有啲咩都係每日由廚師自己決定。今次就有赤鯛、油甘魚、三文魚、吞拿魚腩同埋帶子。每件都切得勁厚身，肥美新鮮啖啖肉！當中嘅吞拿魚腩油脂十足，就算厚切都入口即溶；而赤鯛爽身鮮甜，完全無筋；帶子亦都非常厚用彈牙！三百幾蚊雖然都唔平，但物有所值！🦞鐵板原隻龍蝦 $788同事想食龍蝦，一於捨命陪君子！原隻龍蝦已經起肉切件，好貼心！龍蝦輕輕燒過，焦香提鮮，肉質依然保持鮮嫩彈牙有肉汁，而且仲有唔少膏，甘香十足！加埋蟹籽同少量調味，超級好食！🍕煙燻五重芝士Pizza $118呢個 Pizza 好特別，用一個煲上枱，一打開就聞到陣陣煙薰味！店員話 Pizza 係用櫻花木煙薰過，簿簿嘅餅底少少脆口，唔會硬，5重芝士嘅味道好有層次，加上煙薰味，食落鹹中帶甜，一啲都唔膩！鍾意重芝士嘅朋友一定要試！🫓鐵板豆腐 $58鐵板豆腐用嘅係外酥內軟嘅普寧豆腐，淋上牛肉汁之後炸炸聲，超香超惹味！🥒粒粒麵豉青瓜 $58最後叫咗個粒粒麵豉青瓜清清喉嚨，清爽嘅青瓜配上惹味嘅麵豉，又一送酒佳品！…查看更多

就算係泰國菜🇹🇭最多既九龍城區我都揀左食日本野🥢餐廳以木系為主🪵有傳統日式居酒屋既感覺🏮~•~•~•~•~•~•~•~•~•~•~•~•~•~•~•~•~•~•~• ☀️𝐋𝐮𝐧𝐜𝐡 𝐒𝐞𝐭☀️(包海鮮味噌湯🥣 • 沙律🥗)海鮮味噌湯好足料，有蜆 • 蝦...飲落好甜🌊.▪[𝐃] 上户刺身壽司盛 ($268)九宮格木盒裝，咁靚又可以俾我打卡啦🥰對𝐊𝐞𝐞𝐩𝐅𝐢𝐭中既朋友仔，一次過食𝟗件壽司，可能太多🫣但依個盛盒，部份係刺身，仲係厚切🔪夠滿足又唔洗驚食多左澱粉🤪壽司🍣 鰻魚 • 黑松露帶子 • 炙燒左口魚 • 油甘魚 • 磯燒鮑魚軍艦刺身🐟 有三文魚 • 赤蝦 • 赤鯛.▪[𝐆] 伊比利亞豬 • 牛舌尖丼 ($128)牛舌尖係牛舌中比較有咬口既部份🤓唔可以太厚切，厚薄適中🤌🏻𝟐款配料都有好多塊，夠晒滿足🤗.▪鐵板原隻龍蝦 ($788)龍蝦2種食法揀 (活龍蝦刺身/ 甲羅燒)我地揀左後者，勁香口🔥面頭加左勁多蟹籽🦀仲拆埋殼啖啖肉🤭.▪𝐎𝐫𝐢𝐨𝐧啤酒 ($52/枝)居酒屋食野，梗係啤啤先夠爽，乾杯🍻店員哥哥仲好好幫我地斟落杯🍺.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~•…查看更多

同朋友慶祝生日，專登帶他來九龍城這家，滿有氣氛，令人好似置身日本🇯🇵的居酒屋我先點了兩款午餐set，再特別加鐵板龍蝦🦞鐵板原隻龍蝦🦞重頭戲🌟即場鐵板燒🔥 一大隻龍蝦🦞，熱騰騰的，上面灑滿蟹籽，龍蝦肉嫩爽彈，鮮味十足😋，配啤酒🍺或sake🍶一流上戸刺身壽司盛🍱九宮格盛合，每一格都放上不同的刺身壽司，整整齊齊，而且非常美觀😍刺身分別有厚切三文魚、厚切赤鯛、及赤蝦，赤鯛綿密黏滑，入口鮮甜壽司就有黑松露帶子、左口魚、磯煮鮑魚、油甘魚、汁燒鰻魚，每款都有不同烹調方法，各具特色。 一次過可以食到咁多款，好滿足😌伊比利亞豬及牛舌尖丼🥘滿滿的一碗，份量好多，伊比利亞豬肥美，肉味濃郁；牛舌尖爽口彈牙，帶有嚼勁。飯沾了醬汁亦非常好味另外每個套餐都伴有沙律及配料豐富的海鮮味噌湯🍤…查看更多

以家無得食晚市，想食好啲，又唔想自己煮，就梗係去最多好嘢食嘅九龍城覓食啦。今日就去食下呢間上戶酒房先！——————————————入去見到個裝修就覺得好有日式居酒屋啲氛圍，咁我就坐喺bar台位，可以直接見到師傅。嗌完嘢食，好快就送到了。首先係個前菜，呢個鯷魚醬咸咸地，配埋野菜條掂嚟食，個味好夾。我最鍾意係個蘿蔔掂醬，因為佢個蘿蔔條好鮮甜，加上個醬咸咸地，超特別又好開胃。之後就到咗個刺身盛，佢就有五款刺身，包括北海道海膽、牡丹蝦、油甘魚、吞拿魚同三文魚。佢另外仲比咗啲紫菜你包住海膽同青瓜食。我首先就食咗蝦先，蝦肉好結實鮮甜，唔會好似出面嗰啲霉晒咁，另外佢個蝦頭都好多膏同肉，要記得食埋。跟住就係油甘魚同三文魚，佢地都超肥味勁鮮甜。最後就係吞拿魚，啲油脂勁多， 入口即溶，超香。下一道餸就係鐵板原隻龍蝦，佢係將一隻龍蝦身嘅蝦肉炒到一粒粒，再加調味。啲蝦似炒完超彈又唔會好乾身，用嚟送酒一流。跟住就係蕃薯串同雞翼串，蕃薯串燒完之後勁甜，雞翼燒到好多汁，唔會好乾身，重點係佢地都有用煙燻過，食落係有一陣煙燻木嘅味。就後都係煙燻嘅餸。有豚肉腸、豚肉腩同鱈場蟹腳。佢個豚肉腸入面都係勁多汁，豚肉嘅香味加埋煙燻起夾。而佢個腩肉燒完係一啲都唔會好乾好硬，相反，個腩肉係超淋。而佢個蟹腳，雖然肉唔多，但係啲蟹肉都仲有陣海水味鮮得嚟又咸咸地，起正。最後嘅最後就係個龍蝦湯飯，師傅係將個啱啱鐵板嘅龍蝦頭再加日本味增煮出嚟嘅湯，加埋飯，煮成呢碗湯飯，成碗飯嘅湯雖然加咗味增，但唔會過咸。最後食埋呢個就啱啱飽埋，一級棒！！！雖然價錢唔可以話太平，但係食嘅時後就好似去咗日本咁，食佢嘅食物質素同環境都值回票價。…查看更多