玉桃軒酒家 (鱷魚恤中心)

今日去咗觀塘鱷魚恤大廈玉桃軒飲茶，下午茶時段好抵食。環境裝修不錯，樓底高夠光猛，唔會太迫，而且仲可以望到觀塘景色。金絲脆蛋散大大碟唔使$20非常抵食，外層夠晒鬆化，蜜糖再多啲就更加好。叉燒湯米線叉燒靚半肥瘦，份量足，米線幼滑。豉汁煎釀茄子一碟四大嚿，新鮮即製熱辣辣，醬汁滿滿。藥膳浸雞腳真材實料，上枱已經聞到一陣藥膳香氣，雞腳炆好腍身。惹味牛孖筋滿滿的，份量十足。牛孖筋勁多骨膠原，炆得好入味同腍身。蝦籽燒賣皇好大粒，而且好足料肉和蝦的比例啱啱好，蝦籽增添口感。香滑流沙包新鮮上枱，熱辣辣，名副其實的流沙。五式點心拼盆極力推介，有五粒唔同點心，包括蝦餃，粉果，鮮蝦豆苗餃，雞包仔和黃金糕，同樣熱辣辣，CP值高。是日糖水優惠價12.8，今日係芋頭紫米露，好足料有好多芋頭，真材實料，唔會水汪汪也唔會太甜。總括嚟講，環境坐得舒服，食物質素唔錯，下次會再幫襯。…查看更多

在鱷魚恤中心報旅行團，攪掂好心情愉悅，一於食好D，晚飯就楝在「玉桃軒」，因為片皮鴨很吸引。上菜快，以蒸爐盛載的熱烘烘的餅皮，青瓜、蔥絲及自家秘製的醬汁，已經準備就緒，亮麗肥美的片皮鴨，一片又又一片在鋒利刀鋒片下來，發出清脆卜卜聲，是多麼誘人呵！我們也不客氣，立刻包裹香嫩的鴨肉及富有油香的酥脆鴨皮、配料和醬汁，就大口大口地往嘴巴送，此刻沉浸著美味的享受中！片皮鴨套組合餐是可以選擇一款心儀小菜，我們楝黃金蝦球。黃金蝦球~爽脆的超大蝦肉被薄脆炸漿包裹著，外蘸上甘香鹹蛋黃金沙，美味極了！我們還多選一款小菜，菠蘿咕嚕肉~菠蘿、紅洋葱和三色椒帶來豐富蔬果，咕嚕肉外脆內嫩滑，甜酸汁更抵消吃過片皮鴨的油膩感。上湯伊麵~油炸的蛋麵成為粵菜經典之一，伊麵吸收上湯又成了一道簡單又清香美味澱粉質主食。我們越食越開胃，最後嘆甜品：金絲脆蛋散~香酥脆，蘸少許蜜糖吃，清甜可口。香芒布甸~有果香，夠清新。薑汁燉鮮奶~有奶香，很滋潤，但薑汁略遜。…查看更多

星期日同家人飲下午茶，喺觀塘鱷魚恤中心隨意搵咗一間酒樓。👀餐廳環境：唔錯。幾鍾意個落地玻璃位，可以望到觀塘近地鐵站景色，光線十足。推介美食：紅燒BB鴿肉質細緻，炸得啱啱好唔會太燶，保持肉汁，外皮脆脆，新鮮炸起。五式點心拼盆有五件點心大大嚿好抵食，包括蝦餃，粉果，豆苗餃，薑汁糕和合桃包。想讚吓粉果餡料正宗豐富，合桃包也唔會太甜餡料合桃味濃，唔錯。咸菜豬大腸其實邪惡之選，但久唔久食都唔錯，鹹酸菜非常入味。豉汁煎釀茄子有四大嚿，新鮮整起，俾咗蝦餃和魚肉釀成，配合茄子好夾。蜆芥炸鯪魚球鯪魚球炸得鬆化，蜆芥醬好野味。金絲脆蛋散性價比高，好大碟，但橙食得出蛋味配上蜜糖，好味。總括嚟講，點心質素都唔錯，而且有下午茶優惠，假日只係每樣加$3 ，都算抵食。…查看更多