「金記冰室」近年擴展迅速， 之前主要集中於港島區發展， 而家九龍區都有好多分店啦！ 九龍人有口福啦！ 「金記冰室」屹立於香港🇭🇰已經有50多年， 餐廳貫徹懷舊冰室嘅裝潢， 保留着七十年代舊香港嘅味道～ 連食物款式都「港式港味」， 「荷蘭唂咕」、「保衞爾牛肉汁」、「滾水蛋」等。 而家茶餐廳仲可以用scan code落單，真係好先進， 仲有好多custom嘅選擇， 麵淋麵硬冇難道！ 食健康啲少鹽少油都得！👍🏻 唔想煮飯或出街食？ 而家晚市外賣自取仲有88折優惠～ 🌟推薦❗️招牌鮮豬潤通粉 配香滑炒蛋、牛油多士（$52） 要求左爽啲通粉真係爽啲！😂👍🏻 湯底出乎意料之外地好！😯 完全唔係普通嘅清湯或雞湯， 而係有杞子、薑絲嘅補身湯，可以飲埋都冇問題！ 鮮豬潤雖然唔係話真係好鮮嫩個種， 不過都叫做鮮香味美， 炒蛋炒得幾香滑，不錯吃！ 跟餐加$13可以試埋懷舊特飲—綿滑蛋白杏仁茶 真係有一整個蛋白係裏面！ 杏仁茶杏仁香十足！媽咪好滿意lol😂 好少茶餐廳咁好可以少鹽少油！ 梗係要試下健康版金牌干炒牛河（$58）「金記冰室」就做得到啦！ 河粉炒得都算幾均勻幾乾身， 牛肉大大塊，夠晒足料！ 整體炒得幾有鑊氣！🌟推薦❗️ 🌟推薦❗️金磚風沙炸豆腐（$65） 外皮超薄又炸脆， 一咬落去，超軟滑嘅豆腐就要滑出嚟！ 真係要讚一讚師傅嘅功架！ 梅菜扣肉（$68） 梅菜夠多，吸晒扣肉汁嘅精華，鹹香味美，拌飯一流！ 唯扣肉偏瘦，小編略嫌唔夠肥唔夠軟熟， 不過就夠健康！所以兩睇啦～睇你追求咩？ 最後仲要左個金粒西多配雪糕（$38） 🌟推薦❗️ 一口西多，遵循傳統，裏面有一層花生醬， 仲要配埋朱古力雪糕，會唔會係太邪惡？ …查看更多
馳名嘅海南雞套餐， 一於要半隻先～半隻分量好足， 件件都啖啖肉， 雞皮夠爽，肉質嫩滑 雞味算唔錯。 
薑蓉加咗少少沙薑粉提味， 甜豉油很有風味， 鹹酸菜也讓胃口大開。
例湯 ：老黃瓜黃豆湯， 清甜滋潤，好下火。如果白飯轉為油飯更good ~雪山菠蘿冰除咗紅豆冰，菠蘿冰都係茶餐廳好經典嘅特飲！ 透心涼正呀
。杯型係靚但杯底頗窄， 匙羹都擠不進有点難搞。
沙嗲牛肉麵 配火腿奄列油多濃香嘅沙爹牛肉，令一個普通嘅即食麵生色不少。 煑得啱啱好麵質好爽。
金粒西多配雪糕$28西多粒炸起夠乾身，配雪糕頗滋味
