點心到 (廟街)

餐廳為茶餐廳風格，上點心速度較慢，但整體味道好味1. 卡通流心芋蓉包味道: 8/10 ⭐️性價比: 8/10 ⭐️推薦: 8/10 ⭐️可愛造型的包，味道也很好味，芋蓉味重，包也十分軟熟2. 豉汁蒸鳳爪味道: 7/10性價比: 7/10推薦: 7/10呢度點心正常發揮，同平時茶樓食嘅差唔多3. 晶瑩鮮蝦餃味道: 7/10性價比: 7/10推薦: 7/10蝦餃的蝦好新鮮，而且好足料，啖啖蝦肉4. 金沙脆皮銀蘿腸味道: 8/10 ⭐️性價比: 7/10推薦: 8/10 ⭐️外觀望落普通，但軟熟的腸粉包裹着香脆的炸兩，令口感更有層次，推薦👍🏻 略嫌腸粉較少，如果多一條會比較開心🤣5. 燒汁釀虎皮椒味道: 6.5/10性價比: 7/10推薦: 6.5/10呢度點心令我諗起煎釀三寶😂 冇咩特別，但材料新鮮，味道正常6. 上海小籠包味道: 8/10 ⭐️性價比: 6/10推薦: 7/10小籠包皮薄，內有滿滿的湯汁，味道鮮甜，但一籠只有三個小籠包，令人有少少失望，性價比相對低。7. 黑松露菜苗餃味道: 8/10 ⭐️性價比: 8/10 ⭐️推薦: 8/10 ⭐️菜苗餃好足料，以上面的黑松露，也十分配搭，菜苗之中有淡淡的黑松露味👍🏻8. 黑金流沙包味道: 9/10 🌟性價比: 8/10 ⭐️推薦: 9/10 🌟流沙包軟熟，新鮮出爐，流沙奶黃餡，從包子裏爆出來，好好味🤤 十分推薦…查看更多

小妹尋日中午12點到同屋企人去咗呢間點心到見到出面排晒長龍 超多人等位早知早啲嚟啦😓見到好多人都拖住個篋 好似大部分都系遊客生意🧐我哋等咗差唔多成粒鐘先有位坐低之後見到張枱勁污糟有啲飯粒喺度🥲最噁心嘅系小妹見到有鳳爪骨真系好disgusting🤢睇完都即刻冇咗一半胃口。。。-落單後等咗3個字左右第一籠嚟嘅系…☻︎ 黑金流沙包 $26流沙包系小妹食點心必點嘅item😜啱啱蒸起熱辣辣 熱到攞唔起😂包嘅size偏細 質感就幾鬆軟嘅可惜唔系好夠流心😗食落亦冇乜奶黃沙沙嘅口感甜度就適中嘅但就唔夠香 小小失望🤥味道: 6/10性價比: 8/10-☻︎ 晶瑩鮮蝦餃(4粒) $32人少嘅話可以嗌兩粒 除翻開價錢一樣🙌🏿蝦餃皮唔算太厚 不過口感唔夠煙韌而且好黏 黐住咗張紙 一夾起就爛😅入面嘅蝦肉都飽滿嘅而且爽口彈牙👍🏿不過略嫌佢比較乾身 算系不過不失啦味道: 7/10性價比: 8/10-㋡ 上海小籠包 $25*備註* 一籠系得3件架咋皮夠薄 系個尖尖位有啲厚有個好處就系唔會一夾就穿入面好多湯汁 好juicy😙呢個系唔錯嘅😚味道: 8.5/10性價比: 8/10-☻︎ 原隻蝦燒賣(4粒) $32賣相幾靚😆豬肉佔嘅比較多 同埋偏肥所以食落都比較油膩🤧小妹鐘意魚肉燒賣多啲呢個就麻麻地啦😅但Mami👩🏻就覺得唔錯 好食過蝦餃🤣味道: 6/10性價比: 8/10-☻︎ 金沙脆皮銀蘿腸 $29上面條菜芯好油😕腸粉皮厚薄適中包住嘅蘿蔔絲炸到好香脆👍🏿但食落油膩感偏重同埋中間有芫茜🌿芫茜呢家野我哋大家都唔太鍾意蔽除呢點嘅話整體都系一般般主要系因為偏油😗味道: 6.5/10性價比: 8/10-㋡ 懷舊混醬腸粉 $25份量幾足豬腸粉幾滑身口感軟糯😚上面淋咗花生醬同甜醬但竟然冇鼓油同辣醬😳不過唔緊要 我哋問咗店員佢都攞咗豉油比我哋辣醬對我哋嚟講就可有可無啦🙌🏿整體都可以嘅 不過小妹唔系咁鐘意花生醬所以扣咗啲分😗味道: 7.5/10性價比: 8/10-跟住我哋都仲嗌咗幾樣嘢 不過小妹冇食到就唔詳細評分啦🙇🏿‍♀️純粹比個價錢大家做個reference ↣ 薑蔥牛柏葉 $28小妹有食到舊蘿蔔😂夠淋 清甜冇渣 略嫌佢偏油不過Mami👩🏻話好食 牛柏葉同蘿蔔都系🤣↣ 欖仁馬拉糕 $22細佬幾鐘意食😂↣ 鮮竹牛肉球 $23佢哋話普普通通🙌🏿↣ 懷舊鵪鶉蛋燒賣 $28↣蜜汁叉燒包 $22↣ 籠仔鳳爪排骨飯 $35呢個份量幾足😳我哋本身想嗌鮑汁鳳爪同榴槤雪媚娘不過已經賣晒但食完其他嘢覺得整體一般般都冇話覺得特別可惜😂-茶芥系$5/位 唔收加一我哋6個人埋單$415 人均大概$70小妹之前見OpenRice咁多好評所以先特登走去佐敦試雖然未去到伏 不過食物質素普通冇網上講到咁好食 有啲失望😗店員服務態度就正正常常啦唔差但冇話特別好咁解不過佢唔收加一就可以理解🙌🏿衛生就真系比較惡劣冇錯我用惡劣形容😥因為佢哋抹咗枱等於冇抹見到啲咁噁心嘅嘢胃口都即刻減半😵‍💫價錢方面的確唔算貴 住附近嘅都可以一試小妹住得遠 應該就唔會再食😬整體評分：味道: 6/10環境: 5/10服務: 6/10衛生: 1/10抵食: 7/10回頭率: 0/10-…查看更多

同朋友喺佐敦見面，見到呢一間點心舖食評幾好就去試一試，我地1點半左右到，剛好食飯時間裏面已經滿咗，前面大約有兩組人，好好彩唔使排太耐，10分鐘左右就有位啦🤩.入面嘅環境比較迫，同隔籬枱好近。枱上面會有一啲透明膠嘅擋板等大家安心啲，但望到板上面有好多食物嘅汁跡，令我對佢地衛生清潔印象唔太好🫣。.金沙脆皮銀蘿腸 $28開頭睇到相會以為係炸兩黎，但原來係腸粉皮包住白蘿蔔絲春卷。黎到重係熱辣辣，裏面嘅春卷皮冇俾腸粉嘅蒸氣整到淋咗，依然脆卜卜，內涵好足料有滿滿嘅白蘿蔔餡，味道清甜。三重口感意外地夾，下次嚟都會再叫。原隻蝦燒賣(2粒) $15燒賣好大粒，上面有原隻飽滿嘅蝦🍤，賣相比平時嘅酒樓燒賣已經吸引得多。🦐蝦爽口唔霉，🐖豬肉唔會彈牙唔硬。最好既係有分兩粒同埋四粒選擇，兩個人嚟食剛剛好。燒汁釀虎皮椒 $24虎皮椒煎得啱啱好，有少少焦香味好食。不過唔太食得辣嘅朋友要留意，有機會抽中好辣既😂上海小籠包＄24 小籠包好扁外貌已經唔係好吸引😅 外皮質感唔會太厚，內陷肉味唔錯，但接近冇湯汁，唔推介。卡通流心芋蓉包 $22芋蓉包好cute, 外貌100分，芋蓉味好香，不過唔覺有流心效果🤔小失望。鮮蝦腐皮卷🦐 $28外層腐皮炸到好酥脆，入面蝦肉飽滿彈牙，正。懷舊鵪鶉蛋燒賣🥚$26好味道同口感正常不過不失，不過依一樣舊式嘅點心喺茶樓買少見少，嚟到不妨要一個試吓。—————————💬食物款式選擇比普遍嘅茶樓多，同埋幾欣賞佢有一啲懷舊款式之除又有新派嘅，容易迎合唔同人嘅口味，大部份嘅食物都唔錯。不過唔知係咪期間限定，嗰日Menu無糯米控我🧏🏻‍♀️期待已久嘅懷舊嘅糯米包，有啲失望。另外整潔度上都有好大嘅進步空間。.📍點心到 (佐敦)佐敦廟街286-298號華志大廈地下6-8號舖…查看更多

晶瑩鮮蝦餃（2粒）（$16）餃皮比坊間煙韌，蝦肉尚算爽口。原隻蝦燒賣（2粒）（$15）豬肉餡有咬口，唔似全肥肉，面嗰隻蝦彈牙。不錯。黑金流沙包（$25）包皮鬆軟，裡面嘅流沙咸蛋黃都多，而且唔太咸。金沙脆皮銀蘿腸（$28）腸粉皮好滑，裡面脆皮再包住粗條白蘿蔔絲，口感有層次。好搞笑有條菜芯係上面。籠仔臘味飯（$44）有臘腸、臘肉、臘鴨各三件，三款臘味都好味，尤其是臘肉，肥瘦各半，肥位唔油膩，瘦肉唔韌。飯底講明用金鳳米，粒粒分明又唔“削”，撈埋啲臘味蒸出嚟嘅油，香味提升。好味道。PS：茶錢$3@，不收加一。…查看更多

不時到 #點心到 食點心，因為地點就腳，點心即叫即蒸有質素。我雖然喜歡傳統的點心，但也愛一些創意料理，能做到新舊兼備就最好了。說到創意，特別推薦它的「金沙脆皮銀蘿腸」（$28）。表面看，似乎是腸粉包住油炸鬼的炸倆，錯了。原來腸粉包着的是蘿蔔粒春卷！蘿蔔粒清甜，春卷酥脆，腸粉皮又滑又薄，咬一口，滑、脆、甜，非常有層次！此外就是一些傳統點心，味道不錯：晶瑩鮮蝦餃2粒（$16）好大隻蝦原隻蝦燒賣2粒（$15）爽口彈牙蜜汁叉燒包（$20）包皮鬆軟不痴牙豉椒蒸排骨（$22）排骨腍滑，芋頭粉甜醬皇金錢肚（$26）牛肚和蘿蔔都入味夠腍沙薑汁燴鮮淮山（$22）沙薑汁和蔬菜得夾點心到 (佐敦) 佐敦廟街286-298號華志大廈地下6-8號舖…查看更多

過嚟廟街就唔一定要食煲仔飯同蠔餅嘅，今日就試咗一間點心舖 - 點心到。點心款式都有唔少選擇。覺得特別嘅係有啲點心可以淨係嗌兩件，唔使要四件，可以食多幾樣😛。📍 原隻蝦燒賣(2粒) (💰$15) 📍 晶瑩鮮蝦餃(2粒) (💰$15) 飲茶一定唔少得蝦餃燒賣。蝦餃個皮都算薄，啲蝦新鮮爽口，燒賣啲肉亦都夠彈牙。📍 黑金流沙包 (💰$25) 店主推介嘅黑金流沙包，食嘅時候真係要小心啲，因為入邊啲流沙夠晒多，而且夠晒熱，正！📍 金沙脆皮銀蘿腸 (💰$26) 第一次食呢種腸粉，入邊包住啲好似米紙嘅脆脆，加埋嫩滑嘅腸粉，咁有對比嘅口感真係好過癮！📍 沙律明蝦角 (💰$28) 即叫即炸，香脆可口，推介推介！📍 黑松露菜苗餃 (💰$26) 非常足料嘅菜苗餃，加咗黑松露，感覺即刻唔同晒，好高級。📍 濃湯鮮竹卷 (💰$19) 濃湯浸住嘅鮮竹卷，皮薄餡靚，連埋個濃湯一齊食，滿足。📍 燒汁釀虎皮椒 (💰$24) 一碟四件，非常之大件，隻碟都爭啲載唔晒。而且唔會好油膩，入口感覺一流。📍 豉汁蒸鳳爪 (💰$20) 呢個價錢有四隻幾入味既鳳爪，性價比高。最後要特別指出，個辣椒油好正！夠香夠辣，就算唔食辣嘅朋友都推介你試一試。見到鋪面感覺比傳統茶樓乾淨好多，都食得放心啲。而且店員都好有禮貌，有問必答，即叫即到，唔使好似傳統酒樓咁樣三催四請。———————————————點心到📍 佐敦廟街286-298號華志大廈地下6-8號舖📍 港鐵佐敦站 C2 出口, 步行約3分鐘📍 Tel 5423 7079…查看更多

今日要同個朋友去上堂，上堂前當然要醫肚，佢話想食流沙包，我哋就揾到呢間係佐敦廟街既點心到。舖頭入面都好乾淨企理，有少量沙發位，都坐得算舒服！晶瑩鮮蝦餃（2粒）（$15）、原隻蝦燒賣（2粒）（$15）見到兩款點心都有2粒呢個選項真係覺得好窩心，因為有時真係淨係想食一粒同想食多啲其他點心。個人覺得燒賣比蝦餃出色，蝦餃內餡好彈牙較淡。濃湯鮮竹卷（$19）全素既鮮竹卷，內餡係蘿蔔同其他素茶，豆味香濃，湯底仲有杞子味，感覺好養生！黑金流沙包（$25）小小既黑色蒸包一搣開就會流出奶黃餡，非常邪惡又惹味，又唔會太甜太油，食三個都唔覺得膩！金沙脆皮銀蘿腸（$26）好難得見到羅漢齋同白腸粉以外嘅全素腸粉，內餡係蘿蔔絲外包香口脆皮，最外面係香軟腸粉皮，食落感覺幾清新！沙薑汁燴鮮淮山（$22）有西芹同木耳加鮮淮山，口感偏軟，好香沙薑味但唔會過鹹。籠仔鳳爪排骨飯（$34）用荷葉飯墊底，鋪上靚金鳯米同鳳爪排骨再蒸，入口有陣陣荷葉香氣，飯煮得好好，加埋甜豉油，真係一個人食晒成籠都得！總括嚟講，呢度既點心性價比好高，選擇都多，唔洗加一，所以都見到好多附近既街坊黎幫襯，同店員有傾有講，好家常既感覺！…查看更多

飲茶唔一定要去酒樓既~ 點心專門店都係其中一個選擇😋🥢🔸卡通流心芋蓉包 ($22)個包好睇又好食🤣 有三個唔同表情, 勁搞笑😂😂芋蓉好香💜甜度岩岩好🤤 雖然無乜流心, 但都好味😁🔸黑金流沙包 ($25)個包超軟, 包住流沙奶黃餡💛 一meet開個包就流曬出來🤤鹹蛋味都好香, 有沙沙既口感, 好味👍🏻🔸原隻蝦燒賣 ($30)必點點心‼️蝦超大粒超爽口🍤 配埋粒粒手切半肥瘦豬肉, 超有口感😋絕對好食過酒樓既燒賣‼️🔸晶瑩鮮蝦餃 ($30)必點點心‼️皮薄餡靚, 蝦肉勁彈牙😙 同埋好大粒😍🔸金沙脆皮銀蘿腸 ($26)即係炸兩🤣 私心推介❤️真心好食過平時既炸兩好多‼️皮薄同埋超滑嫩, 入面條油炸鬼仲超超超脆😍真心好好味👍🏻👍🏻👍🏻🔸籠仔金銀蒜海蝦飯 ($42)一上檯已經好香🤤 海蝦份量都唔少, 落埋甜鼓油食, 好香好好味☺️略嫌飯硬左dd, 不過都好抵食😝茶錢只係$3一位, 點心又抵食又高質👍🏻 真心推介‼️評分: ⭐️⭐️⭐️⭐️…查看更多

有時候想自己一個靜靜地喝茶，但去酒樓就感覺不太好，現在多了這些吃點心的地方，就挺適合了，而且最重要的是茶位只要３元，還沒有加１，價錢比較直觀，沒其他特別收費，這個也是我喜歡的地方！晶瑩鮮蝦餃（２粒）（１５元）蝦餃真的跟名字一樣，外皮非常薄，內裡藏著兩隻挺大的鮮蝦，吃起來鮮甜彈牙，蝦味突出，外皮帶點煙韌口感，味道不錯！原隻蝦燒賣（２粒）（１５元）看到上面放上了原隻鮮蝦，賣相真的挺吸引的！這個吃起來跟平常的有些分別，因為他下面是純豬肉餡料，吃起來肉質爽滑，豬肉味挺香，然後上面的鮮蝦為整個燒賣帶出鮮味，多了一份鮮甜的味道！懷舊鵪鶉蛋燒賣（２５元）現在很少見到這款燒賣了，就叫了一份來試試。這個跟上面的燒賣有點像，但就轉成了白色，然後上面的鮮蝦轉成了鵪鶉蛋，所以吃起來會多了一陣濃濃的蛋香和綿滑的口感！鮮竹牛肉球（１９元）這個也是很多人會點的一道菜式，特別是加上了喼汁以後，那個酸味更能突出牛肉球的鮮嫩彈牙的口感和牛肉的香味，再配上滑嫩的鮮竹，味道真的很好，而且又不貴！金沙脆皮銀蘿腸（２６元）這個是非常推薦的一款，一次過能滿足你三款口感，外皮非常嫩滑，接著是炸得金黃香脆的沙脆，中間的是入口即化香甜的蘿香，配上醬油的鹹香口味，更能突出蘿蔔的香甜！籠仔鳳爪排骨飯（３２元）這個比想像中的份量還要大，滿滿的一大盤！我比較喜歡的地方是這裡的飯是粒粒分明的，吃起來有米香，而且飯吸收了排骨和鳳爪的油脂後，再撒上甜醬油後，吃起來味道更香更惹味，還帶有荷葉的清香！鳳爪軟糯，排骨嫩滑有肉香！五香鹹水角（１９元）這個炸得非常香，吃起來外脆內軟糯，中間的肉餡鹹香中帶點回甜，味道真的挺不錯，而且完全不油膩！…查看更多

原本係OpenRice 訂左位係紅日黎的，但黎到被告知紅日同假期係OpenRice 訂左座係冇效的，要我地即場攞飛等位。咁我地都照等，原本諗住我地都有入座應該都可以幫我地計返OpenRice 積分，點知OpenRice 顯示訂座被取消，個人覺得依個位做得唔好，如果係咁點解唔係我訂座的時候同我講/取消我個位。要等到我到場先取消我個位？我地大約等左3-4個字到，入到去環境到算逼但好好彩有個大位，見其他2人位都比較細，嘢食大約3-4個字開始上。✅奶茶好香茶味，幾濃郁相當好味😋✅黑金流沙包比一般包細個，d包好鬆軟，蒸得好好，低下唔會濕，都好流心，係金沙個味道比較淡，但整體黎講都算唔錯。✅紅油抄手依個好有驚喜，幾好食，個皮幾好咬口，內餡個肉都非常唔錯，原本以為會好辣，但辣度啱啱好，非常推介👍✅蝦餃蝦餃個皮都做得好好，內餡d蝦非常彈牙大粒，唔似出面d蝦餃好大雪藏味，依度d蝦做得好好👍✅黑松露菜餃連續食左幾個高質點心，相比之下依款比較遜色，冇黑松露味，非常失望，但入面d蝦依然好彈牙好大粒。✅鵪鶉蛋燒賣燒賣個皮好薄，啲豬肉都紮實，鵪鶉蛋個生熟程度啱啱好，值得推介👍✅金沙脆皮銀蘿腸非常有驚喜，個皮好滑入邊包住類似油炸鬼嘅嘢，個油炸鬼又包住啲蘿蔔絲，係脆過普通油炸鬼，非常好食，必試！！！✅炸腐皮卷應該係即炸非常脆，啲蝦都好彈牙好大粒，但入邊有芫荽，唔食芫荽嘅朋友要留意！✅炸蝦角炸蝦角好脆，啲油應該都唔錯！唔會有好大浸油味，入邊啲蝦都爽同好彈牙！✅卡通流沙芋蓉包同金沙流沙包一樣，都係比較淡味，但都做得唔錯。❤️整體黎講，d點心做得相當唔錯，冇一個係唔好食，d點心都蒸得啱啱好，唔會濕曬，d皮都做得好好，同埋d蝦餡相當出色，炸的點心應該全部即炸非常脆口，真心值得等待！點心非常出色，好味過酒樓d點心好多！😕但服務態度真係有待改善，我地埋單果陣，攞左張卡比收銀同事，佢就講左句：我係唔會掂你d嘢！。 個語氣仲好差，我理解疫情時候係敏感d，但可以用好d ge 方式同語氣講，依ㄧ點真係好扣分😡😡😡😡雖然態度麻麻，但因為好味我都會再幫襯，但希望佢地服務可以進步…查看更多

宜家夜晚冇堂食，唯有外賣自取點心再搵個地方食吓⋯⋯今次做咗”deliver food”專員，攞外賣自取去咗港島最東端初度遊，順道搵人食飯，有種另類picnic嘅感覺，咁都係第一次。·黑金流沙包🟡包面有層好似燙金咁嘅裝飾，係幾得意嘅～流沙包最重要梗係要流沙，咁佢個奶黃流沙餡係有喺度。隔咗咁耐食都仲暖，唔錯唔錯～·黑松露菜苗餃🟢見到又食到黑松露味，有鮮蝦有菜苗，仲有紅蘿蔔絲，感覺誠意十足，睇得又食得。·金沙脆皮銀蘿腸🟠其實就係好似油炸鬼加蘿蔔絲，全部釀晒入去腸粉入面。油炸鬼嘅脆同好軟身嘅蘿蔔絲又幾夾，加埋有少少🤏🏻油香嘅豉油去食，係幾好食嘅～·籠仔香辣排骨飯🍚籠仔就冇啦～外賣嘅關係變咗係個盒仔！😂但冇因為咁樣，影響到盒飯嘅味道，而佢保留咗嗰塊荷葉係好梗要～因為用荷葉蒸出嚟嘅飯係特別好食！！😋仲要有埋好惹味嘅香辣排骨～大家越食越開胃，亦都越食越辣～～🔥🔥·黑蒜螺片燉肉排🥣燉湯入面見到晒黑蒜螺片，有雞腳同肉排，算係一碗幾足料嘅湯。飲落味道亦都係幾濃，不過就令我哋諗起平時冬菇炆鵝掌嗰個芡汁嘅味道⋯⋯🙊 整體都係好飲同特別嘅。·Ummm…係一次幾得意嘅食飯體驗，由日頭食到夜晚嗰下幾過癮～😜🤣…查看更多

每次午餐諗唔到食咩就想食點心，搵下有邊間點心時，見呢間係附近，就入去試下。喺出邊等咗一陣，好快就可以入去，入面好多人餐單係用QR code數好方便，見到隔離有長者未識用QR code，待應會幫手寫單👍🏻👍🏻不過中午人流多，見鋪頭一個收銀，兩個送餐，人手唔太夠，想搵待應都要耐心等候。呢個流沙包比一般茶樓細嗰啲，但個皮係好軟，個餡入面都好好食金沙脆皮銀蘿腸，推薦大家食！佢入面係卜卜脆，食得出係即刻新鮮炸👍🏻呢度嘅菜苗餃同我平時食開嘅有啲唔同，上面用黑松露點綴，蝦同菜苗嘅比例啱啱好，比到我對菜苗餃新嘅體驗👍🏻鳳爪個汁唔錯因為好大食嘅關係，所以嗌多個飯，網上見人哋話個飯好少，我諗其實因為佢用扁而大嘅蒸籠嚟裝住，所以先會顯得個份量好少，呢個份量夠一人食，味道正常最令我有驚喜係鮮竹卷！推薦大家食！由細到大都一定會嗌鮮竹卷食，不過後尾大個就食到厭啦因為真係好飽，今次唔夠飽嘅情況之下想嗌埋佢嚟食。嚟到嘅時候見到佢個湯好清，試咗一啖哇正！好濃嘅豆味，個湯成個魚湯咁，好好飲！第一次將成個鮮竹卷都清晒，仲要飲埋個湯🤣🤣茶位每人$3，抵呀！整體嚟講，如果想試新式點心嘅話，呢間唔錯！…查看更多

朋友帶我嚟廟街附近食點心，一嚟見到門面裝修幾別緻，有別於傳統茶樓😍環境偏靜，而且位置寬躺，俾人一直舒適的感覺😊墻上掛上多款招牌菜式，我地都跟著啲牌叫咗幾款😋😋流沙包一定要趁熱食，一咬落去就食到好香嘅奶黃味😋😋必點！！鳳爪排骨飯有荷葉墊底，但沒有食到荷葉香味，可能只係裝飾😂份量幾多，性價比高！燒賣可以叫2/4粒，方便人少個陣點野食,仲有大大粒蝦係上面👍👍釀茄子大大件而且唔油膩，魚肉有彈性。份量太大，食完食唔落其他野🤣腸粉入面包住蘿蔔絲，外軟內軟，值得一試！腐皮卷就調反轉，外脆內軟，口感不錯。…查看更多

今日同老公去做野，搞掂都已經2點半…係附近見到呢間食點心又唔洗等位，茶位都係$3/個，又冇加一食物晶瑩蝦餃皇蝦餃唔係以大取勝嘅呢粒蝦餃真係一粒蝦咁包入去！個皮好薄，好挺身，但又有煙韌嘅口感唔粘唔爛又唔厚一粒啪入口好好食黑金流沙包 - 必食！我本身想叫卡通包架🥲但老公話有皇牌緊係要叫皇牌架啦😒個個都話呢個好食架我本身係奶皇控🤣🤣🤣呢個真係要食！好香奶黃味，唔係月餅甜到死個隻味！同埋呢個包好薄，唔會食晒啲涵乾𡁻個包。(不過個包好軟熟，就咁食包都好味😋)醬皇金錢肚 - 必食呢個金錢肚好軟熟！好怕食到啲死咬爛咬個啲🤣🤣🤣然後個金錢肚又好入味，唔係好咸個啲，個平衡超好！下面仲有啲蘿蔔，個蘿蔔炆到透明，好甜！第一次會食埋啲配料😝😝金沙脆皮銀蘿腸呢個一定要成節啪入口！因為佢個皮好軟熟，入面個層好脆！真係食到Chok chok 聲😆入面係有菜同蘿蔔…先軟後脆再冧嘅感覺我自己好鐘意個腸粉皮！好滑！要多豉油🙋🏻‍♀️唔該原隻蝦燒賣山竹牛肉球呢個又要講下個喼汁先！個喼汁有啲辣架🌶冇食過又冇諗到佢係辣…突然俾佢攻陷我條脷👅不過又同個牛肉幾夾架喎🤣個牛肉球好彈牙！個腐皮好好食，應該係炸過？🤔好香豆味服務嘩🤣我本身都覺得自己好有禮貌，呢到有個staff(1男1女)超級有禮貌🙈帶位、俾餐紙、問杯茶….啲語氣都超級文雅🤣呢個真係要讚！環境裝修好文雅，所有點心名都係牆到，啲位置都好闊落，又光猛…查看更多

呢間點心專門店晚市都有得飲茶，仲有幾款店家特製點心，價錢算親民，茶芥$3一位。而且點心即叫即蒸，全部熱辣辣～正！卡通流心芋蓉包 $22 賣相幾Cute，食落餡唔算多但幾好味。晶瑩鮮蝦餃 $15/2粒，幾大隻，皮夠薄，唔錯。黑松露菜苗餃 $25 賣相都唔錯，但食落唔覺有松露味，而且皮比較煙韌，有點失望。原隻蝦燒賣 $15/2粒，幾大粒，口感唔錯。懷舊鵪鶉蛋燒賣 $24 普普通通無特別。燒汁釀虎皮椒 $22 青椒辣度有後勁，慢慢滲出黎，正！金沙脆皮銀蘿腸 $25 有驚喜，首先條菜有薑汁味，之後腸粉皮夠滑，餡脆中有蘿蔔絲，口感好豐富。推介！濃湯杞子浸時蔬 $18 嫩菜清甜，剪開一半方便夾，個湯都飲埋。…查看更多