大紅袍火鍋料理

難得疫情放寬，可以食晚飯。今日去咗尖沙咀天文臺道附近打邊爐。佢嘅地點算係好方便，不過就冇停車位。湯底推介- 金屋藏嬌 牛頸脊美國筒蠔鬼馬蝦膠山根聖子炸響鈴烏冬佢嘅湯底雞湯鮮味有冬瓜，半隻雞，有啲菜。非常足料。值得一提，湯底嘅雞係好嫩滑，完全唔會係煲湯雞嗰種感覺。另外海鮮我哋叫咗聖子同埋蠔🦪🦪。呢兩樣嘢都係好鮮味。好好食。全部都值得推介。呢個舖頭嘅環境真係好舒服，唔會覺得好嘈，打邊爐來講算有空間感。裝修亦比較新，座位舒適。食物價錢合理，每樣食物/湯底都係百幾至二百幾。我覺得價錢合理。…查看更多

大家姐生日，知道佢鍾意打邊爐，我一早就諗定地方同佢慶祝生日。早輪睇到朋友FB，見到有人po文，齋睇短片啲食品已經吸引人，我就覺得呢間應該唔差，到真正去到食店睇到菜單同價格，就更加覺得佢唔應該差添啦！當晚唔齊人呀！得果5大1小大家姐生日緊係佢發板！壽星大晒丫嘛🤣佢揀左個湯底【金屋藏嬌】，其他不外乎就係乜都點啲咁啦！大紅袍的確無令我失望，食品非常新鮮，服務勤快，時不時有服員自動自覺黎問我地需唔需要加湯底，又主動問食料有無到齊👍打邊爐最好就係可以邊食邊吹，所以有時間我都會再黎幫襯既*有個小小提議！我認為秋葵可以切片上比較好，因為成條要烚得比較耐，而且又難咬😅…查看更多

終於出咗Bonus喇！一於就同M佬好好咁慶祝吓啦！唔知大家知唔知另一半鍾意食咩呢？可能我太了解M佬啦，諗都唔駛諗，就好肯定係打邊爐喇！食邊間好呢？我哋又唔好牛，如果多啲其他款式就最啱我哋心意！今次一於用份bonus食豪佢，就嚟到尖沙咀嘅大紅袍啦！（提提大家，想食嘅記住早啲訂檯！）鄰近韓國街，如果無開GPS真係隨時行過都見唔到，要行樓梯落去先見到門口。呢度嘅湯底有好多選擇，但識揀嘅一定要試呢個價值$168嘅「金屋藏嬌」，呢個名真係好襯我A姐啦！wakaka！叫完嘢就梗係要混醬啦，姐係A姐特調，姐係豉油+炸蒜+蒜蓉+辣椒+蒽粒+麻油+沙嗲醬。連M佬每次都要我幫佢較埋味，大家下次都可以試試呢個配答呀！頭盤先嚟個牡丹蝦刺身，一人一隻。賣相已經好吸引，蝦身有手掌咁大，最重要係多膏兼夠膠，不過$45一隻就真係有啲貴！食完頭盤，終於見到「金屋藏嬌」！其實「金屋」係指鍋中嘅黃色湯底，「嬌」就係松草花同隻雞喇！裏面仲有竹笙，冬瓜，支竹，真係好足料！好嘢，蟶子駕到！！萬歲萬歲萬萬歲！！！店長是日推介真係唔同啲，好新鮮，又爽又甜！！好多人打邊爐都一定會嗌肥牛，不過唔係太好牛嘅我哋，就叫咗呢個西班牙豚肉，肉味濃厚，又唔韌喎，啱哂我哋！千祈唔好睇少呢個響鈴！聽經理講呢到嘅響鈴係自家製架，所以夠哂脆卜卜，記住黃金3秒就要入口喇！M佬最鐘意海鮮，就梗係要再嚟個花甲啦！以呢度嘅消費嚟講，當響鈴都賣緊五六十蚊，咁呢個花甲一百蚊又唔算貴。嚟到嗰花甲仲係度噴水，夠甜夠鮮！成晚嘅亮點就係呢個牛脷粒，平時打邊爐食牛柳粒，好多時候都好韌。呢個牛脷粒一啲都唔韌，好有口感，M佬食到合埋晒眼，好味到我都唔識形容！勁正！！！另一大紅袍特別食品就係鬼馬蝦膠，佢係油炸鬼同蝦膠組成。上面嘅蝦膠都好彈牙，而油炸鬼仲係特別抽走晒水份，就唔會一落就淋晒，好細心，口感豐富。我哋仲叫咗西洋菜、花枝片、桂花蚌、三色餃、鮮魷！真係好飽飽！我哋兩個真係誠意推介，雖則埋單要$1,300，但係好味嘅嘢不妨試一次！…查看更多

呢間嘅北角店就食過2-3次，尖沙咀就第一次黎，感覺寬敞好多。一向都覺得佢唔錯，料靚又新鮮。湯底揀咗金屋藏嬌, 個名咁特別, 大家都好好奇到底係點嘅, 見佢係皇牌湯底, 原來佢嘅金屋係指金黃色嘅湯底, 而嬌就係指鍋中嘅半隻新鮮嫩雞。鍋料入面有花膠、竹笙等, 雞味濃郁, 配料又足。但可能我哋人多, 好似每日只係食到一舊大嘅雞肉, 或者仲有一舊小嘅雞肉嘅。極品本地手切肥牛 - 呢個肥牛, 真係非常不得之了, 大家都對佢讚不絕口, 太太太太太好味。點能夠估到佢可以肉質咁嫰, 口感咁好, 手切得剛剛好絕對唔係薄, 但亦唔太厚!西班牙豬肉 - 平時打邊爐都未必會揀豬, 因為通常都好鞋口, 但呢個認真唔同, 一啲都唔鞋, 仲要非常淋肉, 係可惜多啲肥肉, 但正因為佢肉質夠肥, 先至可以咁好味道!白蟮片 - 又係另一個出色嘅餸, 一定要叫, 白蟮好爽口, 冇乜骨, 食完仲想再食!招牌三拼餃 - 可能本人對餃類一向麻麻, 我覺得呢個比較普通, 而且大家都覺得唔太抵食。新鮮炸腐皮(炸響鈴) - 三秒響鈴, 記得大家食時, 只可以浸湯三秒即起, 其實我都唔知係咪三秒, 我通常數三下, 一, 二, 三就起, 唔係快數都唔係慢數, 係中慢數! 響鈴新鮮, 我試過有啲店舖真係比啲好似用千年油炸過嘅響鈴比人。呢個顏色係淺淺地色, 所以係好食嘅嗰隻!鮮淮山  - 好少地方有鮮淮山食, 但我哋女仕們真係好鍾意食鮮淮山! 呢碟鮮淮山水準有啲參差, 因為碟中有啲淮山好爽口, 有啲就較熟較淋, 明明落鍋時間一樣! 爽口嘅真心好食呢!! 其實我哋仲叫咗手打四寶丸, 我忘記咗影, 我覺得個四寶丸稍為硬/實咗啲, 唔夠煙靭! 有啲over, 但應該唔係我哋落水太耐, 我試過早啲攞起都係咁!  可能足料用手鏈到實一實掛, 哈哈~~總括而言, 呢間嘢都食物非常新鮮呢! 唯一係我哋個位冷氣唔太夠, 食到我哋流晒汗咁, 有啲辛苦呢!!…查看更多

與一班同事大夥兒聚在一起的好去處當然少不少了打邊爐啦🍲成班人在同一鍋裡涮下涮下都是頗有親切感的☺️我們一行五人預約了18:30被安排坐在卡位坐位得有點兒迫👨‍👩‍👧👨‍👨‍👧雖然還有空坐位但可能都一早被其他人預定了😟涼盤小食 (每碟$20) 小食菜式是隨機分配的四季豆 以花生芝麻醬為調味 味道很特別拍青瓜 青瓜很爽脆 蒜香味濃帶點微酸 很是開胃😏醬料 (每位$15) 擺放整齊 有多種調味料可選擇 連少有的芝麻都有😯湯底我們選了店裏招牌金屋藏嬌 ($168)「金屋」意指鍋中金黃色的湯底而「嬌」梗係鍋中的原隻新鮮嫩雞🐔湯底用上鮮熬雞湯、頂級花膠、竹笙、紅棗、日日魚及松草花等熬製而成我在打邊爐前先飲了一啖頭湯 果然鮮甜濃厚😍😍😍那隻「嬌」的肉質也十分嫩滑😳不會因熬了湯底而變老 可見其用料新鮮😎招牌三拼餃（$120）有三種不同招牌餃黑松露蟹肉餃 🦀蟹肉真的不少😎可惜黑松露不是很多 食不到黑松露的味道😟雙籽鮮蝦雲吞鮮蝦與豬肉比例平均蝦肉爽口彈牙 很新鮮😌豬肉也不會太肥膩😁韭菜餃一睇就知皮薄餡靚 從薄薄的外皮已經睇到嫩綠色的韭菜係飽滿的餃子裡面😍😍😍雖然真的很好吃 但這個價錢其實有點貴💸💸💸每款只有三隻平均算起來要$14一隻餃😫😫😫芝士蝦丸（$82）一看便看得出蝦丸十分足料絕對是粒粒蝦肉製 因為鮮蝦的紋還可清晰看到🤓每粒都有很多蟹籽芝士味濃郁爆芯 😳😳😳份量正常 一客有10粒這個價錢與水準符合正比美國桶蠔（$132）桶蠔份量略嫌太少😞只有五隻 每人一隻雖然的確size有1/3的手掌大但仍然覺得不夠喉😫😫😫值得推薦的是花雕獅頭鵝肝（$98）份量真的很足🤗🤗🤗 又大件鵝肝也很入味😎不過值得注意的是要涮久一點不要打算半熟鵝肝因為半熟的感覺像吃生內臟一樣 感覺不好受😰頂級安格斯牛頸脊🐮（大）（$258）雪花紋分佈平均吃來牛味香濃 肉質柔嫩稔滑☺️相當有水準👍🏻👍🏻👍🏻還有其他的配菜，包括唐生菜（$32）、金菇菜（$28）、冰豆腐（$32）、脆鯇片（$45）、稻庭烏冬（$38）最不推薦的是蟹籽墨魚滑（$72）蟹籽去了那裡？😤😨😰😱而且份量與價錢不符味道倒是可以的 真的食得出墨魚味質感很有彈性最後餐後有西瓜免費贈送作為打邊爐後的完場十分適合 潤一潤喉總括而言火鍋配料質素不錯😌價錢還可以只是略嫌配料份量較少😫我們一行五人飲料叫了4支啤酒 2樽竹蔗水每人平均消費$350🤑🤑🤑都算合理😊…查看更多

都說七月是超多朋友生日的日子，吃生日飯排得密密麻麻的！今週三，就與一眾友好同聚於尖沙咀新開不久的大紅袍火鍋，過了熱鬧又飽足的一晚～曾在TVB 夜宵磨得到推介、總店位處北角的大紅袍火鍋，在尖沙咀金巴利道 (婚紗街) 開幕只約一個月。它的入口位比較隱蔽 (在明洞Express行下樓梯)，進到去別有洞天、饒富中式風情，加上我們訂了店內其中一間VIP房，用餐特別有privacy，細聲講大聲笑都沒問題。加上餐廳可以帶蛋糕，作為生日飯地點一流！這就是當晚我們用餐的VIP房，房間相當闊落的，8個人都坐得鬆鬆動動、舒舒服服，另外還有位置擺放手袋。而在VIP房外長期有侍者侍侯，有需要點菜、加湯等都可以很快做到要求，服務也算不錯。是日甜魔媽媽與老公早到了，也去八卦了一下另一間VIP房。尖沙咀店設有兩間VIP房間，兩間是可以打通，打通後最多可以容納三十人，真個不錯的聚會之選。首先是收費的涼盤小食 (每碟$20)，其中甜魔媽媽很愛吃那四季豆，清素不寡帶點爽嫩脆甜，差不多將它搞光了。另一邊紅蘿豬肚絲帶點微辣，也挺開胃的。另外，甜魔媽媽又帶了新出的奶黃及奶黃流心月餅，與大家一同分甘同味。質素比預期中有驚喜，個人認為比飯後出場、名貴的Dalloyau有吃頭。遲些另文再詳細記錄。醬料 (每位$15) 擺放整潔企理，並附有清晰的標籤，食客一定不會搞錯，調出驚人滋味啦！我們決定一連點兩個湯底，一辣一不辣，讓場內辣／非辣魔都可以大快朵頤。不辣的湯底選了金屋藏嬌 ($148)，據是該店的皇牌湯底，「金屋」意指鍋中金黃色的湯底，而「嬌」則是鍋中的原隻新鮮嫩雞。湯底用上鮮熬雞湯、頂級花膠、竹笙、日日魚及松草花熬製而成，侍者建議我們在打邊爐前可以先飲湯，一試果然鮮甜濃厚。而且那雞隻超級嫩滑，真心好吃，要求侍者斬件後，甜魔媽媽忍不住吃了三數件。而四川麻辣湯鍋 ($72) 就是為辣魔們選點的，那湯底味道很香很香，辣度則不算很勁。甜魔媽媽試著用它煮了牛肉及少量烏冬，覺得它不算十分川味 (花椒)，反而孜然粉的香味突出，更似是小肥羊那種內蒙火鍋味。如果人多又想選點兩款湯，可以加$20雙併湯底。自問不是海鮮／刺生迷，不過場內有食友想吃，又來了一碟三文魚刺生 ($68)，成品以厚切上檯，肉質肥美又鮮嫩，有驚喜呢。之後一連串的火鍋配料也上檯了，首先是鬼馬蝦膠 ($52)，其實是油炸鬼加上蝦膠而成，在湯中稍煮2分鐘就可食用。甜魔媽媽當然是吃金屋藏嬌 (雞湯) 為主，當油條吸收了湯底的鮮甜味，果然十分吸引，結果成為最快清光的食材。牛脷粒 ($72) 切得方正，個子不小，需要煮頗久才能食用；吃來沒有任何異味，口感爽實，較適合配以辣湯享用。然後有兩款賣相一模一樣，但內容口味大相徑庭的墨魚丸，分別是鵝肝墨魚丸 ($68)，以及芝士墨魚丸 ($72)，下圖甜魔媽媽都搞不清到底是鵝肝還是芝士餡了。兩款墨魚丸中間都足料澎湃，當中又以芝士味更為濃郁爆芯，好好吃，而另一款鵝肝味也不錯。反正丸子份量夠多，一客有12粒，甜魔媽媽不客氣每款吃了2-3粒，大滿足！接著有桂花蚌 ($98) 及美國桶蠔 ($118)，甜魔媽媽不愛海鮮沒試了，而因份量頗多，其他食友也努力了好一陣子才清碟呢。甜魔媽媽打邊爐偏愛吃水餃及雲吞類，這晚也一連點了三款來試。首先是韭菜餃 ($48)，這裡的水餃皮薄卻不易破開，而且餡多料靚，這款韭菜餃就用上新鮮韭菜製作，有誠意而且份量也足！雙籽鮮蝦雲吞 ($48) 也好吃，要讚蝦隻與豬肉比例良好，不會肥膩，就算煮得較久也不覺蝦肉變老。來到招牌餃 (黑松露蟹肉餃, $88) 中間真是蟹肉成堆啊，不過再加上黑松露其實有一點膩，特別是甜魔媽媽連吃兩隻，感覺很飽！吃火鍋一定要有靚牛，不然不盡興，這晚就點了極上牛肉刺生 ($108)，滿佈雪花紋，質感柔嫩的牛肉可以直接點醬油吃用，吃來口感鮮滑；不過除了當刺生吃，甜魔媽媽也試了將它輕拖在辣湯中享用，又是另一種香辛惹味滋味，也不錯。不過更值推介及令人回味是極級本地手切肥牛 (邊位, $218/大)，牛味香濃，肉質柔嫩稔滑，無論是煮在雞湯或是辣湯，都十分的美味！事實上，因為牛肉太美味，最後又加點頂級安格斯牛頸脊 ($158/例)，水準也是不錯。也講講飲品，吃到中場點了竹庶水及酸梅湯，個人較愛後者，酸酸甜甜的有助解滯啊。還有其他的配菜，包括油麥菜 ($28)、唐生菜 ($28)，及雜菌併盤 ($58)，三款質素都很好很新鮮，甜魔媽媽幫襯了不少。沒忘了Oph愛吃的自製炸魚皮 ($38)，雖然媽媽自己就沒試了。鮮田雞 ($50) 也要特別寫一寫，真的明顯真是鮮宰，上檯時田雞腳還不住地跳動！老公還幫我拍了片，不過最後決定還是不要upload上來，始終那場面真有點嚇人。而如此新鮮的田雞，打邊爐吃味道的確很讚！還有好久沒吃的生根 ($25)，新鮮炸腐皮 (炸響鈴 $38) 及窩筍片 ($25)，加起來又是十分飽足的一頓。雖然十分的飽，臨尾還是忍不住加點稻庭烏冬 ($35)，一份有兩個麵餅，但因太美味也吃光了；最後還點了午餐肉 ($35) 雙併貢丸 ($42)，這兩款我也沒試了。總的來說，這裡食物定價合理，份量充足、質素也不錯，比起早前吃的豪火鍋好多了。餐後店方還敬送了雪糕及西瓜，十分開心；雪糕本來有芝麻味及士多啤梨味兩種，可惜芝麻售罄，唯有吃士多啤梨味吧。驚喜並不是cheap cheap牛記貨色，而是帶有士多啤梨籽的，又OK喎！而清甜的西瓜，作為打邊爐後的間場十分適合；清一清口腔，我們還有Dalloyau的甜餅，以及壓軸生日蛋糕呢！是的，相信大家都估到了，上文寫的arome x Miffy蛋糕，就是當晚享用了。再次衷心祝賀三位七月之星生日快樂~ 十分開心盡興，滿足又飽足的一晚。期待下次再見再聚了！…查看更多