定食8

昨晚經過開定食8，見唔太多人排隊，就諗住試吓，等咗10分鐘唔駛，就可以入座了！呢度一個定食餐都真係好平吓，最貴嗰個都只係hkd58，就已經有前菜、主食湯同飯了，其中飯、湯及沙律，仲可以有無限refill的！係邊度揾啊？難怪成日見親都要大排長龍！點咗特上盛海景丼hkd58 + 黃金魚配炸蝦烏冬hkd58 + 醬燒魷魚hkd20，初初以為咁嘅價錢，份量唔會好多，點知原來絶不欺場，全部嘢都相當有份量！雖然幾廿蚊貨仔，但味道又唔差喎，豈碼個丼食落去d魚生，是新鮮的！一定好食過爭鮮先啦！而個烏冬，又唔似嗰d噹噹嗰d cheap cheap烏冬味，食落是彈牙好味的！d炸物亦炸得唔錯，勁脆勁香口！個魷魚初初食，覺得好好味，但當食到8成飽時再食，就覺得有點heavy，因為兩個人食，實在太飽了！連refill的東西，也不用加！呢間嘢下次可以再番啅！我想試過牛丼！…查看更多

荃灣新開既定食8主打平價日本定食非常抵食即使係下午茶時間都排晒龍😩佢全日都係同一餐牌佢仲講明食物會係落單15分鐘內送到所有定食都係48蚊，不過佢有規定要每人叫一個定食d小食都好平，而且份量都唔係小d牛排好淋，唔會好難咬係略嫌唔夠牛味，不過48蚊都唔會奢求太多d飯亦好黏身白飯，麵豉湯都可以任裝麵豉湯d料都幾多，又唔會淡茂茂雖然稱唔上鮮甜，但咁既價錢都接受到既見差唔多每枱都嗌魷魚20蚊就有咁多，好抵而且味道唔差，不過唔熱同樣係唔熱，不過勝在大大份赤蝦唔夠彈牙，不過大大隻蠔幾好食，炸得好香口唔會淋晒值得再去既一間…查看更多

定食8終於落戶荃灣, 6/09號隆重開幕,人流管制, 限時食50分鐘, 座位算多, 但今日星期六中午都等左1個鐘先可入座叫得定食8, 真係只有8款定食供君選擇, 款式大眾, 無秘密餐單, 口岩哂有選擇困難既人侍應帶左位, 留底餐紙俾你自己填, 填完去收銀先俾錢, 後等上菜一俾錢就有時間MARK左係收據上, 上面寫埋落餐後15分鐘既時間俾客人一齊跟實, 係咪15分鐘內上哂菜,因為定食8話, 15分鐘內上唔哂菜, 就免費請你食,餐廳內都有時鐘俾你睇, 但有無較快較慢就唔知到喇6/09至6/12期間光顧, 消費滿HKD100就會送哂你2張HKD50現金劵,睇得出用心做好品牌, 鼓勵多D REPEAT食客而且現金劵使用日期定左分別係6/13至6/26, 同埋6/27至7/10即係今次食完, 下個禮拜又去, 再下個禮拜又去, 咁既宣傳策略唔係真係買100送100咁樣免費請你食多次如果過左呢段時間6月內光顧夠HKD100, 都會送定食8卡通文件夾乙個餐廳內設有自助區, 可以自己任白飯及麵豉湯之餘,仲有杯麵咁既乾蔥, 海帶, 椰菜, 麥茶等等可以任添!個定食都包幾多野下, 除左主食既海鮮丼外,仲有好多渣既麵豉湯, 枝豆, 茶蒸蛋, 同綠茶仙草,食哂D野都好鬼飽, 仲想任添白飯真係要好食得講番個海鮮丼, 有三文魚, 一D都唔臭既希靈魚, 無咩鮮味既熟蝦,好迷你既生熟帶子, 薄HEHE既蟹柳, 同一個波既蟹子但可能海鮮貴, 個碗底其實好淺, 俾佢個外表呃左以為好大碗野不過雖然飯量少D, 但佢有得任添, 唔夠就自己再加吧 www芝士豬排定食配菜同海鮮定食差唔多,個豬排真係要讚下 十萬個抵食, 因為真係超厚切, 超大件(同店內宣傳相一樣, 都係有夠4大件!)並唔是炸到咁厚, 係塊排本身都超級厚!可怕在芝士好少, 應該話無加芝士咁濟, 因為真係食唔出,眼睇可能都有dd牽絲, 但sorry, 呢個叫炸厚切豬排定食算吧啦除左主食, 佢既麵豉湯都唔錯, 有足料係碗入面, 睇得出唔係溝水沖茶蒸蛋都好滑, 但粒黃蓮好難食 ,個甜品綠茶仙草都可以讚下, 口感好QQ , 唔太甜, 唔太苦,但個枝豆就奀左D, 好細條好細粒, 仲洗得唔太乾淨, 食得唔放心另外再試左個醬燒魷魚, 呢個係全程既最大既驚喜條魷魚好~~大條, 煮得唔會過熟韌到無朋友,咬起上黎口岩口岩好, 好似"梅"緊魷魚乾咁, 好過隱個燒汁配上七味粉真係PERFECT MATCH, 好味到想嗌出黎總括黎講, 等左1個鐘都係值得, 加一服務費都係HKD53一個定食仲任食飯, 任飲湯, 環境都唔算太擠擁, 梳化好舒服餐具記得自己拉開個抽屜先有呀! 侍應俾唔到你架既然佢俾左張HKD50現金劵, 下次再黎試下其他定食先!期待期待!!…查看更多