歡樂海鮮酒家

酥炸生蠔薑䓤炒蟹三蝦炒飯辣酒煮花螺(呢個我覺得最好味,酒味重,又夠辣)油鹽水煮蜆粉絲蒸元貝飯後糖水 全餐飯都食得好開心嘅,食物味道都唔錯唯一扣分嘅地方:(>>碟油鹽水煮蜆果D粉絲入面竟然有條繩喺度,問個職員佢話係束住粉絲嘅繩,廚師剪粉絲果時唔少心落左落去煮,不過一間酒樓犯D咁嘅錯,我覺得都要減唔少分,最後佢地免左我地茶$仲有一樣就係D職員得閒無事做就過黎攪下我地D花螺食晒未(湯多就咁睇唔到仲有冇),其實都幾煩下…查看更多

慶祝細佬生日，一家人來到流浮山食海鮮，母親上openrice找來這間海鮮店，的確唔差的。前菜醃蘿蔔必食，酸度適中，開胃瀨尿蝦少少甜，味道唔差。不過。。。一上枱就感覺比選海鮮時細了一個碼，無肉無膏，好似被。。。（最後結帳仲要係最貴）鮑魚好正，新鮮，大隻。龍躉一樣新鮮大件，啖啖肉聖子5隻，味道唔差，爽口，但一樣感覺少了點海鮮湯，姐係雜湯，海鮮唔好預大啦，不過，當然唔差啦。生蠔炸得好好，炸漿夠薄，配生菜同沙律醬食，一流，而且食完無一口油普通，唔講。第一次食油鹽焗的方法，上枱時有一股燶味，不過一食卻意外好食，少少咸，香口，值得一試送的食物方面，除了瀨尿蝦有點兒那個外，其他都幾好的，色香味俱全服務唔差，常常換碟，而且服務員見我們無野食會自動自覺同廚房講，主動催促當然原因會否客人唔太多，所以服務好點就唔清楚，但主動催促一事上是值得嘉許的。價錢是預計內，不過瀨尿蝦。。。環境，有免費wifi:)整體都算中上的，滿意…查看更多

好耐冇食過海鮮，同家人在流浮山丶三聖同西貢之間作出天人交戰，最後揀左流浮山😁之前公司高層升職請過我地去歡樂食海鮮，印象甚好，今次已經系第三次黎，一家七口大概六點去walk-in，諗食咩諗到頭痕，基於系我介紹（而之前無次要我比錢），所以我好擔心價錢好貴又唔超值，出去揀海鮮時不斷推薦激大隻既羔蟹比我地整糯米飯食，我果刻真系打左個突，去三聖食我地都要三千幾，呢度四千走唔甩啦😭😭最後我地點左七樣野食：（名可能有些許出入，無影低）：冰鎮鮑魚丶麻香瀨尿蝦丶金銀蒜蟹羔糯米飯丶白灼xx蚌（唔記得系咩蚌，但似象拔蚌既）丶酥炸生蠔丶食神炒飯同豉椒蟶子，另外送左個上湯菜心比我六大一BB所以叫左3隻冰鎮鮑魚一開二，鮮美瀨尿蝦系我指定要食，食過返唔到轉頭，我表姊夫食完話以後唔會食椒鹽瀨尿蝦喇😂好香好好味個蟹羔糯米飯一上，之前擔心佢好貴既疑慮拋諸腦後，淨系個賣相已經值回票價，蟹蓋勁多蟹羔，淋晒落個飯度一齊撈，食到粒粒艷橙的蟹羔，糯米香軟，齒頰留香蟶子王，因為都系普通做法，無乜特別，勝在夠新鮮，估唔到幾隻蟶子可以變出咁大碟👍🏻唔好睇少呢碟酥炸生蠔，非常香酥，唔會啖啖炸粉，最最最神奇的地方系店員比左碟生菜比我地包住黎食，令呢味餸更加之脆，而且脆而不膩，清新不少大名鼎鼎的食神炒飯，原本我地有糯米飯所以無打算叫，但因為個仔得19個月大，可以食既野有限，記起之前兩次黎食都有食呢個炒飯，結果我個仔食左一碗，其他就我地大人掃晒！賣相吸睛，有D蟹子令口感特別，好好味呢👍🏻服務：我覺得各位侍應都好熱情有禮，大家見到小朋友唔會唔歡迎，仲不斷逗我個仔講野，見到我地買溏心皮蛋又教我地分系唔系溏心（佢話我地買果D唔好，結果真系😭），又送菜心又送橙👍🏻👍🏻價錢：正如我以上所講，我開頭預算系$3000-4000，結果埋單都系$27xx（免收加一），好味又抵食，大家已經即時講絕對有下次😁😁…查看更多