雲南啊老表黑山羊湯鍋米綫 (觀塘工業中心) (已搬遷)

識我的都知道我係一個米線fans，呢間「雲南啊老表黑羊湯鍋米綫 」都已經唔係第一次食了，以前會去觀塘廣場入面個嗰間...仲記得當時係細舖，依家搬左去觀塘工業中心一期地下不得止仲開了分店，老表你真的很棒喔！呢間店舖門面很大但偏偏很容易走過龍...同行四人但真的四人都錯過了，門面不夠好顯眼！位置大概在觀塘泳池對面...未去過既就要留意清楚了...免得又走過龍呢！放午餐時間每個人都想找間快靚正既食所以我們一點多到就真係坐無虛席！等了一會先入到！餐牌上明顯是米線做主打, 其次有飯,特色小食及飲品選擇，但基本個個都會叫米線的！呢度既米線食過都知個份量真係真係真係好大碗！雖然我點了👉🏻細碗但好努力加慢慢先可以食得晒，免做浪費鬼...兩個人share其實都未嚐唔係一件好事呢雙拼牛腩羊肉酸辣湯米線 ＄38主打係羊但又想食牛呢個岩晒我！配麻辣湯米線相信會更加開胃！湯底採用中國青島黑草羊，所以羊肉味濃，再加秘製香料熬足 3小時，每啖都是精華所在。都係問店員先知！整體羊肉比牛腩味道出眾，牛羊亦肥瘦適中，羊肉皮爽肉嫩，充滿彈性，滿是羊香！牛腩就軟軟腍腍，帶點皮脂，吃起來嫩滑，兩樣都沒有失望呢！麻辣味道就一般了，因為感覺跟酸辣味道無異，一點也不辣亦不麻！但係味道香濃！想味道濃點，不防落埋佢哋既菜脯，會更加有味架！而米線口感比起平常吃的滑溜一點！呢個價錢呢個份量絕對抵食仲有一些四川風味既👉🏻小食額外單點涼伴土豆絲 $18一道家常菜，以爽口為主， 凉凉的，很開胃的，極度適合夏天吃！避風塘麻辣雞翼 ＄22半煎炸的雞翼+ 香辣惹味的避風塘料，真係無得頂，而且雞翼好大隻，肉質夠滑身！推介！👉🏻飲品：凍豆漿－$8豆漿豆味好濃，唔甜！熱菜蜜－跟餐 $7正正常常，不會過甜，夠晒熱！呢度既姐姐，好爽手但係有時會漏下單，等得耐左記住提下佢地啊！總括黎講喜歡食羊的人一定會喜歡呢間米線店！:)…查看更多

幾年前黎食過一次，果時店舖仲係位於觀塘廣場，之後間店唔見左！以為結束營業，原來係搬左舖，其實都搬左好耐，一直冇留意到，店舖比之前大左不少羊肉酸辣細碗　　$45對上一次黎食都係專登為左食羊肉先黎，上次就揀左清湯同有皮羊肉，今次就揀酸辣湯底，不過唔記得左要求有皮/淨瘦，於是店員比左淨瘦羊肉。細碗對我黎講都唔算細，湯底帶清甜既羊肉味！完全唔會有羶腥味，而酸辣係另外加左酸菜辣椒落清湯到，所以略為不夠辣，羊肉薄切亦唔韌，好中意個湯底！米線都煮得好好，焾而不爛，容易咀嚼。牛腩湯鍋酸辣米線(細碗)　　$36嚐嚐湯底，能嚐出應該用上了牛骨做湯底，而牛腩頗鬆軟，帶濃郁既牛味～同樣唔差避風塘麻辣雞翼　　$22其實唔辣，偏咸但幾惹味，如果肉質嫰少少就更好凍鴛鴦　　$7(跟餐)呢個真係比較失望，只有甜味，建議如需餐飲，飲罐裝/豆漿星期六既下午茶時分黎食都唔算少人，餐廳都有三分二人，估計星期一至五中午都一定FULL，仲要係工廠區，不過食好野就一家多人架啦…查看更多

今日同老公去觀塘行街街，經過呢間雲南啊老表黑山羊湯鍋米線，係門口已經聞到好香嘅氣味，所以走入去食。我們叫咗羊肉湯鍋米線我選了有皮，牛腩湯鍋米線，口水雞和避風塘麻辣雞翼，仲有凍檸樂和凍檸七。先講羊肉湯鍋米線啲羊肉好多，好有羊穌味，米線都好多好彈牙，份量好足，湯底好鮮甜。:)牛腩湯鍋米線，啲牛腩勁林，入口即溶，真係勁正，我加咗酸菜，酸酸辣辣食咗好開胃，牛腩嘅湯底比羊肉湯底更濃味。口水雞又麻又辣，好刺激。避風塘麻辣雞翼都係好好食，同埋20元有5隻雞翼勁抵食。佢係係工業大廈開，所有好大地方，坐得都幾舒服，都好多人食，坐到爆曬。…查看更多