蔡潤記 (已結業)

每次幫襯舊蔡又好、新蔡又好，我既胃口都特別大，就係因為佢地自家秘制辣椒油囉 ﹗越食越辣 ﹗越食越刺激就越想食，食唔到食唔落肚都唔擺休架，好恐怖呀 ﹗不過，頂多都係食兩碗啫 ~ 會飽死架 ~炸魚皮，傳統炸魚皮，份量都唔少，差不多有八大舊，跟坊間淺啡色薄薄的好唔同。深啡色、厚身又較硬既魚皮，不過炸得非常柏脆亦帶魚香味。已解釋多次食法喇 ﹗浸湯後，吸收晒湯既精華，就算浸左一段時間都唔會話腍劈劈，仍然脆口，口感夾雜住脆卜卜、棉滑於一身，好特別。而且味道充滿炸魚香同湯底既甜味，沖過身，亦將多出既咸味中和，好味。魚片河，細既無加底，炸過既魚片充滿咸香，彈牙且味鮮。河粉烚得滑溜，湯既溫度不太高，一上枱可以即刻入口。如果烚既時後湯既溫度高一點，將河粉烚耐一點，可以做到軟棉加滑溜既口感，吸收湯既能力亦提高，這樣會更美味可口。現時既質感係滑嘟嘟，但係偏重左硬淨而挺身。魚蛋鴛鴦加底加粉豬走蔥，NO. 1 肥美豬粉腸返來喇，上次失手，又瘦又鞋又苦，今次可以一雪前恥。粉腸超肥美，見到完全係脹卜卜，皮脆肉嫰又嚥靭又彈牙，裡面既絨毛洗得乾淨，口感軟棉棉，好好味，必食。魚蛋魚片依舊保持高水平，魚鮮帶咸香，肉彈牙爽口。麵質煮得彈牙有趙口，河粉滑溜，但可做得更好。舊蔡辣椒油，激辣但香甜無比 ﹗一定要一啖麵一啖辣椒渣先可以滿足到我，每次都要食佢四五湯羹才甘心，就算辣到腸胃炎都在所不計 ﹗因為實好非常正，而老闆到依家都唔係入樽零售囉 ﹗…查看更多

又到星期六，放半晝返到大埔，是但食碗靚麵就返屋企瞓個靚覺 ﹗下午兩點步入舖頭，好采唔係好多食客，仲剛有位唔洗等啊 ~ 一坐低當然即 order 啦，因為起碼要等十五分鐘先有好野食麻 ~牛腩河加炸魚皮走蔥，始終清湯底最好味，現在加左濃郁腩汁反而味道變濁。係大埔有好幾間都係提供此款舊式傳俗炸魚皮，大件、厚身、深啡色、味偏咸、質感硬實但非常香脆。其實係要配湯泡浸先入口，先浸一段時間後，等炸魚皮吸收充足上湯，入口時充滿上湯精華，口感既香脆又滑溜又軟棉，亦食到魚鮮味。牛腩質量保持時好時壞，今次係滿意既，炆得軟棉入味，開心。只食一碗點夠喉，以我嚇人既食量，梗係要添食啦 ﹗魚蛋鴛鴦加底走蔥，魚蛋保持爽口彈牙又魚味濃，唔似得依家新蔡咁變得又粉又腍劈劈，唉，好失望，質量跌到谷底，從未係任何一間主打魚蛋既麵檔會出品如此差既魚蛋，想當年我評為 NO.1 既新蔡潤記魚蛋去左邊呢。繼續食，粉麵均烚得剛好，粉滑溜夠熱、麵嚥靭有趙口。香甜美味既清湯，真係忍唔住大口大口咁飲幾啖，每次都連湯都飲晒。暫時食過最香最辣既辣椒油，每次都係主角，一碗粉麵起碼要兩羹先夠，一啖麵一啖辣椒油，爽到痺，越食越刺激 ﹗越食越開胃 ﹗一邊食，背部同額頭都 keep 住滴汗，雙脣辣得紅紅的，感覺好正呀 ﹗點解老闆唔肯入樽銷售喎？比我帶佢地返屋企到好麻，送禮自用都好好架 ﹗…查看更多