咖啡灣 (太和中心) (已結業)

最近跟閨蜜去了一間餐廳由特飲、小食、主菜、甜品都有不少選擇🙌環境以粉藍色作主調，好有少女心呢💓好適合跟朋友邊吃邊Chill 下👩‍❤️‍👩最喜歡坐窗邊的座位，感覺最relax🍹奶蓋曲奇紅豆綠茶曾經試過係其他餐廳飲類似的飲品，落單時叫小甜小冰，但餐廳表示甜度已固定，不可以少甜。相比下這間餐廳很貼心！有甜度可選擇，可選擇少甜👍 而且綠茶跟紅豆味都不會變淡，整體感覺剛剛好，減少了罪惡感🍝 軟殼蟹黑松露忌廉意粉原隻軟殼蟹上碟！軟殼蟹的size都好大呢！一上碟已經覺得很有氣勢，食落有好香的黑松露味道，軟殼蟹不會太乾！很香脆，咬下去還有肉汁。意粉裡面加了菇跟洋蔥，每啖都有配料跟滿滿的意粉醬，非常有口感。意份的份量都很多！很抵食！🐥黑洞麵包黃金雞麵包裡面是咸蛋奶黃芝士醬，咸蛋黃味很香！原來咸蛋黃加芝士醬很match💕很喜歡這個醬，好好味😋 餐廳的炸雞都很有誠意，外皮有點像台灣的鹽酥雞的酥脆口感，更有椒鹽味。炸雞充滿肉汁，外脆內軟，非常juicy🍓玫瑰草莓窩夫一上碟時已聞到好香的玫瑰味，賣相很吸引！窩夫加雪糕吃下去時更有一片片細細的玫瑰花瓣，感覺很清新，份量很大碟！一個人應該吃不完！很滿足！…查看更多

今日約咗個好耐冇見既朋友去佢屋企附近食Lunch，係門口經過見到呢間餐廳裝修幾特別幾有心思，而餐牌啲食物又唔係好貴，所以就入黎試下。🍴軟殼蟹黑松露忌廉意粉有啲餐廳會將軟殼蟹切細件上碟，但呢間好特別，原隻軟殼蟹好有霸氣。軟殼蟹外脆內軟，外皮脆口，咬落啲蟹肉汁滲出黎，配上黑松露忌廉汁，郁香既黑松露味加上蟹肉鮮味，輕易就可以清碟。而意粉配料有洋蔥同菇，令口感大大提升。🍴黑洞麵包黃金雞炸雞非常酥脆香口，食落有台灣鹽酥雞既口感，而肉質嫩滑，咬落有肉汁，一啲都唔乾，就咁食唔點醬都好好味。而麵包入面有咸蛋奶黃芝士醬，滿滿既咸蛋香味，非常邪惡但又令人難而抗拒。…查看更多

今日約咗朋友去大埔shopping ， 順便食完飯先回家， 朋友帶我去「Cafe Swan」食飯，因為佢掛住個甜品， 佢想再encore 呀！ 首先，我哋叫咗個《軟殼蟹黑松露忌廉義大利麵 $108》， 以平民嘅價錢， 可以食到軟殼蟹同黑松露真係超值之選。 我對黑松露情有獨中， 佢嘅香味， 係我至愛。 意粉加咗洋蔥、菇菌同黑松露一起煮， 香噴噴， 香味十足，加上香滑忌廉，非常Creamy，味道可口。原隻軟殼蟹放在美味嘅意粉上，真係有d震撼，外觀非常吸引， 又係相機食先嘅時間，軟殻蟹炸得香脆， 配上香濃嘅黑松露忌廉意粉，真係高水凖， 太美味了！《鵝肝和牛巨人堡 $138》件和牛真係好大好厚， 不愧係巨人漢堡，和牛又香又有牛味， 加上芝士， 真係十分juicy呀！ 而且， 鵝肝同和牛係最佳拍檔， 味道好夾， 鵝肝甘香，十分惹味，再加上洋蔥、蕃茄和生菜等材料， 可以中和鵝肝嘅油膩， 蔬菜又幾爽口， 味道當然好正啦！ 仲有薯條做配菜， 薯條脆卜卜， 仲熱辣辣添。 最期待嘅甜品出場啦， 在多種口味當中， 我揀咗《紫薯雪糕窩夫 $82》， 因為覺得幾特別。嘩！好巨型呀， 份量十足， 兩人食到好滿足， 材料有窩夫、忌廉、士多啤梨、 甘薯同紫薯雪糕等等。 頂層係紫色雪糕，帶有紫薯香味， 口感細滑， 而窩夫就在底層， 由4個心形窩夫做成的， 十分美麗。暖暖嘅窩夫， 入口香脆， 帶有蛋香味。 將窩夫加上忌廉， 草莓同棉花糖，一齊叉住， 再沾上雪糕， 一齊食， 味道相當豐富，口感亦十分有趣。整體食物不錯，價錢又合理， 最特別就係紫薯雪糕窩夫， 回味中。…查看更多

屋企附近呢間人氣Cafe，經過左好多次，但我又想食咸食又想食窩夫又怕食唔晒，都係冇食到，最終朋友今日大陸放工落嚟陪我食！今晚客人都幾多，有九成客，好彩仲有位唔駛等。舖面唔係大，中間有個大型水吧。嘢食啱年輕人口味多啲，老人家未必啱食，場內都唔見有老人家。我哋都算係年輕人，嘢食都幾啱我同朋友口味。【綠茶鮮奶$36】因為俾餐牌幅相吸引，所以我哋兩個都叫左呢個。構圖好可愛，有少少似三眼仔，一上枱未飲就要相機飲先，喪影相！！！綠茶味同奶味都好濃好平衡，唔駛加糖，甜度啱啱好！【軟殼蟹黑松露忌廉意粉$108】呢個係我近年食過最好食嘅軟殼蟹，上枱時好香炸蟹味。擺得好有氣勢，外皮鬆脆，難得裏面有唔少蟹肉，夠飽滿、脹卜卜（近年食好多都係主要得個殼，入面冇乜肉，好奇怪）。意粉煮得煙韌，醬汁creamy，面頭亦有好多黑松露，滿晒黑色點點。呢道菜會係我翻食首選！【手作特級和牛漢堡$98】點餐時店員問駛唔駛開半，又幾貼心，我成日都切得好肉酸！芝士半溶，漢堡扒亦幾厚，味道係唔錯，但係就食唔出牛味特別濃郁或者油脂特別豐富。【紫薯窩夫$82】好少見到窩夫配紫薯，即刻要點一客！面頭有一粒粒小蕃薯同士多啤梨，窩夫呈心型狀，夠脆但冇乜蛋香。雪糕得一球，唔多夠蘸窩夫，其他口味有兩球雪糕會好啲！做左呢個有九折，即係唔駛加一!埋單後仲有coupon送返下次用，仲可以抽獎。亦都有吸印仔換食品。睇返午餐都係$68-78，下午茶$35-45，仲包餐飲，確係幾抵咁。下次自己一個人都可以嚟呢度食個tea或lunch，行遠少少，唔駛成日喺太和商場食啦，食到悶了！…查看更多

星期日family day一家人食下嘢家姐之前食過話唔錯 今次就帶埋我地嚟食3點左右去到攞位，等咗大概20mins就入座（未入座前，店員已預先為我們落單。因為食物烹調需時 很細心啊），店鋪不大，我地5人要將就坐4人檯，確實有啲迫😐等咗陣。有得食啦😙先嚟個 白酒忌廉煮蜆啲汁煮得好好味，同啲蜆好match忍唔住要埋啲汁點薯條食芝士焗薯條。點果陣唔記得咗原來burger都係連薯條 所以就食咗好多薯條三文魚沙律～無咩特別，但啲菜都fresh跟住就係南瓜蘑菇忌廉蟹肉意粉真心覺得好好食啲意粉軟硬適中，滑嘟嘟，啲汁又係好好味再嚟多個軟殼蟹黑松露忌廉意粉意粉都係煮得好好食，唯一係隻軟殼蟹好奀到burger啦。 深海魚柳芝士漢堡魚柳好滑不過就味略淡。 包就外脆內軟。 唔錯手作特級和牛漢堡～見openrice都好多人讚好食呀塊漢堡排都幾juice好啦，食完正餐食甜品是常識吧！士多啤梨窩夫士多啤梨大大粒又好新鮮，雪糕再配上熱辣辣嘅窩夫。yummy最後上埋飲品玫瑰鮮奶咖啡同埋海鹽鮮奶咖啡，玫瑰有玫瑰味，但略嫌咖啡味唔夠濃。 海鹽咖啡係另外俾樽晶鹽你自己加。 鍾意加幾多隨個人喜好調節，咖啡好creamy再加埋海鹽調出咖啡味，一致覺得呢杯好飲啲😎我覺得呢度最令我難忘嘅係意粉，為咗啲意粉我一定會再嚟食…查看更多

(之前submit既食評問都冇問清楚就被人delete左，底都冇得留而要重新寫過，以證自己清白，唔係為左優惠先寫好評)話說呢家餐廳用Facebook或Instagram follow、打卡加upload相就可以全單九折，即免加一；係openrice寫食評同樣可以，但好評劣評都可有呢個優惠。而我當日只係用左Instagram做左呢個優惠，而家openrice既呢個食評係後補。我只係想大家知道有呢個優惠，去食既時候記得可以用。言歸正傳：在大埔游泳池游完水，找找太和站附近的好吃，就來了這家裝潢較少女風x悠閒假日的地方。原隻軟殼蟹吸睛，蟹鮮有膏但稍稍過鹹。黑松露忌廉可更香，不過有許多雜菌搭夠菇味🍄，但配鮮味的原隻蟹有點搶味。🍝意粉則煮得頗彈牙，掛上忌廉汁很夠飽。鵝肝很creamy，夠厚度煎得香脆而內裡pinkish。🐂和牛漢堡扒雖然煎至全熟，但肉質仍帶軟綿和juicy，牛油香味濃郁。簡單配上🍅番茄、生菜和沙律醬，加上烘脆包邊，🍔份量大得吃一個也就飽了。比起Burgeroom，這個較淡味也較不油膩，價錢也就相差一半。薯條是幼身連薯皮炸，一點也不油，簡單用香草調味，香口好吃。看看牛肉有吋半的厚度! 鵝肝也是半生熟，仍然pinkish。少女系賣相討好，新鮮制窩夫還暖，配紫薯味濃的雪糕球🍦，冰火交融。窩夫雖牛油味不重，質感軟腍得來不會太soggy。🍠小紫薯和🍓草莓夠fruity，也想不出這樣夾。鮮忌廉輕盈豐厚，令整個窩夫不太乾。整個menu的食物都用上軟殼蟹、黑松露、三文魚、櫻花蝦、明太子、帶子、大蝦等這些較貴的食材，加上大部分一百元不到，很是討好，難怪用餐準時九十分鐘也有這麽多捧場客。記住甜品特別是窩夫因要廿分鐘製作時間，不要待吃完主菜才慢慢選，不然限時之內要吃完會有點趕。…查看更多

慶祝母親節唔想飲茶同人逼，openrice一下揾到間特色餐廳評價不錯。地圖顯示咖啡灣由太和站步行需要10分鐘，不過太和商場出口迂迴要開住google map方向先清晰。地理位置唔方便但唯獨咖啡灣長期都有人龍排隊，即管試試有甚麼實力啦。餐廳燈火通明，外面係歐陸式的木框玻璃屋。落地玻璃貼上同café有關的貼紙，大人細佬見到已經好開心。排隊期間覺得累既門前有幾張椅子，仲有坐地風扇解暑添。店員好主動跟進等位進度，亦遞上menu可以提早落單。爸爸媽媽對此大讚。Café Swan店舖面積唔大，座位大約可以容納二十五人。開放式的廚房運作一目了然，抽氣通爽，用具都非常乾淨。由天花上懸吊既仿藤蔓，活潑既黑板menu，以致牆壁既牆貼…..可以估計咖啡灣由年青人設計及經營，所以來食飯都係情侶一對對或者年輕家庭。媽媽睇完菜單好快下決定，因為想食得更開心三人同行點左5款食品。All-day Breakfast $88雖然精選早餐排隊時已落單，但上枱夠熱唔會因為省時間而犧牲食物質素。擺盤花左心思，眾人至愛既煙三文魚放置中心，被六款食物圍住。一般café提供的英式早餐有既佢都有齊，仲係升級版味道，只賣$88性價比非常高。黑松露炒蛋有陣陣牛奶味好滑，黑松露顆粒下得闊綽撈入兩三隻雞蛋蛋漿一起炒一點也不馬虎。想不到平凡的薯餅有驚喜，入口既薯粒增加口感，而且有淡淡奶油香草味愈食愈滋味。迷你牛角包香脆輕盈好適合女仔細細啖食，我就鍾意加入煙三文魚同已調味既炒菇自製三文治。腸仔火腿唔會太鹹，有一絲肉既質感唔錯。一個人英式早餐當晚餐食都消滅不了，份量大滿足。軟殼蟹黑松露忌廉意粉 $88幾乎枱枱客都有點軟殼蟹菜式又點可以錯過呢?!意粉除左有黑松露味仲有卡邦尼汁，唔想食意粉亦可以選擇軟殼蟹漢堡。意粉唔算多，軟殼蟹反而好大隻。曾經光顧又一城某溜冰場餐廳軟殼蟹沙律，佢既做法係沾上天婦羅粉漿炸至乾身。而咖啡灣既軟殼蟹肉眼不察覺有粉漿，直接炸更薄更原汁原味。殼非常薄無刮喉嚨的嚼感，切開蟹身水份湧現，但同時蟹腳炸得香口好開胃! 黑松露意粉馬上變成配角，意粉al dente比較似炒意粉，黑松露味比all day breakfast內既黑松露炒蛋淡一點。煙肉洋蔥焗薯皮$48小食之中家人認為薯皮算比較健康。焗薯皮用美國品種薯仔，一碟三件。薯仔一開二刮去部份薯蓉釀入煙肉﹑洋蔥﹑mozerella芝士焗。洋蔥甜甜地出汁令薯皮保持水份，記得要趁熱食啊。黑椒焦糖雞翼拼薯角 $78係餐廳門口黑板會有期間限定既小食，職員見我地加單推介的。黑椒焦糖雞翼唔會拔絲，黑椒味香食到即磨黑椒既辛辣。混入焦糖，雞翼入口辛.辣.甜.鹹順序出現，好有層次。六隻雞翼十件薯角，多幾個朋友都夠分~ 配意大利黑醋沙律酸酸甜甜一解熱氣。鮮草莓雪糕窩夫 $65窩夫又係枱枱客必點既，正常甜品舖一份賣$85或以上，咖啡灣就平得多。當然味道都好緊要。主角窩夫上枱暖烘烘，烘烤邊位依然脆。窩夫唔糊口又有空氣感但相對蛋味唔重。仔細睇草莓葉子翠綠仲好新鮮，仲好甜。加上一大球草莓雪糕﹑cream，窩夫幾分鐘就吃清光了。食完發現窩夫上的脆粒係小星星形，非常可愛!總括來說食物味道天然有水準，餐廳訂價平民，而店員服務周到令不少舊客回來。用餐時間方面限1.5小時。影低食物post上咖啡灣facebook page可以打9折架~ 下次來要試埋burger同咖啡啦…查看更多

軟殼蟹黑松露忌廉意粉一上枱時有比佢吸睛左! 軟殼蟹 好味 是常識吧! 佢炸得係唔乾既...我自己都好快食哂但其實我食到個意粉重蒜蓉味多過黑松露味架同埋都冇乜忌廉味! 但我自己都覺得好味既!不過同佢餐牌個名好似有小小出入咁.....之後再嗌左杯熱既green tea latte飲....我自己覺得奶味其實重過茶味架.... 不過都尚可接受既...…查看更多