河內越式料理 (村南道)

营业中

休息中

今日去咗大圍一間食越南嘢嘅餐廳入到去好有越南風格，又有越南帽掛喺牆上面😂仲播緊越南音樂😌入去嗌咗一個牛三寶湯河🐮軟殼蟹撈檬🦀仲有安南鮮蝦米紙卷🦐。個牛三寶湯海就有牛腱牛丸同埋生牛肉，D牛展唔韌煮到好腍、牛丸充滿牛味，唔會太鹹有嚼勁、牛肉就肥瘦適中，啖啖肉。湯底冇味精味，濃郁香醇但又唔會特別鹹，有啲可惜既係河粉煮到碎左、夾唔起。連埋河粉仲比埋一個迷你青檸同埋辣椒🌶️而軟殼蟹就好夠鬆脆、皮又薄又酥脆香口點埋魚露食卜卜脆😋😋撈檬入面加左蘿蔔絲、青瓜絲，食食下又咬到花生碎同埋隻蟹既麵衣，酸酸脆脆，口感豐富。米紙卷入面包左蝦、生菜🥬，蘿蔔絲🥕，青瓜🥒、粉絲，十分足料，米紙煙靭、配菜清爽，配埋魚露🐟食好爽口開胃，不過蝦就唔算多😿野飲揀左冰鎮奶茶，真係有一大碗冰凍住，奶茶茶味都有，但係甜味冚過咗陣茶味，個人覺得甜左D🍬 最尾嗌埋甜品：椰汁芒果紫糯米飯（雖然好似係泰國甜品⁉️） 椰汁甜度岩岩好，配埋酸酸甜甜既芒果同埋煙韌既糯米飯，好滿足！唯一缺點係糯米飯比得好大方，有一大舊，食完飽曬🫃🏻😂

今日我去到大圍lunch，一出火車站諗住搵下有咩食，就搵到呢間河內既餐廳首先想講下服務，呢度係本身已經有熱茶飲，同埋餐具，調味料係自助既，亦有紙巾提供 我係非常滿意呢樣跟住就到我地既野食啦，我地一個叫左牛丸湯河河，同一碗軟殼蟹撈檬 因為本身有茶飲既關係，我地都冇叫野飲，首先個牛丸湯河我覺得係ok既，牛丸好食，仲有d辣椒粒比你自己加落去，味道唔錯跟住就係軟殼蟹撈檬，有成隻軟殼蟹，幾正，夠熱夠脆，不過覺得個檬粉就少左d，唔係好夠飽，味道就幾好呢餐我地食左$135，價錢還好，有緣可以再黎食過

成日聽到介紹👂如果想食正宗越南菜🇻🇳 就要試下河內越式料理🤣 難得今日約左大圍嘅朋友 一於拉埋佢陪我食下☺️🍀 越式豬頸肉燒得幾靚 表面夠深色又冇燒燶🤩 味度夠濃 口感嚼勁😛 點埋酸辣醬更加開胃 作為開胃小食一流👍🏽🍀越式炸蝦餅表面炸得金黃 香脆可口😋 蝦肉口感厚實得黎彈牙有咬口 好好食🥰 點埋酸辣醬更加好食🤤🍀軟殼蟹撈檬檬粉汁酸酸甜甜 又係令人好開胃🤣 將花生🥜 青瓜絲🥒 蘿蔔絲🥕 蒜乾片🧄 搞拌一齊再食 吾同口感嘅食材一齊咬 多重層次口感更佳🤩 軟殼蟹🦀有手掌心嘅大小✋ 咬落脆口 味道濃郁好好食🤩🍀極品牛三寶湯河粉湯底清清地 但吾會淡🤫 牛三寶🐮 最好食嘅係牛展 牛味超濃 口感有嚼勁❤️ 牛丸嘅牛肉味都好濃 又彈牙☺️ 生牛肉牛味相比之下 牛味冇咁突出 但都好食😋🍀椰汁紅豆冰椰汁味勁重🥥 好鐘意濃味野嘅我表示好好飲🤣 加埋夠粉嘅紅豆係底🫘 有得飲又有得咬 好滿足🥰🍀 越式青檸冰吾會太酸 夠晒清新 如果係熱辣辣嘅時候飲 一定會好爽😛