豚王 (新城市廣場)

已經好耐冇食過，但咁啱同朋友行過見到，就諗住去試吓。叫咗個2人餐，有拉麵2碗，溏心蛋2隻，餃子，同嘢飲2杯。我哋叫咗赤王，同翠王。首先嚟嘅係餃子，不過係微暖嘅⋯⋯，然後啲拉麵嚟到嘅時候，好似唔係幾夠湯咁。最後，呢間嘢都係唔收信用卡嘅⋯…查看更多

平時好少食拉麵，之前聽過豚王的拉麵出名，但未有機會試，今天剛好在沙田，見唔洗排隊，所以就試一試！拉麵可以按個人喜好搭配，可選湯底，湯的濃度，面可選粗幼、軟硬，要不要蔥等，跟在日本吃的形式一樣！🔸「豚王」🔸豬骨湯味好濃，揀左幼麵，有少少似中式的幼麵，索湯汁一流，肉的部分比較肥，一半都係肥肉，好油，食一舊就唔想食！.🔸「赤王」🔸小辣都係有點辣，湯底都好濃，麵都係揀左幼麵，好彩濃味食完都不會感覺口渴！.🔸「煎餃」🔸意外地好好食，底煎得脆卜卜，餡放左蒜，好香，唔會膩，可以食十隻！！.整體拉麵一般，唔算特別出色，反而煎餃有驚喜，推薦要試試煎餃！…查看更多

平時黎開沙田新城市廣場，都係唔知道食乜嘢好，因為呢度多數食嘅嘢都比較貴，啱啱出咗糧，見又想食拉麵，就選擇左呢一間豚王！今日係星期四夜晚大概八點左右，諗住冇乜人，但係都要等三張枱，大概十幾分鐘之後先可以入到去。呢度嘅鋪面都幾日式，大部份都係用木做裝修，眼前見到一大個開放式廚房，都幾有風格！因為本身都趕時間，於是一入到去即刻點左嘢食先，點完之後，都仲要再等大概十幾分鐘先可以食得。俾大家睇睇餐牌我哋主要可以選擇豚王、赤王、黑王、翠王同埋限定王，詳細有咩分別，可以睇睇佢旁邊嘅講解。如果有特別喜好嘅，都可以隨意加錢，加以下呢一啲嘅配菜一埋到位，店員就比每人一份點餐紙，任何嘢都可以自由選擇，包括湯底、配菜、辣度同面嘅種類等等。我哋揀咗一個黑王，同埋一個赤王。黑王黑王使用日本傳統黑醬秘製而成嘅湯底，今次嘗試選擇咗濃湯底，配搭肩肉。黑醬加蒜有啲似食緊黑蒜油嘅感覺，因為濃湯嘅關係，唔太食得出豚骨湯底嘅味道。肩肉比腩肉大塊，肉中的油脂分佈均勻，口感有層次。赤王赤王是由麻油研製而成嘅鮮味香辣醬油，辣道選擇左3辛，初頭食都唔算好辣，但食到中段，已經成頭大汗。選擇左腩肉做餸，啖啖肥肉，食落去好有滿足感！兩碗面都選擇咗軟硬度普通嘅細面，亦即係平時食開個隻幼拉麵，都幾彈牙！上方個一球其實係肉碎，撈勻落湯底裏面，連同拉麵一齊食，幾有咬口，可以食到拉麵同肉碎兩種唔同嘅層次！我哋亦都另加左紫菜伴住拉麵食半熟蛋呢度嘅半熟蛋係我食過咁多次以來，覺得最好食嘅！ 咬開之後，裏面嘅蛋黃好水，旁邊嘅蛋白亦都同樣流心，好soft!旁邊亦有呢隻經過腌製嘅食物可以任夾，但係係乜嘢食物就唔係好食得出，辣辣地有啲似泡菜嘅感覺，類似芽菜但係係爽嘅，都幾開胃！兩個人食埋單＄215，都比較貴如果自問係重口味嘅你，可以即管來挑戰一下！…查看更多

豚王一直都在我的到訪清單内，雖然老公一直在慨歎，本地的過江龍總是比不起日本當地的拉麵水準，只是個人認為這準則未免太苛刻了，這如同要求日本人做出地道的中華料理一樣，難矣。因此，當遇上口碑滿載的拉麵店時，我倆還是樂意一嚐的。食友曾向我力推這一家豚王，說是重口味之選，而這正合我意，那就試試它的實力吧！這是到沙田遊走，這家豚王近在咫尺，下午時分客人不多，不用排隊輪候便可入座，始終不是只有一家分店的那當時了。要坐上二人食桌是難事，只有選坐中央的大木桌了。平心而論環境是其次，最重要還拉麵的質素吧！拉麵選項十分簡單：豚王、赤王、黑王、翠王，還有一款限定。湯底、配菜、麵質、辛度都可按個人口味選取。原味的豚王($88)湯底的濃稠，是黏得掛嘴的程度，那是用上不同部位的豚肉豬骨熬出的成果，喝下有濃厚的豬骨香氣。麵選正常硬度的太麵，正常的的拉麵粗度，出來硬度凖繩，也有蛋香。湯底夠濃的關係，連帶配料也因此而美味度大增，因此老公追加了木耳和紫菜各一份，木耳($8)是滿滿的一碗，而紫菜($8)跟豚王也是十分搭配。席間見不少食客追加麵條，除了飽肚的考量外，如不是湯底夠濃夠稠，客人才不會願意加麵了吧! 那三片豚腩肉叉燒確是令人又愛又恨，切成薄片的五花腩看似肥膩得很，但放心都是膠質甚重的豬皮而已，而且當你放入口中，首當其衝是那濃厚豚香，伴隨的是那弹性與靭性，顯得更滋味特別。辣味的赤王($95)先嚐一口辣湯，除了基底那豚骨味噌的濃鮮外，湯辛辣而不嗆喉，帶甜甜的溫潤感。中央部分辣味肉醬撤滿了辣椒粉，但同樣不算死辣，蘸伴着幼麵來吃更滋味。麵質選了個人十分鍾愛的硬麵，不是以生麵充當硬麵，硬度令人滿意。肩肉叉燒偏瘦，脂肪少，相對地肉香更濃，很適合配搭重口味的赤王。這赤王很適合我這等口中說愛辣，卻又怕辣之輩吧！不得不提的是豚王的半熟蛋($16)，把蛋用筷子戳開後便知對辧，濃稠黏糊的蛋漿配淡淡醬油香，真有衝動再追加一份呢！在拉麵店吃甜品最是不宜，而我也實在是太無聊了，竟追加了這杏仁豆腐($16)。還好不是現成包裝的那種，不過也没有好到那裡去，就是用杏仁豆腐粉做的，杏香淡淡的幾近全無，還好有黑糖的點綴，入口涼絲絲的，就當是吃拉麵後降降溫的甜點吧！服務，是一個加分位。對坐有一家大小，當中有個兩三歳的小女孩，男店員不止為她端來兒童餐具，還拿了一籃糖果逗孩子，更拿來畫紙和筆給女孩畫畫，想不到拉麵店對小客人也貼心如此，那男店員親切的態度，感覺還真像日系的陽光暖男。有說豚王水準下降，才光顧不過一次的我實在不好評論甚麼，對我來說拉麵美味就好，合意也就更好了。對重口味的我而言，這豚王、赤王，還是有值得再訪的理由的。…查看更多

之前新聞都有講過, 馬鞍山是個美食沙漠, 餐廳少但人多.間間餐廳不論食物質素好與壞, 都會大排長龍.在馬鞍山出街食飯, 真的要花時間排隊.不想排隊的話, 就唯有坐巴士或小巴到沙田了.今次我就和朋友仔到沙田的豚王食晚餐.店員先放下餐牌和點餐紙.豚王拉麵共有五款:豚王、黑王、赤王、翠王和限定王.今期的限定王是鰹魚王.除了拉麵的基本配菜, 食客還可以加錢另加配菜.在點餐紙中先選拉麵款式, 再按自己喜好選擇醬料、配菜和麵.我因為腸胃最近不好, 所以選擇了豚王, 即是原味.朋友仔喜歡食辣, 所以選擇了赤王.而他的湯底選擇都比我的選擇重口味.豚王 HK$88賣相雖然與普通拉麵差不多, 但味道相當不錯.湯底是很濃的豬骨湯, 而且不會覺得很油膩.另外, 我只選擇了普通分量的秘製醬油和蒜蓉, 所以都不會重口味.左上角棗紅色的醬是豚王的自家制唐辛醬, 這個是1辛的份量.唐辛醬與豬骨湯混合後, 湯的顏色並沒有太大分別, 可能醬比較少, 所以不覺有辣味.野菜方面, 我選擇了椰菜, 椰菜口感與木耳絲一樣爽脆.叉燒肉中, 我選擇了肩肉, 因為我覺得肩肉比腩肉瘦.肩肉雖然薄, 但size約有一隻手掌大, 而且每碗有兩片.我覺得拉麵與糖心蛋是perfect match, 食拉麵一定要食糖心蛋.豚王的糖心蛋是與拉麵分開上的.糖心日本蛋 HK$17不過一隻蛋HK$17其實都挺貴的.糖心蛋好好味.赤王 HK$95赤王的湯底紅紅的, 看起來好像好辣, 但湯底的紅色只是香料的顏色而已, 辣味都是來自唐辛醬.除了湯底, 還有兩種麵選擇 - 細麵 (幼麵) 或太麵 (扁平麵).這個是細麵 (幼麵).這個是太麵 (扁平麵).我覺得兩者不論是賣相或口感都沒有太大分別.總括來說, 食物味道不錯, 份量都正常, 男生都會食得飽.價錢方面與其他日本拉麵店相比, 不算貴.拉麵口味選擇不多, 但正是日本拉麵店的特色.其實在沙田等位食晚飯的人雖然都有很多, 但已經比馬鞍山好得多了.…查看更多

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！首先介紹豚王。湯底好香豬骨味，膠質未算太重，幾啱我口味。翠王，加入新鮮羅勒葉同埋大量芝士粉，似fusion菜，味道幾特別，都唔錯。黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。結論係，原味最好食。想變吓款？翠王啦！其他就咪搞。為咗款原味，值得嚟一次。…查看更多

上星期咁岩有日收早, 諗住新城市食lunch到到都要等位, 突然想食拉麵, 見到豚王唔洗等, 就即刻過左去次次黎唔係試豚王就黑王, 所以今次諗住試下新野 －　赤王可能平日下晝, 所以唔算多人, 不過落完單都等左十分鐘到先有得食一黎到見到咁紅都知辣啦, 試第一啖, 有d嗆喉但之後食落ok, 幾惹味, 我唔算食得好辣都接受到雖然拉麵味道唔錯, 不過次次食完都會好口渴…查看更多

終於有機會一試豚王, 係中環灣仔經過好多次, 由於太多人排隊, 真係無時間等.係沙田睇完7點半, 問問老婆, 連對拉麵一般既佢都話想一試加上唔洗排隊, 咁就行左入去.太太點左一碗豚王, 一嚟到試下個湯先, 幾好味~ 佢點幼麵+腩肉 (連唔好拉麵既佢都話好食, 得)我黠左個赤王, 8辛辣, 我要湯濃香油多, 因為我加左麵, 怕加既時候唔夠味, 結果我猜對了 岩岩食既時候較濃, 加左麵味道都夠, 唔錯~~唔錯! 唯一係我太高估自己, 飽得濟~ (其實個半麵岩岩好, 可惜無得嗌半個)個麵幾有咬口, 因為我要"普通", 個人口味而言, 確係比外面幾間有名拉麵好食. 試完冇名大於實既感覺. …查看更多