新記雞粥 (筲箕灣道)

元朗老字號新記雞粥在港九新界都有分店 港島區都食到啦😍食物選擇好多 出名的粥品小食同港式小炒都有 食物份量足也能保持一貫水準 價錢又大眾化😬餐廳以自助QR code下單都好方便✨貴妃雞粥 豉油王炒麵 配飲品 $62馳名貴妃雞粥原煲上熱辣辣好值得推介🍲雞肉嫩滑粥底夠綿🐔帶雞油香味道好鮮甜 午餐/下午茶配埋豉油王炒麵🍜同飲品CP值好高😍✨椒鹽豬扒飯 配飲品 $51豬扒大件 肉質夠鬆軟不會油膩🥓伴隨香脆的炸蒜🧄好惹味又有鑊氣 飯的份量都好多🍚✨鬼馬炒牛肉 $75多要了一個小菜送飯 鬼馬原來是油炸鬼😆加入大塊又嫩滑的牛肉同馬蹄 口感好豐富 整體味道不會重口味都幾特別 可以一試✨酥炸魷魚鬚 $61魷魚鬚新鮮現炸熱辣辣 炸得酥脆不會油膩 沾上喼汁好好食👍🏻✨蝦米炸兩腸粉 $29腸粉外皮比較薄 夠滑也帶米香 裡面的油炸鬼保持香脆 蝦米好足料鮮味🦐可以自行加入甜醬辣醬 如果能提供麻醬就更完美🤤✨炸芝麻球 $24芝麻球有6大粒 圓滾滾炸得脹卜卜 豆沙內餡的外酥裡煙韌 外皮裹滿白芝麻好好吃😋📍新記雞粥 (筲箕灣道) (筲箕灣)筲箕灣筲箕灣道307號地下及1樓…查看更多

筲箕灣都有大件夾抵食既餐廳,呢間餐廳價錢唔算貴,份量都俾得好足,絕對對得住佢既價錢👍🏻呢個價錢做到呢個質素我覺得真心抵食,CP值好高😉《海蜇生腸 $58》涼拌小菜,醬汁調味得辣辣地,好開胃,係會令人忍唔住係咁食😂《貴妃雞粥 $59》餐廳招牌菜式之一,個粥底煲得幾綿,雞肉唔會煮得好老,肉質都幾嫩滑,而且份量真係好大煲💁🏻‍♀️《紅燒元朗脆皮乳鴿 $76》乳鴿都算大隻,都切到成四大舊,算係多肉既乳鴿,燒得唔錯,個皮有少少脆,都ok!《菠蘿咕嚕肉 $61》咕嚕肉基本上都唔會太差,粉漿落得啱啱好,唔會話太多粉冇乜肉係入面,幾好食🤤《XO醬叉燒炒滑蛋 $71》呢個叉燒炒蛋真係必叫!!炒蛋炒得好滑,叉燒既Size真係一件件,唔係切到勁細個啲,重點係真係好大份,成碟全部都係蛋,叉燒既份量都唔少,好抵食!!新記雞粥筲箕灣筲箕灣道307號地下及1樓[⭐️5分為滿分]味道⭐️⭐️⭐️⭐️環境⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️…查看更多

呢日打算去海防博物館參觀所以係筲箕灣搵食 見呢間雞粥好似幾好味 所以天氣超熱都去食😂原來係元朗老店係港島既首間分店雞粥大大碗 好足料 好綿滑套餐加既炒米粉 份量都多都係跟餐既炸両…查看更多

難得有Friend call去打場波🏀，玩完點都要一齊食埋飯先放佢番屋企，於是去番我地兩個既飯堂「新記雞粥」，貪佢就腳之餘又CP值高誠意推介「蜆介鯪魚球」，出色過坊間既中菜館，金黃色既脆皮，咬落熱辣辣好彈牙，完全無泥味，記得要蘸埋蜆蚧醬，好正咸鮮味呀😋😋😋黎得「新記」點會唔叫「貴妃雞粥」呀？即叫即滾，粥底綿夠熱，又有雞肉甜味，食到有輕輕用酒加少許藥材醃過，唔係普通白切雞，煮得唔過火之餘保持肉質嫩滑😙.食粥梗要配埋「豉油皇炒麵」，一上枱就出晒煙😮勁多配料：洋蔥、銀芽同埋蔥，麵條炒得好乾爽唔油膩，好有鑊氣👍🏻「酥炸魷魚鬚」好食到俾我friend掃左大半碟，我明白丫～因為完全係細個去茶樓食到既風味，粉唔多又唔太油，外脆內嫩，最怕食到又硬又靭呢，依道新鮮炸起完全無問題我friend必點「XO醬炒蘿蔔糕」，蘿蔔糕煎香左再加XO醬去炒，仲有好多XO醬料鋪面，鍾意佢可以一件一啖，少少辣，香口惹味加埋「叉燒腸粉」，腸粉薄身柔軟，包住叉燒粒，食落腸粉皮滑身同有少少煙靭感，酒樓既厚皮腸粉無得比啦😌「新記」既選擇以至味道都岩晒我地胃口，又樣樣大碟，我地兩個男人可以清晒碟🙈，不過就飽到行唔郁，睇黎頭先打波消耗既卡路里，都係白費架喇⋯😅😅…查看更多

食雞粥一般都會諗起沙田同元朗，元朗呢間雞粥喺九龍同港島都有分店，唔使入元朗都食到元朗老字號雞粥，今次嚟筲箕灣分店試下水準。餐廳格局同一般茶餐廳差不多，雖然唔算闊落但感覺乾淨企理。餐牌上好多選擇，除咗招牌雞粥，亦有多款生滾粥，另外仲有多款小食、炒粉麵同小菜。貴妃雞粥即叫即製，用砂窩上枱份量都唔少，適合兩個人分享。淡黃色嘅粥底吸收晒雞油，口感綿密濃稠度剛好。貴妃雞非常嫩滑，就連雞胸都滑食粥一定要配炸兩，腸粉透薄滑溜，油炸鬼微脆。鮮蝦雲吞蝦肉爽口彈牙，每粒雲吞都有一整隻蝦，而且好香大地魚味。星洲炒米咖喱味濃郁，少少辣好惹味而且超有鑊氣，唔會太油膩，比好多茶餐廳更出色椒鹽海中蝦賣相好靚，一上枱就聞到好香椒鹽味。蝦殼炸到脆卜卜，連殼同蝦尾都可以食埋總括嚟講食物質素好，選擇多而且價錢好抵食。下次諗起想食雞粥都會嚟幫襯。…查看更多

筲箕灣最多懷舊既鋪頭，今次黎試下呢間新記雞粥😝2點下午茶時間黎到，鋪頭都好好生意，座無虛席😇餐廳食物既選擇都好多，有出名既粥品麵食，又有唔同既小炒同小食🤭下午茶都有粥粉麵飯可以揀，好唔錯👍🏻🍲貴妃雞粥配炸兩（$58）黎到一定要試招牌雞粥，雞粥用砂煲仔上粥底非常軟綿，好正😍雞肉都算多，而且雞肉嫩滑😙炸兩亦都好食，油炸鬼好脆口，腸粉軟滑😋一個Set有兩樣野食真係好滿足🥳🍜鮮蝦雲吞麵（$41）雲吞麵有五粒雲吞，雖然唔係好大隻，但係蝦肉彈牙🙉我揀左幼麵，麵質爽口彈牙🤩下午茶黎講份量算大碗🥰🦑酥炸魷魚鬚（$58）小食絕對有驚喜🤩魷魚鬚即叫即炸，炸粉唔會太厚，魷魚亦唔會韌😌一咬即斷，魷魚彈牙😉必叫‼️🐟蜆介鯪魚球（$55）鯪魚球一碟六粒，全部都大大粒☺️蜆介醬亦好足料，蜆大大隻🤓好唔錯💯🧆XO醬炒蘿蔔糕（$55）蘿蔔糕炒得好香口，XO醬好足料，見到一絲絲乾瑤柱🤤蘿蔔糕炒得乾身唔會太油🤗味道亦好足夠，大大碟性價比好高😎/📌新記雞粥 (筲箕灣道) (筲箕灣)筲箕灣筲箕灣道307號地下及1樓/😋食物質素：7/10🍽️用餐環境：6.5/10💰性價比：7.5/10👣回頭率：7/10…查看更多

呢排除左月餅之外仲食左好多西餐有時都會想回歸基本 食返港式嘅菜式😁新記喺元朗好出名 原來筲箕灣都有分店位於港島咁方便 所以就慕名去食佢最出名嘅貴妃雞粥🐔.🌟貴妃雞粥 ($56)呢個招牌菜係必點菜式用上貴妃雞去煲呢個粥 所以味道特別濃郁😋粥嘅顏色較黃 有晒雞嘅精華 而且好香貴妃雞嘅香料味同普通嘅雞粥唔同味 仲冇乜碎骨👍🏻.🌟魚腩豬潤粥 ($43)除左雞粥之外 仲有好多其他款式嘅生滾粥🍲魚腩大大件好易食🐟 而且薑嘅份量啱啱好 味道清新 粥底綿滑.🌟炸蘿蔔糕 ($35)過年之後就冇食過蘿蔔糕 所以已經開始掛住佢🤣蘿蔔糕外層炸得好香脆而且軟腍嘅蘿蔔糕中間仲有少少蘿蔔絲 又冇澀味配埋辣椒醬已經好惹味😚.🌟香脆炸兩腸粉 ($23)炸兩中間嘅油炸鬼夠香脆外層仲有薄薄嘅腸粉😛.🌟燒味拼盤 ($90)燒味拼盤有叉燒、貴妃雞、海蜇、燻蹄海蜇用左店舖嘅辣汁 味道較辣🌶️我最鐘意就係叉燒同貴妃雞貴妃雞係佢地嘅招牌 比起雞粥雞肉更嫩滑🐓.🌟酥炸魷魚鬚 ($58)魷魚鬚嘅份量都幾多🦑而且即點即炸 上枱超香又熱辣辣.店舖有好多街坊幫襯 到晚飯時間更加座無虛席而且上菜速度亦都好快 性價比高😉…查看更多

元朗新記雞粥有足足三十幾年歷史佢嘅雞粥超出名 原來佢喺港島同九龍都有分店 唔使特登去元朗先有得食😽 住港島嘅我今次去咗筲箕灣分店食～✻貴妃雞粥（$56）之前喺其他分店都食過 每一次都會叫每一次都唔會令我失望因為真係好好食😋佢嘅粥底好軟綿綿而且超香雞味～～ʕ •ᴥ•ʔ仲有好多好嫩滑嘅雞件 真係必叫嘅招牌菜！✻蜆介鯪魚球 （$55）一上碟嚇親 因為估唔到咁大粒大粒過乒乓波🤣 仲要有六粒好抵食而且超足料 鯪魚肉新鮮又彈牙點埋個蜆介汁一齊食超級好食🤤✻ X0醬口水雞 例牌 （$79）佢嘅雞一樣好嫩滑 而且份量都好多唔食得辣嘅我覺得呢個有啲太辣🤣但都係幾好食啲雞好新鮮～(*¯︶¯*)✻香脆炸兩腸粉（$23）食粥必叫炸兩😆 佢嘅炸兩賣相一流！腸粉皮好滑 入邊嘅油炸鬼都幾香脆～✻涼瓜炒蛋 （$53）佢嘅炒蛋好滑身🍳 涼瓜爽脆又唔苦簡簡單單健康又好食✻七喜龍眼冰（$25）龍眼肉大大粒 甜度適中都幾解渴～✻凍豆漿（$11）豆漿好滑又唔會太甜🥰唔錯結論係雞粥同埋鯪魚球真係好好食😛…查看更多

好耐都無同呀媽出街食過飯喇，不過見疫情開始緩和，佢又肯出去，於是我哋就坐船去咗筲箕灣嗰邊行下，同食午飯。呀媽口中就話乜都啱食，實際都係鍾意食港式粥麵多啲🤣，咁「新記雞粥」就最適合不過。餐廳好多街坊幫襯，可能又搭正下午茶時段，我哋都等咗兩張枱先入得。環境同茶餐廳無咩分別，坐得有少少逼，不過都可接受😉。餐牌成本書咁厚，食物選擇多到一個點，你以為佢得粥食？非也非也。呢度有齊粥粉麵飯、晚飯小菜同涼拌小食等等，花多眼亂🙈。一場嚟到，我哋就梗係要試佢嘅名物：貴妃雞粥($52)🐔，基本上枱枱都有叫。呀媽本身十五十六、又想試埋黃鱔粥，好在生滾煲仔粥係可以追加配料㗎！我哋額外加咗$12要黃鱔，咁就唔駛煩啦～。粥底煲到好綿好入味，最估唔到係啲雞件嘅肉煲完都仲能夠保持嫩滑，雞味亦唔會無哂。至於追加嘅🐟黃鱔味道都幾好，唔腥，口感爽脆。不過粥量唔算特別多，本身以為煲仔上會好大窩嘛。脆皮乳鴿($65)，炸乳鴿好正，就算唔點淮鹽食都好夠味👍。乳鴿好好肉，皮夠脆，唯一美中不足嘅地方就係因為喺街食，食得無咁方便、唔好意思用手食。酥炸魷魚鬚($55)，🦑魷魚鬚勁高質，條條都好大條，加上肉質一啲都唔韌，呀媽都讚好。外皮酥脆得嚟，又唔算厚粉啵，點喼汁食，真係好食到停唔到口。佢係我食過嘅魷魚鬚之中，頭幾位出色。叉燒腸粉($24)，賣相幾靚，🐷叉燒餡唔孤寒，但腸粉本身比較粗糙，食落唔夠滑，所以扣咗啲分...。鮮蝦雲吞麵(下午茶價$38連熱飲)，新記唔係魚蛋粉專門店，所以我無抱太大期望。不過出到嚟，無論雲吞定麵都幾好！首先，🍲生麵爽口彈牙，鹼水味唔重。再者，雲呑有五粒，皮薄，而且食得出鮮蝦肉🦐。凍豆漿(原價$9)，凍飲要加$3，🥤味道普普通通，略嫌淡咗啲。總括嚟講，餐廳嘅食物質素唔錯，特別係幾款招牌菜。怪不得佢咁受街坊歡迎啦👏！價錢以正價餐牌去睇就偏貴少少，但全日唔同時段均設有不同套餐，抵食好多，就例如下午茶嘅雙併😊。…查看更多

攸桐媽飲飲食食遊蹤！而家新冠肺炎嚴重，大家都不敢外出，而且又有限聚令，真係會每人足不出戶。但點都要抖抖氣嘛！所以星期六就同咗攸桐爸去咗屋企附近嘅新記雞粥食下午茶啦！我哋點咗一個貴妃雞粥配炸腸，XO醬叉燒炒蛋飯同埋香炸鯪魚球！貴妃雞🐔粥首先，啲雞🐔配埋啲粥真係一流，雞🐔好滑，而啲雞油又落哂啲粥度，兩者嘅配搭真係正呀！炸腸由於佢炸腸係新鮮製造，所以等嘅時間要長少少。嚟到又夠脆又好食，配埋甜醬麻醬！無得頂！XO醬叉燒炒蛋飯呢個係攸桐爸嘅至愛，每次去食必點！叉燒夠鬆軟，蛋又夠滑，仲有啲XO醬，辣辣地真係食到停唔到。香炸鯪魚球呢個都係新鮮製造，嚟度都係好熱好正！所以我都忘記咗影相，一客其實有6️⃣粒架！🙈總括黎講，我哋試咗幾次，每個菜式或食物都係9️⃣0️⃣分以上架！…查看更多

食物評分 (最高5⭐️): 酥炸魷魚鬚 $49 ⭐️⭐️⭐️⭐️ 香脆炸大腸 $49 ⭐️⭐️⭐️ 涼拌皮蛋$32 ⭐️⭐️⭐️⭐️ 海蜇生腸$49 ⭐️⭐️ 炸兩$19 ⭐️⭐️⭐️⭐️ 貴妃雞粥 $51 ⭐️⭐️⭐️⭐️ 黃鱔粥 $48 ⭐️⭐️⭐️ 艇仔粥 $29 ⭐️⭐️除了粥、腸粉等，還有炒粉麵、小菜等。餐牌:粥有好多款，最出名的當然是招牌貴妃雞粥，還有其他特色粥，如黃鱔粥、田雞粥。 酥炸魷魚鬚 $49 ⭐️⭐️⭐️⭐️這魷魚鬚不錯，鬆脆，熱辣辣剛炸好，不錯。 香脆炸大腸 $49 ⭐️⭐️⭐️這是第二次機會，上次叫時好失望，等了很久後，送來時好興奮，滿懷希望一放入口，還怕太熱氣，結果是凍的，當然不會香脆了，好失望。今次打算多給一次機會，結果暖少少，但也不像以上那碟魷魚鬚般熱辣辣，食炸嘢不夠熱就感覺不夠新鮮，失望😞。 涼拌皮蛋$32 ⭐️⭐️⭐️⭐️皮蛋不錯😋😋蛋黃不會像某些皮蛋般有怪味。 海蜇生腸$49 ⭐️⭐️雖然這碟是冷盤小食，但太凍了，像剛從冰格拿出來不久，有冰凍感。要等好耐還有雪櫃拿出來的感覺。😞 炸兩$19 ⭐️⭐️⭐️⭐️這次炸両不錯，多熱，而且內裡條油炸鬼夠脆，枱面無蔴醬提供，要問侍應拿，我建議加蔴醬，更香口。不過上次叫的炸両不脆，感覺水準不穩定。 貴妃雞粥 $51 ⭐️⭐️⭐️⭐️我們一共叫了三碗不同的粥，比較之下，雞粥的確比其他粥鮮甜好多，好多雞肉，其實我寧願多一剛點粥，好味。不過上次叫的雞粥太鹹，雞肉更不太能吃，今次則好味，所以都係覺得水準不穩，不知幾時好幾時不好。 黃鱔粥 $48 ⭐️⭐️⭐️ 相比之下， 黃鱔粥顏色比較淡，味道也比較淡，價錢只差$3 ，還是覺得雞粥比較好味。 艇仔粥 $29 ⭐️⭐️已經沒有放相的位了，賣相沒有特別，味道亦與一般粥舖差不多。總結：不論小吃、粥等，水準好像不太穩定，去了幾次，亦叫了一樣的東西，但味道水準時高時低，有時過鹹，最大問題是小吃不夠熱，尤其炸品，所以只屬一般。…查看更多

朋友知道我好鍾意食雞粥就帶左我去筲箕灣新記食雞粥，好多人講話好好食既雞粥，所以就走去試下，職員好貼心，比左個口罩封套我地，貴妃雞粥，粥面淡淡黃色，就知道粥一定會沖滿雞味，再加蔥提升香味，好正﹗，雞肉嫩滑，粥沖满雞味，粥軟棉棉好食，鮮蟹粥，粥底軟棉棉夾半隻蟹，味道比較清淡有蟹味，蟹肉好新鮮，海蜇薰啼，賣相麻麻地，味道OK，香脆多春魚，多春魚點醋食，味道好夾，唯一唔好就係炸得太燶。…查看更多

今晚想清清地食粥，於是黎到新記雞粥食粥。佢既餐牌有好多選擇，令到本身剩係想食粥既我都叫左六樣野食。必叫既貴妃雞粥，雞肉嫩滑，粥融入雞味，亦都綿滑。蠔仔湯飯好大碗，食落冇咩味精，唔會口渴。豉油皇炒麵好耐冇食過，係窮人恩物。仲有三樣小食，食粥必配既炸兩腸粉，酥炸魷魚鬚和蜆介鯪魚球。叫左甘多野食，都只係$246，非常抵食又飽肚。呢間侍應服務態度唔錯，好細心，會主動提供協助。眼見成晚做好多外賣，多街坊幫襯。…查看更多

這幾天家人去旅行，唯有約朋友出街食，但又想食得健康啲，就嚟到粥店試試～一看餐牌，除咗有煲仔粥，還有不同粉麵小食可供選擇，怪不得很多人吃☺️——————————🔸海蜇手撕雞 $49 這個海蜇手撕雞分量很多，起初以為只有小小一碟，但出乎意外地多。麻醬很濃稠，所以食到一半已經有點滯， 建議店家可以落少些醬，食起來就不會有罪惡感😆🔹香脆炸兩腸粉 $23每次去粥店食，都會叫炸兩。這間炸兩腸粉算是數一數二好食，因為油炸鬼夠脆，腸粉夠薄，麻醬和甜醬不會太稠身，就算凍左油炸鬼仍然保持脆口，鍾意食炸兩嘅朋友一定要試下❤️🔸貴妃雞粥 $51黎到雞粥店，冇理由唔食雞粥～這個粥不會打到很綿很黏稠，所以食落會有啲口感，還有淡淡雞香味，好味☺️🔹星洲炒米粉 $53這個炒米粉炒得很乾爽，食落有淡淡的咖喱味，不會太油膩～不錯👍🏼🔸蜆介鯪魚球 $49這個鯪魚球外脆內軟，一咬很彈牙而不乾身，越食越滋味。但份量有點多，對於大食嘅我，食兩舊已經有飽肚嘅感覺😂…查看更多

中午放飯，見到這間新開的粥店，天氣開始轉涼，食粥都唔錯。跟同事兩個人一人點了一個粥另加些小食。除了散叫還有午市套餐。皮蛋牛肉粥這裏的粥款式甚多，平時碎牛見得多，這裏竟然有滑牛，牛肉肉質軟腍，粥底很綿滑，粥底清甜無味精。皮蛋是有松花的，味道濃郁甘香。貴妃雞粥雞粥有淡淡的雞油黃色，粥底鮮甜有雞油香味，雞肉腍滑，份量頗多。炸大腸炸得很香脆，腸內油脂不多，外脆內軟且沒有騷味，而且份量頗多。蒜泥汁脆皮豆腐有十件，外面炸得香脆，但豆腐比較結實，不夠嫩滑，而且蒜味汁不夠濃郁，比較清淡。雞中翼炸得香脆，裏面不會太乾，但是店內比較普通的食物。叉燒腸粉腸粉外層粉漿不厚且滑，叉燒份量十足，而且不油膩及鞋口。整體味道不錯，價錢大眾化，份量十足，午市人比較多，所以有點濟迫。…查看更多