海鮮角樂

離堅尼地城地鐵站都算近，提早訂左位唔洗等。渠d海鮮真係超入味，又大只。外加燒牛仔骨，燒羊架，都係好惹味。味道風格我覺得係港式嘅。鹽燒類會係胡椒味，我勁中意，口味淡人士都唔洗太擔心，因爲我覺得唔會over左。元貝勁大只價錢又平，聖子微辣勁好味（開頭好肚餓唔記得影相。）不過我自己就冇預算食龍蝦鮑魚果d，價錢會貴多d，希望下次黎試。我自問都算大胃王果類人，食左好多野，埋單先487 HKD，隔離都有外國人去開嘅酒吧，好近地鐵，地段唔錯，簡直超抵。…查看更多

有雜誌推薦呢間黃店，大大隻秋生個樣話好食，過咗好耐終於同朋友嚟一試究竟。兩個女子食量少，所以叫嘢就住就住，只試咗幾樣。首先上枱係一煲魚湯，天氣凍又落雨飲熱湯最正。依個係細份，兩個人都每人飲到3碗，但係！好腥！上枱非常滾燙，但依然聞到好重腥味，飲落更加係腥，湯係好飲，但怕腥既朋友最好“不了”。飲住魚湯，一碟貴妃蚌都上枱，跟人頭一人一隻，係平時都可以食到既好味，不過都跟平時一樣食到砂，唔知係咪每間既貝類都有依個問題。仲有碟芝士撈公仔麵無影到，點解？因為太好食，影唔切。本身想叫烏冬，但朋友唔鍾意食烏冬，於是叫咗邪惡既公仔麵，我本身對芝士無特別喜好，但今次如果唔係要矜持，我一個人可以食兩碟。最後上枱一份“don't 升班”骨，呢個真係有斑，唔使俾食環告。上枱前老細話會好細件，但本身唔係好食得就叫佢即管上，嚟到又唔覺。未試過慢煮其他野，但就呢件骨嚟講我覺得好油，包括臨上碟前淋既熟油，有d扣分，但整體嚟講係好食。骨煮到透，可以嚼，但始終件骨唔細，唔可以成件煮到擺落口。敗筆係d蔥同豉油，淋油個時淋d唔淋d，好多蔥上枱仲係生，個陣辣味同碟菜完全唔夾，對於我依d鍾意食蔥既人好唔友善。其實仲有一籠菜心，叫咗最普通個隻，本來以為會係原味，點知上枱係蒜蓉菜脯蒸，而且一餐飯食完先蒸到比我，我諗如果唔係我催單，老細可能仲慢慢劈緊柴。菜心係幾甜幾嫩，但我唔鍾意個菜脯同蒜蓉，始終睇名係無預期會咁重口。鋪頭好細，裝飾幾靚，但個廁所門開咗，坐係度聞住廁所味食飯都幾無癮。個頭都好多餐廳，呢間可能要再加把勁先可以突圍而出。埋單每人都過200，抵唔抵就見仁見智啦。…查看更多

食物既水準⋯⋯⋯冇得頂！服務態度簡直⋯⋯掂！每一樣食物都好新鮮，完全吾同酒樓既食法👍🏻，朋友們食完都讚不絕口，地方雖然細左d，但食物種類算多，環境算舒服。會繼續支持😋…查看更多