滾得囍宮廷火鍋小炒

港島原來都開左宮廷火鍋，門口有張龍椅可以換衫打卡，食物選擇更岩香港人胃口，每枱一份九宮格醬料自己揀，乾淨衛生。♡椰子藏雞湯鍋湯 $338呢度好多特色湯底，款式有誠意，唔係出面常見嘅行貨。今次試左椰子藏雞湯鍋，上鍋超有氣勢，用一大塊腐竹包住椰子雞湯料，一睇個形狀就知腐皮有幾結實，煲軟左腐皮會剪開，入面材料好豐富，個湯比起大陸椰子雞湯咸，唔係甜湯，但椰子味好夠。♡黃金雙拼(即炸響鈴及炸魚皮) $98平時響鈴魚皮都係浸湯食，呢度係新鮮炸，加左勁多咸蛋黃，超級邪惡😈真係唔係度度有，仲要咁足料，必食！♡ 手切本地騸牯牛頸脊(細) $338擺盤真係好靚，配合主題仲有去御膳房牌，品質有保證。細份其實都好多，仲有朵牛頸脊玫瑰花，肉嘅紋路一睇就知靚肉，同埋唔係預切冰鮮肉，有油香得黎又唔會太肥。♡ 豬頸肉 $78豬頸肉彈牙偏肥♡滾得囍宮廷餃子拼盤 $148餃子有5款，每款2粒，芋泥豬肉餃、馬蹄冬菇豬肉餃、韭菜豬肉餃、新鮮菜苗帶子餃、和牛芝士一口餃，每款都好特別♡滾得囍豐盛雜菜拼盤 $128拼盤兜都係生菜樣，好得意，雜菜拼盤好紮實，有粟米、蕃茄、木耳、金針菇、生菜、菜心、娃娃菜等等，款式又多又新鮮♡竹蔗茅根 $78港式打邊爐標配👍🏼打完邊爐下下火…查看更多

位於北角的滾得囍宮廷火鍋小炒是一家以宮廷風為主題的火鍋餐廳，環境充滿古典幽雅感，採用印有精美青花瓷圖案的餐具及金色龍頭火鍋爐具，營造出極具古代氣派的氛圍。餐廳入口的皇帝龍椅寶座很引人注目，店裡還提供古代服飾讓客人換上打卡拍照，讓客人一秒穿越王帝時代。店內設有寬敞的卡座位及vip房，整體用餐體驗既舒適又奢華。椰子藏雞湯鍋上桌時，伴隨著煙霧效果，營造出仙氣飄飄的視覺體驗。雞件以鮮腐竹包裹，猶如小布袋般，造型精緻。湯鍋將椰子的清甜和龍岡雞的鮮美完美結合呈現。湯底用上龍岡雞和椰子燉煮數小時，湯底清甜可口，椰子的自然甜香滲透整個湯底，入口即感到滋潤和溫暖。手切本地牛頸脊(細) 牛頸脊肉質鮮紅柔嫩，油花均勻分佈，入口時油脂甘香肉質有彈性，肥嫩又有嚼勁，體現了高品質牛肉的享受。滾得囍宮廷餃子拼盤拼盤內包含五種特色餃子：牛肉芝士餃、新鮮菜苗帶子餃、菲菜豬肉餃、馬蹄冬菇豬肉餃以及芋泥豬肉餃，每款兩粒，一次能夠品嘗多種口味。餃子外皮不厚，內餡用料豐富。牛芝士餃子味道濃郁，菜苗帶子餃子鮮甜多汁，芋泥餃的甜香又帶來一絲驚喜，必點。黃金雙拼(即炸響鈴及炸魚皮) 以秘製鹹蛋黃醬為特色，鹹蛋黃醬的香氣濃郁。響鈴外皮酥脆，魚皮炸得薄而脆，伴隨醬汁的鹹鮮微甘，每口都脆卜卜的口感很惹味。豐盛雜菜拼盤拼盤集合了粟米、蕃茄、雲耳、蓮藕、唐生菜等多款新鮮蔬菜。每樣蔬菜色澤鮮亮，質地爽脆，份量都十分慷慨，吸收湯汁後很美味。豬頸肉豬頸肉切得薄厚適中，鮮嫩有彈性，油脂香氣在口中散化，帶著天然肉香。竹蔗茅根清甜解渴而且調至少甜，能消除火鍋的熱氣，又可清熱解毒。…查看更多

朋友話北角有間打邊爐好正, 話帶我去見識下~初初都冇太大嘅期望, 但一上到去見到個門口有張龍椅, 真係好特別!侍應服務好好, 好有禮貌, 而且張Menu係聖旨, 同門口嘅龍椅互相呼應！我哋坐嘅張凳, 都好古色古香。未食嘢, 就已經比佢嘅裝修攝住! 唔好以為呢間鋪得個樣, 啲嘢比起佢嘅裝修更加冇得彈！康熙花膠雞湯鍋呢個湯底真係好鮮甜! 同屋企阿媽煲嘅有得fight! 花膠同雞係另上。睇住我個朋友將大大嚿嘅花膠同滑脫脫嘅雞放入個湯底度, 就已經流晒口水啦！真係估唔到, 打邊爐嘅湯底竟然有阿媽級靚湯嘅水準！黎都一定要飲咗啖靚湯, 先開始打邊爐！黑松露墨魚滑 +  瑤柱乾貝滑呢兩款滑, 好新鮮！鮮味十足！朋友都話黑松露墨魚滑好食啲, 但我就偏愛瑤柱乾杯滑！和牛一口餃非常特別的餃, 所以我地就叫左黎試, 但當淥的時候大家都一樣烚下烚下！唔記得左和牛唔需要咁長時間, 所以淥左一段時間！入口的牛味好濃烈, 亦好juicy, 相信如果我地時間控制得好的話, 味道會更好！豬頸肉 每次打邊爐必點豬頸肉,  今次又點少得呢！未食之前, 見到佢啲豬嘅紋理, 就已經流晒口水。豬頸肉真係有豬味, 仲非常爽口, 食極都唔膩！ 御前一品 手切牛肉拼盤 如果打邊爐唔叫牛肉, 都唔好話自己去過打邊爐。個牛肉拼盤成座山咁, 啲牛肉白色同紅色嘅紋路好引人入勝！食極都停唔到口, 一塊接一塊咁食！滾得囍蔬菜拼盤冇諗過佢會砌到咁靚、成個花咁, 打卡一流呀~有好多款菜, 連木耳都有, 不過款沙律菜淥完會苦苦地。去滾得囍打邊爐, 真係視覺同味覺嘅一大享受！…查看更多