茶房別天神

蝦味噌豚骨拉麵 ($100)餐廳的也標示註明了湯是沒有味精，是豬骨熬制的，而蝦味噌湯底味道濃郁，蝦味重，點選了的麵是標準軟硬度，麵質是煙韌的餐桌提供醃製芽菜，芽菜微辣的，味道不錯，可作湯麵的配料。套餐 ($110): 豚骨湯麵加 餃子4件豚骨湯底味道也很濃郁，麵質是煙韌。餃子皮脆，味道ok。Prawn Miso Ramen ($100)A post in the restaurant showed that the soup has no MSG and is prepared from pork bones.The soup base was rich in flavor of prawn.The ramen was al-dente as standard texture was selected when placing order.Free pickled spicy bean sprout was provided on each table.It was good to go with the Ramen.Set meal ($110): Hakata Style Ramen and Dumplings (4 pieces)The soup was rich in flavor. The dumpling was tasty with crispy skin.…查看更多

幾年冇嚟過，近排要多留家中，就算出去食都係喺屋企附近食，快食快走！小龍蝦蟹籽沙律我最愛佢哋嘅沙律，唔係普通嘅薯仔沙律，加咗啖啖肉嘅小龍蝦及咬落有卜卜聲嘅蟹籽，再用新鮮紫菜包住，多重口感，超鍾意！蝦味噌豚骨湯麵 ($115)上菜後講咗陣野先食，但一路講就一路聞到好濃郁嘅蝦味，份量多到食到尾都仲有好多蝦，非常誇張！湯底好黏稠，每一啖都有好勁嘅蝦味，飲落唔會覺得好油膩；蛋白熟透、好香嘅蛋黃呈半熟流心狀；叉燒肥瘦適中，唔會咬落成層肥膏咁樣豚骨湯麵 ($75)配料例如木耳絲及蔥依舊咁多；熬咗好耐嘅湯底醇厚，骨膠原蛋白濃稠含膠質；麵條幼細，香滑彈牙餃子一吓唔為意直接咬落去，熱到咀都損，肉汁又必晒出嚟！餡料幾大方，咬開後唔會有好大個空間…查看更多

2020年1月12日。晴。太古。呢日去太古睇戲，睇戲前先醫肚～喺app check得多，有幾間食店已經記住咗係良心經濟圈入面嘅成員呢間冇幾耐之前先食過北角分店呢日就嚟食太古店～餐廳喺吉之島2樓，所以同其他分店有少少分別唔係用機買飛，而係同店員落單亦都係因為喺商場入面，位置比較多～拉麵就同其他分店一樣～另外仲有咖哩飯選擇之前喺北角店唔多覺有飯揀小龍蝦蟹子沙律呢次細心留意到個沙律似係用整雪糕球嗰個剷整出嚟餐廳仲要好貼心咁連裝呢個沙律球嘅碗都係凍嘅！貫徹日本人做嘢細膩嘅作風～當然味道都係好一致，creamy濃滑！餃子餃子同上次食嘅質感有啲唔同上次食嘅係皮脆內軟，今次嘅餃子皮未去到脆嘅程度，仲係軟嘅但係對比外脆內軟，我發現自己更加鍾意呢種質感～香軟得嚟帶少少煙韌嘅感覺～蝦味噌豚骨湯麵呢次再食覺得蝦味噌湯底非常濃厚～～湯汁掛麵，令每一啖拉麵都帶有香濃嘅豚骨湯非常滿足～豚骨湯麵呢個係男朋友食嘅～佢當然都係讚不絶口～埋單嘅收銀位隔籬擺放咗生理鹽水濕紙巾以防中椒，送畀客人，以備不時之需果然有良心！！！大家要多多支持～…查看更多

前日和家人去康怡行街，見到這間拉麵店很多人排隊，就試下係咪咁好食😚——————————🔸豚骨湯麵套餐 $105這個豚骨湯麵，充滿豚骨香味，奶白色湯底，不會太濃太鹹☺️叉燒稍微燒過，軟腍香口👍🏼配上溏心蛋、粟米、香蔥、木耳，正😍 🔹蝦味噌豚骨湯麵套餐 $115這個湯底好濃郁，麵上舖滿鮮味的櫻花蝦，配上軟硬適中的拉麵，越食越鹹🥺媽媽不好重口味，所以比較喜歡豚骨拉麵🍜🔸餃子🥟套餐揀咗四隻餃子，皮薄餡靚，還有些肉汁，好食😋🔹小龍蝦蟹子沙律 龍蝦肉混合蟹子，再加入沙律醬和少少芥末，整體鮮甜～包埋脆卜卜紫菜，一脆一軟，口感特別😋…查看更多

為了換領咸蛋超人紀念品，又來到我最喜愛的拉麵店這分店座位舒適，最適合短腳子的我小龍蝦蟹子沙律配5塊索索聲的紫菜，夾著放滿金黃色卜卜脆蟹籽及粒粒爽口彈牙龍蝦肉的沙律來吃，口感相當有層次餃子煎得又香又脆，外脆內軟，沾上少少豉油已經十分滋味蝦味噌豚骨湯麵上面撒滿櫻花蝦，湯底如海鮮湯，十分濃郁但唔油膩！配料有很多粟米，湯底嘅鹹香夾雜着粟米嘅香甜真的是絕配！溏心蛋亦有一整隻豚骨湯麵湯底很黏稠很濃，不會太咸，叉燒 厚身，燒得十分香口！最重要要是放在枱上可任添的辣芽菜香口彈牙，每次也差不多加了半樽到麵內原來這𥚃還有班戟、咖哩飯及咖啡茶供應！下次要試試…查看更多

今日係太古同屋企人行街，行到晚飯時間，就入咗依間拉面店食野。我地叫左一個套餐之後再外加一碗拉麵。首先黎左小龍蝦沙律，外形美觀特別。味道方面，小龍蝦味道清香，加上其他沙律配料令味道多變但又唔會雜亂。沙律整體感覺入口清香，令人開胃。呢個沙律仲附有紫菜，用紫菜包裹住沙律，外層香脆嘅紫菜令口感唔同，更具層次。拉面方面，我哋有豚骨湯麵同蝦味噌豚骨拉麵兩款。豚骨湯麵湯底濃郁，未飲已聞到豚肉嘅鮮味，飲落雖然香濃但唔肥膩。別天神係黎自九州既拉麵店，所以麵嘅粗幼偏向幼麵，硬度適中。麵吸收咗湯底濃郁嘅香味，令人一吃再吃。豚肉選用半肥瘦，有油香之餘唔會太膩，香味十足。配料就有黑木耳， 蔥同紫菜，令成碗麵味道同口感進一步提升。至於蝦味噌豚骨湯麵湯底除咗豚肉味之外，蝦味都非常出眾，唔會比豚肉味掩蓋，好鮮味。配料就有粟米，蔥，柴菜同櫻花蝦乾，進一步帶出蝦味。我哋仲有一份餃子。餃子外皮煎得啱啱好，香脆但唔會過焦，而且夠薄皮，唔會成口麵粉。餃子入面嘅豬肉餡料香味撲鼻，流出淡淡鮮香肉汁。加咗少少醬油，用鹹味更加帶出豬肉油香。其實別天神仲有唔少分店係香港，大家可以去食下。…查看更多

假期到AEON行街街，行到咁上下，開始肚餓，想搵間嘢食都唔易，啲餐廳差唔多都要等。咁啱經過二樓UCC行前見到仲有間茶房別天神有位，唔使等，來個美好的偶遇啦。其實我哋係想食個班戟，但見到佢寫班戟外賣35，堂食係貴多10蚊，咁就決定食飽再外賣食啦！——婆仔數上身。拉麵都係得兩款，簡單直接，於是一人一個餐啦～好多蝦米仔，個湯都飲到蝦味，兩大嚿叉燒，肥瘦均勻，味道適中。特別讚下個蛋，蛋黃仲流心，蛋白好滑好香。豚骨湯面係冇粟米但有木耳絲，相對蝦味增豚骨湯麵，呢個會比較淡，都係好濃郁嘅豚骨湯，食完個嘴仲介塔塔㗎。煎得香口皮脆，簡單小食。個沙律喺食拉麵前食最好，味道較清淡，可以用紫菜夾住食。很快食晒正餐，我哋好期待share個芒果忌廉朱古力碎。可惜去到收銀處，姐姐話冇芒果味，有啲失望。於是揀咗個士多啤梨朱古力碎。然後我哋隔住玻璃睇職員整班戟，好期待～落足料，上手仲熱辣辣，酸酸甜甜嘅士多啤梨，滿滿的cream，再加上朱古力醬同啲朱古力碎，好滿足呀～…查看更多

端午節公衆假期睇完戲下午一點幾，週圍都好多人排隊食晏，本想試下康怡廣場新開幾天的拉麵館，但劣評太多，沒有理由去吧。天氣又熱，行入Aeon內都有間食日本麵，行過好多次都無試過，便打算去看看人龍情況，結果好意外，別家都排隊，這家竟然有好多位，見價錢也合理，決定入去一試，起碼不用企住等位。平時一向不太明白為何那麼多人願意以成舊水 (即成一百蚊) 去食碗同我自己在家煮的公仔麵沒太大分別的所謂日本拉麵。這家七十幾蚊起，算是可以。餐牌選擇不算多，還有三款日本咖哩飯，本想叫飯，不過這家的樣似拉麵館，怎樣也覺得食麵會比較是此店的賣點。這店其中一個好處是速度超快，剛叫了不久，已經馬上端上一碗好睇得的麵🍜，我還問侍應是否拿錯另一位客人的order，她回答我們是很快的，因為賣相都靚，所以通常忘記影相的我😅都記得影番張😊。對於速度那麼快我初時有點猶豫，覺得一是預先已煮好一是求其煮，所以心情有點保留。誰知食落都好有驚喜。🍜豚骨湯麵 $75 😋 推介 因為好快便上，我本以為是已煮好的麵可能放了很久，求其有order只淋湯上，所以咁快，誰知入口，全碗麵的溫度均勻，不會似只淋湯上。湯味十足，夠濃及味道多層次，同時又不會像很多日本麵檔的湯做得過鹹。👍😊我比較喜歡這種恰道鹹味的濃湯，讚。麵方面不是一般的拉麵，一般拉麵給我的感覺真的有點像即食麵，而這些麵比較似傳統手造的麵，有點像生麵、上海麵那種口感，我反為比較喜歡這樣，確保我不是吃貴價即食麵。麵量也多，食得好飽，而餸方面我也給個讚，一般可能只有兩塊日式叉燒，這家有三塊，其中兩塊的size比一般的大，也不像某些餐廳就咁放上去，即溫度有點冷或只是室溫，它們這裡有成碗煮出來的感覺。肉除夠多夠大塊外，亦好味。另外，桌上有很多配料給食客自己調配濃湯的口味，有芝麻、七味粉、拉麵胡椒、蒜蓉、辣牙菜，每枱亦有大水壼、紙巾、牙簽等，好方便食客。🍜蝦味噌豚骨湯麵 $85😋推介這個會多餸些，賣相比豚骨湯麵更靚，湯味都是濃而不鹹，我個人不太喜歡蝦，所以較喜歡豚骨那碗，簡單好味。這裡還有日式班㦸，外賣$35，有甜有鹹，好多人都可能行AEON行到累又不想正式坐下食個餐，又或口痕上來，都是好選擇，我看製造過程都放好多料，尤其是cream，不太喜cream的朋友可要求少放些。店內環境舒服，有普通枱也有單邊枱。乾淨企理。我看有部分食評是職員態度差，我完全無這經歷，服務態度我覺得其實幾好，不知是否換了工作人員？今日我好滿意😊😊還有一個好處，價錢合理味道好易搵位外，還有用加一，百幾蚊兩個人就慳番十幾蚊㗎啦👍👍😊😊推介這餐廳。不知為何這餐廳總不比其他在AEON內的食肆，大家都會去那些餐廳排隊，其實可以試下這間，可能會有意外驚喜😊😊…查看更多

難得有日夜晚比較得閒, 就約個朋友去睇戲,點知時間預得太"炆", 得返半個鐘食飯, 朋友提議係附近食個拉麵, 好味又快手,  自從百貨公司大裝修, 別天神由地下搬左上去就未食過, 今次就睇下新裝修有咩分別新位置又多幾張台, 可以比多D 人坐埋一齊食, 但我始終都係鍾意係吧台果到食, 有風味D雖然新裝修有多幾款野食, 好似咖哩飯之類, 但我始終鍾情於拉麵同朋友一人叫左一個套餐, 一個拉麵配一個小食,  就可以食齊兩款味道O既拉麵, 同埋兩款唔同O既小食落左ORDER 冇幾耐就黎左個小龍蝦蟹子沙律,  雖然睇落普通, 但食落非常有驚喜!, 每一啖都有蝦肉同埋蟹子, 夾埋紫菜一齊食, 口感更加特別鮫子煎得脆卜卜, 幾香口,豚骨湯麵外表吸引, 拉麵口感十足, 而且係幼麵, 吸湯力十足, 最重要係套餐比普通單點多左一隻蛋, 即刻令個拉麵提升左個層次第二款麵同第一款多左D 味噌味, 同多左D 蝦仔, 口感豐富D, 鍾意味噌O既人應該會鍾意最後唔使半個鐘就上哂D 菜, 食埋, 埋單每人110蚊, 下次會ENCORE!…查看更多

在鰂魚涌下班後走到Aeon逛，也決定在這裡晚餐。可是多家餐廳都有很多人，所以看到這家位置比較偏僻的拉麵小店，就決定進去嘗試。拉麵，小食，飯和沙律都各有兩款，貴精不貴多。我和同事都比較想吃拉麵，就點了兩個拉麵套餐，有兩款小食。另外還有甜品，吃完主餐再說吧。拉麵店面積小，座位只有十多個。調味料有多款可選，除了七味粉還有蒜末，辣芽菜和芝麻等。先上是小龍蝦蟹子沙律，配了多片紫菜讓我們包著吃。小龍蝦肉鮮甜爽口，混在一起好creamy，跟香脆的紫菜一起吃口感頗豐富。煎餃子，跟餐有四隻，皮煎得脆又不會太厚，餡料為蔥末和豬肉，點那酸酸的餃子汁吃好醒胃，味道更有層次。豚骨湯麵的乳白色湯內有蔥，木耳絲，溫泉蛋和叉燒舖在麵上，還附上紫菜。先喝口湯，非常鮮甜又creamy，有濃厚的豚骨風味，不是味精的死鹹味。他們的麵煮得剛剛好，煙靭有咬口，夾上木耳和蔥吃更爽。豚肉大片又不肥，流心蛋的效果也做得不錯。桌上有那麼多調味料當然就不斷嘗試吧！最後我決定以七味粉、蒜末、辣芽菜、芝麻和胡椒為最夾的組合，味道為即時更濃更香。另一碗拉麵就是蝦味噌湯，顏色比剛才的深，上面灑了大量櫻花蝦乾，蝦味更香。這湯的味道除了帶鹹的味噌，還有蝦的鮮甜味道，喝每口湯都是濃郁的蝦味，好鮮甜。配料有粟米粒增加了甜味。蝦乾咬去也好香，特意和麵一起吃來感受多重口感。之後就到甜品的時間了。這裏只有班戟供應， 我們就選了芒果和朱古力碎配朱古力雪糕。 我們這份班戟這麼薄身是因為我們走了忌廉。 店員聽到我的要求時也非常驚訝，但是忌廉真的很肥所以不想吃那麼多啦。切開只有滿滿的芒果粒，味道清甜又多汁，連軟綿薄薄的班戟皮點雪糕吃，根本不需要忌廉。他們的朱古力雪糕有榛子味更加香~我們都喜歡這裡的豚骨湯，味道濃又不會讓人口渴，更可自己調味。班戟也很不錯~每人百多元吃的滿足。…查看更多

最近幾個星期六都要到太古城加操空手道，所以康怡、太古城一帶我已變得非常熟落，今日趁上堂前便到 AEON STYLE 內的食肆醫肚，看見這間《茶房別天神》專食日式拉麵便2話不說入內試下。😁店內佈置簡單，座位不多，更可隔着玻璃見師傅在厨房煮麵，尤如置身日本拉麵店，非常日式，不錯。👍餐廳門口還擺放着不同款式的茶具，非常精美別緻，食客點花茶$35杯可使用。還有各式各樣的班戟模型，未食已食指大動。看過餐牌，拉麵的口味只得兩款可選，分別是豚骨湯麵和期間限定的蝦味噌豚骨湯麵。更可把湯麵轉為套餐，配餃子4隻（$105）或小龍蝦蟹子沙律（$115）。而且，更有多款班戟作飯後甜品，記得要预留15分鐘給師傅用心制作。每檯客更有調味架给食客自行添加口味，分別有辣芽菜、薑絲、拉麵汁、芝麻、七味粉、拉麵胡椒和蒜蓉等等，任君即時自用，非常照顧食客要求。各點一碗，豚骨湯麵和蝦味噌豚骨湯麵。材料非常豐富的豚骨湯面,分別有义燒、木耳絲、蔥粒、紫菜和全隻溏心蛋。豬骨湯味濃郁，湯唔鹹而好入喉， 紫菜爽脆，义燒肉厚入味，而拉面軟滑富有彈性，再加上香濃豚骨湯底和清甜木耳、蛋味十足之溏心蛋，美味極佳。蝦味噌豚骨湯麵,味道比豚骨湯麵淡咗少少，但多了陣陣蝦香味，味道鮮而不膩。材料除了义燒、木耳、蔥、粟米、紫菜和溏心蛋外，還多了主角櫻花蝦，口感十分豐富，色香味美。球型狀的小龍蝦蟹子沙律，有6片紫菜，紫菜即食非常香脆可口，小龍蝦肉结實，爽口彈牙，蟹子鮮甜，配上沙律醬細細啖品嚐，非常清新！煎餃子，餃子外皮一邊煎得脆脆，賣相不錯，餡肉嫩滑多汁，熱食很可口。香蕉忌廉朱古力碎班戟，制作了15分鐘後店員即時呈上，所聞味道已非常香。食落更甜入心，班戟皮皮薄適中，餐刀切開全不黏刀，香蕉非常新鮮，配上滑溜溜清香忌廉，飯後至佳甜品非常美味…查看更多

半年前, 有次約了老媽吃拉麵, 點知我突然腸胃炎, 結果爽了約……半年後, 老媽突然問我幾時會帶她吃拉麵, 還說回上次因為我腸胃炎而沒有去吃。估不到老媽一直記着, 誰說老人家沒有記性? 還是選擇性記着? 既然她開到口, 無理由拒絕, 一於馬上去。開放式的門口及廚房, 可清楚看到各師傅們正悉心地製作。內, 設有一排六個吧枱位, 另外還設有約六張四人枱, 座位不多, 時間雖早, 但已差不多坐了一半食客, 看來挺受歡迎。枱上一塊木餐牌, 亦預設的不少配料, 相常齊備, 分別有紅薑絲、生蒜蓉、七味粉、拉麵汁、芝麻 等, 還有我最很喜歡的自家製辣芽菜, 待一會跟拉麵伴吃, 試試其味。店子跟一般拉麵店有點不同, 沒有設點單紙讓食客選擇拉麵的粗幼軟硬、要或不要某些配料等。看看木餐牌, 相當簡單, 選擇亦不多, 拉麵、小吃、沙律、咖喱飯和套餐各有兩款, 亦有追加配料, 還有幾款飲品和蛋糕。******************************老媽選了別天神套餐 （$105）, 包一碗豚骨湯麵配二選一小吃。湯料有一隻開半的溏心蛋、兩三片叉燒、一堆爽口的木耳絲 和大量翠綠的蔥花，當然如想再豐富啲，可付款追加配料。湯底 是拉麵的靈魂，其呈奶白色，如牛奶般, 沒有泛大量油光，讚！試呷數口，稀稠度適中，味道香濃不膩，亦不會過鹹，順喉美味，難怪老媽忍不住口把它通通喝光，厲害！全店只有兩款小吃, 老媽揀煎餃子（套餐小吃）, 一客四件，外皮煎至金黃帶焦燶，但不算香脆。內饀份量適中，富有肉汁，肉中沒有混入大量肥膏，而拌入不少菜葉，也算尚可。******************************我當然選另一款的蝦味噌套餐 （$115）, 包一碗蝦味噌豚骨湯麵和二選一小吃。熱辣辣上枱，散發着陣陣蝦香，很吸引。湯料有跟豚骨湯麵差不多，只是木耳絲換上清爽甜美的粟米粒，還加了一大堆櫻花蝦乾，更加吸引。豚骨湯底 加入北海道蝦味噌，湯身呈橙奶色，泛些鮮橙的油光，馬上趁熱試試，啖啖鮮香蝦味，味道相當濃郁，濃而不鹹，令人喝得滋味。幼身的拉麵 烹調時間剛好，條條分明，挺有嚼勁，不過掛湯力一般，但細小的櫻花蝦乾 掛在拉麵上，多份口感之餘，亦更添美味。最喜歡是舀一大羹濃湯，放上拉麵，一大啖同吃，滋味得很。每件叉燒 的大小和厚薄度中等，沒有夾雜大量肥膏，略為偏瘦，肉質不算腍嫩，但有肉香。最愛是那隻溏心蛋，烹調時間剛好，蛋黃 呈鮮橙流心狀，黏滑兼富蛋香，沾滿口腔，而蛋白 亦挺軟滑，烹調入味，絕對是出色之作。吃時，有部分櫻花蝦乾 浮游在蛋黃中，索性一口同吃，加添鮮味，更加吸引，大家也可試試。而我的小吃選了小龍蝦蟹子沙律 （套餐小吃）, 一球沙律配上六七塊紫菜，吃時可用紫菜捲些沙律同吃。沙律混入脆卜卜的蟹子、彈牙的小龍蝦肉、清爽的昆布絲、沙律醬 等食材，口感豐富之餘，味道亦鮮味，同脆身的紫菜同吃，配搭合宜，美味！******************************我倆還不夠喉, 餐後甜品少不了, 看見凍櫃的蛋糕頗吸引, 一於一人揀一件心頭好。是日蛋糕櫃有宇治抹茶芝士蛋糕、芝士蛋糕、牛乳蛋糕、法式蒙布朗蛋糕。抹茶、法式蒙布朗蛋糕。栗子, 以及紅茶芝士蛋糕。老媽一早已看中栗子味, 選了一件法式蒙布朗蛋糕·栗子 （$35）。其賣相一般，加上面頭一條條的栗子茸 有點乾身，幸兒栗子味道香濃。栗子茸下有一層香滑的甜忌廉，底層是一片鬆軟的朱古力蛋糕。一口同吃，對個人而言，味道略為偏甜，沒有想像中那麼吸引。本應沒有打算吃芝士蛋糕，因為怕會太漏滯，但店員推介紅茶芝士蛋糕 （$35），一於試試。奶白色的芝士蛋糕混入不少紅茶葉碎，分佈平均，底部是一層消化餅底，厚薄度適中，鬆化兼滿有牛油香，不錯！糕身幼滑，夾雜着幼細的茶葉碎，啖啖茶香，味道突出，芝士味不會太濃，甜度亦合宜，吃起來不覺漏滯，較為清新，果然好介紹。------------------------------臨走時發現櫃枱上放了一套有田燒咖啡杯連碟,只要惠顧滿$200,就獲印花1個, 貯滿10個印花便可換領, 原來這裏也各式花茶出售 ($35), 亦有花茶配蛋糕 ($60), 再細看玻璃櫃中的各款茶杯, 優雅高貴。今晚只在茶房中吃拉麵, 看來下次真是要在茶房中嘆杯花茶, 再嚐另一款日本蛋糕,不知可否讓我揀一款茶杯來配我所選的花茶呢? 相信會有另一番風味, 當然也不少得再來一碗香濃的蝦味噌豚骨湯麵啦!…查看更多