蕃茄仔

蕃茄仔一聽就知專做番茄湯，所以個個去到都叫番茄湯！舖頭細細，得20個位，所以都坐得幾迫。一碗碗煮出嚟，熱到出晒煙，上菜都算快，所以可以速食速走。*豚三寶 $78番茄湯相當濃厚，質地似番茄蓉，味道好番茄但偏酸，係純粹嘅番茄味。麵條我揀咗上海麵，質地偏腍，而且太掛湯，啖啖都淨係食到番茄蓉。我試朋友揀嘅刀削麵，口感會啱啲。豚三寶有豬扒、豬肉片、豬軟骨，豬扒醃得太腍，冇乜肉味，肉片韌啲但有肉香，豬軟骨略鹹唔夠腍。…Read More

蕃茄仔 一提起蕃茄湯專門店，時不時都會諗起位置銅鑼灣嘅蕃茄仔。呢間我都唔洗多講，就算當日三點幾去到，都要排隊。最高峰試過3:00就買哂😭。最近佢又喺九龍灣開咗分店，咁啱喺正大渣哥樓上，做成咗「九龍灣黃金四角」中嘅第四間黃店🥳。 呢間餐廳由80後老闆Elvis 打辦嘅，本身佢喺小西灣有間小食店叫「滑蛋仔」，主打多款滑蛋蓋飯，原來呢兩間嘅招牌都好相似，都係非常之可愛嘅。其後喺20年六月疫市開店，成為熱門店。 豚三寶$78 湯底每日以🤯30斤🤯新鮮番茄，加上豬骨同大量蔬菜，洋蔥，西芹，蒜頭等多款香料，熬足4個鐘，仲要用blender 磨粹再隔渣，其工序煩複，嘥力又嘥時間⏳。 飲落已經唔係蕃茄湯，而係番茄蓉🤣，每一啖充滿著茄蓉，質感非常之細膩，creamy又厚身。味道酸甜，温和，既有豬骨同(牛油)嘅脂香感 ，又有少少香草(basil)，檸檬葉，炸蒽蒜同葱花嘅點綴。一滴不剩，超足料。 豚三寶首先有豚肉薄片，應該係梅頭/豬肩肉嘅部位，其運動量多肌肉多。豬肉有輕微煎過吓，肉味濃郁，但呢個肉本身嘅脂肪量就少咗D，我個人就麻麻呢款肉啦，用豬腩肉就正D。 豬扒煎到有少少燶邊，本應有少少碳香感，但浸咗湯之後就冇咗lu。質感嫰滑，好在冇比碗湯整到佢11成熟，同樣豬味香濃，亦有四大舊😛。 豬手炆得好腍，豬皮爽彈，入面嘅肥膏都唔少架，亦有少少豉油/滷水味，連舊骨都好入味。但就食到又明顯見到有少少豬毛未清走，有改進空間🤫。 麵條叫咗上海麵，份量適中，唔會太過多而剩低。口感煙煙韌韌，熟度亦都啱啱好。掛湯能力強，每條麵都包裹住少少茄蓉，但又唔會食到膩😋。 總結，好簡單，淨係蕃茄湯都值得推介，有時問可以去埋小西灣嘅滑蛋仔度繼續懲罰黄店🤩。…Read More

今日出左銅鑼灣特登想搵間平靚正嘅黃店食，見到蕃茄簡直即刻心心眼Happy Friday 7點半左右去到等位，都等左大約半個鐘，出面都有兩張長凳可以住等👍🏻個人偏向貪心，鍾意食d大滿足嘅野😋，所以叫左豚三寶，有豬手、豬扒同豚肉片配刀削麵。想講佢地個豬扒好正，煎得好香好淋，有事先前理過，超加分啊👍🏻👍🏻 因為有時出面有食到嘅豬扒都好乾好in，呢到完全無。但相反豚肉片同豬手就稍為失色。肉片有少少乾同埋豬手唔夠入味，不過豬手都好淋，好易咬，食嘅時候完全無須掙扎朋友食嘅係炭烤風味雞扒，雞扒完全無油膩感，但相比豬，我更鍾意食豬扒。因為出面好少食到有心機嘅豬扒湯底方面，超濃郁，啖啖茄蓉咁，食得出新解蕃茄攪拌，無加太多茄汁茄膏調味，清新健康。朋友覺得蕃茄湯同刀削麵唔太夾，可能烏冬會正d🤣…Read More

係銅鑼灣忽然間想食下蕃茄面 女友就提起依間去到要排十個到 鋪頭大約20個位等左10-15分鐘就入左去 不過要坐對街窗口位我地叫左個豚三寶同埋雞扒既刀削面雞扒刀削面係最平果個 $62扒煎得夠火喉 唔錯湯底都幾純係蕃茄煲出黎無咩落茄醬果啲野食落唔算係好濃好濃 因為無落果啲extra調味在場好多人都飲晒啲湯豚三寶係豬肉片 豬扒 豬手同女友交換左舊豬扒黎食 好味過雞扒好多😂林林地 火喉同樣好如果下次食的話會食齋豬扒刀削面👍🏻…Read More