復活節假期前一晚約咗班朋友去試下呢間位於麗港城會所內嘅潮州私房菜。呢間私房菜其實同普通酒樓無異，裝修比較簡樸，而佢嘅所謂私房菜亦只不過係按人頭收費食指定嘅套餐，而套餐裡面亦提供若干選擇。班朋友一坐低，見到枱面擺放咗幾個茶壺同一個用嚟洗餐具嘅水兜，見人未到齊，咪用啲滾水又好，茶又好嚟洗下啲碗碗筷筷囉，洗完就將啲茶同水倒入個水兜度。點知好衰唔衰老闆娘親自嚟收番個水兜，見到我哋用啲茶嚟洗碗，好唔客氣咁同我哋講，話啲茶葉係靚嘢嚟，成幾百蚊一斤，應該攞嚟飲，唔係愛嚟洗碗，洗碗應該用滾水，仲話我哋嘥嘢，搞到啲朋友鬼咁尷尬。啲茶葉係咪靚嘢我真係唔識分，但係喺酒樓用啲茶嚟洗啲碗碗筷筷其實係好平常啫，間私房菜都開咗咁耐，老闆娘都應該睇慣晒喇，駛唔駛咁大反應呀 
人到齊就即刻上菜，選定菜單上除咗個福果胡椒豬肚湯冇影低（因為已經分好晒），其他都喺齊度：蟹唔算大，但亦唔算細，肥美有膏，肉質夠實，啲蟹鉗都拍得夠碎，容易食，唔錯 
鵝片下有連骨嘅鵝肉，鵝片比較乾同嚡，每人只分到一片，連骨嘅鵝肉滑好多；大腸唔算肥，過得去；再下面嘅豆腐就真係麻麻。條魚認真夠大條，但唔見有黃油，肉質都夠實，伴魚嘅汁亦唔會太鹹，但烏頭始終係烏頭，點整都唔會有大驚喜。新鮮炸出嚟夠脆，啲餡料唔太滯，食完都唔覺得話會頂胃，個人鍾意九肚魚多啲。蛋，薯粉同蠔仔分量適中，有口感，唔腥，好食 睇到其他食家影出嚟嘅相，呢個菜式幾吸引，但係當晚我哋嗰碟就有啲失準，啲蝦頭已經變黑，不過食落啲蝦又幾有味，而且蝦殼表面嘅豉油唔太鹹，唔錯，有內涵 隻炸雞啲肉好滑，啲皮仲有啲脆，如果可以煮番熟少少會好啲；雞件過大，斬番細件啲會吸引啲 碟菜好行貨，啲菜芯一啲都唔合時，食落好多渣，夠晒《有機》 
啲清心丸有啲腍但有啲又煙韌，不過個糖水甜度相當適中，啲綠豆夠腍同起沙，有綠豆香味，整體感覺良好 成晚最唔滿意嘅地方都係個環境太嘈。每張枱都係大枱最少坐八人，同坐喺隔離個朋友傾下偈都要嗌出嚟，同坐對面嗰位講嘢就連嗌都聽唔到，比一般酒樓仲要嘈，放棄唔講嘢都要忍受周圍嘅噪音，兩隻耳仔都幾受罪。不過食物嘅水準係幾唔錯，咁嘅價錢食咁嘅嘢又真係好抵。…查看更多
人到齊就即刻上菜，選定菜單上除咗個福果胡椒豬肚湯冇影低（因為已經分好晒），其他都喺齊度：蟹唔算大，但亦唔算細，肥美有膏，肉質夠實，啲蟹鉗都拍得夠碎，容易食，唔錯 鵝片下有連骨嘅鵝肉，鵝片比較乾同嚡，每人只分到一片，連骨嘅鵝肉滑好多；大腸唔算肥，過得去；再下面嘅豆腐就真係麻麻。條魚認真夠大條，但唔見有黃油，肉質都夠實，伴魚嘅汁亦唔會太鹹，但烏頭始終係烏頭，點整都唔會有大驚喜。新鮮炸出嚟夠脆，啲餡料唔太滯，食完都唔覺得話會頂胃，個人鍾意九肚魚多啲。蛋，薯粉同蠔仔分量適中，有口感，唔腥，好食 睇到其他食家影出嚟嘅相，呢個菜式幾吸引，但係當晚我哋嗰碟就有啲失準，啲蝦頭已經變黑，不過食落啲蝦又幾有味，而且蝦殼表面嘅豉油唔太鹹，唔錯，有內涵 隻炸雞啲肉好滑，啲皮仲有啲脆，如果可以煮番熟少少會好啲；雞件過大，斬番細件啲會吸引啲 碟菜好行貨，啲菜芯一啲都唔合時，食落好多渣，夠晒《有機》 啲清心丸有啲腍但有啲又煙韌，不過個糖水甜度相當適中，啲綠豆夠腍同起沙，有綠豆香味，整體感覺良好 成晚最唔滿意嘅地方都係個環境太嘈。每張枱都係大枱最少坐八人，同坐喺隔離個朋友傾下偈都要嗌出嚟，同坐對面嗰位講嘢就連嗌都聽唔到，比一般酒樓仲要嘈，放棄唔講嘢都要忍受周圍嘅噪音，兩隻耳仔都幾受罪。不過食物嘅水準係幾唔錯，咁嘅價錢食咁嘅嘢又真係好抵。…查看更多
2. 潮州涷烏頭 - d肉好嫩滑 
3. 鹵水鵝拼豆腐紅腸 - 鵝片好味，唔會太多豆腐紅腸墊底 
4. 八寶大腸 - 麻麻地 
5. 豉油王煎蝦 - 煎得好入味 
芋絲WasAbi春卷 - 老闆娘見我地成班靚女，請我地食，免費的，yeah!!碟頭大，分量足，12人都夠食，抵! 如果你係lee個屋苑嘅住戶，每人仲可以平$10!!可以自攜紅酒免開瓶費，佢會俾個開酒器你自己開。lee度d服務員姐姐好有禮貌o架!!!
