合和荳品

帶公主去銅鑼灣的密室逃脱玩，等待的時間無無聊聊，唔想四處行剛好發現旁邊有間【合和荳品】。筆者又想飲豆漿又想食豆腐花……見到門口這張大大張poster 介紹豆花豆漿，正呀！甫入店內不太多人，就坐底慢慢歎！餐牌一面全部是無種口味的豆腐花及豆漿。另一面有多款本地小食及幾款飯麵，真係乜都有！【豆花豆漿 $28】筆者以為豆腐花溝豆漿係新野，原來豆花豆漿起源自台灣。豆花豆漿用隻膠杯呈上，賣相大打折扣。如果換上玻璃杯就可以見到白雪雪的豆腐花及豆漿，效果更加好。豆腐花及豆漿外，仲可以加一款配料，配料有好多選擇：紅豆、綠豆、芝麻、紫米、珍珠、肧芽、薑汁、朱古力、涼粉、椰汁、桂圓紅棗、蘭香子、花奶、杏仁。如果可以讓客人加多款配料更加好。筆者揀左肧芽，肧芽同豆漿味道幾夾。豆漿有豆香又唔甜，差不多飲完豆漿食豆腐花，新鮮又健康的体驗。…Read More

位於時代廣場後面，門面比較細，未必留意到。喺一間專食豆品店，除咗豆製品，仲有餃子同埋麻辣抄手食，飲品嘅種類非常之多，有豆漿加配其他配料，例如有紅豆、珍珠、豆花等等。麻辣抄手食湯底都食到少少麻，雲吞皮薄，入面餡料嘅豬肉都算新鮮，湯底比想像中辣，配埋豆漿比較好，豆漿可以解辣，今次要再比較特別嘅豆花豆漿，可以選擇少甜，第一次試就叫咗正常，飲落去都唔太甜，第一次飲豆花加豆漿嘅配搭，原來都幾夾，飲飲吓有啲咬口嘅豆花幾特別。…Read More

行完山到銅鑼灣飲咖啡，不過未夠鐘就決定食少少小食，經過就入咗合和荳品。叫得荳品當然主打豆漿、豆腐花，用加拿大黃豆磨製豆漿，再反覆隔渣，令出品有豆香兼口感幼滑。紅豆豆花豆漿 $25紅豆好香好有咬口，豆漿同豆花都好有豆味，加埋好滿足。紫米豆花豆漿 $25呢杯換咗紫米都好好味，好飽肚。煎釀豆腐(4塊）$18釀咗鯪魚肉，豆腐豆味重，輕食份量，叫埋豆漿就係「豆品」下午茶啦！腸粉＋魚蛋＋燒賣 $23(小）相比下，呢個小食就較為失色，不過咁嘅價錢嚟講好抵！…Read More

今晚做完facial想食少少野當晚餐，揾到呢間小店試下。 呢度主打豆花豆漿，即係豆漿上面有一層既豆腐花，一次過滿足晒我2個願望，必試☺️ 食物方面都係香港小食為主，仲有幾款麵🍜飯🍚首先叫左<煎釀豆腐>個豆腐好似家常煎豆腐既味道，落左少少鹽去煎已經好食，一d都唔會燶。個面係鯪魚肉，不過係一片超薄既😯$18 ok啦跟住叫左<麻辣抄手>抄手既肉係mini size(喺成都食過好似係大粒d?🤔)，所以有10幾粒，個皮好滑好滑👍🏻個湯都幾辣🌶🌶🌶，但再麻d就會更好。跟餐緊係要<豆花豆漿>😆 可以簡一樣配料，例如紅豆、綠豆、紫米、珍珠等等我簡左珍珠🍚個豆花好滑，亦都有豆味，唔會太甜👍🏻👍🏻👍🏻個珍珠就正常，同平時珍珠奶茶果d差唔多我覺得豆花豆漿係必試，夜晚唔想食太飽呢間小店都係唔錯既選擇😁 話晒荳品都係健康既食物…Read More

隨住落完幾日大雨，天氣又熱返，香港人話知有無野買，都迫晒去商行街，一街都係人難得星日，好耐無同屋企人行街，去左銅鑼灣飲茶，跟住再行times square。1點左右食完野，行街又消耗唔少卡路里，係4點左右就有d餓，咁岩search到附近有間小店飲豆漿食豆腐花，就行左過去。唔特別search真係唔會特別見到，其實係times square 2分鐘距離，只係佢喺後街唔多覺。不過4點左右黎到都full晒可能就係銅鑼灣時代廣場啲員工放飯啦，因為呢間除咗豆品之外，都有其他小食，粥品，豉油王炒麵供應，價錢唔算貴喇！如果我喺附近返工都應該間唔中會嚟呢度食，唔係日日出去食幾十蚊餐飯真係搞唔掂.本來真係諗住黎飲杯豆漿休息一下，不過姐姐見我左諗右諗，就介紹咗佢哋最出名嘅豆漿豆花俾我，我load左一陣未幻想到係咩姐姐就同我講係用吸管飲嘅豆腐花嗰一刻我就理解到啦！姐姐一路都好熱情咁就一於聽佢講！.凍豆漿 $8/杯熱豆漿豆花 加配朱古力，胚芽 $28爸爸飲豆漿，因為佢太頸渴，唔使30秒佢已經K.O.左，佢大讚杯豆漿豆味濃郁，唔太甜，＄8/杯嘅價錢，喺銅鑼灣黎講真係好抵.我嗰杯豆漿豆花，黎到嘅時候，因為我加左朱古力味，所以就變咗朱古力味嘅豆漿豆漿本身唔會太甜，我超級鍾意呢個甜度，可能係用無糖豆漿再加可可粉啦豆漿裏的豆腐花，真係好滑，而且豆味好重，平時出去食豆腐花，又要落黃糖，又要落糖漿，味道先平衡到，不過呢度乜都唔使落，只係放咗喺豆漿裏面，清香嘅豆味充斥味蕾講埋啲胚芽，簡直係加＄5換來嘅快樂飲嘢嘅時候好鍾意有嘢咬下咬下，胚芽感覺好健康，同埋真係好飽肚啊最後想提一提，雖然佢係熱嘅，不過其實佢溫度微暖，上枱唔會熱到出煙飲唔到嗰種，雖然我明白，大熱天時應該飲凍野係開心啲，不過作為女仔，就應該要照顧好自己身體喔姐姐真係好熱情，喺佢身上我更加體會到，其實投入一份工作嘅時候，真係「凡職業都是可敬的」…Read More

呢一晚突然間心血來潮想食豆花, 行下行下就見到呢間荳品店, 仲唔係有緣?!小店式經營, 牆上有招牌食物介紹除左豆漿豆花, 仲有其他小食豆花都要玩mix and match呀, 原味豆花就食得多, 呢款朱古力豆花 ($16), 食落有朱古力嘅香甜, 但細味一下又食到黃豆香味, 兩者都做到朋友!  質感幾滑, 甜度又岩岩好!豆花豆漿 ($18), 有凍有熱, 自選配料每款另加$5, 侍應推介胚芽, 上層係豆漿, 下層係豆花, 用粗管飲就兩者都食得到!加左胚芽增加香味又有少少咬口; 豆花入口幾滑, 仲幾香豆味, 咁嘅二合為一又幾過癮喎!飲得豆漿, 當然要食埋煎讓豆腐 ($16), 煎得微金黃色嘅豆腐, 放係紙上可以吸咁D油, 食起上黎就無咁油膩! 豆腐上讓上薄薄嘅魚肉, 熱辣辣幾香口, 識食當然要點埋甜醬/辣醬一齊食啦!  而呢碟滷水豆腐 ($16), 比起煎讓豆腐黎得較為腍身, 滷水味唔太濃口感較為濕潤及腍軟, 豆味都幾出!呢度嘅豆品食物都係自家製, 怪唔之得可以食到咁香豆味, 今晚捨棄新式甜品而食番碗傳統豆花, 覺得自己無選擇錯囉!…Read More

早前係銅鑼灣上完堂後, 便到附近覓食, 見到一間新開食店, 叫合和荳品便試下. 飲品點了熱的豆花豆漿. 客人可以因應自己的喜愛加入配料, 我選了珍珠和胚牙. 店員先奉上飲品. 這款豆花豆漿口感幾特別, 因為除了豆漿外, 當中仲混入了豆腐花, 所以多了一份口感. 而珍珠幾煙韌, 帶少少甜味. 另外, 我點了兩款小食, 分別係煎釀豆腐和滷水豆卜. 煎釀豆腐. 豆腐夠滑身, 味道偏向淡味. 唯獨魚肉太少. 滷水豆卜. 這個味道完全相反, 由於係滷水, 所以入晒味, 豆卜吸收晒味道. 我最鍾意還是那杯豆花豆漿, 一次過可以滿足晒兩個願望.…Read More