雖然我唔係珍珠奶茶fans，不過我都會留意下啲媒體報導，之前就去試左「春水堂」，點知去佢個官網睇，原來「茶湯會」都係同一集團，我真係有眼不識泰山，當然要黎試下佢，加上之前行過銅鑼灣，有派coupon，就睇下係咪同「春水堂」差唔多。飲品店內外其實周圍都有分店，飲品就鎖定試佢既Top1！觀音珍珠拿鐵 $29用左優惠卷就$24，價錢可以接受，以為傳統啲既珍奶店都會唔用透明杯，但呢到有用，本身杯野其實係漸變色，不過唔記得左影就搖左。飲落茶味幾出，不過就唔算好有鐵觀音味，至於珍珠都係同「春水堂」一樣係細珍珠，兩者個味又真係幾似，應該都唔係用鮮奶，但奶味都唔算假，而且夠奶味，都整體都唔錯。…查看更多
市面愈黎愈多飲品店，各走不同路線，即使同為台式飲品店，主打嘅茶飲都有所不同。茶湯會嘅選擇唔算好多，主要係奶茶、拿鐵、紅綠茶等，不過價錢相宜，大概係$14-$28。而我一般係選擇拿鐵系列，分成紅茶、翡翠、紅豆、鐵觀音、芋香幾款配搭，有冇珍珠只係相差兩蚊，一般我都要埋，鐘意有少少咬口。觀音珍珠拿鐵 $25觀音拿鐵係茶湯會嘅人氣產品，但我都係第一次飲。買完之後因為落起大雨，我地都急急腳跑入商場，到冷靜落黎嘅時候，發現杯中嘅冰已經溶左一部分，幸好並冇影響本身茶嘅濃度。不過呢類始終係手調飲品，就算有固定份量，只要係人手沖，個個手勢唔同，即使每日沖過上百杯，都有機會杯杯略有分別。以今次黎計，茶味相當濃，奶味唔重，拿鐵唔會好厚身，加上冰塊溶咁啲，都算係我地杯茶
珍珠比一般嘅細粒，有嚼勁，但唔算十分煙韌，但太細粒有個問題，如果太大力吸，一下子就跑左入喉嚨椗 (笑)。
