豪園麵家

本地麵粉都是我的喜好，今晚去了黃大仙，快食晚餐，所以去左豪園麵家📍首先點左鮮茄斑腩飯🍚斑腩啖啖肉，再加上茄香濃郁，十分開胃🍅-朋友點左紫菜四寶河粉🍜紫菜量多四寶包括有墨丸、魚蛋，牛丸及魚皮餃，加配菜心，正常發擇！-最後點左蠔仔肉碎粥🥣蠔仔份量多，粥品帶有蠔香，港式口味😁-飲品就點左凍檸茶，凍檸水，正常茶餐廳配備的！ 可惜今次係晚巿時段，所以無機會試到西多士等下午茶食物⚠️位置要花少少時間搵‼️…查看更多

今晚去左黃大仙附近食晚餐，揀左呢間外貌親民嘅中菜館，叫咗精選兩人套餐，食到飽飽好滿足。先嚟嘅係老火湯，隨餐附送，湯底足料，有瘦肉同粉葛，好滋味。清灼時菜，芥蘭翠綠鮮嫩，另外有蠔油分開上。仲有一碟拔絲欖角骨，上菜嘅時候熱辣辣，好夠鑊氣，欖角骨帶少少焦香，甜甜哋好開胃，仲配埋我最鐘意食嘅玻璃菜。最後各人一碗大大碗嘅蠔仔肉碎粥，有好多蠔仔，仲加咗啲冬菜同比目魚乾，味道濃郁，送蠔仔粥一流。口痕叫咗炸雲吞，炸得好脆皮，蝦肉好彈牙好好食！不過朋友喉嚨其實唔太舒服，即刻叫咗杯熱西洋菜蜜潤下喉…查看更多

今晚在黃大仙辦點事，順道在附近晚餐，發現這家豪園麵家，就來一試水準。餐牌選擇繁多，除了有傳統港式粉麵之外，還有不少鑊氣小炒，亦有不同的套餐。鹹蛋黃味一字雞翼先來一客單骨雞翼作為小食，原來有8隻翼共16支骨，份量絕不少，今次選擇了黃金的做法，所謂「黃金」是裹一層薄薄的鹹蛋黃茸下油鍋一炸，頓然色香味都更上一層樓，單骨雞翼外皮香脆，炸粉厚薄得宜，鹹蛋黃鹹香惹味，而內裡的雞肉，軟嫩多汁，一咬透發出蛋黃奇香和非凡惹味。拔絲欖角骨點了一個2人套餐，選了招牌的欖角骨，黑醋入饌，天然果香馥郁，酸中帶甜，所以做成的醬汁酸、甜、鹹味平衡，加上欖角的獨特香氣，味道融和，而且稀稠寬緊合度，豬肉肥瘦適中，炸漿厚薄得宜，入口咬嚼有外層焦香酥脆而內裡嫩滑的滋味。蠔仔肉碎粥套餐亦有兩大碗蠔仔粥，蠔仔肥大肉厚，已經不算是「蠔仔」，蠔味鮮冶而肉質嫩滑，粥中更有方魚及肉碎提味添香，每一啖都滋味豐美，老實說水準比不少所謂潮州打冷舖更好。菜心套餐中有清灼時菜平衡一下，可以選擇唐生菜、菜心及芥蘭。…查看更多

尋晚想同屋企人食餐家常便飯，行下行下去到現崇山個邊嘅商場，見呢間餐廳環境唔錯，價錢唔貴，又有潮式小菜食下，而且天氣唔凍，就揀左戶外位置坐，貪夠開揚又闊落一到差不多7點，就出現好多食客，有一家大細又有一大班朋友食飯，都算多人，有d人揀左食戶外火鍋，我諗都幾有氣氛餐牌有好多小菜選擇，花多眼亂因為屋企人好想試蠔仔粥，就揀左個二人套餐，包左兩碗蠔仔肉碎粥、金獎拔絲攬菜骨、一碟清灼時菜先嚟兩碗蠔仔粥，每碗份量有平時雲吞麵咁大，材料好足，有好多隻蠔仔之外，仲有金華火腿絲、肉碎等，味道好香，有潮式風味另外我地揀左金獎拔絲欖菜骨，見到色澤好靚，食落去甜甜地，好似有層蜜糖包住每塊肉，再加上欖菜嘅味道，配搭起嚟好惹味，旁邊仲有好多炸紫蘇葉做配菜，值得一試套餐仲包一碟時菜，我地要芥蘭，夠新鮮仲叫左熱檸茶坐戶外食飯別有風味，而且員工態度幾好，上菜速度又快，離黃大仙地鐵站唔算遠，唔怪得有咁多人幫襯，又可以一次過試潮州嘢同其他小菜…查看更多

因為下班不想做飯，相約媽媽到附近一間店吃個晚飯，看一下菜單，這間店早上中午有一般茶餐廳提供的港式早餐，晚上原來有不少菜式，有羊腩煲、蟹窩米線、雞煲、潮州菜式等等。我點了一個二人餐，包餐湯。餐湯是茶樹菇紅棗湯，味道夠濃，材料足，我的碗有6、7條茶樹菇，湯夠熱，餐前暖胃。蠔仔肉碎粥兩碗蠔仔有7、8隻、每隻都圓圓的很大隻很飽滿，很有鮮味，有肉碎、莞茜、大頭菜的粥真的很香很美味。金獎拔絲欖角骨有十多塊排骨，用醋調味，酸酸甜甜令人一吃想再吃，再連同炸到香脆的葉一起吃，口感很好味道一流。清炒時菜芥蘭很翠綠，很嫩，配上蠔油，也是很鮮味。另外再點了一碟豪味小炒王，韮菜很幼嫩，還有多種材料，腰果、蝦乾、魷魚、蘑菇，很惹味很香。整體食物都很美味，餐廳職員說老闆要當天拿到新鮮食材才做菜，例如拿到好的芋頭才作反沙芋，保證食品質素味道好，我下次一定要預訂個蟹窩米線試一下。…查看更多

朋友去過黃大仙廟替家人買了平安符等，說是知道黃大仙有一家老麵店。來到現崇山，看到這間麵家，又有點像是茶餐廳，全是玻璃的裝修，在外邊看來也不錯。店員安排坐在接近門前的四人枱，在旁有一家人正在晚飯，從他們的餸菜看來，這店應該也不錯。舖面有著一排的相片，說著這店的名菜。枱上的枱紙，正訴說著是獅子山下的老店，推廣傳統美食為新文化。而牆畫也說明這店的來由，正是香港徙置區年代，經已經營麵食的生意，果然是香港難得的老店。從餐牌上看到，除了麵食，也有小菜，於是詢問一下店員可有介紹。店員告知這樣著名的是牛腩撈麵，當紅炸子雞，還有是檸茶BB。檸茶BB，是什麼，非常好奇，原來是自創飲品，除了紅茶香濃之外，檸檬還預先攪碎成粉狀，再加進紅茶之中。朋友們還想吃其他，要了牛腩撈麵，當紅炸子雞，還有其他小菜，當然各自也要一杯檸茶BB，真的非常期待。等了不久，店員先為我們送上例湯，那是蟲草花瘦肉湯，而油菜也稍後送上。油菜青嫩，新鮮不過，例湯清中帶甜，何謂清熱之選。正飲過例湯之後，檸茶BB隨之送上，從外表看來，茶中有很多粉狀物，該是檸檬磨成粉而成。雖是凍飲，茶的香，茶的味，依然存其中，明顯是錫蘭紅茶沖制而成，再加上檸檬味道，兩者配合剛好，完全被吸引，從沒飲過這樣的味道。牛腩撈麵，麵身香滑，軟硬適中，不似一般撈麵有過乾的口感，牛腩不太硬，容易咀嚼，很入味，果然是麵食專家出品，當中的芥蘭爽軟，又沒有任何苦味，真的值得一讚。當紅炸子雞(半隻)，深深的雞皮，炸香葉伴碟，很傳統的做法，以住只有酒樓飲宴才會是這種做法，真的很有懷舊之感。入口皮脆肉香，完全不乾，還有肉汁的感覺，假使吞下雞肉，口中仍留有炸過的香味，比任何酒樓飲宴的還要好上不知多少倍，很久吃過炸子雞這種香脆可口之感，非常值得推薦，可謂必食之選。蒸麻辣雞翼，從雞皮表面得知，該花了不少時間在上色及入味，入口香辣，麻辣度香，配合香港氣候下，很適合港人口味。原以為只有雞皮才有味道，誰知雞翼內的雞肉也有辣和香，想像不到入味度如此利害，很有驚喜的小食。蠔仔肉碎粥，傳統的潮式，蠔仔份量之多，己值得推薦，而且當中還加入柴魚及鹹菜，正宗的煮法，很久也沒見過會加入柴魚的蠔仔肉碎粥。粥味入口香甜，沒有蠔的腥味，卻帶著蠔的鮮香，粥底還夾雜著點點鹹香，正正就是柴魚的作用，真的很難得可以吃到這個傳統煮法的味道。想不到在這麵家小店，除了品嚐到創新的檸檬茶外，蒸麻辣雞翼也是新賞試，而且還堅守傳統煮法，堅守傳統的味道，正是老店的堅持及吸引之處。…查看更多

據朋友報料話黃大仙新開左間新派茶記好好食，雖然 baby 一聽落黃大仙有啲遠 😂 但係冇辦法啦，為食係絕症！唔通我病到我死下死下都堅持去搵食又話你聽咩！差唔到去到果時對面有個大大個獅子山，中意影相既朋友又可以影餐飽當食多餐 📸 位置唔難搵，一出地鐵站行幾分鐘就到，係現崇山商場既地鋪黎既，都幾大下容納到五六十人到啦，而裝飾都比較新穎，同果到既呀姐了解過呢到開左一個月都冇，岩哂中意熱潮既你地！見到佢地個餐牌各方面感覺都係一間好有心經營既食肆，經過呢區不妨一試！食肆，經過呢區不妨一試！< 豬軟骨鮮茄湯通粉餐 $45 >其實 baby 好中意食平民野，堪稱頹食 baby，呢個豬軟骨鮮茄湯通粉餐為必叫項目，唔係個通粉特別，而個湯真係好香濃 😍 茄味十足 🍎 岩哂班 "茄友" 😋 堅係用真材實料製作！個餐配埋個牛油飽、炒蛋，餐茶，真係 fit 到漏油！< 獨家刀削公仔麵餐 $48 >話說以前細個好中意食公仔麵，但係後尾食得太多食到厭，高峰時期係一餐食 6 個公仔麵 😂 諗落都幾癲，本身就冇諗過叫公仔麵食，可惜，人呀，就係犯賤，敗係獨家兩個字 😂 個公仔麵以豬頸肉為伴菜，屬偏肥型，一啖咬落軟淋淋既肥膏你都咪話唔正，應該唔少人中意呢種感覺 😏 而佢地既公仔麵的確係比較特別，人手製作，應該係，除非唔係，彎彎曲曲既公仔麵，口感有少少硬身，如果問我質感比較似邊隻公仔麵，我會覺得係似細細盒果隻點心麵，而個湯底個味勁似辛字辣麵既湯底，不過係微辣版，個餐一樣係跟麵包炒蛋餐茶，中意食公仔麵既朋友可以一試！< 惹味潮和骨 $78 >呢隻潮和骨其實就係酸甜骨，賣相吸引，baby 本身中意食啲酸甜野，所以咕嚕肉、生炒骨、鎮江骨等等都係 baby 既飛佛，而呢隻骨炸得香脆，冇比個汁整到淋哂，個汁似麥記既泰式酸辣醬，好唔好食？baby 就幾喜歡 😋< 香脆煎蠔餅 $78 >相信蠔餅係唔少人中意既心頭好，呢到既蠔餅炸得香脆，不過我略嫌炸粉太多同鹹左少少，但係點左魚露都可以既，但重點係好多好多蠔 😛< 蠔仔肉碎粥 $78 >好大煲呀！話就話係兩至三人份量，但係四五個都冇問題！煲粥味道正常，個湯再鮮就會更好，不過我個人就比較講究啲，一煲靚既蠔仔粥既湯應該要用老母雞豬骨大地魚去熬，咁就帶出好濃香既味道！不過呢煲粥既優勝之處又係極多蠔仔，性價比幾高 🙊< 鮮蝦雲吞麵 $30 >呢碗雲吞麵又係我推薦項目之一，餐牌寫住係佢地全人手自家製既全蛋麵，所以同一般雲吞麵既鹼水麵唔一樣，呢到既麵有種蛋味，比較爽口果隻，但係最出色既唔係麵，而係佢地既鮮蝦雲吞，蝦既比例係佔好重，所以味道好鮮甜同蝦味好重 😋< 檸茶 BB $18 >Wow！聽個名真係 real wow 左一聲！什麼檸茶 BB 呀？於是捉左個姐姐問，原來呢杯檸茶係用左獨立新配方去整，唔再係傳統既檸茶，唔洗篤檸檬 (當然都有檸檬片)，而檸茶入面係有攪勻左既檸檬，所以成杯茶好檸！好檸好飲呀 👯👯👯…查看更多