生記茶餐廳

地點都幾唔就腳，係特登搵佢去食，但都值得。《炸軟殻蟹》炸得酥酥香脆，啖啖肉有咬口，唔會得層殻，不過有點偏咸。《蠔仔春卷》超好味，春卷皮又薄又脆，雖然裡面只是蠔仔，但已非常足夠，好濃蠔味，唔腥冇沙！《蟹粥》不知是否季節問題，蟹沒有膏，但蟹肉鮮甜，粥底亦不錯，稀杰程度剛剛好，落左大量薑絲和蔥絲，好岩我口味，最重要就係食完唔口乾，證明冇咩味精。另外仲有點串燒，但相對較普通。兩個人食唔得多，見隔離枱點啲餸都好吸引！下次多啲人再去食可以試多啲野！ …查看更多

點解我會話百無禁忌呢, 因為要去生記, 附近有不少賣先人用品的店舖, 地點都幾隱蔽, 幸好有位像人肉google一樣的男人, 識路帶我去0者, 嘰嘰~ 時間尚早, 未到七點, 仲未見人龍, 前兩次去也等了好一會兒, 見有個位子就坐下, 阿姐就跟手俾埋d碗筷我地, 生記蟹粥就出哂名, 唔少人慕名而來添, 當然我都係其中一份子, 哈哈! 印象中仍記得第一次來食過佢地既蟹粥之後, 仲誇張到去澳門搵食, 都要找蟹粥食, 就係想睇下有冇其他地方既蟹粥好食得過佢!!! 生記呢到要晚市才有蟹粥供應, 除左蟹粥之外, 當然也有幾道唔錯既小吃, 等我介紹下先, 炸墨魚丸, 以size來講, 好大粒下, 食落去都唔會好多粉, 唯一要彈是表面偏油, 如隔一隔油會更好吧!另外一款小吃, 是他們首創, 蠔仔春卷, 男友愛死這道「熱氣野」, 每次也例必叫的, 春卷炸得香脆, 內裡既蠔仔肉厚肥美, 唔係"孱弱"迷你蠔, 食完一件會停不了口再食, 可惡!!! 煎炸野始終少食多滋味接著叫左蟶子, 佢地既海鮮夜D去就會賣曬, 所以今次真係好lucky, 每隻$38, 雖然貴, 但是食過方知是值得喔蟶子好新鮮, 同埋都唔細隻, 食落去好爽口, 配合粉絲香蒜, 一隻真係唔多夠喉, 好戲在後頭, 要留肚食我期待已久的蟹粥啦!!! 我地兩個人, 叫左個例牌size, 夠2~3人份, 熱到仲滾下滾下, 睇相都見到d煙, 表面睇佢係一窩粥, 隻蟹係粥入面架!例牌size有1隻蟹, 當然大size既粥, 蟹又會多番啦, 食呢個蟹粥, 要睇熱, 小心"辣"親咀仔同條皇帝舌, 粥煮得都夠棉, 同埋有蟹味, 蟹肉鮮甜, 溫馨提示, 食之前最好攪勻, 令到粥入面既蟹膏更平均, 滋味再提升XDD兩個人叫左4樣野食, 食完勁飽丫! 走個時, 見到第二張桌食冬蔭公蟹烏冬, 好吸引(流口水mode), 下次要叫多幾個朋友share先得~…查看更多

今同一大班朋友試左呢個紅磡蟹粥環境：茶餐廳格局，　我地一行１５人已經差吾多霸左佢成間鋪地點：吾近地鐵站，　要睇地圖，　位置偏僻食物價錢平食物味道好味蟹粥，　蟹肉新鮮俾軟綿綿既粥吸Ｄ哂蟹膏，　正。籠仔蒸飯好味，　一個類似中式蒸蘢入面放左荷葉包住既飯，　蜆肉同蟹肉，　熱辣辣另外蠔仔做成既菜都好味，　好似蠔仔春卷，　出面香脆蠔仔ＪＵＩＣＹ，　蠔仔水晶粉卷粉皮滑身，　同多汁既蠔仔亦都好ＭＡＴＣＨ八爪魚丸夠彈牙，　而響鈴蝦膠係將蝦滑放入腐皮卷入面炸，　手工好，　但吾夠蝦味總括而言係幾好食既…查看更多

1年前吃過一次生記後一直念念不忘, 最近想去回味一下, 可能由於我6時多已到達, 做了第一檯客, 廚師未warm up, 導致大失所望失望的蟹粥, 上檯時才將煲蓋打開, 撲鼻而來的不是回憶中的鮮味, 而是燶味, 嚴重蓋過了鮮味, 浪費了新鮮的蟹和蜆 炒麵炒得乾身名不虛傅的名物 炸得恰到好處 蠔仔飽滿又juicy 最後食過番尋味 再encore了一碟…查看更多

好久沒來紅磡區, 是日即興到黃埔看電影, 晚餐也沒有預定到那吃. 想了一下, 記起一家已列到Wish list 上一年多的食店" 生記", 其蟹粥最為人稱讚, 於是決定去試.地方不太好找, 周末附近竟然人不多, 最後又是以GPS找到正確位置. 其門面也果真是舊式茶餐廳般, 又沒有燈牌/海報等. 店內地方只有約6張枱左右, 我們幸而找到近門口的一張, 還好吧!相對店內格局, 這裡的餐牌做得很精緻, 圖片又大又清淅. 先來主打的生滾蟹粥 ($118 /二人份/含一隻蟹). 全場幾乎無人不點~ 雖說"即煲", 但不消10分鐘就送來了. 賣相沒有如我想的金黃色, 心裡最初有點點失望. 先呷口粥, 很綿滑又有黏口, 很不錯呢!! 再試蟹腳, 一絲絲蟹肉緊連著蟹殼, 一吃已知是新鮮貨色! 蟹肉非常鮮甜, 唯一是烹調時間可以再長一點, 讓鮮味多滲入粥內會更好. 又跟老闆交流過, 可能是每隻蟹的"膏量"有分別, 所以成品效果也有影影響.椒盬白飯魚 : 沒有預期中大碟, 只有小食碗小小. 但也堆得滿滿的. 驚喜是每條魚仔都差不多有我尾指般粗, 炸得極香口鬆化, 卻沒有膩感.蠔仔春卷: 也是必點之招牌菜, 難得蠔仔又大粒又鮮味, 炸後也不過熟,蘸少許喼汁已很滋味了.最後當然不少得蔬菜, 既然普通炒生菜也要四五十元, 那就點個平日少吃的蒜蓉蒸茄子. 淋上大量蒜蓉及豉油, 為淡口的茄子增添鮮味. 個人意見可加入炸過的熟蒜同蒸, 食味應更香口!如不愛吃粥, 也可改成烏冬. 另有老闆推介極邪惡的黃油蟹膏飯, 有沒有興趣一試呢??? …查看更多

經常爆滿的蟹粥店, 真係太好味, 間中就要來食一次.今次食左蜆蟹粥, 炒麵(必食), 炸八爪魚丸(必食), 蒸象拔蚌, 蠔仔春卷, 冬蔭功煮蜆.提提大家, 炒麵不設加單, 即是要第一次落單就要叫炒麵 (可能平日少人可以, 最好問問伙記)…查看更多

這家餐廳一直很吸引我, 因為很喜歡吃蟹又愛吃粥, 之前食友的飯局錯過了剛好要到紅磡找朋友吃飯, 就選了這裡蠔仔春卷這邊很好, 份量都可以適合少人的客人, 這個春卷叫了兩條剛剛好春卷炸得很熱, 外層香脆而且很皮很薄裡面的蠔內餡超多的, 每一口都是蠔的鮮味, 愛吃蠔的人一定很喜歡這個春卷炸鯪魚餅本來想叫椒鹽白飯魚但那晚沒有, 就叫了這個鯪魚餅比我想像的有出入, 這個是用腐皮包著鯪魚肉, 也是剛煎剛上桌腐皮煎得很脆, 鯪魚肉彈牙鮮美, 中間有很多蔥來提味不錯吃冬蔭功浸蜆這兩者都是我喜歡吃的, 這道菜都吃不到有沙, 很讚!蜆肉還是嫩的, 很有蜆甜味, 冬蔭功味道沒有平常喝的重, 湯汁裡混了蜆的味道這個浸蜆我很喜歡生滾膏蟹粥兩人就叫了一窩小的, 上桌的時候還在滾, 新鮮煮來給客人的初初吃的時候味道其實沒有想像中的濃, 蟹味比較淡, 蟹膏份量也沒有很多但越吃就越有味道, 蟹味慢慢揮發了出來, 這是一個很妙的情況, 越吃越鮮甜蟹肉還保留了其鮮味, 肉質新鮮蟹味也夠鮮甜, 越吃越好吃埋單一人才100多, 但吃了很飽, 位置可能較僻, 但這是香港做得好吃的蟹粥店有機會還想再來的…查看更多

本人是海鮮愛好者, 而令我認識生記, 是看到一位食評家的食評其中一張相, 而這張相內裏的就是蟹粥了. 自此之後我就被生記深深吸引住, 但一直找不著機會來吃, 加上地方有點不就腳. 但今日決定一定要來吃一次. 第一次去真是不太熟路, 找了一會兒才看到. 時間大約七時正. 舖頭細細內裏五, 六張枱. 幸好不需要等位. 店內有一塊鏡招牌, 再看看店內的環境, 原來是陳年舊店. 不是朝早是否茶餐廳呢?因很多糖盒還有熱水爐, 但細心看看, 招牌是生記茶餐廳, 原來真是茶餐廳來的先來一支大可樂, 爽~~~~~~~~~~~店內冷氣不夠, 但已開了風扇.$29 八爪魚共有六粒, 新鮮炸起熱辣辣, 雖然不算彈牙, 似是街市急凍貨, 但內裏卻是有八爪魚的再加上酸甜醬真是不錯啊~$29 兩條蠔仔春卷, 上碟時已把一條分為二, 看看內裏的蠔很肥美啊~ 半條春卷已有三隻蠔仔重點是蠔仔不是蠔仔粥的那麼細啊...比起蠔仔粥的大兩倍呀~~只可惜春卷皮有點韌不夠脆$68 這個是今晚最給我驚喜的一道美食, 冬蔭公湯不算太辣, 不似得泰式的那麼酸酸辣辣. 而蜆肉像一座山那麼高, 我估計有大約三十多隻蜆, 而每一隻內裏都有蜆肉, 不像大排檔的只有外殼. 但我估計蜆肉是份開白烚的, 而不是跟湯一起煮, 但這樣我覺得是很聰明的一種做法, 因這樣不會失去蜆肉的鮮味, 浸在湯內亦能有一冬蔭公的湯味. 白烚蜆肉亦能有效地控制火喉, 所以蜆肉剛剛好, 不會過熟而變得韌, 蜆肉爽甜十分可口啊~~~加上湯底可以撈飯, 真的很想把所有湯喝掉, 只是到底部時有點鹹.$108 蟹飯最後出場, 因蒸飯需時, 蟹身比我想像中大, 膏淡淡黃色不算結實, 幸好尚算香甜, 蟹肉一絲一絲很易離殼, 而外殼早已被師傅打碎所以十分容易解剖, 沒有難度. 而飯方面就比較淋身了, 荷葉味不夠香濃, 份糧亦足已每人可吃兩碗多, 但加了冬蔭公湯就變成另一回事了, 但我下之都想試一試蟹粥, 我想會很不錯啊~估不到還有一些出名老店會那麼真材實料, 份量十足. 因多數出名後便會走下坡, 但他們還很有誠意, 真是值得一讚!!!…查看更多

在一條人生必經的小街,四周充滿著沉鬱的氣氛.入夜後,空氣中總是在花香中夾雜了陣陣香燭味,多奇怪的組合,走在路上,不期然泛起莫名的恐懼,身邊彷彿有另一個世界的東西伴你同行.就在這穿梭陰陽界的街道上,理應行人稀少,偏偏有不少人氣食肆存在,而且大多數客人,都不介意坐在路邊晚膳.早年已聽聞此店,今次由南瓜兄吹雞,一眾新舊食友相聚,當中更有第一次踫頭的食友.翻開餐牌,自然由攪手發辨,先來一份炸八爪魚丸($40) ,蘸粉之後再炸,色澤金黃,時間掌握得不錯,雖然有泰式醬汁蘸點,但個人一向偏好食原味,咬一口,只覺墨魚味未夠突出,肉質比想像中鬆散,似乎有改善的空間.如果說店方的招牌菜,就一定膏蟹粥($208) ,用砂鍋原煲煮,原煲上,賣相澎湃,用上兩隻膏蟹,而蟹膏都通通滲入粥底之內,將整鍋粥都變成一片深黃,聽聞之前有人說是水蟹粥,難道已經改餐牌,抑或是水蟹膏蟹不分?奇怪,呷一口粥,軟綿綿夠濃稠,豐腴滑溜的感覺,從咽喉慢慢流入胃內,少遇到的水準,作價二百左右,真的食得過..............................店方另一名物是冬蔭功浸蜆($65) ,但一放上檯已經知出事,小鍋內冬蔭功湯只得小半,擺在上面的幾件蜆肉,看來沾不上半點湯汁,蜆肉似乎用上食店大路手法,先烚開,到用時再加入煮好,一來避免有部份未熟,二來可以將變壊的剔除,三來可加快上菜速度,只不過會將蜆肉的鮮味都灼走了.老實講,冬蔭功味道的確不錯,香茅味不會太搶,微微的辛辣,有刺激味蕾的作用,如果有少許粉絲吸吸湯汁就一流了.用蠔仔作餡料算是第一次踫,蠔仔春卷($58)效果竟然不錯,外脆內軟,蠔汁都鎖在春卷皮內,咬開熱辣辣,蠔味鮮濃,咬落不見碎殼,洗得夠清,好難得,個人幾欣賞的一道菜..............................鴛鴦膏蟹大碗麵($148)又是賣相滿分出品,充滿蟹汁及蜆汁的湯底,每一口都是鮮甜,但伊麵淥得未透,亦吸不了湯汁,實在有點浪費,膏蟹份量足,如果是蟹痴就一定滿意.論賣相跟口感,蜆肉春卷($40)與蠔仔春卷差不多,如果不切開,相信都估不到,可能在食材挑選上,有相近的地方,畢竟蠔肉汁會豐富得多,而且味道偏向較濃烈,再加上先上蠔,後上蜆,重口味先行,結果是後者給比下去.雖然店內沒華麗的裝修,個人覺得店方用踏實態度來經營,選料絕不欺場,上菜速度又快,價錢實惠,但部份出品在賣相或口感上似乎過於相近,似乎是左手打右手.…查看更多

早前去完澳門, 冇食到水蟹粥, 返到黎, 同屋企人食膏蟹粥補數由5點打電話去訂檯打到6點半, 終於有人聽, 幾驚佢五一假期冇開去到只係得番街邊檯, 我地決定等一陣, 因為食粥比較熱等左5分鐘就有位坐低打開menu, 好似有好多款, 其實都離不開蟹同蜆, 只係任你點mix & match想食八爪魚丸, 佢話冇做想食米通雷沙湯丸, 佢又話得普通雷沙湯丸 (其實加米通好簡單o者, 即係話D湯丸整定, 唔食冇損失) 膏蟹粥(例窩) :menu 寫住例窩 2-3人用, 我覺得有5-6碗滿飯碗, 如果淨食一樣, 我覺得2-3人夠飽, 如果你打算食埋其他款, 4個人share一窩, 再叫其他野都夠窩粥真係滾熱辣, 粥底夠綿, 蟹膏同粥徹底混合, 味道甘甜由於蟹o既鮮甜被迫哂出黎, 蟹肉變得遜色, 唔能夠兩全其美, 不過都夠多肉新鮮 蠔仔春卷 :2條$29 4條$58, 其實叫4條冇平到, 不過都叫左4條唔知係咪飲得茶多, 上檯時發覺冇沙律醬, 覺得好似差D野春卷係即炸熱辣辣, 幾熱都好, 照放入口春卷皮脆, 蠔仔肥美鮮甜, 呢一刻我知道點解冇沙律醬, 因為味道o岩o岩好, 食完好想再食 唔知鮮蜆春卷係咪都係咁好味呢 籠仔蒸蜆飯 蜆成座山咁, 飯應該有5碗, 份量ok不過飯還飯, 蜆還蜆飯見到有蛋碎, 應該係將隔夜炒飯放入籠蒸熱, 蜆就用油鹽水煮熟, 等飯蒸熱之後先再放蜆上去兩個味完全分離 肉躁茄子 :因為我食飯一定要有蔬菜, 所以叫呢個茄子唔夠熟肉躁味道ok, 可以同冇味o既炒飯撈埋一齊食…查看更多

睇左食評及報紙介紹好耐，但礙於地點唔就腳，又加上報導話此食店好多時大掛長龍，所以一直未能成行...聖誕前一星期，無所事事，叫darLing由屯門揸車去生記晚飯，佢一路揸一路話聖誕前夕好多人出街買禮物、一路又話油尖旺好多人、又一路話高速都好多車... 真的好不容易用了半小時去到老龍坑街，弊 無論合法或非法四周圍都泊滿車，又驚7pm多食店已經好多人，唯有掉低佢一人等車位，自己先行落車昅昅食店情況，好彩，剛巧有兩張枱食完埋單走人，唔洗等位 (可能天氣凍，隔離幾間打邊爐就好鬼多人)。打開menu，真係樣樣都想叫，千挑萬選，2個人只好揀左3款招牌菜︰鑊仔冬蔭公煮蜆 – 嘩，好大鑊呀﹗蜆肉都幾大隻，冬蔭公湯好夠味，見到有用香茅煮，酸辣味啱我口味，我飲湯仲多過食蜆，真係好想叫個淨烏冬加入個冬蔭公湯呢 生滾膏蟹粥 – 上枱時仲滾熱辣，用瓦煲煮好有風味，粥底幾厚，食到煲底有d焦粥我最鍾意，證明係原煲生滾，正。膏蟹多唔多膏真要睇睇彩數，我地lee烹粥隻蟹ichiban 蠔仔春卷 – 雖然$29得兩條，但蠔仔絕不輕手，成條春卷都充滿蠔肉，好鮮味啊﹗墊底的生菜絲都唔放過，加落d粥入面一齊食爽脆好好味o架3樣餸完全KO哂，煲底、碟底、配菜都食得乾乾淨淨 遺憾的是仲有好多想食的未試，下次要叫多d人一齊去一次過試埋其他推介: 冬蔭功膏蟹烏冬、酥炸墨魚仔、炸八爪魚丸、芝麻雞軟骨、銀芽豉油王炒麵、擂沙湯圓...…查看更多