泰簡單

营业中

休息中

約了朋友去銅鑼灣這間店吃下午茶，食店在一座大廈的頂樓，向街的門口比較細小，不留心就會走過而不知。我們也要問其他路人才找到這大廈的入口。坐電梯上到頂樓，電梯門打開即見招牌。餐廳佈置泰式，待應也是泰國人。店內環境開揚，一列通透的玻璃窗把日光引進室內。全場用木檯椅，甚有熱帶風情的氣氛。雖然擺位較密，但座位不算窄，仍算坐得舒服的。餐廳除了有室內座位，也有戶外座位。下午茶套餐要2:30才供應，我們2:15到，看見仍有午市套餐，於是點了一份午餐，再散叫一份其他的，等到夠鐘又再點一份下午茶套餐。所以這一餐既品嚐午餐又品嚐下午茶餐和散吃。午餐選擇有很多，價格比下午茶餐貴些，相對份量也多些，不收加一，反而下午茶餐和散點要收。在十二款午餐內選了泰式濕炒河，一大碟的河粉上佈滿豬肉和蔬菜，河粉很滑，容易掛汁，濕度剛好不會糊口，豬肉片薄切易吃，汁液的味道適中，不會過鹹，正常的泰式味道。下午茶選擇有八款，有一款名字特別，名噴領雞，看中文不明白這是什麼雞種，但看看英文名稱就知道，Panang是一款泰式咖哩醬的名稱，所以這款菜式就是咖哩雞。一個大黑碟上放了一團白飯，旁邊是咖哩雞。咖哩醬顏色橙橙紅紅，與雞件混和，配上紅

近排好想食泰國菜，喺銅鑼灣搵到呢間泰國餐廳，餐廳位於總統戲院嘅頂樓，設有有室內同戶外座位，裝修充滿泰式風情！今次就揀咗坐戶外座位，夜晚着晒燈，環境好Chill！原來夜晚仲有Cocktail 提供，真係好適合同朋友來食飯、傾計同打卡啊～沙嗲串燒(6串)💰HK$108同朋友揀咗豬牛雞各2串，款款肉都鮮嫩多汁！蜜味沙嗲個汁味道幾特別，係帶有甜味嘅沙嗲汁～蟹肉米粉生菜包💰HK$88質地爽脆嘅生菜配埋軟滑嘅米粉同埋鮮甜嘅蟹肉，層次豐富，點埋秘製嘅醬汁更惹味～冬陰功(細)💰HK$92味道以酸酸辣辣為主，而且仲有淡淡嘅椰奶同埋其他香料嘅香味，令人好開胃！配料有大蝦同菇類等等～皇宮大蝦蛋網炒金邊粉💰HK$138賣相滿分，蛋網整得好靚！皇宮大蝦爽口彈牙得來又惹味，金邊粉Q彈又入味～馬拉盞牛柳粒炒飯💰HK$128牛柳粒有濃郁嘅牛肉香味，炒飯粒粒分明，仲加咗爽脆啲菜心去增加口感，成個炒飯好夠鑊氣～黃金夢💰HK$60呢杯黃金夢係由鮮菠蘿汁加鮮芒果汁混合而成，芒果味比較出，再有帶有淡淡嘅菠蘿味，味道幾特別～紅毛丹冰💰HK$38味道好清新，而且隱隱約約會食到紅毛丹嘅果肉～另外，去餐廳到先知道原來廚師同侍應都係地道

喺銅鑼灣區呢間泰國菜收費唔貴，仲有露天吸煙區，依家有吸煙區嘅餐廳真係好少，不過夏天坐室外位都真係幾熱，生啤仲有泰啤可以選擇環境裝修都好泰式，服務態度都唔錯，切蛋糕會收$50切餅費食物選擇都算多，令我印象最深嘅就係蟹肉米粉生菜包，一個個包好哂食得方便之余，佢個汁調得幾好唔會太辣， 個咖喱雞就一般因為個汁煮得太稀，木瓜蝦沙律都好好味，蛋網炒金邊粉都要讚，炒得好好，佢將辣椒粉放埋一邊，想食幾辣自己決定，小食拼盤同埋鐵板蠔餅就普普通通，泰式炒蜆都好好味

地址：銅鑼灣總統戲院頂樓 (銅鑼灣站D4出口行大概3分鐘，總統戲院隔離右手邊有入口直上餐廳)泰菜永遠都食唔厭，今次誤打誤誤撞嚟到銅鑼灣鬧市一間環境舒適，幾有情調嘅泰國餐廳。餐廳外面有一個好大嘅平台，提供非常寬敞的户外空間比大家放工輕鬆。如果大家怕吸到煙味，可選擇室內位置，環境同樣舒適，仲可以飽覽外面的景色。食物方面都算幾有特色，如出面好少食到的蟹肉米粉生菜包。芒果糯米飯造型都别出心裁，整到成個蛋糕咁，好適合叫嚟慶祝生日。其他菜式嘅味道就不過不失，炒金邊粉略嫌不夠鑊氣和過甜。蟹肉米粉生菜包 ($88) 👅: 88.63 分 皇宮大蝦蛋網炒金邊粉 ($138) 👅: 76.03分 馬拉盞炒椰菜苗 ($125) 👅: 81.11分 芒果糯米飯 ($60) 👅: 95.44分餐前小食(蝦片) ($13) 👅: 94.12分 環境: 👍👍 👍👍 👍回頭率: 👍👍👍 訂座: ✅等候位置時間: 地方大，不用排隊

銅鑼灣總統戲院樓上好味泰式黃店，一定要支持下！一埋位即刻送一兜泰式蝦片比我哋食住先！Menu非常多選擇，喺蘇豪區黎講價錢尚算合理！由於太肚餓關係，只係影咗幾張相！只係影咗三張相，但其實我哋三個人叫左六七個餸：冬陰功湯，黃咖喱豬仔脾，飛天通菜，芒果糯米飯（黑米），油飯（用黎撈咖喱汁）基本上全部都非常之好味，特別推介蟹肉米粉生菜包同埋芒果糯米飯！而金邊粉就有啲淡口再重口味啲會更好！由於選擇非常之多，三個人叫咗咁多個餸已經盡晒力，所以絕對會食下一次！

再一次光顧泰簡單，經過左十幾年仍然可以保持水準，真係唔簡單當日因為天氣未算好涼，我地都係選擇坐室內。如果想食煙，餐廳係有室外位置可以選擇。兩個人食，叫左三款食物，兩杯飲品金枕頭咖哩焗麵包，麵包焗得好脆口，咖哩汁好香。份量都幾多，多啲人食會好啲蟹肉米粉生菜包醬料味道濃郁，配合米粉生菜包一齊食，好夾味。蟹肉分量好多，好抵食飛天通菜份量適中，味道幾好飲品叫左一杯暖意洋洋和泰式奶茶兩個人食，三道菜已經食到好飽

椰青必點! 又大又甜又滿.平時慣食肉碎生菜包,想試試轉口味怎料蟹肉米粉生菜包不甚出眾,全靠那碗醬汁 ....老實講,炒飯也很普通...等咁耐位食物很普通,愈食愈眼訓我覺得好唔抵-,-

今日一行6人約左去泰簡單聚餐, 好彩訂左枱6:30pm, 唔係都有排等, 安排左一張近露天既長枱比我地, 環境真係好好, 好有氣氛, 如果天氣不太熱既坐出去都ok~~~我地點左以下既菜式: 柚子沙律: 我覺得酸左少少, 但都ok既~~ 蝦蛹: 好味, 炸得岩岩好, 外脆內彈牙, 配合埋醬汁一流 蟹肉米粉生菜包: 好清新, 不過蟹肉略嫌唔夠多 炒芥蘭: 都唔錯, 好似係用咸魚炒, 唔會太咸, 有少少辣 金枕頭: 睇食評就好評如潮, 所以試下, 夠香又不太辣, 最好趁熱食, 會好味D 架~~ 炒貴刁: 好惹味, 係旁邊仲有3款調味比你揀, 不過加唔加都已經好好味~ 明爐蒸烏頭: 呢個賣相好吸引, 不過味道就麻麻,加上好多魚骨, 要好小心食, 咽左一條魚骨後唔敢再食 >.< 仲要成$160一條, 本人覺得唔多抵食.... 荔枝特飲: 賣相好靚, 有朵花裝飾, 不過甜左少少 (本人飲開少甜飲品).... 甜品: 南瓜糕&椰汁西米糕: 淨係試左椰汁西米糕, 好香好濃既椰汁味~$8一個整體黎講, 今晚既晚餐都算中上~可能星期六晚, 人比較多, 服務略嫌未夠殷勤 ^^