鳳城酒家 (禮頓道)

最近在youtube看見有人介紹鳳城，隨即令我想起這間已很久沒有去的酒家。剛好有班舊同事想聚舊，我便提議去鳳城了。鳳城有很多有名的菜色，我們都想點來吃，點到粉粿，就有位女待應走過來說賣完了！再點蓮蓉西米焗布甸，因為我們有7個人便打算叫個大的份量，但女待應堅持要我們叫中的，說夠食了！我們點了招牌鳳城炒飯，因為見寫着是招牌菜，覺得一定會很好吃，過，每人吃了一些後就沒有人再添食，因為太鹹了！上了一輪菜後，等了半小時都未上龍穿鳳翼(釀雞翼)，有位男待應過來問我們是否餸菜上齊了，他準備上甜品。我便立即說龍穿鳳翼未上，他便回去查看，之後就過來說我們沒有落單。我們立即說沒有可能，一碟有6隻，我們特意聲明要7隻的。男待應回去一會又過來說龍穿鳳翼是要預訂的，所以沒有了。我覺得他應該在找籍口，菜譜上要預訂的菜色全部都有標明的，但龍穿鳳翼沒有標明，即是用預訂，但無論我們怎樣爭論，最後都是不肯做給我們。最後，上甜品，先來蓮蓉西米焗布甸，男待應把那份中型份量的布甸放在隔離張細枱，然後叫我看看，對我說你們吃完布甸應該好飽，不會吃得下馬拉糕，提議我取消馬拉糕，但我堅持一定要，還回他一句吃完就打包走。他鬥不過我，最後我們終於有馬拉糕吃了！難得那麽齊人，我們便用腳架來自拍大合照，怎知那個男待應站在我們後面的角落偷看，結果我們的大合照裏面多了個男待應！…查看更多

友人聽我說鳳城的炸子雞好吃，而她的辦公地點就在灣仔，順理成章便在這裡開餐。舖面和之前略有不同，應是重新裝修過吧，看上去比之前更光猛新淨。期間限定優惠～外賣自取(全天候)或晩市堂食(假期除外)可享8折優惠。另午市外賣自取某些指定粉麵飯或點心，價錢和茶餐廳更是相差不遠。這款「專享孖寶」或「全包宴」其實都幾抵，我們就選擇了前者。蝦多士～麵包酥脆、蝦肉爽彈；吃得出是即叫即炸，相當不錯。菠蘿咕嚕肉～賣相跟常吃的有點不一樣；這個是汁肉分家的，將炸起了的肉置於中間，酸汁料就盛於中空的菠蘿內，味道調配是不錯，可惜肉炸得不夠酥脆，口感粉粉的，看來在脆漿上要落點功夫了。炸蟹鉗～體形壯碩澎湃，外層炸至金黃香脆而肉質甜嫩，蘸點浙醋便已是鮮美味可口了。炸子雞(半隻-孖寶)～也是一道功夫菜，不間斷的將滾油澆上已醃味的雞隻上，直至變得皮脆肉滑；難得的是雞皮內沒藏太多肥膏，食得更健康，三黃雞；水準自然不差！豉椒炒蜆(孖宝)～大牌檔風味，熱呼呼、香噴噴，蜆肉鮮甜惹味，是最佳的下酒菜。紫砂茶壺燉螺頭湯～湯色清澈，螺頭外還有雞腳、圓肉、豬肉、瑤柱、火腿、杞子及陳皮，濃郁甘甜。紫砂茶壺蟲草燉雞湯～蟲草花滋補；配雞肉更是暖胃鮮美；燉煮過後，精華溶於盅內，清甜無比。啫啫芥蘭煲～未見其影、已聞其香，蝦醬再配大大隻的蝦乾，受其加持的芥蘭幾難唔好味啦。西米焗布甸～分量十足，大家很努力也只吃了一半多一點。友人食得開心，炸子雞當然是其中的亮點。鳳城酒家 (禮頓道)地址: 銅鑼灣禮頓道30號地下電話: 28818687…查看更多

自問本身唔係太喜歡出門食中菜，不過細個讀書成日經過呢度，一於畀個機會佢，好食帶阿媽黎食！招牌炸子雞原來一隻都幾大隻，我地一大班人都食唔曬，建議要一圍先好叫全隻😂除非你哋淨係食雞😂😂外表油光閃閃嘅炸子雞時實際上唔係好油膩，反而外皮薄之餘脆脆地，裡面嘅雞肉既然保持到好滑嘅口感，點少少椒鹽味道更豐富，雞肉做到嫩滑效果其實唔容易！蝦多士 多士用上新鮮麵包製作，令麵包唔會扁曬無空氣感。比起用蝦膠，佢用上成條蝦肉更加彈牙同有鮮味，最神奇係零油膩感，點少少沙律醬已經好好味！椒鹽脆茄子椒鹽系列之中茄子都真係比較少見，可能因為茄子比較難炸得起？但呢碟茄子絕對交足功課，每件size大到大家都諗緊佢係咪算係小食😂 佢椒鹽落得恰到好處，香口但唔會龔鼻，裡面嘅茄子白雪雪，睇落好似好raw咁但實際上已經熟透仲好棉滑，全檯推薦！鳳城鴛鴦粉果 呢個粉果同出面嘅唔同之處係佢用上鵪鶉肉代替豬肉做餡料，裡面加上香菇碎，感覺上唔咁heavy。正確嘅食法係全隻浸落上湯再試，一黎可以脫膩，二來上湯嘅鮮甜可以粉飾粉果，我話佢係響鈴食法，哈哈。鳳肝金錢雞平時食草嘅我要食呢D真係好大挑戰！因為呢碟菜式係肥豬肉加雞肝嘅配搭，實在係邪惡軸心，好彩有塊麵包中和下，入口又無想像中咁肥膩，但一件仔就好，如果平時喜歡食東坡肉的話，應該會好喜歡呢道菜。馳名順德桂魚卷 一開始我其實睇唔到條魚喺邊，後來店員解釋我聽大廚將桂魚骨肉分拆，部份特比卷埋金華火腿！鳳城炒飯呢款炒飯同揚州炒飯最大分別就係多咗D蕃茄粒，令炒飯無咁乾，鹹香味之中滲透蔬菜嘅清甜，飯粒亦然有咬口，食完一碗會想encore呢。西米焗布甸一上檯已經聞到好香蓮蓉味，蓮蓉同西米混合得好好，作為結尾係比滿足更滿足！…查看更多

母親節飯。食物牛展，賣相幾唔錯，晶瑩通透，切得薄薄，食落還算軟身，不過未算爽，可以更好既牛展。燒腩仔叉燒，燒腩仔個皮燒得香脆，以燒腩仔黎講，肉香係收貨，係很不錯的燒腩仔。叉燒用上係瘦瘦的，睇落都幾乾身，不過食落唔韌，肉香就一般既叉燒。蝦多士，炸得夠乾身，唔會食落好油膩，吃起來亦脆口，唔洗用上沙律醬都好食。田雞煲，田雞肥美，不過略為咸左d。崧子蝦仁炒西芹，蝦未算鮮爽，崧子反而唔錯，脆脆的。扒豆腐，家常小菜，一般水準，汁太多，一咬舊豆腐成口汁。炸子雞，係呢到既名物，肉質嫩滑，雞皮泛油夠薄香脆，脆卜卜，不過雞皮冇咩肥就好似差咁d野咁。煎釀鯪魚，原先想要桂魚卷，不過煎釀鯪魚已好少食肆做，街上亦唔係好多地方有得買黎自己整，就要碟黎試下。鯪魚肉結實，可口惹味，係好送飯既釀鯪魚。鳳城炒飯，炒得乾身，料咩都有d，亦夠多，係埋尾飽肚既選擇。西米布甸，食落感覺麻麻地，唔多滑，味又淡淡，唔多識欣賞呢個西米布甸。服務，我個人就唔多接受，明明有上菜位，不過上菜總係唔係上菜位，失驚無神從後伸手收碟，客人食緊野，唔好彩打潟點好呢，真係唔係好明係唔係真係要咁急一見人食完就要收碟，又唔係有野上枱唔夠位。呢d情況其實經常發生，都係今次忍唔住寫下發下蹹風。環境，無咩投訴，正正常常，光光猛猛。價錢，散叫幾抵食。…查看更多