豪隍點心工房

🥧🫖🥢二訪觀塘人氣點心▫️茶芥$8/位▫️免加一☑️蝦仁燒賣皇(2粒) -$27二訪要Encore的，燒賣大粒，蝦仁同肉都彈牙爽口，冇得頂！☑️蜜汁叉燒腸 -$31腸粉有兩條，總共六件，雖然比出面嘅腸粉店好似少左條，但其實佢都幾大條同足料，有大量嘅叉燒粒同芫荽碎，叉燒唔會好肥，都幾好味，但唔食芫荽嘅就要留意啦。☑️鹹魚肉餅飯 -$37呢個迷你煲仔飯，賣相吾錯，肉餅都夠撈飯，上面有鹹魚同薑絲，配豉油好味😋☑️沙律雜果鮮蝦炸雲吞 -$33上面嘅沙律雜果真係幾好，好有童年嘅味道，酸酸甜甜好開胃。鮮蝦炸雲吞新鮮炸好脆。鮮蝦彈牙。☑️紅油抄手 -$27抄手有五隻，都幾大粒，個皮都幾薄，應該係椰菜豬肉餡，紅油冇撈埋一齊，係另上嘅比你自己點，可以自己決定要幾辣。…Read More

🥧🫖🥢高質大件抵食點心▫️茶芥$8/位▫️免加一☑️豪隍蝦餃皇(2粒) -$27蝦餃真係好大粒飽滿，大過隻匙羹，包住大量蝦肉，新鮮彈牙，蝦餃皮幾薄，而且軟糯，實在難得。☑️蝦仁燒賣皇(2粒) -$27燒賣同樣比一般嘅大粒，蝦仁同肉都彈牙爽口，調味都好正，絕對會encore。☑️高湯鮮竹卷-$25一份三件，入面有木耳絲，魚肉、芹菜，口感豐富，高湯味道都吾錯。☑️山竹牛肉球 -$25牛肉球有三件，超大粒，好多芫茜碎😍口感味道都吾錯，配喼汁一流☑️溫泉蛋牛肉飯 -$37吾算好大碗，好似迷你煲仔飯咁，飯應該係用瓦碗煮熟，飯粒粒分明，牛肉餅係拍扁咗嘅牛肉球，口感味道都同牛肉球一樣，係餅中間多左窩蛋，但個窩蛋整得好靚。☑️蒜蓉芝士長春捲 -$37春卷幼長脆口，有3條，同樣有蝦係入面，蒜蓉味唔算好出，配左胡麻醬，幾特別，仲有兩條爽口青瓜。☑️蓮藕煎鯪魚餅 -$31一分三件，每件都好厚實，蓮藕粒好爽口，鯪魚肉都好彈牙，係油膩左d。🆗鮮蝦腐皮卷-$31一份三條，切開咗六件，新鮮炸起熱辣辣，出面層皮好脆，但因為腐皮有d厚，入面d腐皮會有d靭，入面有超級多芹菜粒，中意食芹菜嘅應該鍾意😂…Read More

好耐無飲茶，本來想去龍皇，門口大排長龍…突然醒起附近有一間 豪隍點心工房，於是立即轉場行去街尾 豪隍試試。豪隍總店在 觀塘敬業街街尾既工廈入面，入口在工廈後門樓梯位，有點隱閉，仲要上層樓梯先到正門。但好好彩，唔洗等位，不過裡面都門庭若市，坐低一陣就已經全場爆滿。1. 蒜蓉芝士長春捲 HKD 37😋😋😋😋一碟三條炸春捲搭兩條青瓜 配一小碟芝麻醬。炸春捲係食指既粗幼，手掌既長度，炸得乾爽，不油膩，整條春捲炸得非常香脆。餡料捲著芝士帶蒜味既少許蝦肉，蒜蓉味比芝士味濃，內餡唔多，但炸得非常香脆，鐘意食脆卜卜野既朋友會好鐘意，咬落口口都卜卜聲架。2. 蓮藕煎鯪魚餅 HKD 31😋😋😋😋一碟厚厚既三大塊。蓮藕粒切到細細粒，同鯪魚肉混埋一齊做成肉餅煎香，塊塊有手掌厚度，咬落啖啖肉，很滿足。鯪魚肉質感細滑，入面加左陳皮，食落唔腥。魚肉有混入蓮藕粒粒，蓮藕十分爽口，令魚餅咬落增加口感，每塊煎到剛剛好，很有媽媽餸的味道。3. 鮮蝦腐皮卷 HKD 31😋😋😋一碟腐皮卷有三大條，切成6小件。表皮煎得很香脆，呢碟煎得略油膩。內餡有芹菜蝦仁，菜既比例比蝦多，內餡切得太過細碎，碎到接近蓉既狀態，所以食落表皮係脆香，但內餡就軟笪笪，唔太有口感。4. 四寶雞扎 HKD 33😋😋😋魚肚：魚肚很索汁，非常入味，咬落彈牙爆汁。火腿：手指頭大小，咬落陣牙，一般火腿咸香。雞肉：雞肉很入味，質地軟林，成舊啖啖肉。味道可以，跟普通茶樓所食味道差不多。5. 北姑滑雞飯 HKD 37😋😋個飯係用個小瓦煲仔上，唔硬唔軟，無飯焦，無乜特別，雞肉軟林，啖啖肉，雞味一般，雞肉係去皮，亦無乜油脂，所以個飯係乾乾地。除雞外，個飯面仲有一粒冬菇，粒冬菇厚肥，咬落很彈牙，菇味香濃。6. 蝦仁燒賣皇 HKD 27😋😋😋😋😋呢個點心應該係皇牌吧！門口大大張poster推界。一上枱哇左一聲，真係好大粒，佢一粒做得人兩粒。仲要大大隻蝦放面，真係好吸引，27蚊一竉兩大粒，好抵食。蝦仁大大粒，蝦味香濃，咬落肉質彈牙，下面主體部份係豬肉餡混著切成大大粒既蝦肉，咬落肉質彈牙而且肉汁充沛，好好味，呢個點心係必食之選。7. 點心拼盤 HKD 51流沙奶黃包：😋😋個包細細隻，好夠熱，唔算好甜，蛋黃味唔係好夠濃，而且奶黃太過水，佢個流心係超級勁爆熱，我拿起個包撕開食時，流心一撕就爆出，咁就燙傷手了，超級疼！如果流心濃d同滐返少少會好d。 京式叉燒包：😋😋個叉燒包細細隻，叉燒餡略少，叉燒餡味道略甜，味道係一般叉包既味道，無乜特別。蝦餃皇2粒😋😋😋😋呢個蝦餃皇係燒賣皇既Friend，又係超級大粒！睇相都見到個尺寸係拍得住格離兩隻包。蝦餃皇既皮薄薄既，包住勁多蝦肉粒同蝦仁，蝦肉咬落彈牙又多汁，非常好食。潮州粉果2粒：😋😋粉皮略厚，唔夠煙韌，內餡帶微香辣，有花生，芹菜，苟菜，粉葛，內餡食落爽口. 味道ok, 係普遍茶樓既味道。整體評語：店內既枱同坐位頗密集，人流多而嘈雜，明顯走非傳統茶樓路線，上點心快，碗碟收走都很快，侍應都快手快腳在通道間不停穿插，所以食客大都係快食快走，咁當然，佢既價位亦會比傳統大茶樓相宜得多。如得閒發口痕，想快食點心，而唔想去食貴d既傳統茶樓，豪隍會係一個好選擇，點心款多，價錢抵食，全部點心炸物飯菜都係新鮮熱辣上枱，整體味道同質素都可以接受。…Read More

位於觀塘的豪隍點心工房經常大排長龍，各款點心即叫即製，抵食又足料，性價比極高！假日下午不用排隊就可以入坐，必定要把握機會食啦～🦐蝦仁燒賣皇 ($26)蝦仁大粒，口感豐富，超滿足～🦐豪隍蝦餃皇 ($26)蝦餃皮柔韌，蝦仁大粒，餡料豐富！🍲高湯鮮竹卷 ($24)高湯鮮甜，鮮竹卷皮薄，餡料十足又入味！🥬香茜牛肉腸 ($26)腸份薄滑，茜味不會過濃，味道不錯～🥢生煎蘿蔔糕 ($24)口感結實而不粉，吃得出條條蘿蔔絲，相當足料！🥒手拍青瓜 ($24)最喜歡的涼拌小菜！青瓜清甜爽脆，加上酸辣醬汁特別開胃！🫖茶芥 ($6/位)…Read More

呢間邊個時間段去 都好多人 原本上個星期6 晏就諗住3點去食 以為過左午市會少人d 點知一望到門口樓梯仲有人排緊隊 拎緊飛 於是果斷放棄 唯有擇日再黎結果搵左日平日夜晚放工得閒 於是又再過黎食啦😋呢間位於工廈一樓 入口樓梯並唔起眼 初初只係區內街坊認識 但慢慢開始多人推介 就變左愈黎愈多人識 依家係咪唔可以再叫隱世小店啦🤣我地兩個人嗌左🥢蝦仁燒賣皇 有得揀兩粒／四粒 大大粒 足料又好味 個人推介！🥢豪隍蝦餃皇 都係有得揀兩粒／四粒 大大粒 皮薄兼入面大大舊蝦肉🥢流沙奶皇包 有小小流心 味道不過不失🥢蜜汁叉燒腸 味道正正常常 叉燒都算足料 入面有少少芫茜 唔鍾意嘅可以skip或者挑走佢🥢蒜蓉芝士長春卷 長條形一桶上 有3條配兩條長青瓜 對於唔係太識揸筷子嘅我鍾意拎上手 點芝麻醬食 食落脆口同唔算太濃蒜蓉味或者芝士味 我覺得唔錯 🥢甜奶炸饅頭 皮脆 唔會話好似有d酒樓因為擺得耐而淋左🥢五香金錢肚 重好味推介 下面啲芋頭夠哂淋 索哂啲汁好好食工廈位置黎講 呢間真係算多人 衛生同服務態度都冇咩好講 正正常常一間茶樓咁 冇話特別差或者特別好 但食物素唔錯 呢間係觀塘其中一間食完會再想去食嘅餐廳之一下次去鴻圖道嗰間地舖試下先！…Read More

講到食點心 就離唔開👑 𝐌𝐲 𝐓𝐨𝐩 𝟏之選- 豪隍ෆ  ̫ ෆ‪ 👑已經食過好多次 但每次都掛住食上次就的起心肝 影靚啲相先( ˶¯ ꒳¯˵)呢到嘅點心係真 • 大件夾抵食₍₍ ᕕ(´ ω` )ᕗ⁾⁾價錢平 大大件 仲要好好食！燒賣同蝦餃有得叫2粒/4粒 如果想試多啲款點心 叫2粒就夠 因為佢係king size 要分幾啖先食得曬🤣個人推介 蝦餃是必吃之一(*ฅ́˘ฅ̀*)♡超多足料超多蝦 而且好爽口彈牙 蝦餃皮唔會話太厚 每次去都一定會點的！脆皮銀蘿腸同蜂蜜黑糖糕都比較特別 出面會少見～前者係用腸粉包住蘿蔔酥 食落驚艷到呢！個人嚟講幾鍾意呢個配搭(♡˙³˙)而後者友人比喻為「中式可麗露」🤣食落後感煙煙韌韌 又甜甜地 同可麗露又真係有幾分相似～❇️ 豪隍蝦餃皇(2粒) $26❇️ 蝦仁燒賣皇(2粒) $26❇️ 流沙奶黃包 $26❇️ 脆皮銀蘿腸 $26❇️ 蜂蜜黑糖糕 $24❇️ 高湯鮮竹卷 $24❇️ 豉汁蒸鳳爪 $26🫖 茶芥 $6/人總結！點心大大件好抵食 環境坐得舒服暫時仲未搵到間可以取代到佢🤣呢間絕對係去到觀塘必食之一‼️🌟另有觀塘-東瀛遊廣場新分店🌟👅味道：5/5💰性價比：4.5/5👀回頭率：5/5…Read More

星期六11點鬆啲去到，已經8成入座率。墨西哥叉燒包（中點 $26）熱辣辣，面層鬆脆，麵包軟腍，裡面叉燒少咸微甜，好味道。香茜牛肉腸（中點 $26）腸粉尚算滑，裡面牛肉不少，口感近似山竹牛肉球，味道OK。蝦仁燒賣皇（中點 $26）超大粒，等於坊間1.5倍，豬肉彈牙唔太肥，味道不錯。點心併盤（皇點 $50）蝦餃，又係超大粒，餃皮煙韌，裡面大量彈牙蝦肉。潮州粉果，大粒，餃皮薄一夾易穿，餡料足，傳統嘅味道。流沙包，麵包同樣軟腍，流沙奶皇味道正常，但偏少。叉燒包，麵包比較紮實，口感似生煎包，叉燒餡正常（墨西哥叉燒包好食啲）。整體水準不錯，味道好，份量亦大，價格合理，值得推介。PS：點心即叫即蒸（需要15-20分鐘），款款新鮮熱辣。PPS：$6@茶錢，免加一。…Read More

呢間真係人氣爆棚！嗰日都差唔多等咗45分鐘，出面等位個到仲要冇冷氣，當場快往生🥲聽講佢喺觀塘開咗間新分店，唔知係咪都係咁多人呢🤔呢度嘅點心選擇幾多，價錢唔貴👍🏻今次我哋得兩個人，唔覺意就叫多咗😂加上佢份量都幾重量級，食到我哋超飽～=====================🫖蝦仁燒賣皇 $26雖然呢個價錢得兩粒係少貴🥹但佢一粒真係幾大，粒蝦都佔咗一半，個皮又唔厚，個人覺得幾好味🤤🫖生煎蘿萄糕 $24呢個蘿萄糕相對比較普通，主要係冇乜料，蘿萄味又唔係好重，如果有啲蘿萄絲應該會口感豐富好多🤔🫖蜜汁叉燒腸 $30叉燒腸嘅外皮有啲厚，不過叉燒幾足料，如果個皮搓得再薄啲應該會幾好食🤔🫖鮮蝦腐皮卷 $30外皮炸得幾脆，內餡就不過不失連埋醋食應該會幾好味，可惜枱面唔見有🥲🫖四寶雞扎 $32又係超巨型😹入面包咗火腿、芋頭、雞肉、魚肚，不過蒸得唔夠腍同入味，好可惜😢🫖豉汁蒸鳳爪 $26鳳爪蒸得夠腍易咬，不過味道就冇乜特別，同出面啲鳳爪差唔多～🫖山竹牛肉球 $24呢款牛肉球牛肉味相對冇咁重，不過幾彈牙仲有馬蹄一齊食幾爽口，個人覺得$24咁大粒幾抵食👍🏻=====================總體嚟講，個人覺得呢度幾抵食，又係黃店又大份又足料，味道亦唔差🤤重點係價錢唔貴，平均$20-30就有一籠點心，幾個朋友嚟飲下茶食個包都幾過癮～不過有得book位都建議大家book位，唔係就要喺出面等好耐🥲…Read More

點心來講豪隍蝦餃同燒賣 Size 都係驚人嘅，但排隊45分鐘先食到，又限時70分鐘用餐時間，而且枱與枱之間好緊迫，環境同服務同酒樓就冇得比架啦，值唔值得就要自己諗諗啦⋯⋯豪隍蝦餃皇(2粒）好多蝦！但外皮好厚，師傅調味好重手，有啲死鹹味蝦仁燒賣皇(2粒）蝦都係一樣好多，冇蝦餃咁鹹，係好食嘅墨西哥叉燒包整體都可以，但係包面比較粉爽口滑蝦腸腸粉都算滑，但平時啲酒樓係咪有3條呢？🤔甜奶炸饅頭好飽滿同脆，加埋煉奶好有童年回憶🥰高湯鮮竹卷都係大大嚿，味道正正常常鵝肝醬咸水角炸過龍有啲黑，不過….說好的鵝肝醬呢？…Read More

媽咪話聽人講呢間啲燒賣蝦餃大大粒好正，今日咁啱要嚟觀塘，就決定嚟試下星期六中午嚟到等咗15分鐘左右就入得，都算快我地總共嗌咗8樣點心杞子桂花糕：好清甜墨西哥叉燒包：都幾好味，不過我覺得叉燒可以再甜啲蝦仁燒賣皇：真係好大粒但唔係淨係大，係好味架喎！面頭有粒蝦仁，入面又食到蝦仁蝦餃皇：又係好大粒，包住勁多隻蝦，超正！！流沙奶皇包：食嗰陣要小心啲，會流哂出嚟蒸饅頭：一般～鮮蝦菜苗餃：好味，又係大大粒蝦，啲菜都好食蜜汁叉燒腸：皮薄，唔錯整體嚟講呢間點心都好味，媽咪都好滿意，同埋價錢唔貴，可以再嚟食，而且呢間店可以訂枱(新店就得walk in)…Read More

周日晏就12點半來到, 大約等咗20分鐘可以入座～以前附近返工成日食咖！呢度好多款點心🫖仲有懷舊啫喱糖，不過今次叫太多嘢食無位置叫埋甜品😂🍤蝦仁燒賣皇 $251籠2粒, 每粒超超超超超大粒燒賣🤪大粒都癲咗, 同街邊檔燒賣相比起碼4倍大！咬落去好Juicy好多肉汁🤤 🍖山竹牛肉球 $23牛肉球又喺超大粒, 逼爆隻細碟仔, 自行落喼汁🍗四寶雞扎 $30四寶分別為雞肉，火腿，魚肚，芋頭～傳統口味～🍖香茜牛肉腸 $25牛肉餡料份量嚟講喺爆多！上網見人地話腸粉皮好薄, 呢款牛腸粉皮唔覺得特別薄，應該喺正常厚度？🍱點心拼盤 $502粒蝦餃、2粒粉果、流沙包、叉燒包蝦餃大大粒，同燒賣比較的話喺細啲啲，蝦餃餡料超好食！個皮正常～粉果皮我覺得偏厚🤔　即場食埋個流沙包！一開個包就爆漿🤤　叉燒包就打包返屋企😂🥖蒜蓉芝士長春卷 $34以前嘅名物😂喺回憶的味道🌝長春卷＋青瓜條，春卷沾沾胡麻醬更加好食～春卷超脆口的～🍖足料珍珠雞 $30🫖茶芥 $12總結：蝦仁燒賣皇必叫‼️小店嚟講點心款式夠多～味道傳統👍　人手落單，店員做嘢好快手！…Read More

🦐豪隍蝦蛟皇🥢蝦仁燒賣皇🐷叉燒腸粉🍞炸饅頭⚡️香港人逢星期六、日，梗係要飲茶🍵觀塘呢間豪隍點心工房一向好出名，佢嘅大大粒🦐蝦蛟同🥢燒賣可以話係名物+鎮店之寶✨而事實上佢地嘅蝦餃燒賣絕對有手掌心✋🏻咁大粒，內饀亦唔馬虎，起碼塞滿咗兩隻大蝦🤤完美地呈現「皮薄饀靚」✨✨⚡️其餘嘅🐷叉燒腸粉同🍞炸饅頭同樣出色，絕對會令大家食過翻尋味～☺️⚡️如果大家想嚟食，記得提前book位，因為小女子試過walk in 前前後後等咗一個鐘🤭唔想等記得提前打電話啦🤣…Read More

好耐冇飲茶，依家本身又平又好食，所以新年到嚟食😋我哋得2個人食唔到太多野，只係叫咗幾款點心蝦餃一定要叫，大大粒，入邊啲蝦又爽口又多，美中不足就係塊皮有啲厚燒賣又係大大粒，豬肉好香口墨西哥叉燒包個餡好食，但係佢係整定，所以個皮唔脆，有啲可惜奶皇包夠哂流心，又起到沙😋😋好少喺茶樓見到長春卷，仲要係蒜蓉同芝士嘅配搭，好特別！炸得好好香口又唔油，最滿意依個🤩🤩最後用芒果布甸結尾，滿滿嘅花奶，但係略嫌芒果味唔夠，但係佢係食童年味道，都滿意😝…Read More

某星期日早上約十時到達觀塘的豪隍點心工房，等了約三十分鐘才能入座。點心選擇很多。點心以外，還有多款蒸飯和米線等。墨西哥叉燒包(中點$25)，水準不錯。豪隍蝦餃皇(中點$25)一籠兩大粒，數不出有多少隻蝦，蝦肉新鮮彈牙。豉汁蒸鳳爪(中點$25)很惹味，味道帶點辣。鮑魚雞絲腸(特點$34)是得獎之作，平時較少見用雞肉做腸粉的餡，雞肉滲出淡淡的鮑魚香味，值得一試。蝦仁燒賣皇(中點$25)跟蝦餃皇同樣超大粒，豬肉跟蝦肉的比例適中，餡料鮮明。山竹牛肉球(小點$23)是幾款點心當中叫人最失望的，口感不好，軟軟的。…Read More

佢個位置唔算好方便，喺地鐵站行過去要10分鐘左右我假日12點前去到已經排晒長龍，好彩拎咗飛喺附近兜咗一陣，等咗大半個鐘到就入得😆墨西哥叉燒包(中點$25)送上嚟嘅時候暖笠笠，一啖咬落去，外層好香好鬆軟，麵包嘅甜味加埋叉燒餡嘅味道好豐富🤤嚟到一定要嗌呢個！蜜汁叉燒腸(大點$28)腸粉幾足料，包滿晒叉燒，個皮厚薄適中，好滑👍🏻推薦～蝦仁燒賣皇(中點$25)一籠得兩粒有少少貴，不過👦🏻鍾意食燒賣，就一次過嗌足兩份，四粒一齊上☺️食落啖啖肉，冬菇味幾香，每粒燒賣都有三隻完整嘅蝦🦐夠晒足料籠仔馬拉糕(中點$25)馬拉糕嚟講，以呢個價錢有啲連鎖酒樓得四分一個，但呢度係原籠上😍雖然攤凍咗少少先食，但都keep到好鬆軟，係童年回憶嘅味道😏另外仲叫咗：鳳爪排骨飯(特點$34)個飯唔會死咸好重味精，飯粒粒分明，都不錯😉高湯鮮竹卷(小點$23)呢個我反而覺得普通，無乜特別驚喜，下次可以試吓其他🤣茶芥$6位，食咗咁多嘢，賣單每人都唔使一舊水😌主要係覺得佢夠足料，性價比高，食得好滿足環境﹕7/10抵食﹕8/10味道﹕7.5/10…Read More