部屋咖啡室

見推介話好好食，就要試吓因為正價有七折所以全部柯打正價無要套餐～10吋夏威夷pizza(熱辣辣，味道ok)$258+10%～蜜糖雞翼（唔太甜，香脆）$55+10%～榛子鮮奶熱咖啡（ok）$54+10%～水果茶（暖嘅，有茶座有一粒15分鐘就燒完蠟燭）由於一路都暖兼無火，所以飲咗幾杯仔就放棄，係失望比我祈待中差好多$72+10%就唔值。其實工作人員見粒蠟燭都無蠟就唔洗比。你哋可以做少啲野，咁我又唔洗奢想😄…Read More

今日朋友帶我嚟到呢間有board game玩嘅樓上Cafe 部屋咖啡室～一出𨋢就見到門口 全部都係梳化 感覺幾舒服～ 坐低睇睇餐牌 揀好就自己寫起一塊板 再比服務員落單🤣 食物種類都幾多 圖文並茂 好多樣嘢都想食 諗咗一陣終於都諗好啦～ 最後揀咗一個二人餐同埋加咗小食😬 八寶美顏花茶第一樣嚟嘅就係呢個養顏花茶 入面有玫瑰、紅棗、枸杞、桂花、同埋茉莉 夠晒養生 好適合女士🤭 仲有用小火熱住 真係好適合冬天飲 飲完暖笠笠😊 手沖冰波奶茶奶茶絲滑唔會好甜 有波波冰坐住 keep住飲都係凍 味道又唔會變淡👍🏻 西西里pizza即叫即整嘅手拉pizza 揀咗呢款用茄醬、辣肉腸、腸肉粒、蘑菇、同埋火箭菜 呢啲材料～ 手拉嘅面底 薄身得黎帶有煙韌口感 即叫即整熱辣辣 芝士仲要拉絲😍 好好味！ 黑松露雜菇意大利飯一上枱嘅時候超香黑松露味 睇到雜菇嘅份量都好多 味道適中 如果再多少少汁同埋個飯再煙靭啲就更加好啦😋 蜜糖雞翼勁好味！雞翼煎得啱啱好 搽咗蜜糖上面 真係好好食！ 炸蟹餅入面好似係蟹柳嘅肉 炸得香脆唔油膩 配埋酸甜醬 不錯～ 呢度有大量board game任你玩😇 整體嚟講 呢間 部屋咖啡室 環境不錯 服務態度不錯 食物質素不錯 重點係有勁多不同種類既board game 好適合一班朋友過嚟玩呀😌 …Read More

今日嚟到旺角一間樓上嘅咖啡屋，入到去有一種好舒服嘅感覺，好似返咗屋企咁😹卡邦尼意粉$135意粉嘅份量好好多，而且每條意粉都煙煙韌韌，卡邦尼汁好香芝士味，每條意粉都黐住卡邦尼嘅醬汁😍辣肉腸意粉$128意粉香香辣辣咁，同埋辣肉腸一齊食，簡直冇得頂，入面嘅蘑菇亦都嗦晒意粉嘅汁，很好味🫶🏻蜜糖🍯雞翼$55雞翼炸得非常之香脆嫩滑，蜜糖汁報滿雞翼的每一處😍雪糕朱古力厚多士$88雪糕係雲呢拿雪糕，厚多士外脆內軟，而且面頭有一層朱古力榛子醬，朱古力愛好者，不能錯過😆巨峰提子梳打跟餐加$15提子味道濃郁杯嘢飲，酸酸甜甜，非常開胃🤤水蜜桃綠茶跟餐加$8水蜜桃綠茶係一杯很清甜的飲品，很解油膩，飲品入邊亦有寒天，整體味道很清新嘅感覺部屋咖啡室旺角登打士街43H號登打士廣場12樓…Read More

餐廳：部屋咖啡室地點：旺角登打士廣場菜式：樓上咖啡室餐牌：pizza，意粉，意大利飯，漢堡包，全日早餐，小食，甜品同野飲等。BBQ烤雞磨菇手拉Pizza $258 10寸 另加一手拉Pizza寫明用意大利OOPizza面粉制同面粉嘅牌子。Pizza一客分六件，超熱上枱。首先餅底雖唔薄亦唔厚，批皮好脆口，質感唔錯。配料有唔少雞肉粒，蘑菇片，洋蔥絲同芝士，個汁味道都唔錯。芝士西蘭花 $48 另加一芝士西蘭花熱辣辣上枱，西蘭花加上多多忌廉醬再加d芝士，絕對夠味。蜜糖雞翼 $55 另加一蜜糖雞翼一客4隻，用牛油紙墊住上枱。燒得皮脆肉嫩，蜜糖味啱啱好，甜甜哋好食。奇異果椰果梳打 $50 另加一奇異果椰果梳打大大杯，色水呈綠色，味道唔錯，唔會太甜，加上粒粒椰果好清爽。今餐食物都唔錯。空間上都夠濶落，仲有公仔陪你食。有得食又有得飲之外，仲有board games俾你玩。…Read More

今日好開心去到一間Café好有家和自在的感覺，超舒服。現場環境好令人享受，有好好坐的梳化，有書睇，有board game，現場好闊落，坐得好舒服。出去拎本書睇下，等一陣就有好多野食。如果人多的話就可以玩住game 等叫主食有優惠價可以加配小食及飲品的。今日先叫份 -黑松露意大利飯其實café的食物都岩一齊share食，傾住計食。熱辣辣的飯，加上個松露汁。蛋黃汁卡邦尼意粉Café十分常見的食物，永遠都係咁creamy, 好好味好濃的卡邦尼意粉兩份小食美式炸薯條蜜糖雞翼佢個雞翼真係值得推介，超重蜜糖。雞翼勁香口。兩杯飲品-朱古力沙漠 – 個朱古力味好重好濃。楊枝甘露 - 好開胃，再加上裡面有D小啫喱，更有口感。…Read More

旺角登打士廣場呢間部屋真係好耐歷史了～ 估唔到咁耐仲可以再次返黎呢度食野～ 記得上一次黎已經係中學時期同班朋友黎玩board games 🤣🤣 呢度既感覺依然好有住家既感覺，咁耐冇黎，食物質素高左！ 啲野食幾好食～ 我地今次係上黎食既加閒聊既～ 呢度就最適合啦～ 我地叫左個大蝦番茄汁海鮮意粉，個汁好岩我食，酸酸甜甜咁，番茄味又濃～ 意粉又軟硬適中！隻大蝦都好好肉～ 😋之後我地叫左3款小食🥰有蜜糖雞翼～ 雞翼烤得好脆～ 外層充滿蜜糖味😋好惹味！ 芝士焗西蘭花🥦呢個焗西蘭花夠晒邪惡～ 上面鋪滿左濃濃既芝士，食落啖啖都係芝士醬🤤鐘意食芝士既朋友一定好想食～跟住最後呢個炸魷魚鬚😍都好吸引，咬落好鮮甜好爽口～ 唔會乾爭爭～仲叫左兩杯特飲，一壳花茶～ 同一杯楊枝甘露🥰楊枝甘露真係好好飲～ 入面好足料，好似食緊甜品咁～ 花茶好大壳，兩個人都夠飲～～呢度真係同朋友黎食野加閒聊加玩board game 既好地方！ …Read More

今日放工約左朋友食飯🥳朋友帶左我去試一間佢成日去的CAFE☕️佢話呢間係成日去玩食野同玩boardgame🪆就係位於旺角既部屋咖啡室📍-這家CAFE有好多唔同boardgame 🎈岩晒同朋友一齊去🐒佈置簡單，仲有好多唔同公仔呢🎈食物方面係以西餐為主呢! 都係CAFE會有既選擇!📋我就揀左All day breakfast🧡💛分別有麵包，沙律菜，滑蛋，牛仔腸，煙肉，炸薯條🍳🍟係足料之選! 最鍾意係有炸薯條! 岩晒我!😁同埋都真係立即整，所以更好食!-朋友點了烤雞磨菇闊條面🍝少少Creamy雞肉同磨菇份量十足✅女仔食一定夠呢!有埋洋蔥同青椒炒，相對比較香口😋-我地再點了蜜糖雞翼🍗滿滿既蜜糖一定好食🍯一定要襯熱食，如果要多幾隻就好!🤣🤣-飲品方面，朋友點了水蜜桃紅茶🍑我就反而點左朱古力沙漠試下🍫係milksake 的特飲😁我本身好鍾意朱古力，所以唔會覺得太甜～-食物方面唔錯呀! 放工幾岩一班朋友放鬆🐒🥳不過由於小店人手唔算多，上菜唔算好快🤡如果好趕時間要留意下❗️…Read More

Chill Chill Gatherings〔部屋咖啡室〕其實旺角真係有好多高質樓上cafe，今晚同朋友黎左呢間〔部屋咖啡室〕，地方雖少，但座得舒服，而且環境唔算噪，好岩三五知己聚腳點，點餐好特別，自已係白板寫單，十分環保又唔會驚寫錯, 錯都係自己錯，餐廳仲有好多board game 玩，我地4個人，叫左好多野食：凱撒沙津 $118：好欣賞佢用個大木碗同埋夾夾同黎裝住d食物，撈起沙津上黎時好方便，沙律菜入面有麵包粒同煙肉碎，沙津菜好新鮮，沙律醬亦都算多，每塊菜葉都有沙津醬，蜜糖雞翼 $52：雞翼唔會炸到乾哂，外面香脆，咬落又有少少肉汁，蜜糖味都好香，椒鹽魷魚鬚 / 椒鹽雞軟骨 $52：炸物黎講d炸粉好薄，唔會食到成口粉，全部上枱仲係熱辣辣，岩岩炸好，Very good，芝士西蘭花 $48：好濃既芝士白汁，西蘭花無焗得太乾身，亦都好夠淋，黑松露雜茹意大利飯 $152：非常香既雜菇味，菇算多，唔會太舊，成個飯好Creamy但唔會好膩，不錯不錯， 個飯做到粒粒粒分明效果，而且飯粒個心係好淋，認真一讚，黑松露味非常香，不過飯既份量我覺得多d，haha忌廉煙三文魚意粉 $128：配料既煙三文魚算係幾大塊，忌廉汁意唔算好多，令人唔會食到膩既感覺，意粉個口感軟硬都不錯，自家制手打牛肉漢堡 $118：牛肉漢堡有洋蔥、蕃茄、芝士、生菜，食落非常Juicy，包帶少甜同好軟身，手打牛肉漢堡，煎得少少乾身，但整體食落都好正，伴碟有薯條，千島夏威夷Pizza(千島獎、煙火腿、菠蘿)14吋 $358：Pizza 14吋份最非常大，配料都算多，芝士做到拉絲效果，餅底做得算薄，不錯的，不過14吋對4個人以講真係太多，哈哈，水果茶(H) $72：非常有驚喜，飲落個甜到岩岩好，仲要keep住可以暖暖地，真心，旺角有呢個質素真係不錯！…Read More

越式炸蟹餅💰48（可跟餐➕💰25）蟹餅幾厚實，外脆內嫩，可惜粉感比較重椒鹽魷魚鬚💰52魷魚口感脆嫩有咬口，吃不太到椒鹽味蜜糖雞翼💰52蜜糖用的是花蜜，口感比較特別，個人認為普通蜜糖/蜂蜜會夾啲意式辣肉腸意粉💰122有茄醬、辣肉腸、蘑菇、洋蔥、青椒，蕃茄味濃郁，有部份意粉口感較硬，整體味道還可以，但有部份洋蔥食落有怪味（似係壞左）自家製手打牛肉漢堡💰118有厚身的牛肉、番茄、一整塊芝士片、一啲菜墊底，塊牛肉兩面煎得較焦脆，咬感有些硬八寶美顏花茶💰65（可跟餐➕💰30）有玫瑰、紅棗、枸杞、桂花、茉莉，聞到好香紅棗和枸杞味，飲落有甜甜地紅棗味，其他花的味道就飲唔太到…Read More

今日午餐去左好耐無去既部屋咖啡室，部屋咖啡室係一間位於旺角登打士廣場既一間樓上咖啡室。除左有pizza，意粉，意大利飯，漢堡包，全日早餐，小食，甜品同野飲等有得食又有得飲之外，仲有board games俾你玩。呢度一共有5張枱，地方唔算大。今餐叫左個漢堡，兩款小食同一款甜品分享。自家制手打牛肉漢堡 $118 另加一呢度嘅漢堡好耐冇食，我仲記得質素係非常好，今次又叫黎試試先。自家制手打牛肉漢堡大大個，上面塊麵包烤得超香脆，兩塊麵包都滿佈白芝麻粒，好香，食落就甜甜哋。下面就係紫洋蔥圈同一片番茄，再下面就係一片熱溶芝士同漢堡扒，下底墊有少少菜苗，仲加左茄汁。漢堡扒煎得唔乾，成個漢堡好夠濕潤，一啲都唔乾。芝士加埋茄汁好邪惡。配有扭紋薯條，炸得非常熱辣辣，食落外脆內腍，伴有一兜茄汁，可稍微降温。椒鹽魷魚鬚 $52 另加一椒鹽魷魚鬚叫左少鹽，味道啱啱好，唔會太鹹。即炸即食，炸皮夠薄又酥脆，唔算太油。蜜糖雞翼 $52 另加一蜜糖雞翼一客4隻，炸得皮脆肉嫩，蜜糖味啱啱好，甜甜哋好食。炸物全部都新鮮熱辣炸起，好食。雪糕伴朱古力香蕉厚多士 $85 另加一果然係厚多士，多士超厚身，整得皮脆而入面夠鬆軟，上面放左一球朱古力雪糕同一排香蕉切片，仲擠左朱古力醬。朱古力醬唔會過多，點麵包食啱啱好，朱古力雪糕凍冰冰，配多士食超正！今餐所有食物都唔錯呀。空間上都夠濶落，仲有公仔陪你食。…Read More

旺角一向都好多呢啲玩𝒃𝒐𝒂𝒓𝒅𝒈𝒂𝒎𝒆嘅樓上𝑪𝒂𝒇𝒆🥰今次去咗呢間部屋咖啡店☕️環境都幾舒服😌.其實佢地啲𝑪𝒐𝒎𝒃𝒐 𝒔𝒆𝒕好抵食 兩個人食二人餐包一個𝒑𝒊𝒛𝒛𝒂,一個意粉/飯 仲有兩杯野飲同炸蟹餅😋但唔知點解嗰日傻咗冇咁嗌～散嗌咗 店員又唔提醒吓🥺食個𝒑𝒂𝒔𝒕𝒂同𝒑𝒊𝒛𝒛𝒂已經貴過$308 所以記住 嗌 餐 呀 ‼️.📌香辣虎蝦海鮮意粉🍝 $148佢係茄醬底 有啲茄蓉🍅番茄酸味偏重 帶少少微辣 仲有啲酸瓜,菇,洋蔥同茄肉 好開胃🥰意粉口感適中 唔算太爽口🙈得一隻虎蝦,兩隻青口同啲魷魚🦑海鮮幾好食 唔會好腥😋.📌千島夏威夷𝑷𝒊𝒛𝒛𝒂 $188𝑷𝒊𝒛𝒛𝒂都幾貴吓 佢雖然寫係十吋 但睇落有啲縮水😢佢係好普通嘅千島醬底再加煙火腿,菠蘿同芝士🤔佢係薄批底 批邊好脆 批底唔算太煙韌都唔太脆 口感幾鬆化幾特別😎煙火腿同菠蘿份量唔算太多🥓🍍芝士都幾多🧀不過千島醬有啲濃味 少番啲會好啲🙈.📌蜜糖雞翼 $48雞翼好大隻 肉質嫩滑夠𝒋𝒖𝒊𝒄𝒚 外皮好脆😍加埋蜜糖好正🍯.📌椒鹽雞軟骨 $48椒鹽味冇乜 完全唔鹹🧂雞軟骨炸過 不過唔夠脆🤭但好大兜💕…Read More

登打士街廣場一直都有唔少嘅小型餐廳，因為價格比較平民化，所以一直吸引唔少人選擇黎呢度渡過休閒嘅時光！部屋咖啡室雖然地方唔算太大，但係座位都比較舒適，我哋嗰日上到起都已經差不多滿座，證明真係比較受歡迎！打開個餐牌餐廳都提供套餐但可惜套餐只有Pizza為主食嘅一個選擇！由於我同朋友都唔係好想食pizza嘅關係，所以我哋決定點其他主食！🍡薄荷朱古力朱古力奶並唔算太濃郁，再加上淡淡的薄荷味，都幾順口🍡綠茶紅豆綠茶味同紅豆味嘅配搭一定唔會差得去邊🤣🍡椒鹽魷魚鬚及越式蟹餅椒鹽魷魚鬚炸得好鬆脆，魷魚亦都咬落去好彈牙，味道唔會太鹹，啱啱好！越式蟹餅外皮煎得好金黃，當初以為蟹餅的煮法係用炸粉包裹住蟹肉，但原來佢唔係！反而係另一種食法！🍡蜜糖雞翼蜜糖雞翼煎得好脆，外皮亦都煎得好金黃金黃，再加上鋪滿蜜糖醬，簡直一流！🍡辣虎蝦海鮮意粉辣海鮮意粉配料好豐富，有青口，有虎蝦，仲有唔少嘅蜆肉！意粉隱約帶有少少辣味，反而令人胃口大開！…Read More

餐廳：部屋咖啡室地區：旺角地址：旺角登打士街43H號登打士廣場12樓日期：29/4/2021時間：18:30人數：2人 等位： 0mins 價錢： ＄303今日收工想搵個可坐耐啲嘅地方食飯，所以就近近地去咗旺角Cafe食飯，部屋咖啡室地方闊落，仲有桌遊可以借嚟玩㖭。我哋嗌咗卡邦尼意粉（$112）配朱古力沙漠（+$20）、肉醬意粉（$98）同埋加咗一份蜜糖雞翼（$45）。兩碟意粉份量都幾多，卡邦尼意粉唔好見佢外表無乜汁但味道好夠，肉醬意粉就勁大碟😂啲肉醬好多好好味，配埋杯朱古力沙漠就非常之搭👍🏻但最出色嘅係佢嘅蜜糖雞翼，外皮非常香脆，完全唔會因為有蜜糖係表面而變冧👍🏻呢間cafe 野食唔錯，而且坐得幾舒服，好適合下次約埋一班朋友過嚟聚會🤣…Read More

好耐冇見個朋友，大家搵個中間點出黎食飯就去旺角食搵左依間cafe試下，貪佢又可以坐，又可以玩🤪 一開lift門見到成間野雖然唔大，但係坐落都好闊落，仲有啲 minions係沙發岩哂啲港女同佢係到打卡 📸 另外見佢質邊都擺左唔同類型boardgame，等遲啲完咗限聚令就啱哂成班fd黎吹水😉🔎 10” 西西里pizza 🍕 $188即叫即做一上到黎熱辣辣，個waiter勁細心叫我哋唔好掂個pizza碟嘅邊🤙🏻 個批底一啲都啱厚，啱啱好唔會食到好多麵粉咁樣，另外佢個辣肉腸好啱香港人口味唔會太咸，芝士仲可以拉絲添😳🔎 黑松露蘑菇意大利飯 Creamy seafood risotto $148佢都係即叫即整成個鑊咁樣上，佢個飯都算重黑松露味，煮到唔會太油膩，仲好足料好多磨菇🍄 ，份量都好足夠，值得一試☺️🔎 蜜糖雞翼 🍯 $45佢擺咗落個錫紙盒到焗，拎上黎嗰陣見到好多蜜糖拉出黎，食落甜甜地鹹鹹地，一貫水準😃🔎 水果茶🫖 $65佢依個水果茶成壺咁樣上，初頭飲落去個花茶色係橙橙地，隨着時間唔知邊隻水嗰陣得越來就變咗紫色好特別，甜甜地咁開胃幾好🔎 洛神玫瑰花茶 🌹 $58呢個飲落去比起水果茶就算再酸啲，春天養生都係啱錯嘅選擇，仲好健康添🙂-📍部屋咖啡室 (旺角)旺角登打士街43H號登打士廣場12樓…Read More

疫情冇得去旅行，都冇乜放過大假，公司就要同事清大假，於是乎就揀咗星期五下午放假，過一個happy Friday。約咗個friend去旺角嘅樓上Cafe，食吓嘢兼談天說地。大概2:00到達，呢個時段可以揀lunch set或者afternoon tea，不過諗住會坐得耐又未食晏，所以都係揀咗要lunch set。嚟得樓上Cafe，就一定會叫返杯特飲，我同朋友分別揀咗薄荷朱古力同翡翠朱古力碎雪芭，跟餐只需要分別加$5同$20，Cafe嚟講認真超值。為慶祝happy Friday，所以嗌咗幾份小食，蜜糖雞翼炸得香脆，又甜甜地，香口又好味！越式炸蝦餅質素勁有驚喜，蝦餅超彈牙，食得出蝦肉比例好高，唔係啲cheap cheap粉團蝦餅，我夠膽講拍得住部份泰國菜餐廳嘅水準添，最緊要係呢個可以跟餐只係加$23，呢個係必食推介！芝士西蘭花有濃濃嘅忌廉汁，芝士亦都有拉絲嘅效果，我覺得都唔錯！三文魚忌廉意粉係採用煙三文魚，意粉入面加入洋蔥同蘑菇，配搭得宜。黑松露雜菌意大利飯淨係用眼睇都已經知道有好多黑松露喺入面，食落淡淡都有黑松露嘅香味，配合意大利飯，口感一流！平時對樓上Cafe嘅食物質素都冇乜要求，估唔到呢一間部屋咖啡室嘅食物質素咁有驚喜，以後去旺角食飯傾偈又多一個好選擇！…Read More