小火焰韓式咖啡廳 (觀點中心) (已結業)

平日lunch 又黎小火焰好掛住韓式味道再熱d 真係要試下個水冷麵其實食物選擇真係好多，今次叫左一個焗飯一個淮山麵加10 就有既小食～～年糕夠煙韌， 泡菜夠爽同辣真係有韓國街頭賣個d 辣年糕既感覺泡菜餃子炸得好脆身入面其實係泡菜同粉絲為主$10 又有三件炸雞，我地攤左一陣先食都仲脆加埋甜辣醬～～隻雞雖然唔算嫩，但都唔錯～飯底真係有用泡菜炒過，食得出有泡菜味面頭芝士夠多～～加埋個飯食，真係一流牛肋有好多舊，已經走哂骨，啖啖肉依個淮山麵係encore~~今次個辣味勁左個人食得辣覺得都偏辣左少少但都係甘好食，而且份量十足～～最後食埋甜品就好滿足啦解番哂d 辣～～牛乳味夠濃，又夠滑口$10 一杯真係無投訴呀…查看更多

朝早同班小朋友去完觀塘嘅play house放電晏晝就喺附近覓食 見呢間評價幾好咁就去試下喇大概12點9左右去到 無一個好實在嘅門面因為佢係喺個商場嘅Lift lobby到入面已經8成滿嚕 好彩都仲未要等位😛餐牌都幾多 有單點午餐同多人套餐本來多人餐都幾好 咩都有啲可以試下不過考慮到多人餐唔係咁適合小朋友所以都係嗌返午餐喇✨北寄貝水冷麵北寄貝大概有6-7片 湯底幾清幾好味 麵質都幾爽幾彈牙整體唔錯 不過略嫌可以再冷啲✨黑松露炒淮山麵黑松露味夠香 淮山麵夠爽口雖然配料唔多 但好味✨牛肉溫泉蛋蕃茄烏冬烏冬屬於滑嘟嘟嗰種牛肉味道合理 但唔係好夠熱✨豬頸肉蕃茄烏冬豬頸肉個量都幾多 肉質好juicy唔會太乾同牛肉比呢個好啲✨兒童餐飛機造型好吸引小朋友有飯團煎蛋豬肉餅蘑菇釀雞翼紫菜卷同埋仲有一粒朱古力麻糬每個兒童餐都會跟一罐果汁 有提子同梨揀味道上就評唔到喇😂✨芝味炸雞全份大概有8件雞 有芝士醬同芝士粉放面其實炸得幾好 肉汁仍然好多但以芝士炸雞嚟講芝味真係唔夠多而且無得揀無骨都有啲扣分😆✨餐飲蜂蜜紅棗茶夠甜但紅棗同蜂蜜味都唔係好突出整體嚟講 周末都有午餐都幾抵食味道都合理唔錯嘅 去開附近嘅都可以一試…查看更多

lunch hour嚟到呢間韓國菜，好彩早到，話咁快就爆咗棚lunch menu有呢個拉芝雞翼炒飯好吸引跟餐叫咗個凍嘅蜂蜜紅棗茶呢個拉芝飯好快就到，睇落個樣普普通通咁，但竟然俾到驚喜上面嘅芝士同醬汁cover哂4隻雞翼，所以就咁望唔到另外仲有粟米，青紅椒，泡菜炒飯同紫菜絲首先我將一部份嘅醬汁同飯撈勻，一路撈，一路見到佢啲拉絲芝士，好邪惡泡菜都切得幾大粒，見到係真材實料嘅個雞翼都好唔話得，本身已經有香燒嘅調味，就咁食有少少似薩利亞嘅雞翼(唔辣)再加上美式bbq醬，芝士同香草一齊食，估唔到一個普通嘅lunch set都食到BBQ ribs嘅質素個泡菜炒飯本身已經好惹味，加上甜甜嘅粟米粒同creamy 嘅芝士醬，真係令人欲罷不能十分推介呢個餐雖然佢有一隻辣椒仔，但食落都只有微辣味道恰到好處，yummy蜂蜜紅棗茶都係即沖個啲，底下有好多紅棗肉，而且飲落好甜，對於缺血嘅女仔補充血糖好好酥炸魷魚鬚炸粉好薄，睇到哂入面一條條嘅肉炸嘅火候都控制得幾好，keep到魷魚本身嘅味道，食落有彈牙香脆其實啲嘢食嚟到嘅時候，門口已經好多人排隊，呢間餐廳嘅人氣真係好勁座位上面有好多個screen播住一啲韓式美食同MV，不過冇聲，基本上唔會嘈住食飯:)同埋同朋友好耐冇見，我哋想影張相嘅時候，女店員主動過嚟問我哋要唔要幫手揸機，好體貼:)…查看更多