Espresso Alchemy (海港城港威商場)

生酮蛋糕我一直想試好耐，因為太夜去到抹茶味賣晒🥲，試埋其他main都覺得唔錯☺️🌮墨西哥夾餅配慢煮黑毛豬及莎莎醬$89軟皮Taco 皮薄，餡料好豐富，唔係坊間加千島醬，而係搭配新鮮芫荽、洋蔥，黑毛豬加小小獨特既西班牙辣椒醬(Salsa de chile)🌶️，唔算辣反而可以刺激味蕾，配合青檸汁又甜又酸好fresh☺️。🌮 虎蝦車厘茄意大利飯$132賣相好搶眼，每一粒米都係橙紅色。3 隻虎蝦好爽甜大隻🍤，意大利飯表面撒咗好多芝士，茄汁唔會過酸，令人胃口大增。🌮蜜糖伯爵茶拿鐵$42一支似牛奶既飲品由店員遞上後，有小小驚訝以為漏上伯爵茶☕️，訊問後原來一早調配好 茶·奶·啡既比例，飲落有淡淡既伯爵茶，份量充足，可以斟到兩杯👍🏽🌮生酮意式芝士卷$61食落竟然同平時蛋糕一樣咁好食，唔覺得佢係無糖無麩質，蛋糕質地比較濕潤唔會過甜，cream帶有酒香，可能係Whisky🤔🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat …查看更多

Espresso Alchemy除左出名特色咖啡 主食都幾多好評📝經過見海港城分店嘅環境幾開揚 就去左食個early dinner🍽餐廳走紅白色調🤍近落地玻璃嘅餐枱有圓拱門設計 另一邊就有雲石紋嘅餐枱 🐻今次就坐左一張深木色系x雲石紋嘅雙人枱 輕奢感十足😇—- ʕ•ﻌ•ʔฅ —-🥗青醬雞胸沙律配檸檬醋醬一場黎到點都要試下皇牌青醬雞胸👑果然如傳聞般嫩滑～雞肉呈淡粉紅色😍帶淡淡香草味 調味剛剛好仲勁大碟😆沙律菜新鮮爽脆 加埋檸檬醋夠哂refresh.🦐虎蝦車厘茄意大利飯Risotto嘅蕃茄味夠香濃🍅酸甜中又有少少芝士鹹香 口感煙韌得黎又唔係太硬 完全唔痴牙🦷虎蝦超爽口彈牙 又夠大隻 絕對有加分😀—- ʕ•ﻌ•ʔฅ —-🥞法式西多士伴鮮果雪糕 西多煎得好靚 完全係金黃色😍食落好重蛋香&牛油香 加埋雪糕一齊食 暖熱交加 😚自家製海鹽焦糖醬比較稠身 甜度較高 不過都有d鹽味中和 減低膩感😌.☕️Milk Chocolate 不平凡嘅朱古力奶🤭好香好滑～拉花仲要咁靚😌可可味濃而不澀 香而不甜！飲落絕對無嗰種要起痰嘅死甜 非常有驚喜🥰絕對會回頭再飲—- ʕ•ﻌ•ʔฅ —-整個用餐體驗都好好💓環境幾舒服 員工態度友善無論飲品 沙律 定主菜都幾高質～難怪咁受歡迎🥹已經plan緊下次幾時去試埋三文治🥪Stay Tuned!!!…查看更多

店舖分咗用餐區及點餐區兩個區域，入座後先去點餐區付費點餐，然後拎咗牌仔就可以返埋位等食🤤店舖提供90分鐘的用餐時間。店舖既裝修設計以一個個拱門為主，望落去打卡一流，色調用咗具北歐風格既暗紅色同埋綠色，配以圓形嘅波波燈作為點綴，襯埋地下和部分枱面嘅水磨石及雲石紋理，坐得舒服又有格調🥰西多士伴鮮醬果雪糕楓糖漿或自家製焦糖醬 $69有別於一般既港式西多士，夾層採用咗士多啤梨果醬代替花生醬，伴碟生果為士多啤梨及藍莓。另外落單既時候可以選擇楓糖漿或自家製焦糖醬，而我就揀咗焦糖醬🥰 焦糖醬唔會過甜，而且帶咸味，似海鹽焦糖醬。至於雲呢拿雪糕，由肉眼已經見到有雲呢拿籽，有別於坊間重香精及重甜既味道，食得出呢間有著天然既雲呢拿香味🥰 加分虎蝦車厘茄意大利飯 $129一共有三隻大大隻既虎蝦，虎蝦上面灑上芝士粉同埋香草，肉質彈牙入口惹味。蕃茄燴飯滲出香濃茄香，更混入洋蔥碎增加口感，食落更開胃惹味🥰Cascara la Sosa $56入口帶香濃嘅果味，酸酸甜甜幾易入口。再加上梳打，飲落去清新又醒神，夏天飲幾正🤩蜜糖伯爵茶鮮奶 $42擺盤充滿儀式感，有隻靚靚杯俾你倒落去。暖笠笠嘅牛奶帶出蜜糖既甜，然後從口腔慢慢滲出伯爵茶香，成件事好夾❤️總結：呢間係朋友極力推介我去食，唔單止食物高汁，而且環境好靚之餘價錢又唔貴🥰，可以再戰❤️…查看更多

📍Espresso Alchemy📮尖沙咀廣東道3-27號海港城港威商場地下G104號舖.難得weekend🙎🏽‍♂️話陪我出去行下街, 去到海港城港威果邊發現呢間復古風格既cafe☕️.以往去親旅行好鍾意搵啲當地小cafe飲杯咖啡傾下計坐成個晏就, 估唔到香港而家連大商場都有呢類既cafe🥰.Cafe分開2個section, 一邊係落order既counter, 另一邊係dining area, 方便啲只係takeaway既客人買完野就可以直接離開😌.如果係dine-in既客人, 店員會serve你坐低先, 然後俾個menu你睇, 揀好心水食物同飲品就可以去counter落單, 食物飲品ready好之後, 店員就會將佢地送到你面前, 等你唔洗走2轉😚.青醬雞胸沙律配檸檬醋醬 HKD83青醬=Pesto sauce係用香草製成, 用黎醃雞胸肉不油不膩, 雞肉以慢煮形式處理, 保留雞肉既鮮味亦令雞肉唔會overcook, 岩晒想減肥既朋友仔🤫沙律菜有好多唔同款式, 羅馬生菜, 牛油生菜, 火箭菜, 配埋檸檬醋汁酸酸甜甜, 好refresh, 作為starter非常適合厚切意大利煙肉配卡邦尼意粉 HKD97厚切煙肉帶有煙燻香味, 咸度適中, 意粉煙韌彈牙, 掛上忌廉同蛋液, 非常邪惡😈正宗既Carbonara係比較乾身, 而呢度既版本絕對做到呢個效果虎蝦車厘茄意大利飯 HKD129賣相好colourful, 一望到已經覺得好開胃🤭廚師用左蕃茄醬汁煮意大利飯, 將蕃茄既甜味同酸味慢慢燴入左飯入面, 食落每一啖都有好香濃既蕃茄香味, 而且時間控制得恰到好處, 令意大利飯好有咬口, 飯上面放左3隻煎香左大大隻既虎蝦🦐, 蕃茄同蝦簡直係完美既combination鮮奶巧克力 HKD38唔好咖啡既我最愛飲熱巧克力🍫上面既拉花好靚, 飲落係濃郁既朱古力味, 配埋鮮奶更香滑凍巧克力咖啡 HKD47Mocha 既朱古力粉同咖啡豆既比例平衡得剛剛好, 唔會搶左對方嘅味道, 飲唔到black coffee既人實會鍾意😉.餐牌上面好多菜式都好吸引, 希望下次黎嘅時候可以再試多幾款唔同既item🤗.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨.#nonstopeatingdiarycafe #nonstopeatingdiary咖啡室 #nonstopeatingdiarytsimshatsui #nonstopeatingdiary尖沙咀…查看更多

海港城嘅優惠卷月尾到期，所以星期日就出咗去睇吓有冇嘢買，同埋食個午餐。我同朋友揀咗去位於港威商場地下嘅「Espresso Alchemy」，幸好過咗食晏時間，唔使等位就入得✌🏻。呢度採用半自助模式，堂食嘅客人先入座，然後慢慢睇餐牌，再自行去收銀處落單🧾。留意返，餐廳分開咗兩邊㗎，座位區同廚房係打對面舖位的。店內有唔少座位，個人認為兩個人靠窗邊坐會比較舒服🪟，因為可以自成一角。餐廳嘅食物選擇比預期中多🍽，佢並唔單止得咖啡飲，而且仲有提供埋沙律、意粉、意大利飯、三文治、漢堡包以及全日早餐等。虎蝦車厘茄意大利飯($128)，意大利飯有幾款口味，我估計蕃茄嗰款會惹味啲🍅，所以揀咗佢，出到嚟亦冇令我失望。意大利飯好夠味，當中加入咗車厘茄、蘿蔔條、洋蔥粒同芝士碎，整體唔會太酸。🍚飯本身嘅口感都唔錯，幾有咬口。至於虎蝦就有三隻，去咗殼食得方便，兼且煎得幾香🦐。青醬雞排沙律($79)，🥗呢道菜嘅份量比想像中多好多，雞排同沙律菜同樣多，所以女仔食佢一定夠飽肚。🐔雞排應該係用上雞胸，肉身呈雪白色，排列整齊。雞排肉質唔嚡，圓形一片片嘅外圍用咗青醬調味，所以食落唔清淡。沙律菜新鮮爽脆，醬汁似係用咗檸檬醋，無黑醋咁濃烈，菜式感覺健康。西多士伴鮮漿果雪糕配楓糖漿($69)，我好鍾意食西多🍞，特別係甜品嗰種，因為多士嘅質感更為鬆軟。西多士好重蛋香，配上楓糖漿食，甜絲絲的，但美中不足嘅地方係佢中間竟然加咗果醬🍓，搞到佢無啦啦又有啲酸。多士以外仲有一球雲呢拿雪糕，味道幾特別🍨。題外話，如果唔揀楓糖漿，可以揀餐廳自家製焦糖醬。Iced Mint Chocolate($52)，餐廳主打咖啡☕️，同時亦有製作酒精類嘅特調，但就唔太啱我口味，反而凍薄荷朱古力比較吸引到我🍫。佢出奇地好好飲喎，味道好濃郁、唔膩，薄荷味恰到好處，唯一唔滿意就係太細杯囉，好味更覺唔夠喉呢😛。總括嚟講，依餐簡單輕食午餐唔錯，食物味道幾有水準，價錢就中矩中舉啦，喺海港城都不能要求太多🙈。除咗食嘢之外，呢度仲係一個好適合打卡嘅地方啊！…查看更多

去開尖沙咀行街諗唔到食咩好 所以又去我飯堂飲啡哩度裝修簡約得來帶點華麗坐得舒服雲石枱又好啱打卡📸🔸虎蝦車厘茄意大利飯（$128）由於哩款係海港城店限定加上我愛吃意大利飯 沒有不吃的理由虎蝦有三大隻 新鮮彈牙！意大利飯煮得軟硬適中保留到意大飯獨有嘅口感內裡還有小番茄、蔬菜、洋蔥食落充滿着新鮮蕃茄嘅味道酸酸甜甜～好好味！😋🔸火雞胸番茄芝士三文治（$69）火雞胸好嫩滑又厚身而且份量好多 好正蔬菜好新鮮麵包烘得香脆哩個組合好好食 又好fresh!🔸Flat White (L)($44)依舊香滑濃厚所以我哋都叫大杯 慢慢食慢慢傾☕️…查看更多

喺海港城返工嘅人都知道，喺海港城入邊餐廳嘅選擇唔算好多，而且平均價格都偏貴。今日lunch有機會同同事一齊出街食飯，咁啱經過樓下見到一間全新開嘅餐廳,呢間餐廳我喺美麗華食過一次覺得唔錯，所以知道喺海港城開咗分店就當然要試下！首先見佢lunch已經包嘢飲同價錢都十分之吸引，唔算太貴，同事叫咗一杯mocha。佢嘅mocha好特別，有少少苦味同唔算太甜，喜歡飲咖啡原本嘅味係值得一試。而我點嘅single origin brew嘅咖啡味好香，偏fruity 少少。而食物方面，點左香草牛肉漢堡伴黑松露沙律醬聞落去已經有好濃沃嘅松露味十分開胃，同埋我哋睇到個漢堡扒好有份量裏面唔係打到好散嘅牛肉有一粒粒的肉粒十分有口感！而漢堡嘅份量係可以足夠兩個女仔食㗎，但要注意佢冇跟任何薯條/配菜。虎蝦車厘茄意大利飯個飯有三隻大蝦，每隻都好新鮮，茄汁味配意大利飯嘅味剛剛好，好開胃一啲都唔膩，份量亦都好適合一個女仔去食得曬嘅。香蕉蛋糕最後我哋仲嗌咗香蕉蛋糕作為甜品㖭。香蕉蛋糕佢嘅味道有淡淡嘅香蕉味，作為飯後嘅甜品佢嘅份量係十分之好，同埋店員送上嚟嘅時候佢係仲有少少微溫㗎非常適合係海港城呢頭返工嘅OL，或者家人同朋友想坐得好少少嘅話嚟食！…查看更多

以海港城/港威商場內的餐廳來說, 這間餐廳價錢算是平易近人, 食物味道也不錯. 餐廳面積分為兩邊, 一邊近廚房/收銀處, 而另一邊面積較大, 不過食物由廚房送到餐桌上要經過一個商場開放式路程才到達, 而送餐過程中食物沒有任何蓋子蓋住, 我覺得這點可以改善一下😅排隊入座後, 選定食物前往收銀處落單&付款, 換來一個送餐號碼牌, 返回座位等待食物送到厚切煙肉配卡邦尼意粉粗粗的意大利粉, 厚厚的煙肉條, 醬汁偏油, 味道不似預期虎蝦車厘茄意大利飯這個意大利飯味道有驚喜, 新鮮蕃茄醬汁, 虎蝦彈牙, 味道醒胃蜜糖伯爵茶鮮奶&本期精選單品咖啡-輕輕的蜜糖味, 有伯爵茶味, 淡淡的鮮奶味, 三種味道融為一體, 味道不過不失. 不過我略嫌飲品溫度不夠熱-本期精選單品咖啡, 每兩週更換一款味道, 餐廳亦有印出該兩週咖啡豆的簡介卡另外, 我眼見鄰枱客人的食物頗為吸引, 已經決定下次再次光臨時會點沙律, 西多士&有拉花圖案的熱咖啡品嚐😬…查看更多

又喺老婆返學嘅日子，不過，呢一季就返完，佢可以抖抖，而小弟一支公晚飯亦暫時告一段落，所以，今晚唔好待薄自己，食番餐好嘅先，仲嘆杯靚咖啡。所以，過咗嚟海港城嘅「Espresso Alchemy」，一來食過佢啲出品，穩打穩紮，二來幾欣賞佢哋啲鮮奶咖啡，三來就喺食完方便我落柯士甸搭西鐵返屋企，仲可以晌上面拍埋卡搭港鐵慳兩蚊。 餐廳嘅環境可以講跟商場空間連成一體，下單嘅櫃位喺較「入鋪」嘅一邊，簡潔明亮。如大多數嘅咖啡店，都會兼營售賣不少咖啡嘅相關產品，故櫃枱旁就擺放咗唔少濾杯、濾紙、咖啡豆……等等物品作零售。 而呢一邊側旁就安放咗一大張共享餐枱，當然，依家晌限聚下，就唔能夠一大棚人坐埋一齊，但疫情過去後，就方便三、五知已嘆吓咖啡聚一聚，又或幾個同學嚟傾吓功課。 至於另一個用餐區，就座落於鋪面對出嘅商場空間，地方都幾大，拱門形嘅窗框，加上波波燈，裝修上帶點歐陸風，予人感覺幾閒適:)。 因為都唔喺第一次光顧「Espresso Alchemy」，所以，飲品及食物都大概知道有啲乜。佢哋嘅主力就梗喺賣咖啡啦，種類十分之多，此外，仲有多款特色飲品、手工啤、朱古力、茶品……等等。 食物方面，選擇上亦不少，印象中，對比以前好似多咗，包括有沙律、三文治、多士、全日早餐、漢堡、意大利三文治、意大利麵、意大利飯及甜點。 選購食物採半自助形式，晌收銀處落單後，收到號碼牌，就由店員將食物送上，亦不收加一服務費。 基本上，店員都會為你送上餐具，不過，額外嘅餐具、清水、紙巾、調味料……等等，可以晌自由櫃枱隨意取用，當然，唔好濫用，唔好浪費啦。 鮮奶咖啡 $38佢哋嘅鮮奶咖啡口味唔賣花巧，就只有基本嘅鮮奶咖啡，無話焦糖呀、玫瑰呀唔同口味，咁我亦唔使多心諗揀邊款。然而，製作甚有水準，雖然拉花只喺拉個心形，但睇得見花紋好細緻，而且，對稱精準，表面亦見平滑，無話起泡泡。小呷一啖，完全晌無攪過情況下，已飲得出嗰份均勻感，喺撞奶泡手勢夠好，而咖啡醇厚帶微微果仁香，有外表，有內涵。 虎蝦車厘茄意大利飯 $128以前都曾經食過佢哋嘅意大利麵，對佢哋嘅出品頗有信心，所以，今次就試其意大利飯，其實，意大利飯好易食得出一家店做菜水準去到邊，因為易學難精。 個意大利飯賣相平實，但單喺外觀已覺得飯粒做得夠濕潤，入口果然有水準，米心口感煙韌，卻唔會有種「生米」嘅感覺，而且，滲入濃郁帶甜嘅茄香味，當中嘅甜味正正喺車厘茄嘅特別之處；虎蝦已去晒殼，食用方便，兼且又大隻，又厚肉，質感爽而好有鮮蝦味，真喺好得喎！ 環境及食物都無咩挑剔位，店員都好有禮，對今餐晚飯都好稱心滿意，當然，如果晚市有啲主食配咖啡嘅組合優惠，慳番十蚊八蚊都好吖，哈哈！…查看更多