丼燃食堂

Happy Friday辛苦搵嚟意在食, 路過旺角, 一心諗住食好西, 呢間我都係第 1次食, 眼見餐廳坐滿人又唔駛排隊, 就打算一試, 點知最後都係排咗 20分鐘先入得次次都咁好彩, 一到我就要排隊先入得見到枱枱都叫嘅火焰卷, 要 Order喇 但都要睇埋主菜先... 揀咩好... 三心兩意ing飲返D 茶, 清清哋叫咗 2個丼 + 卷, 試吓先焦糖三文魚卷 $68唔怪得咁多人叫火炙卷, 果然係好好食, 仲係打卡首選添虎燃四皇丼 $118火炙過油香好正, 好好食, 而且料都唔少, 吸引!九公丼 $178呢碗雖然唔平, 但亦係好足料, 滿滿的一碗丼, 又新鮮好味~ KO晒好正常埋單, 多謝 $433…查看更多

好耐冇喺廣華醫院對出呢條街搵食😝除咗肥姐仍然都咁具人氣外，仲多咗唔少餐廳😁有韓國菜，有日本菜😙最後比呢間門面好eye catching嘅丼飯店吸引咗😊好彩我哋早食，食完出嚟已經大排長龍🫢🐯虎燃四皇丼 ($118)呢度都幾多款丼飯，除咗有刺身丼，仲有火炙丼😙火炙丼仲可以揀自家製炙燒醬汁，我哋揀咗海膽醬，甜中帶鮮😋三文魚好肥美，炙燒後油脂感更重😝左口魚邊都好厚身，唯一可惜炙做唔到入口即溶🥺蟹捧、赤蝦、蟹籽都好鮮，好好送飯👍🏻🦐九公丼 ($178)雜錦丼竟然會有海膽同牡丹蝦😍😍海膽質素唔錯，唔會苦澀😁蝦好鮮甜，真係比赤蝦甜好多🤭蟹肉都比得慷慨，食得出一絲絲，有口感👍🏻除咗呢啲，仲有三文魚、三文魚籽、時令魚、帶子同拖羅蓉，好豐富😋🔥焦糖三文魚卷 ($68)差唔多每枱都會叫😆店員會等你準備好先點火🔥燒足成分鐘，真係點影都得🤣雖然對味道就應該冇乜影響，但就真係好打卡✨焦糖化後嘅三文魚甜甜哋，幾好食😆…查看更多

留意到好多社交平台都力推呢間丼燃食堂，下就於是同朋友嚟試下🙌裝修同餐具都設計得好新潮，以老虎公仔同「丼燃」兩個字作為主題，睇得出設計方面花咗心思👍我哋order 咗1️⃣乜蟹都有丼配芝士蟹籽醬（💰138）好適合打卡，蟹蓋勁大個，視覺夠哂震撼👍不過蟹蓋只係裝飾品，入面蟹肉、蟹膏乜都冇😂蟹蓋下有蟹肉、蟹棒、蟹膏、蟹鉗同蟹籽，真係乜都有啲🤔不過食落就冇視覺上咁震憾🫣蟹肉同蟹膏份量偏少，蟹料味道正常發揮，個醬好淡，飯太多而且酸咗啲，三樣嘢分開食都ok ，夾埋一齊就唔夾😵‍💫2️⃣虎燃四皇丼配明太子醬（💰118）有左口魚邊、三文魚、蟹棒、赤蝦，刺身灸燒得好香，滿滿油脂香🙌，明太子醬有啲鹹，好彩嘅係佢唔係淋咗好多，飯同樣地太多同酸咗啲。呢個丼飯比起個蟹丼好食得多，會覺得係中上水平😂整體嚟講，我又唔會覺得好難食，或者好好食，百幾蚊又要收加一計落可以揀其他更好嘅日式餐廳。對我嚟講就…試一次好了😂…查看更多

//📍旺角人氣丼飯 — 丼燃食堂🍱🔥𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )虎燃四皇丼🍱🍣🔥 $118左口魚邊/ 三文魚/ 蟹棒/ 赤蝦/ 蟹籽材料超豐富嘅炙燒丼飯！😍可以自選醬汁，今次就揀咗芝士蟹籽醬，成個配搭都好match🤤所有材料都經過炙燒，啲魚生撈埋壽司飯食真係非常香口美味🥰而且份量都唔細～金龍卷🐲🔥 $68用咗軟殼蟹整成小卷，外脆內軟！🤩而且外貌超霸氣！店員上菜時會用火槍點火🔥成隻碟都比火包圍住，視覺效果一流，好啱打卡！🤣📸✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽呢間人氣丼飯已經比我bookmark咗好耐，今次終於食到！🤩鋪頭主要以火炙丼飯同埋卷物為賣點～🍣🔥個人認為員工服務態度好好，會主動幫手擺袋同埋斟茶🫶🏼而且店鋪環境都好有風格，整體都坐得舒服！會再到訪～🤤👍🏼賣相：🌟🌟🌟🌟味道：🌟🌟🌟🌟💫性價比：🌟🌟🌟💫推薦度：🌟🌟🌟🌟💫📍 丼燃食堂 @donyin.diner 🔖地址：旺角花園街3-5號鴻威大廈地下6號鋪…查看更多

見好多Like 就去試下 👀 由於好中意火炙， 試左兩款丼燃火爆丼～ 晚市 HKD 118 虎燃四皇丼，有最中意既左口魚邊‼️/ 三文魚/蟹棒/赤蝦/蟹籽， 蟹子份量好多， 碗飯都好大碗 🍚三文魚唔算好厚切。 揀左明太子醬都唔錯！ 另一款乜蟹都有丼HKD 138， 有蟹棒/蟹肉/蟹膏/蟹鉗/蟹籽/蟹蓋。 有好大個蟹蓋打卡， 但真係得個殼架咋！🫣 但蟹膏都有一大Pat 。不過海膽醬比較酸 唔係咁岩我。 額外叫左爆蔥鵝肝多士 HKD 68 ，多士唔夠鬆脆 ， 好似夾扁左咁 。 可能咁樣望落去 ， 鵝肝就幾厚 🤣🤣 雖然唔算好爆蔥但味道都ok ~ Ummmmm 試完， 人均HKD 183, 性價比一般 ， 唔係差但又唔值咁多like 。 相比下鉄X堂 會多款好多 ， 多刺身少飯啲。 如果餐廳揀左某一款丼都可以額外加刺身就更靈活！ …查看更多

足料，新鮮，好味，開胃，略嫌啲菜切得太碎打卡一流，好睇又好食，啖啖都好滿足火炙三火魚肥美香口，飯有口感大大碗開頭以為佢黎錯😂因為唔見d肝同黑松露,原來丁屎禁細舊係面頭果d就係😂超大碗，超足料 好多蟹籽，全部撈埋食口感好豐富，佢有四個醬俾你揀，揀左海膽醬覺得少少漏🤏🏻下次想試蜜糖芥末醬😋4個人食左$567， 豐富午餐連下午茶，有禁既質素覺得幾抵👍🏻…查看更多

bookmark左呢間餐廳好耐，前排終於有機會去到，d 丼物果然cp值高！【大大碗丼物！】每款丼物份量十足，包食到大滿足。🍱乜蟹都有丼$138- 鍾意食蟹🦀️必點，賣相超吸引！上面滿滿蟹肉、蟹膏、蟹鉗，款款都好香口好好食，撈上蟹子更加令味道昇華。另外仲有大大條蟹柳，都幾新鮮。🍱虎燃四皇丼 $118- 真係幾豐富嘅火炙丼，有左口魚邊、三文魚、蟹棒、赤蝦、蟹子，每款質素都唔錯，特別係赤蝦好夠鮮甜。【🔥🔥卷物】🌟 金龍卷$68- 上碟時真係用🔥燒過，超ig-able！入面係脆口軟殼蟹，正！🦪吉烈蠔（2件）$22- 炸皮薄薄的幾香脆，入面蠔肉鮮甜。另外仲有支裝冷泡茶。🌟白桃烏龍 $15🌟桂花烏龍$15下次再來食下呢個cp值高丼物！😍…查看更多

最近小妹想試下 openrice嘅入圍熱店😝而呢間丼燃食堂就入咗日本菜嘅熱門尋日小妹同屋企人5:30去到早啲食飯仲有得嗌午市套餐 仲抵食😚我哋4個人嗌咗三個丼飯 兩款小食share嚟食 食完都夠晒飽🤰🏿-♥︎ 焦糖三文魚卷 $68網上見到好多人嗌呢款打卡小妹就心思思嗌咗嚟試😝嚟到嘅時候店員confirm咗周圍冇紙巾後就點火真系超靚超吸睛😍卷物包住青瓜同玉子上面鋪咗一層三文魚 芝士 砂糖同蟹籽三文魚經過火炙後油脂逼晒出嚟🤤再加上芝士燒到半溶食落口感好豐富所有野加埋出奇地夾😳幾驚喜😆味道: 9/10性價比: 8/10-㋡ 海鮮丼 $78呢個丼飯系午市先提供嘅有三文魚 三文魚腩 油甘魚 帶子 蟹肉同蟹籽份量好足😳三文魚好厚切 充滿油香😜三文魚腩就更肥美 食落油脂更豐富🤤油甘魚新鮮 可惜啱啱過咗油甘魚最油潤嘅時間 而家嘅油甘魚冇咁靚😗帶子厚肉 雖然未去到最鮮甜嘅但都唔錯😋蟹肉一梳梳食落鮮味整理唔錯👍🏿魚生新鮮又足料都系$78 好抵食😆味道: 8/10性價比: 9.5/10-㋡ 虎燃四皇丼 $118火炙丼飯可以揀一款醬料母親大大就揀咗明太子醬佢哋話撈飯一流 連平時唔好明太子嘅父親大大都好鐘意😳呢個丼有左口魚裙邊 三文魚 赤蝦 蟹棒同蟹籽左口魚裙邊火炙後油脂逼晒出嚟😍母親大大超鐘意😚赤蝦非常鮮甜成個丼飯更埋明太子醬食落夠晒惹味♥️*以上都系屋企人嘅評價 小妹冇試食就唔亂評分啦🙇🏿‍♀️🙇🏿‍♀️*-㋡ 突激三文魚丼 $148呢個丼飯最貴 但真系好足料😍有成6塊厚切嘅三文魚而且新鮮肥美🤤仲有三隻甜蝦 三文魚籽同帶子佢哋話赤蝦比甜蝦更鮮甜 但都唔錯整體質素唔錯 呢個價錢都價😚味道: 8/10性價比: 7/10-♥︎ 鰻魚玉子燒 $28玉子燒熱辣辣 好軟熟中間鰻魚雖然唔大塊但幾好食加埋明太子醬食落更惹味😚*以上系母親大大嘅評價 小妹冇試唔評分啦🙌🏿*-屋企人除咗識講好食都冇乜其他評價😂我哋4個人埋單加埋一食咗四百幾人均大概$120左右日本嘢就不嬲都貴架啦🤣呢個價錢 食到咁高質嘅日本嘢小妹覺得抵食😛店員服務態度亦唔差地方乾淨企理整體評分：味道: 8.5/10環境: 8/10服務: 8/10衛生: 8/10抵食: 8.5/10回頭率: 8/10-…查看更多

係小編想食好耐嘅日式餐廳，係主打日式丼飯，有好多唔同款刺身同埋火炙丼飯，無論係餐廳定係食物嘅風格都好特別，連啲食物名都有諗過🤪試咗佢哋最王牌嘅虎燃四皇丼再加九公丼，刺身全部都好新鮮，而且好豐富，lunch呢個份量簡直有突。另外推介大家一樣必點嘅小食，就係《日本A5和牛·牛🐂牛🐂牛🐂牛🐂牛卷》唔單止食得仲睇得，上盤嘅時候用咗個熱石板上面燒再去點火慢慢再用熱力去燒，係多重味覺嘅享受，側邊原來係炸過嘅蒜片，配埋和牛卷入口好香口，而且和牛味好香濃🥹…查看更多

要食到好味又抵食的丼飯，真係唔太多選擇！但係旺角呢間丼燃食堂，兵仔同娘娘都鐘意🥰本身唔太鐘意食魚生，所以揀咗2款熟食的丼飯。每個丼飯都提供四款醬汁：海膽醬、明太子醬、韓式辣醬、蜜糖芥辣醬、芝士蟹籽醬選擇。👍🏻💂🏼《虎燃四皇丼》$118😋呢個我揀咗芝士蟹籽醬，配埋炙燒過的魚生同軟綿的壽司飯超match😍丼飯包括有左口魚邊，三文魚，蟹棒，赤蝦同蟹籽，所有食材都灸燒過，食落有微微嘅焦香，燒完仲將魚生的油份逼出，魚油mix埋醬汁同飯食簡直無得彈👍🏻評分: 88/100💂🏼‍♀️《乜蟹都有丼》$138呢個丼就揀咗明太子醬，一上枱就見到一個超巨型的蟹蓋😍非常打卡able，旁邊仲鋪滿蟹棒、蟹肉、蟹膏、蟹子，成個飯大過隻手掌！成個丼飯都食到蟹的鮮甜，蟹膏鮮味同壽司飯完美融合，再配埋蟹肉的鮮嫩和爽口的蟹籽令成個飯更有層次。評分: 85/100💂🏼‍♀️《牛牛牛牛牛卷》$98呢個係必點菜式，但有限量供應，上枱後會有店員在面前點火，呢個時候好適合即刻拎電話出黎打卡影相📸️啲火會圍住壽司碟燃燒，個畫面好靚好有驚喜！壽司用A5和牛包住，餡料有蟹柳、青瓜及牛油果🥑，令到唔會太膩，外面仲加上炸蒜粒，超香脆惹味，睇返都想食返🤤🤤評分: 92/100總結：當晚平日都好多人食，所以真係cp值幾高，而且價錢都唔太貴！又比較有特色，係旺角諗唔到食咩嘅朋友仔，呢個都係好選擇😌頒發軍階：上將🎖🎖🎖🎖…查看更多

呢間餐廳以日本相撲手為主題，以火炙丼飯同卷物作為賣點⛩💗虎燃四皇丼 ($118)醋飯份量十足，表面舖滿左口魚、三文魚、赤蝦、蟹棒、蟹籽🐠加入海膽醬火炙，將刺身油份逼出，魚油齒頰留香，醬汁燒香後亦更濃滑🍚 💗乜蟹都有丼 ($138）松葉蟹丼有齊蟹棒、蟹肉、蟹膏、蟹籽、蟹蓋，蟹味濃郁，鮮味甘香🦀💗牛牛牛牛牛卷($98)選用日本A5牛，肉質軟嫩充滿油脂香，飯卷內𥚃再包住蟹柳、青瓜、玉子、千本漬，口感非常豐富🐮佐以日式燒肉汁同大量炸蒜，醬甜惹味🧄…查看更多

每次經過啲間餐廳都被佢吸引，佢隻老虎真係好有霸氣，啲slogan又夠爆，而且佢嘅丼飯都非常爆紅。可惜餐廳經常排長龍一直到冇機會幫襯。見今晚竟然冇人排隊，立即🐶衝😜虎燃四皇丼 $118招牌火爆丼有3個手指公，必食推介。啲款丼有左口魚邊、三文魚、蟹棒、赤蝦、蟹籽。刺身夠新鮮，份量都唔少，仲可以選擇醬汁（我揀咗海膽醬），撈埋壽司飯，的確係幾好食👍🏻乜蟹都有丼 $138啲個蟹丼非常打卡able，上枱時會用一個長腳蟹蟹蓋做裝飾，夠晒霸氣！個丼真係乜蟹都有，有蟹棒蟹肉蟹膏蟹籽，仲有兩隻蟹鉗添！最正啲蟹膏，份量都幾多，撈埋啲蟹肉再加上壽司飯好滿足👍🏻金龍卷 $68100%打卡之物，上枱時職員會幫你點火，影相一流，不過完全冇實際作用，因為個卷物係唔會熱咗的😆 口味都唔錯，價錢都合理，值得一試。一口芝士（3件） $22熱辣辣炸起，外脆而入面係滿滿濃厚嘅芝士，正👍🏻蟹籽沙律 $28大大碟，有勁多蟹籽，2個人share啱啱好白桃烏龍/ 茉莉烏龍 $15自家冷泡烏龍茶，唔錯。不過其實餐廳本身都有供應熱嘅玄米茶。總結：裝潢幾有特色，丼飯料頭夠晒足料，份量都夠多，刺身都新鮮，想食丼飯的話啲間餐廳都係一個唔錯嘅選擇👍🏻P.S. 餐廳收加一服務費…查看更多

我係鍾意食日本野嘅港女🇯🇵，不過對於我嚟講，壽司醋飯比起魚生更吸引，又或者兩樣一齊食較佳，哈哈。正正因為咁，我特別留意有乜地方專食丼飯，「丼燃食堂」係其中一間我好想試的。店舖位於旺角花園街，門口有好多大字報🤣，行過不難發現。店內裝修亦貫徹同樣風格，成個感覺好活潑，整體亦算坐得舒服。餐廳顧名思義，主打丼飯🍚，預設有八款，另外亦可自選。價錢屬合理水平，最平$118已有交易！我哋嗌咗兩個丼飯，再加卷物，食物賣相好靚。焦糖三文魚卷($68)，呢個卷物可算話係為打卡而設📸，因為店員會前來點火，火焰效果強勁，仲維持咗幾分鐘🔥。三文魚上面落咗砂糖，再經火炙，所以形成焦糖脆脆，甜甜哋幾正。卷物嘅其他餡仲有蟹籽、蟹柳、青瓜同紫菜等。九公丼($178)，9️⃣呢款即係有九款刺身🍣，包括海膽、三文魚、三文魚籽、牡丹蝦、日本松葉蟹肉、蟹籽、帶子同拖羅蓉。丼飯餡料超豐富👍，更不乏較貴嘅食材，例如海膽同拖羅蓉，佢哋味道鮮甜，無邊樣令人失望。值得一提嘅係壽司醋飯酸度同濕度適中，好食😋。虎燃四皇丼($118)，🐯呢款係丼燃火爆丼，即係火炙款式，仲可自選醬汁，我哋要咗富鹹香嘅明太子醬。魚生包括左口魚邊、三文魚、蟹棒、赤蝦同蟹籽，全部都好適合拎去炙燒，並可將魚油香堆出嚟🐟，特別係左口魚，入口溶化。飲品方面，餐廳係會提供熱茶的🍵，但我哋都嗌咗冷泡茉莉綠茶同冷泡桂花烏龍茶，每枝$15。兩者味道清香，各有特色，最重要係冇糖，可消滯。總括嚟講，丼燃食堂嘅出品唔錯，如果好似我咁鍾意食丼飯，呢間專門店就啱晒你😝。我個人好推介虎燃四皇火爆丼，性價比高之選，既美味又食得飽！…查看更多

今日收得好晏，周圍搵野食，睇下邊到未close，我就見到佢😍 其實我一早已經save咗入想食list，咁啱又比我見到❤️膽粗粗問下關門未，職員都好有禮貌回覆，唔會話因為就收工就趕客咁樣，而我當然聽到未last order 9衝入去🏃🏻😆坐低果陣職員仲好好咁溫提我哋，叫咗野食之後可以慢慢食，唔洗趕住。❤雖然佢出名嘅金龍卷同其他卷都賣哂🤣但無阻我食嘅欲望！於是叫咗「虎燃四皇丼」同埋「乜蟹都有丼」。嚟到都已經嘩嘩聲，食材好新鮮，而且唔好睇佢好似細細碗，其實無論餸定飯嘅份量都好足，我食咗1/3已經開始飽🤣最後係因為太好味所以食哂！我下次一定要嚟食佢嘅卷物😝…查看更多

.唔知你地有無試過，去到旺角太多野反而諗唔到食咩。有見及此，我同男朋友已經約法三章，諗夠一個鐘都未諗到食乜就去我地既食堂，丼燃食堂係我地有一日衝左入之後，成日都會返轉頭再食，好似食極都唔會厭咁🤪 個menu簡單易明，仲有大量型格插畫，感覺係你要同金睛火眼既獅子一樣大大啖咁食曬你想食既野！個menu吸引到會令你好想試每一樣食物，不論係壽司丼定火炙壽司。講緊你仲會睇到隔離食緊啲咩喎，我對上一次黎既時候，見到隔離張台上左大大隻蟹上枱，梗係唔執輸叫返碗黎食。主菜 乜蟹都有丼 $138知唔知點解叫乜蟹都有丼，就係因為佢有齊蟹棒、蟹肉、蟹膏、蟹鉗、蟹籽、蟹蓋，簡直係落足重本，誓要大家攬住個肚走先安樂咁款！重要一上枱，就大大隻蟹蓋係上面，咩都唔好講，第一件就梗係⋯⋯打卡先🤣🤣🤣！ 隻蟹蟹望住，勁似同你講「一啖都唔準浪費呀！」既然係咁，就恭敬不如從命，揭開個蟹蓋，啖啖都係蟹肉同蟹籽，再夾起條蟹棒，慢慢品嘗，啖啖滿足！主菜 虎燃四皇丼 $118你以為得個乜蟹都有丼就介紹完咩？其實仲有呢個虎燃四皇丼，有3隻手指公做推介添架！剩係佢個表面淋落去既海膽醬，就知呢間鋪頭真係一啲都唔吝嗇，重手到成碗都係！比海膽醬遮住左既有左口魚邊、三文魚、蟹棒、赤蝦，仲鋪左層蟹籽係上面，個量同岀面比，真係大滿足des🤤🤤重點係仲要一啲都唔貴！性價比勁高！！一開始我都驚伏，魚生飯好易伏，一係個飯好似擺咗幾日，一係就係舊魚生係溫暖的，好似拎左岀室溫一段時間都未有人食咁。但呢度好唔一樣，所有魚生都勁勁勁新鮮，食落去要爽口則爽口，要海鮮味有海鮮味！點解我會咁講？因為呢度長期都要排隊，就算到9點左右都有人排，岀貨量咁大，肯定新鮮啦。 記住如果想黎就早少少黎排個短靚隊了！講起又想食了🤤🤤🤤 即刻約人食先🤪🤤餐廳: 丼燃食堂 (旺角)📍地址: 旺角花園街3-5號鴻威大廈地下6號舖💎人均消費: $100-200必食推介: ⭐️⭐️⭐️⭐️⭐️#hmmmeatwhat日式 #hmmmeatwhat旺角 #日式 #魚生飯 #旺角 #食乜好_日式 # 食乜好_旺角#hkfoodie #hkfoodie #食好西 #美食 #美食推介 …查看更多