龍麵館

星期日和家人一行8人到中環食午餐～一入餐廳已經見到舞獅同龍，裝潢滿有中國傳統特色。預先訂了八寶富貴雞，其實係乞衣雞做法，係你面前先打爛d 泥，用荷葉包住雞，鑲有花膠鮑魚等材料！味道不錯，但價錢較貴😆另外叫了招牌龍蝦泡飯整隻波士頓龍蝦，濃郁龍蝦湯底，除左本身有泡飯，仲有d係剛炸好既脆米，口感很特別！雖然份量不大，但味道很好！點心方面叫左龍蝦蘿蔔酥，賣相一流！好似隻龍蝦咁，但味道冇特別，唔值咁貴。呢款小食明明係冬瓜粒，但整到好似葡萄咁，而且有藍莓醬，食落酸酸地，幾得意。菠蘿榴彈...本以為個名好特別...但原來只係迷你菠蘿，冇特別！最後食左甜品，千葉豆腐花，just for影相🤣味道一般，份量好細！其實仲叫左多款點心，如松露腐皮卷，菠菜皮燒賣，半蝦半蟹餃等，有d係創意點心，但味道普通，價錢偏貴。…查看更多

龍麵館位於中環萬宜大廈地下，正門面向砵典乍街，是一間裝潢甚富中國特色的中菜館。 走過披紅掛彩的「龍麵館」招牌，即有一條吸睛的金龍及一隻醒神的醒獅迎接各位貴客。店內的詠春木人樁與中式兵器架更令人聯想起傳統武術的光影。 雖然餐廳以「麵館」為名，但食品款式絕對不限於此。由特色冷盤小食，即製精巧點心，以至傳統風味小菜均有提供。 午膳時間到訪雖然未能享用滙豐信用卡的九折折扣，但仍可享冷盤小碟買二送一的優惠。雞絲粉皮一向是筆者喜愛的冷盤，愛其麻醬香口，粉皮 Q 彈。再配合青瓜絲、紅蘿蔔絲與雞絲「撈起」而食，口感層次豐富。藍莓冬瓜是新穎小碟，以酸甜新鮮的藍莓汁浸泡冬瓜珠珠，菜式賣相恍似一束紫葡萄，製作精巧，食味清新可口。沙薑雞卷用料嫩滑，沙薑風味突出，配合味道帶甜的醬油，味道十分之好。 菠菜皮燒賣擁有翠綠的外衣與金黃的頂戴，外觀吸引。菠菜一如預期並不出味，鮮蝦與豬肉的混合比例平均，食味鮮香實在。 小鮮肉雲吞為細周生指定食品，雖然外表平平無奇，但混入了馬蹄的鮮肉餡口感異常爽彈值得一讚！ 即拉海蝦腸製作正常無乜特別。 這味真空牛面珠肉質紋理清晰，口感軟腍，略帶膠質感，加上濃香肉汁，成品相當美味。牛面珠下方以芽菜盛托，同樣用上幼嫩部位沒有欺場。 即燒片皮鴨是店員主動推介的菜式，鴨子被飼養至二十四週便會由北京空運到港，抵店後即點即烤，一鴨三食。鴨皮部份甘香酥脆，伴以黃糖口味更佳。鬆軟的鴨肉肉味濃香，以搶口蒜蓉相伴本是不俗的配搭，只可惜蒜蓉味道過於辛辣，難免有喧賓奪主的感覺。至於連皮帶肉的部份，則以傳統北京烤鴨型式處理，以麼麼皮包裹鴨肉、青瓜條、蜜瓜條、京蔥條及紅菜條，最後澆上鴨醬油卷起即成，成功帶出甘香脆爽的傳統風味。 龍蝦是龍麵館的主打食材之一，不能不試。這道龍肉泡飯，以龍蝦煮湯浸泡經炒脆的米飯，每一口飯也沾上龍蝦的鮮味，脆脆的甚為可口。龍蝦雖然不算大隻，但肉質結實，少吃滋味。 平日吃的金銀蛋菜多以莧菜入餚，很少用上小棠菜製作，出品水準合預期。 整體來說，龍麵館的食品水準令人滿意，加上富特色的裝潢，值得前來試試！ …查看更多

今次已經唔係第一次係龍麵館用餐，見到佢新開張同埋餸菜款式好新穎所以第一次用餐時帶埋屋企人，爸爸一開頭係whatsapp見到個餐廳名仲以為係普通食麵既地方，食完先知原來都算係中至高級餐廳！仲好滿意添。今次都係成家一齊黎，家姐同我都帶埋男朋友所以總共有七人。辦事能力高既我當然book好位喇，接線生係講英文既，非常有趣。book位時講好了想要最入既圓檯，因為以我地第一次經驗黎個時知道入面既位係靜啲。好顯眼既牌匾！準時七點黎到，點知個兩張圓檯已經坐左人，侍應好快就安排我地坐入VIP房。藍莓冬瓜 ＄69  很精緻，開胃前菜，我爸爸媽媽好中意！龍蝦蘿蔔酥 （兩件起) x2  $69/件一件成＄69真係唔野少！但係無可否認真係好好食 酥味十足，食落仲有條條蘿蔔絲，更唔少得龍蝦肉，幾種texture加埋一齊既組合係perfect呀！另外仲叫左幾款頭盤，其中我最推介既係茶燻素鵝 ($59)，侍應送上黎既時侯有個蓋蓋住，一打開煙燻味跑晒出黎，唔好以為得個樣，食落啲素鵝都有陣陣茶香味，不俗！聖旨駕到 ＄159 x2 呢度我地為左影相好睇所以放埋左一齊，其實一碟只有兩件。聖子上放左不同配料，本身聖子味比較淡，同埋呢個係冷盤，整個感覺比較清新。個日仲訂左荷葉八寶富貴雞，睇size就知好多料現場仲有大師傅幫你烤同埋處理成個過程，我爸爸仲貪玩去做敲開啲泥土個個呢。感謝店員咁忙都仲比我爸爸去搞搞陣餐廳用龍蝦做主題，果然連普通既一個龍蝦撈麵都非常出色，尤其係湯底非常濃郁，我建議大家分別叫曬龍蝦撈麵同埋龍蝦湯麵一齊share。裝牙籤既可愛器皿。book位時已經表明當日有人生日，而我都訂左半打壽包，仲可以印上唔同生肖添！店員都好醒水識得keep it as a secret 啊 傳說中既鬼佬涼茶～ 總結：如果你同行有四個或以上既話，就要give it a try喇！食物好味不在下話，環境同埋侍應態度都十分滿意！絕對稱得上係fine dinning。記得book位時講聲想留入啲既檯，更多空間感同埋靜啲。下次會係lunch time再黎試下佢既點心 (夜晚唔提供)…查看更多

今晚有幸同舊同學聚舊，難得齊人，就去間好少少的餐廳食下~中環呢間龍麵館，聽個名就知霸氣，其實入到門口都見到裝潢絕不失禮~內有好多個舞獅頭，配上新式裝修，全黑為主的格調，份外顯氣派MENU上的菜名亦很特別，例如花拳秀腿，原來是娃娃菜~好有焯頭$128一份3 梱娃娃菜略貴，但在這樣環境, 差不多了, 而且有個好濃嘅金華火腿湯飲下~還不錯吧呢份牛肉好嫩~薯條是SWEET POTATO~炸得好香口而帶甘甜另外叫左一D精緻的前菜，全冷盤，味道不過不失, 重點? 用相片記錄吧..話明龍麵館, 幾唔想食CARBS都要叫幾碗麵試試吧~~麵的份量很少的，每人試少少, 龍蝦味道和湯汁確是OK鮮美, 麵是自己有師傅即場拉的, 有心思最後, 每人整多隻香脆鬆軟的龍蝦.....蘿蔔酥, 吹下水, 又一個愉快的晚上...…查看更多

這天晚上要跟老公的英國同事吃晚飯，由我發辦之下選了這家「龍麵館」。像這種充滿中國色彩的菜館，一定能令老外們稱心合意吧。穿過黑底金字的龍麵館牌匾，映入眼簾的就是牆上那極具氣勢的五爪金龍，金碧輝煌的。以中國武館作為主題的龍麵館，佈局揉合傳統中國藝術元素：地面鋪上古老紙皮石、開放式廚房嵌滿百子櫃、隨處可見的雙囍痰罐、白底紅邊的塘瓷面盆、銅鑄的金光葫蘆......中國式的裝潢，卻不失摩登形格，成功打造出現代中菜館的前衛形象。龍麵館的店風似曾相識，當看到桌上濕巾設計後便恍然大悟了，原來龍麵館正是飲茶的姊妹店，但對比之下兩家是各具個性。龍麵館以傳統粵菜為基礎，龍蝦以及麵食是點題菜式，從餐牌食照所見道道賣相精緻，是否徒具形相還是要一試才見真章。融入中式涼茶鋪元素的西式酒吧，其Cocktail出品也帶有fusion的玩味。Flower Maiden's Collins($99)夢幻的酒色下是Gin、薫衣草、玫瑰、茱莉的組合，酒味不重，香氣怡人。更喜歡這杯Dragon Palm Strike($119)，威士忌、蔘蜜以外還有八角等中式香料，味道複雜卻甚易入口。兩式前菜體現了視覺先行的重要性。藍莓冬瓜($69)最是亮眼，顆顆晶瑩瑩的葡萄以冬瓜浸漬藍梅醬而成，結合了藍莓的酸和冬瓜的甜，十分開胃的前菜。木魚茄子($59)原條茄子撒上木魚絲，涼絲絲的茄子軟綿無渣，拌甜甜的醬汁，味道不俗卻沒有很特別。鐵鍋半肥瘦叉燒($119)標榜自家燒製的叉燒，取肥瘦相間的部位，油潤不帶乾柴，肉香濃厚，軟稔有致，還帶點點蜜香。黑卵熱石令叉燒保持熱辣稔軟，令伴吃的珠豆更顯甜美。看到這黑卵熱石，倒讓我想起上輩子老人說及的一道「豆豉炒石春」菜式，道盡那舊時代的辛酸，萬料想不到這「石春」會成了今天的飲食風尚吧！看到廚房即席拉麵，對這兒的麵食更是期待。龍肉湯麵($149)湯身以雜魚加上龍蝦熬足5小時，淺淺的湯身有濃郁的海鮮香氣，簡單伴以拉麪已相當好吃。再說蘭州拉麵粗身帶彈性，不會軟稔易斷，掛湯力強。龍蝦蝦身亦彈牙鮮美，用的確是新鮮靚貨，就用料、手工而言，賣上過百亦不無道理，值得一試。櫻花蝦菜($99)取娃娃菜中心位置，加入陳醋高湯清炒，再撒上滋脆的櫻花蝦，令甜嫩的娃娃菜香口惹味。 接下來的都是傳統手工菜，片皮鴨和啤燒元蹄由師傅們即席獻技，正是給老外大開眼界的時候。京城即燒片皮鴨($499)以自設窰爐燒製，漲鼓鼓的鴨身甚為熱燙，香氣迫人。只見師傅從容不迫的把鴨皮鴨肉割切下來，刀工快且俐落，乍看是一場精湛的表演。師傅不忘提醒，剛切下的鴨皮要立刻品嚐以免涼掉。這家沿用「全鴨三食」的片鴨方式，分別是全鴨皮、全鴨肉、皮連肉，更能嚐出不同層次。鴨皮有一層薄薄的皮下脂肪，吃起來脆滋滋的帶油香，蘸點黃糖口感更是特別。皮連肉的部分油潤、嫩滑兼而有之，以青瓜、蔥絲、海鮮醬裹上餅皮同吃，最忠於傳統的味道。全鴨肉少了一份油香，可觀性大減，這時蘸點蒜末感覺還不錯。另一師傅把大大的一盤啤燒元蹄 ($399)捧出，原隻豬手慢煮至軟稔化皮，置放在鋪上紅石榴籽的菜飯之上，由師傅加上甜麵醬即席拌勻。師傅只用刀叉輕輕一推，豬手隨即骨肉分離。豬肉絲拌入米飯後，汁醬甜甜的帶點南乳香，很中式口味的肉絲炖飯，那紅石榴籽也不單純為添色而存在，蜜甜加上籽核的質感很能平衡膩感，但吃着實在是飽肚得很，只能吃半碗淺嘗即止。甜品的賣相十分吸引，千葉豆腐花 ($59) 像一株盛開的白菊，美是美矣，但就是平常的豆花而已，也就是正常不過的味道。意式芝士餅杯($69)和椰汁黑糯米($49)造成盆景的模樣，是吸晴的。意式芝士餅杯味道不差，但同樣是驚喜欠奉，倒是椰汁黑糯米更得我心，香甜煙靱帶濃濃椰奶香，令人回味的一道。龍麵館由裝潢及至味道，都洋溢着傳統中國色彩，加上師傅們的即席獻技，老外們自是十分滿意。價位方面會是龍麵館的姊妹店YUM CHA較為親民，但畢竟兩店風格迴異，若然要嚐傳統細緻的中菜，龍麵館不失為一個好選擇。…查看更多

早前十一月中，我公司收到中環萬宜大廈地下新開的 <龍麵館> 優惠劵！ 有天放工，我好奇走去找找餐廳所在，順便拿張單張看看有什麼啱口味吧！ 十一月尾開張，花籃基乎放滿半條街！ 當我走入餐廳問店員拿張單張來看的時候，這位外籍女店員正是 <飲茶> 見到那位靚女店員！ 我跟她說認得她！ 隨即她便老實告訴我，<飲茶> 跟 <龍麵館> 也是同一個飲食集團！好的！一於找天約好姊姊出來食飯賀聖誕吧！當晚，我們三人行來到 <龍麵館>！地方大的這裡以中式裝潢，黑色為主色調；然而，一入門口的金龍金碧輝煌甚有氣勢！牆身掛上舞獅頭別具一格！鐮刀長刀也顯得入型入格！開放式廚房，食客可見到師傅烤鴨及拉麵！ 感覺更互動！店名叫得 <龍麵館>，主打龍蝦美食！ 當中不少款式的食物已加入龍蝦元素！供應：前菜、點心、龍蝦拉麵、龍蝦撈麵、燉湯、蔬菜、片皮鴨、師傅推薦、甜品...等。綉球青瓜 $59師傅巧妙把青瓜切成薄片，花心思捲起來，放上透明玻璃器皿，綴以杞子萬綠叢中一點紅！實在美輪美奐！ 富立體感！ 青瓜入口清爽，酸辣醬汁提味不少！藍莓冬瓜 $69又一驚喜之作！ 半球形的冬瓜以藍莓醬醃製，整齊放在碟子上，並以葉子點綴，看起來好像提子！ 入口酸甜清新！不論賣相與口味，同樣令人一試愛上！龍蝦蘿蔔酥 $69/件 (兩件起)龍蝦殼與龍蝦蘿蔔酥，併成龍蝦外型；龍蝦蘿蔔酥表面很鬆化！ 餡料有清爽的馬蹄、紅蘿蔔、龍蝦…等，內外兼備！京城即燒片皮鴨 (全隻) $499店方選用 6星期大的鴨，一味三食有三種食法，令我們驚喜又食得滋味！見到師傅手起刀落，手勢純熟，很快手便把整隻鴨起皮起肉，散發肉香，大家也流口水！分別以鴨片配紅糖，甘香鬆化而甜美！至於淨鴨肉則簡單蘸上蒜蓉，蒜味濃郁突出！肉質柔軟多汁！連皮帶肉的鴨肉，伴上紅菜條、青瓜絲…等，淋上加入花生醬的醬汁份外惹味！醬汁特別在於十字形淋上花生醬，店經理示範，不停順時針轉動碟子，會形成旋風圖案，有得食有得玩！龍蝦湯麵 $149湯底濃郁鮮香， 龍蝦鮮甜爽口，拉麵是師傅即席拉製，彈牙不在話下， 就算我們花了好幾分鐘影相，卻不會影響質感！值得推介！花拳秀腿 $99用上娃娃菜切成花狀，加上櫻花蝦，賣相立體富層次感，以雲腿熬湯弄製而成，這道菜絕對可以清一清味蕾，口感清爽， 嚐出娃娃菜本身的清甜，清湯更是清甜帶鮮！ 師傅富心思又細心把熟透的冬瓜做托，來固定娃娃菜的位置！麽麽茶雪花 $39啡黑色的粒粒似是某牌子餅乾，入口脆脆地， 喜歡綠茶甜品的朋友可以一試，附上的脆脆圈，好似新年食到的糖環！…查看更多

好鍾意呢到個裝修，但唔記得影，而且新開張人太多。龍蝦蘿蔔酥$138: 我遠睇以為有人叫左龍蝦，但原來係蘿蔔酥，佢真係用真龍蝦殼㗎😂☺不過唔知係咩重用呢🤔開花窩筍$69: 賣相已經滿分💯，加埋D柚子汁，好醒胃！藍莓冬瓜$69: 開胃冷盤之選！黑松露芋角$49: 如果無個名我都唔知有黑松露，但如果當佢係一個普通芋角又幾好味🐷泉蛋蒸蘿蔔糕 $59: 麻麻地，可以skip即拉叉燒腸 $59: 皮有點兒厚半蝦半蟹餃 $59 :個皮係無味的其實，與普通蝦叫無誤千葉豆腐花 $59: 豆腐花都係一大舊好味D，糖水多過豆腐茶薰素鵝 $69: 沒有茶薰的味道喔，只有一陣煙😅其實仲有好多野想試，（仲有片皮鴨！）下次會再黎～不過記得要book位呀！P.S.記得入去個廁所🚽呀😂…查看更多

中國武術之博大精深, 就連老外也嘖嘖稱讚, 這也是拜一代傳奇李小龍的“推動”所賜。然而這武術文化層面延伸至餐館中, 又是另一體驗。位於中環德輔道中的 - 龍麵館, 就是以武術為主題融入餐廳的環境中, 甚是創作玩味。 店面高掛的中式牌匾, 大門把手的雙截棍, 舞獅用的大鼓等, 剛踏入食店已甚有功夫睇頭, 內裡到處更充滿武術元素。 入口牆上的耀眼金龍, 是從舊式酒樓的婚宴龍鳳佈景中搬來, 給重新活化了, 代表著一代婚宴的龍與鳳現今真的賣少見少了。 於舊式涼茶舖盛載涼茶的金葫蘆, 改裝過後變成盛載老外涼茶 - 啤酒, 同出一轍的功效。 武術功夫幾乎與舞獅相聯, 餐館內展示了一列的南獅獅頭, 造型威猛, 甚有氣勢。 另一邊廂則展示了武術用到的"道具", 道具組一點也不馬虎, 雖然只作裝飾, 但氣勢十分逼人。 餐牌內除了主打的麵食外, 更有其他創作菜式, 加上視覺裝飾上的沖擊, 令我更熱熾期盼菜式的內容。 Berry Wintermelon藍莓冬瓜 $69這碟造型就像真葡萄般, 十分精緻漂亮。 原來紫色的葡萄是冬瓜肉, 加入藍莓醬浸透而變成半透明的紫色, 是我最喜愛的顏色。 爽口的冬瓜肉帶藍莓的甜香, 賣相跟味道都不錯的創作前菜。 Hot-stone BBQ Pork Fillets 鐵鍋半肥瘦叉燒 $119店方自家設有燒爐, 叉燒和片皮鴨都是現場燒製, 非常"新鮮"。 火辣的鐵鍋盛載半肥瘦叉燒, 而叉燒下藏有燒熱了的熱石, 當淋上醬汁時, 煙霧即時散發, 瀰漫著香噴噴的味道。叉燒腍軟入味, 帶有微微蘋果木烤過的香氣, 熱石更發揮其作用, 吃到最後一片仍是暖暖的。 Lobster tail soup noodles龍肉湯麵 $149從深橙紅色濃郁的龍蝦湯底就知道用料豐富的程度, 湯頭鮮甜醇厚之餘沒有苦澀, 更帶有微微酒香, 不禁也多喝幾口。 龍蝦麵有三款部位提供: 龍蝦鉗、 龍蝦尾和龍蝦雲吞, 這回選擇了龍蝦尾。 店方選用了波士頓龍蝦, 就算是龍蝦尾, 肉也很豐裕, 鮮甜彈牙, 加上麵條是即場拉製的蘭州拉麵, 果然是店方主打。 Wood-oven whole peking duck +pancakes 京城即燒片皮鴨 $499同樣用自家烤爐烤製的片皮鴨, 師傅現場即席表演片鴨的功架。片出來的部分分為三種: 香脆的鴨皮、鮮嫩的鴨肉及皮連肉, 十分合標準。 亮澤香脆的鴨皮店方建議蘸上紅蔗糖, 蔗糖的天然香甜與酥脆的鴨皮柔和融合, 挺喜歡這種新食法。 鴨肉豐腴腍軟, 店方建議蘸上蒜蓉同吃, 不過蒜蓉味道頗為濃郁, 有點兒搶風頭, 其實不蘸上醬料也好吃。 至於皮連肉的部分用薄餅皮包裹, 除了平常的青瓜絲和京蔥外, 還提供蜜瓜條和紅菜條, 色彩很繽紛, 加入甜鴨醬及芝麻醬, 最喜歡這種食法, 同時享受到不同材料帶來的美味。 24hrs ale-braised pork knuckle & rice (6ppl) 啤燒元蹄 (6位用) $399同樣即場表演的一道, 先將本地手工啤酒慢煮24小時至腍軟的豬手拆肉, 再混合紅石榴籽及菜飯。豬手肉絲非常柔軟香嫩, 加上石榴籽的酸酸甜甜, 起到中和的作用, 令這個變奏版的"炒飯"非常香口好食。 Mock Shark's fin 桂花炒假翅 $119令人目不暇給的即席表演, 這道桂花炒假翅都是現做的。材料分別有: 素翅、蟹肉、鹹蛋黃、豬肉、蛋黃、銀芽和蔥花, 店員按次序加入並炒勻, 不一會就成一座小金山。沒有加入油份去炒, 十分爽身, 鹹蛋黃令整體味道十分香濃。 Baby cabbage florets w/ parma ham 花拳秀腿 $99這碟絕非花拳秀腿呢, 切成花狀的娃娃菜, 甚是師傅的心思, 中間加入櫻花蝦和金華火腿, 再灌以上湯, 加上中式的淺碗, 猶如綻放的蓮花, 既能觀賞又可吃得的鮮甜。 Tiramisu Garden 意式芝士餅杯 $69最後到甜品, 食店提供的甜品不止中式, 是非常多元化的選擇。雖然以小盆栽形式出現的Tiramisu已屢見不鮮, 但這一盆卻十分精緻。杯面的植物全部都可以放入口, 因為是用了雪耳來製作, 而Tiramisu入口香滑, 令這頓心思晚飯十分圓滿。 無論是否武術愛好者, 這裡的陳設定必能滿足視覺上的充實。食物方面就如中國文化之精粹 - 武術一樣, "睇得又打(食)得", 充滿創意玩味同時又盡顯功架, 活化武術之餘, 也活化了傳統的中菜。…查看更多

早前友人生日, 有朋友提議去中環一間新開的特色食店食飯慶祝, 有人諗埋食乜, 我地當然贊成. 這間店叫龍麵館. 單單見到個牌面俾我地感覺好傳統中國. 一入到店內, 見到四圍也擺放了不少打功夫的嘢, 原來以武館裝修為藍本, 非常有特色, 仲可以用來影相. 這裡有四款茶選擇, 分別是希臘洋甘菊, 荔枝大紅袍, 龍井薰衣草和紅棗玫瑰花, 熱和凍也可以. 我選了熱的紅棗玫瑰花. 小食我地點了藍莓冬瓜. 賣相好精緻, 好似葡萄. 原來是將冬瓜粒浸泡於藍莓醬汁中. 入口時冬瓜粒仍然保持爽口, 帶有酸酸地, 夠醒胃, 這是開胃小食. 主菜點了京城即燒片皮鴨. 師傳會在客人面前即場片鴨. 一共有三碟款式, 分別是鴨皮、鴨肉和鴨皮連鴨肉. 並附有薄餅, 青瓜、哈密瓜、京蔥、紅菜條. 4款醬汁包括北京烤鴨醬，蒜蓉，芝麻醬和蔗糖. 不同位置配不同醬汁. 鴨皮就點蔗糖, 鴨皮好香脆, 加埋糖一齊食, 能減低油膩感覺. 鴨肉尚算嫩口, 不會太乾, 點蒜蓉一齊食, 因為是生蒜, 所以對我來講都好辣下. 鴨皮連鴨肉放在薄餅上, 再加上配料和醬汁夾埋一齊食, 多重口感. 這個菜式早點預訂好一點. 啤燒元蹄. 個名幾特別. 元蹄以手工啤酒慢煮後, 配以石榴和菜飯. 店員會在客人面前, 拆肉混入菜飯中, 元蹄所有精華混入晒菜飯中. 元蹄的肉相當嫩滑, 入口時不太覺有啤酒的味道, 調味適中. 加上當中有石榴, 帶少許酸酸, 感覺幾特別, 可以起中和作用. 最後, 是甜品時間, 我選了意式芝士餅. 上枱時已被賣相所吸引. 真係好似一盆盆栽. 入口非常脆身, 好似食薯片的感覺. 而芝士餅入口幾滑身, 味道調教適中. 這裡不論是裝修或是菜式也好有心思. …查看更多

Following "Yum Cha"'s array of creative and aesthetically pleasing dim-sum and many other Chinese restaurants to follow suit, there hasn't been great stirs to the Chinese dining scene until the opening of Dragon Noodles Academy ("DNA") in Central. Fusion food is no longer taking the lead, but "back to originality" with a playful plating and culinary experience. I was fascinated by its hearty decor, and probably this is what makes DNA worth a visit if you are looking for a dining vibe comparable to a living museum. Not at all having a hefty price tag, food, especially larger plates to be shared among 4 or above, is worth a try to get a reasonable bill, although spending around $150 for a bowl of signature lobster noodles is deemed alright in the business district.Given the large floor space it occupies and how "central" of Central it is located at, spending of $300-400/head for dinner is not a shock to us to spend on intriguing and delicate food and vibe it offers. Just around the corner if you know where Topshop is, but wonder what this was before? It was Toysrus - coincidently DNA is carrying on the crusade of a light-hearted casual dining venue.Chinese craftsmanship is permeated into every corner of the restaurant, as evident as the golden handcraft dragon greeting you at the Entrance to colourful lion heads coming into attention once lifting up your head. Apparently on a more affluent style than "Yum Cha", such a whimsical dining scene should be quite costly as these aren't counterfeits but made with extincting handcraft techniques of old craftsmen. Intangible "handcraft" like making of noodles and roasting peking ducks in wood-oven is showcased through the open kitchen, further enlivening the museum-like dining scene.Another eye-catching handcraft is the golden "hulu" made of copper and filling with water and craft beer. Just like other restaurants not intending to be a bar/pub, alcoholic drinks and beer are good deals here. As for the main menu, brochures just like "dim sum paper" are user-friendly and clear enough to showcase its delicacies. Dinner menu is a longer one than the one for lunch, mainly with a full list of larger and sharing-friendly plates but not for lunch. There isn't any lunch set but ordering noodles plus snacks would be equally fine if you are not going alone.Lucky us spotted a discount voucher on DNA's facebook page, thus using this to save a bit from our bill. Not flooding here with menu photos as you may find them on its official website.Gwei-lo draught beer pale ale $59/glass - feeling trendy to grab a craft beer than ordinary ones, gwei-lo and moonzen are two famous local brands that win our liking. Smooth and refreshing, it cools us down in the evening of a hectic day, realising its potential to be "foreigners' herb tea"! I realised the mismatch of logo on my glass and its content, but didn't bother further.Berry Wintermelon 藍莓冬瓜 $69 - this was ordered before my arrival, thus I wasn't able to capture its divine plating of a bunch of grapes. Translucent like real grapes, small wintermelon balls are soaked in blueberry sauce. Crunchy and lightly sweetened, this makes a playful appetiser to start with, good rating of which falls more on its plating instead of the portion/value of ingredients though.Crispy Lobster Puff 龍蝦蘿蔔酥 $69/件 - this is one among several dim sum dishes here, mainly featuring the signature lobster theme of using real lobster heads and re-creating the abdomen with tulip puff. It isn't as oily as imagined, mashed and sliced tulip inside remains moist, while the outer puff performs well as a crispy wrap. It is a bit pricey though, and puff isn't something easy to be shared as layers of puff fall off from cutting and biting.Wood-oven whole peking duck +pancakes 京城：即燒片皮鴨  $499It isn't our first time to watch how peking duck is sliced up, but how the chef masters cutting different parts of it and plates them nicely to serve deserves our applause. What makes it special and stand out from other peking duck eateries is its 3-way of eating arrangement to be paired with an array of sauces and veggies. The 3 ways are skin only, meat only for area around duck breast and skin + meat for duck's back.Alongside these 3 parts of duck are several sauces that match with different parts as well - garlic mash, raw cane sugar, sweet duck sauce & sesame paste. For the prevalent skin + meat option to be enjoyed elsewhere, "pancakes" are to be matched and served with cucumber, rock melon, chinese leeks, pink cabbage to balance off the grease.It is totally new to us to dip crispy duck skin into raw cane sugar. Natural sweetness blend well with briny flavour of duck skin. Skin remains crispy and doesn't turn soggy even taking some time to finish all.My favourite is still the most common way to enjoy peking duck, having a handful of pancake and everything else and stuffing all divine ingredients in a bite.24hrs ale-braised pork knuckle & rice (6ppl) 啤燒元蹄 (6位用) $399One of us suggested not to try lobster noodles this time as we can all have it for lunch ourselves, we go for something bigger, which happens to be another performance-oriented one after peking duck. A huge pork knuckle in a crispy golden look sits atop a paella-like plate of rice with drizzles of pomengrenate seeds. The pork knuckle looks like those we had in German restaurant, but when the staff makes the first cut, we realise it is not as ordinary. The staff manages to slice it into tiny pieces without much effort given that it is soft and tender after sous vide preparation. Slices of meat are nearly melting into the rice after mixing. What's more, the rich gelatin is brought into the rice and making it scrumptious like never.For sharing among 6 of us is a fair description. It takes us some time to finish as we wait for veggie dishes to come to make the taste more balanced, though pomegranate seeds perform its neutralising fruity role.桂花炒假翅 Mock Shark's fin $119 Performance isn't restricted to large plates of a higher price but for standard portioned ones as cheap as the mock shark's fin. Wok hey can be smelt during the fry. Serving wok hey dishes in just several seconds away from your seat can't be any more divine!With enough heat and rapid frying, not much oil is put to the dish which is definitely worth a mention. Ingredients including mock shark's fin which is a bean-related product, crab meat, yolk and pork are stir-fried in a pot, bringing us a decadent yet not greasy dish.Baby cabbage florets w/ parma ham 花拳秀腿 $99 - veggie dishes can be equally aesthetically pleasing to the eye like this. With parma ham slices and dried sakura shrimp drizzled over delicately sliced cabbage and served in a clear broth, it brings in natural refreshing sweetness, though aroma of parma ham can be even stronger to be more flavourful.Dried shrimp & veg. 櫻花蝦菜 $99 - this looks plain but we like the blending of flavours and wok hey of this veggie dish. Tiramisu Garden 意式芝士餅杯 $69, Coconut Sticky Purple Rice Garden 椰汁黑糯米 $69For desserts, it is rather "international" as we spot thai, chinese and western dishes in the menu. We go for two potted western desserts out of curiosity for some of us who didn't pay a visit to Sense Cafe before for potted-plant-like tiramisu. What surprises me is the detail it is able to create, most impressive being the red and green but edible elements on the "soil" (chocolate and coffee powder). They are in fact dyed snow fungus! We end up having a night much enjoyed with instant cooking performance at our table, surrounded with Chinese handcrafts and kung-fu themed decor. It performs up to expectation on all fronts, both for food and service, though admittedly sitting at the higher end of the price scale. Such an exuberant menu is made even more attractive to guests who look for a relaxing environment or more specifically, a place infused with traditional Chinese elements back in time. I do hope to be back, at least for its signature lobster broth noodles which is acclaimed as a must-try here!…查看更多

龍是中國的代表, 一入店內已看到一條金碧輝煌、手工精細的立體金龍, 活靈活現, 霸氣十足, 搶眼奪目, 它就是位於中環的「龍麵館」。餐廳設有兩個門口, 其一是無障礙通道, 切合不同人的需要, 的確很貼心。正門高高掛着一塊刻上店名的金牌扁, 對應地板以馬賽克砌成的「龍麵正宗」字句, 還有雙截棍造成的門手柄, 大家就開始進入一間武館……門口接待處的大鐵桶、店內放置的兩座詠春木人樁、用膳區牆上掛了多個精美的獅頭、舞獅的大鼓, 以及在開放式廚房前放了多把刀槍劍棍, 真的可在這裏舞獅習武。但再仔細觀察, 它除了打造成一間武館外, 餐廳內的酒吧區放了一個盛載着手工啤酒的銅製大葫蘆, 而另一處亦設了涼茶區, 以兩個大的金葫蘆盛載着熱水, 周邊則放了一支支凍茗茶。還有呀…..兩間貴賓房以百子櫃為背景, 究竟這裏是武館? 中醫醫館? 還是餐館? 它應是三者集於一身, 厲害!餐廳地方寬敞闊落, 設有多張四至六大枱, 還有多張八人大枱、一排長沙發座、數張四人卡位、一個大酒吧區、兩間貴賓房, 可容納不少客人。最吸引我注目當然是大型的開放式廚房, 可看到掛上一隻隻肥美的烤、冰鎮的海鮮, 還可欣賞大廚們即製麵條, 簡直是一個製作舞台。不但用心打造環境, 餐簿亦設計精美, 每頁均附上精美的菜式相片, 未吃已不禁垂涎三尺。菜式選擇相當豐富, 有前菜、點心、麵食、飯類、燉湯、蔬菜、巧手菜式、飯後小甜等等……, 而每個項目也有多款選擇, 的確很吸引。******************************餐前先開茶, 是中國人的傳統習慣。有四款茗茶選擇, 有熱有涼。先來一壺熱紅棗玫瑰花茶,啖啖玖瑰花的清香, 氛香撲鼻, 亦帶點紅棗的香甜, 養顏滋潤, 討我喜歡。亦點了支紅棗玫瑰花凍茶試試, 它很似一瓶啤酒, 還配上放了冰粒的玻璃杯, 再以青瓜片和玖瑰花乾作裝飾, 究竟是飲茶? 還有飲啤酒? 有趣! 有趣!******************************先來一道酸咪咪的前菜打開胃子, 賣相一流的藍莓冬瓜 Berry Wintermelon ($69)是將冬瓜 掏成跟葡萄的大小和形狀相似, 浸在藍莓醬汁 中變成紫色, 再加埋葡萄葉, 造成如一串真葡萄般, 的確令人讚嘆不已。每粒冬瓜 均是半腍半爽之間, 富有瓜汁, 口感一流, 配上酸酸甜甜的藍莓醬汁, 味道清新怡人, 的確很開胃, 作為前菜最適合不過。******************************取名「龍麵館」, 以中國麵條為主打, 配上龍蝦, 又怎能錯過呢? 有三款不同的龍蝦配料, 分別有龍肉、龍鉗和龍飩, 就來一碗龍肉湯麵 Lobster & Shrimp Roe “LO MEIN” ($149)齊齊共享。熱辣辣上枱, 陣陣香濃的鮮味直湧鼻子, 相當誘人。湯底 是一碗麵的靈魂, 呈鮮橙色, 泛些油光, 色澤濃厚亮澤, 趁熱呷一口, 相當甘香鮮味, 相信採用了不少新鮮的食材熬成, 真的令人忍不住口, 不禁一口接一口, 結果當然一滴不留。四大件龍蝦肉 挺厚身, 肉嫩帶爽, 味道鮮甜, 伴上龍蝦湯同吃, 更加滋味, 正!麵條 是即點即打, 每條厚度適中, 煮弄的時間合宜, 口感煙韌兼富彈性, 挺有嚼勁, 掛上濃郁的龍蝦湯, 非常美味, 結果吃到碗子也可用來照鏡, 通通清光, 此刻亦回味當中……******************************再來一道巧手菜, 花拳秀腿 Baby Cabbage Florets W/Ham ($99) 賣相極之優美, 老實說, 真的不捨得將這份心機吃掉。大廚選用娃娃菜膽 雕成一朵多瓣的花兒, 再在中心加些櫻花蝦乾 造成花蕊, 半浸在清澈的火腿上湯 中, 如一朵朵盛放中的蓮花, 絕對是花心思的製作。菜“花” 腍嫩中帶微爽, 清新多汁, 伴上櫻花蝦乾, 添些鹹鮮的味道, 配搭一流。喜歡吃時再淋些清甜的上湯, 更添美味。******************************以一個大鐵盤盛載的啤燒元蹄 24HRS Ale-Braised Pork Knuckle & Rice ($399) 舖滿菜飯, 放上一隻大元蹄, 份量驚人。服務員即時在客人面前把元蹄起骨拆肉, 把鹹香腍嫩的元蹄肉, 以及油潤肥美的元蹄皮澈底跟菜飯拌勻, 還邊淋上醬秘製醬汁, 頓然令我想起西班牙炒飯。元蹄 用手工啤酒 和調味料慢煮24小時，肉質相當腍嫩兼入味，其油份滲入菜飯 當中, 令菜飯添上鹹香油潤, 最欣賞是大廚想到加入紅石榴, 酸咪咪的味道中和了油膩感, 吃起來清新一點,從無想過這特別的配搭, 很有心思!******************************幾款的飯後小甜也很特別, 女生愛花, 第一時間已被這朵優美的千葉豆腐花 Flowering Tofu ($59)吸引了。大廚刀功厲害, 悉心將滑嘟嘟的豆腐 雕成一朵花, 浸在杞子糖水 中, 成為一朵盛放中的花兒, 再加上一朵紫白色的食用乾花, 很美啊! 豆腐花非常滑溜, 而杞子糖水的甜度亦剛好, 滋潤順喉, 不過香甜的味道蓋過豆香。------------------------------用心炮製的菜式, 為客人帶來美味; 精心打造的環境, 為客人帶來驚喜; 貼心安排的服務, 為客人帶來舒適; 一切也從心出發齊心, 讓客人賓至如歸。一間餐廳能融合了傳統美食、文化及歷史，上下齊心打出真功夫, 厲害! 厲害!…查看更多

近排收到啲郵政宣傳，喺新店開張嘅單張連優惠券，食滿$200減$50，食滿$400減$100，變相75折，新店位置就晌中環萬宜大廈以前玩具反斗城個鋪位，對於我依等返中環工嘅人就極之方便。今晚同幾位朋友到此，見識一下佢哋嘅真功夫，睇睇喺咪咁打得。走進店內，裝修型格得嚟，帶有好多香港傳統特色元素，淨喺門口上方嘅牌匾就一派黃飛鴻時代嘅武館格，點解咁講，因為入到去真喺好多嘢都同舊式嘅武館扯上關係，如木人樁、長槍、關刀、獅頭……等等，店員仲話啲關刀等武器全部都喺真嘢，只喺未開封，歡迎拎嚟拍照，小弟拎上手果然好重身，一對雙節棍門柄，已夠晒心思啦。此外，一入門口嘅金龍，好有懷舊味道，紋理細緻，活靈活現，搶眼非常，相信依家搵整依類金龍嘅手藝師傅都所餘無幾。餐廳地方其實頗大，趁未上菜晌裡面遊走一轉，發現仲有好多玩味嘅擺設。內裡格局主打喺4人枱，亦有啲大張方形嘅8人枱，都喺坊間少見，另外，餐廳尾更有兩間開放式嘅貴賓房，每房可容納10人，兩房亦可打通。而一家餐廳嘅心臟「廚房」，更用上開放式，喺唔怕客人「監察」師傅做菜嘅自信心。所以，八卦吓望一望，睇到巨型烤爐、烘乾機、師傅即場拉麵條、做點心……等等。除咗武館元素，原來仲有涼茶館及醫館元素，因為近門口嘅酒吧位，有一座大嘅涼茶銅葫蘆，下面有個牌以拼音寫住「鬼佬涼茶」，後尾再睇餐牌時見到有手工啤賣，就知到佢葫蘆內賣咩葯。此外，其他位置都仲有好幾個「大葫蘆」，不過，店員話嗰啲就只喺裝熱水添茶用。講開茗茶，依度始終喺中式營運，收茶錢喺自然嘅事，不過，依度收茶錢比平常樓家貴，熱茶$19位，凍茶$29位，除地區關係外，茶品嘅選擇確喺有其賣點：希臘洋甘菊、龍井薰衣草、荔枝大紅袍、紅棗玫瑰花，喺咪好特呢！點凍飲，更喺原樽送上，小水杯仲加咗冰粒同青檸檬及下幾瓣玫瑰花，好有格調。主餐牌圖文並茂，中英對照，不過早晚有別，晚上無咁多點心供應，會有較多大菜選擇，然而，見佢哋啲點心賣相非常精緻。不過，主餐牌喺無標示價錢，價錢印晒晌點菜紙度，所以，為方便大家有個參考，就索性掃描佢哋啲點菜紙俾大家，列晒價錢，大家嚟食飯就可以有個預算。藍莓冬瓜 $69前菜共有14款選擇，單睇名稱及食材配搭，頗有特色，而依一款做成串葡萄外型嘅藍莓冬瓜，賣相已經好吸晴，最估唔到冬瓜粒口感做到爽爽哋，而藍莓醬調校得酸香細緻，喺一道超醒胃嘅前菜。原來，前菜有買二送一嘅優惠，走寶添！龍蝦蘿蔔酥 $69（兩件起）晚市嘅點心就剩低5款以龍蝦入饌嘅款式供選擇，相信依幾款都喺店家嘅招牌嘢，睇人哋嘅食評，就以依道蘿蔔酥賣相最具睇頭，原隻龍蝦樣呈現番出嚟。如果細心留意嘅話，蘿蔔酥嘅酥皮喺兩隻色間住，做得像真細膩。好睇唔好食又喺無用，不過，入口外層好鬆化，而餡料除蘿蔔絲，加入馬蹄粒，又有唔少龍蝦肉，清甜嘅蘿蔔，配上爽彈嘅蝦肉，喺超高檔嘅蘿蔔絲酥餅。價錢就肯定比晌酒樓食普通嘅蘿蔔絲酥餅貴好多，但品嚐嘅唔止喺味道，仲有喺欣賞嘅喺師傅嘅心思同手工。龍肉湯麵 $149翻餐牌時，已見晚市點心以龍蝦為主打，再睇有一系列「龍湯拉麵」，又成為菜式中嘅亮點，當然，佢哋又會咁單一，仲有多款拉麵、撈麵、烏冬、蒸飯……等等。豪一豪食番碗龍蝦湯麵，即拉麵條喺唔同啲，柔韌而富彈性，雖然影相搞耐咗，但都無話浸腍晒；個龍蝦湯底好香濃，濃郁得無得輸，而蝦肉爽彈，豪一次半次都值。講開佢哋嘅龍蝦菜式，就順帶一提晌之前「參觀」餐廳四周嘅時候，近廚房尾，冰鎮住多款海鮮，一排排龍蝦更唔少得，師傅神氣咁講，喺本地青龍嚟架，即喺唔喺普通嘢啦，收到。京城：即燒片皮鴨 $499晌晚餐點菜紙上，有一張特別列出幾款菜式，包括：金鍋芝麻吊燒雞、牛高碼大骨、荷葉八寶富貴雞、鐵鍋半肥瘦叉燒及京城即燒片皮鴨，咁重點額外擺出嚟，相信喺招牌推介。即燒片皮鴨當然晌你面前起皮、起肉先夠派頭，但原來，真喺好似張單張咁，分為3碟：淨皮、皮連肉及淨肉，而師傅手勢非常純熟，三幾吓已經將鴨皮、鴨肉起晒，並附上蒜頭蓉、紅蔗糖、甜鴨醬+芝麻醬及青瓜條、蜜瓜條、京蔥條、紅菜條。店員有建議食法，稍後再講，如要兩食，即鴨殼起肉煮為其他菜式，喺比出面酒樓款式多，更意外嘅喺唔只兩食，因為佢哋每日賣出嘅片皮鴨都唔少，變相鴨肉有唔少存貨，三食、四食都得，只不過喺逐道菜式計而已。淨皮真喺得層皮，近乎無皮下脂肪，可見師傅刀功，而建議食法就喺蘸紅蔗糖。淨食都仲喺有微微油膩感，但沾咗啲蔗糖，效果真喺唔錯，再者，趁仲熱辣辣，啲皮好甘脆。淨肉睇師傅切嘅時候，真喺留意到佢喺有部署，而且，切得每片鴨肉大細、厚薄均一。建議食法就喺蘸蒜頭蓉，由於用生蒜做，帶點辛，所以，小弟覺得唔好沾太多，輕輕一小抹就搞掂，入口肉質細嫩，好有鴨肉香，蒜蓉正正辟咗啲鴨燥味。皮連肉依個就如傳統食片皮鴨嘅食法，即喺按喜好，加上青瓜條、蜜瓜條、京蔥條或紅菜條，再添入甜鴨醬、芝麻醬以薄餅皮包住食。啲薄餅皮塊塊有牛油紙隔住，所以唔會黐實晒，將所有配菜放埋一齊，集多重口感，非常滋味。桂花炒假翅 $119無食魚翅好耐，依道素翅就可以止吓癮。但無想過，簡單一道桂花炒翅都以堂弄形式登場，真材實料（素翅、蟹肉、鹹蛋黃、豬肉、蛋黃、銀芽、蔥花）擺在眼前，大師兄（男店員嘅稱呼，而女店員襟前就寫住小師妹，小弟就唯有自稱牙擦蘇）一邊炒，一邊講解，落料先後有序，加上手藝純熟，炒得材料十分均勻，蛋粒細碎如桂花，更加入鹹蛋黃，令道菜更惹味。唯一挑剔喺鹹蛋黃份量有啲偏多，所以，整體味道有輕微過鹹，所以，加個「靚仔」嚟撈飯食就一流。有啲人天生好打得，小弟就自絕無依方面嘅基因，迤吓迤吓就算，是晚嚟到「龍麵館」（Dragon Noodles Academy – DNA），一道龍蝦蘿蔔酥已睇得出師傅手藝，而兩道堂弄菜式，就更加顯出其功架。以中環區而言，定價合理，況且菜式頗有心思，將傳統揉合新派，賣相好精巧，環境、服務亦都好稱心，喺間幾特別嘅新派中菜館。…查看更多