全記海鮮菜館

同友人去咗西貢行山，行完日落見冇乜人就快啲早小小食晚餐行哂成條海鮮街，最後決定入呢間全記海鮮菜館，因為門面較新淨，感覺衛生整潔啲，重點係對住海邊個位更近，實在係好Chill!😍行左咁多間，每間都係主打自選Set，價錢都係相差幾十蚊。二人餐任選四款每人$258我哋就揀咗：特濃芝士焗龍蝦（伊面底）蒜蓉粉絲蒸海元貝薑蔥炒蟹豉椒炒蜆可以每位+$40要龍蝦邊，即係會多肉食啲為咗有啖好食，唔洗諗即加🤣隻龍蝦都算幾大隻！肉唔算好韌，冇後悔加$40！重點芝士汁好濃好多汁，呢個真係又邪惡又超正！🤤元貝得兩隻仲要都幾細隻係有少少失望嘅，不過啲蒜蓉汁整得好入味哂係啲粉絲到！滿足～薑蔥炒蟹就正常發揮，蟹肉唔係特別多，但舊膏都好大舊下！😋😋豉椒炒蜆份量算係咁，味道夠！肉質岩岩好！整體嚟講係滿意滿足嘅！呢個價錢真係要求唔到好高級/大份嘅海鮮，每人先三百幾蚊食到四道海鮮。下次再去都會食多一次😋…查看更多

為咗同屋企人慶生，遠道入咗西貢食海鮮大餐，見到呢個全記裏邊有個套餐都幾抵食，八個人可以叫七個餸 另外會再跟雞腳及一碟油菜 ，$258一位 ！由於今晚涼涼地所以坐咗喺 室外，環境都幾舒服，欣賞下西貢嘅夜景，間中仲會吹住啲海風，同埋外邊亦都幾整潔。而鋪外已經放滿龍蝦、螃蟹、貝類等等的海鮮，十分吸引選好套餐之後，就會先比鹽水雞腳你食住先，可以點砂礓汁，雞腳浸到十分之淋滑，先開開胃古法椒鹽鮑魚（每人一隻），味道係幾香口嘅，外邊有少少脆，但個鮑魚係唔un ，滑滑地咁，都OK 。芝士焗龍蝦（伊麵底）：呢個係需要每位加$30，變成每人可以有半邊龍蝦🦞，望落去都幾吸引，個伊麵係好飽肚，龍蝦都幾爽身，幾大隻下，味道都OK，就係膩咗啲！椒鹽賴尿蝦：這個就做得比較一般，炸得唔夠香脆，肉質比較軟軟的，椒鹽的味道就還可以！椒鹽墨魚：同椒鹽鮮魷比較有少少唔同，這個墨魚係比較爽身硬一些的，比較有口感。薑蔥炒蟹：味道香濃，不過呢個蟹就冇咩膏嘅，勝在夠多肉！蒜蓉粉絲蒸元貝（每人一隻）：味道就冇乜特別，同埋元貝比較細粒。菠蘿咕嚕肉：這個不錯，酸酸甜甜很開胃，由於肥肉比較多，所以食落個口感好香滑。整體以 $288 呢個價錢，有咁多口味選擇，都ᎾK！…查看更多

晩餐朋友即興想食海鮮🦞 就即飛入西貢搵食！呢間朋友食過話不錯，開頭打算試下其他店，因為有小朋友，想揀間乾淨啲！但左揀右揀最後都係食返呢間，朋友食過起碼唔會好伏先！😂一入去就安排位置係入面，而且一枱人都無，可能見有bb，安排小人的枱，非常好！👍🏻 首先我哋叫咗個2人套餐，但忘記咗我仔都好大食，應該要叫3人餐以上至啱😅 所以之後我哋再單叫咗好多海鮮！個人最鐘意粉絲蒸扇貝，超多粉絲！😋 粒帶子都好大隻，所以食完我哋再叫多2隻😂 仲有龍蝦伊麵又係必食推介！我哋加錢轉澳洲龍蝦🦞 會多肉多小小，啖啖肉，超正！唯一美不足係伊麵小咗啲😢 仲有揀咗條斑仔，但真係太小肉，而且最貴係條魚，最唔抵食！其他都好好食，海洋食得岀真係好新鮮！而且地方又乾淨！一家大小有小朋友一完推介呢間！…查看更多

行完山後, 今天到全記海鮮菜館食海鮮餐. 基本上周圍的海鮮菜館的海鮮餐都是差不多價錢, 分別可選擇四款或五款海鮮菜式. 我們四人選擇開心四人共聚餐, $268/位四人餐可自選5款海鮮:香蒜椒鹽墨魚, 粉漿不夠脆, 味道可以, 墨魚新鮮彈牙蒜蓉粉絲蒸元貝, 元貝size較細, 蒜蓉豉油粉絲與平時食的味道相若. 這個菜式不過不失特濃芝士龍蝦伊麵底, 芝士味香濃, 龍蝦肉彈牙, 可惜份量較少😅椒鹽瀨尿蝦, 椒鹽味非常好味(似食薯片味精粉🤭), 瀨尿蝦肉質都不錯. 不過份量有點不均勻, 我們亦與經理反映. 當然反映與不反映結果都是一樣🤷‍♀️ 若然叫二人餐, 又叫椒鹽瀨尿蝦, 會有多少件瀨尿蝦呢?!🤔薑蔥炒蟹, 整個餐來說這款菜式分量比其他較多, 芡汁味道偏鹹. 多薑多蔥段郊外油菜, 是日是菜心, 白灼加豉油或可每位加$10自選蔬菜海鮮餐平均每位價格看似便宜, 不過份量真的叫少. 若然4人淨叫這個四人海鮮餐, 我相信大家都不會飽肚&滿足. 今次我們另加白飯&4款點心, 我們食完也不太飽肚😅…查看更多

見今日放假就同友人一齊諗吓去邊度食好西，難得閒日放假就梗係諗吓邊度有啲平靚正嘅嘢食下，順便諗住去西貢行個round 見到西貢呢間全記海鮮有特價海鮮餐，好似好多選擇咁，而且只係$248一個人全包，於是就特登揸車入去。落大雨結果坐入面樓上嘅閣樓，環境都唔錯坐得都幾舒服。一坐低當然叫$248一位海鮮套餐。分別帶咗白灼蝦，薑蔥炒蟹，椒鹽賴尿蝦同蒜蓉粉絲扇貝。一上菜伏就嚟啦。白灼蝦：兩位份量得9隻？好彩佢都算新鮮椒鹽賴尿蝦：呢個個味都幾好食幾香口，但份量真係好少，一隻賴尿蝦分兩個人食，仲要嗰隻賴尿蝦唔係大隻。薑蔥炒蟹：不過不失蒜蓉粉絲扇貝：我覺得最伏係呢個，我好懷疑佢唔係原隻蒸，因為扇貝肉同個殼係完全分離，粒扇貝好似雪藏同你喺佳寶買凡立貝再放喺上面蒸差唔多，伏。郊外油菜：冇嘢好講，好hea 總括而言：啲海鮮除咗個扇貝都尚算新鮮，不過價錢真係偏貴，份量好少。兩個人食total$496。…查看更多

西貢食海鮮正就街知巷聞，氣氛一流，又chill又有feel係唯一猶豫既就係會貴啲，全記係西貢又老字號又米芝連咁，環境舒服又係海邊前面，唔太熱時坐出面既話實在好正好有feel閒日有套餐，按人頭揀幾款海鮮，價錢相當相宜，諗住上枱會份量少啲或者無咁好，點知驚喜連連先黎一個芝士龍蝦伊面，都唔細碟，賣相好正俾埋刀叉你起肉，本身龍蝦已經半起肉，一叉落去就成舊肉出嚟，肉嫩而且濃鮮味，肉質好滑，夾埋芝士汁無得輸整埋少少膏落芝士汁度食伊面，個芝士汁味道相當好，唔會太芝無晒海鮮味極之推介再黎蒜蓉粉絲蒸扇貝，一人一隻，手掌大小，肉都算大粒入口鮮味非常，肉質啱啱熟好鬼滑，鮮扇貝加豉熟油好好味粉絲都好有海鮮味，送飯一流套餐以外再出去揀海鮮，黎西貢食海鮮就係要出去個缸度睇下揀下先有feel揀左游水中蝦黎白焯，返入去坐坐等食，五分鐘就上枱，加埋蒜味豉油，鮮味十足一剝即離殼，好鮮甜，蝦肉又彈牙對比下係貴啲，但感覺良好:)另一套餐菜揀左薑蔥炒蟹，上枱好香下，都足一隻蟹既，幾唔錯既肉蟹，夠晒肉地，彈牙又新鮮味道相當不錯，雖然鑊氣普通，但個汁好正，葱都好食套餐仲有條魚，問左係倉魚，即刻決定加$88改為清蒸沙巴龍躉，賣相幾唔錯，又大條，開肉出嚟食時即刻見功架，蒸既時間真係啱啱好條鮮非常鮮非常滑，一個超出想像既亮點成條食晒少少都無淨，黎食既蒸魚可以話係必然之選成餐味道同海鮮質素就無可挑剔架喇價錢平日黎講實在好抵，仲要係西貢，性價比之高實在返唔到轉頭#仲包碟菜同生果甜品#服務都好好#一向以為依啲得個名但實在正…查看更多

某日同事問我$248價錢可以吃7款海鮮，有沒有興趣去，最後我們連小孩一行十五人嚟到西貢全記海鮮。待應解釋詳情，勤換碟。。:)特濃芝士焗龍蝦伊麵底 - 是晚最正最多好評的芝士汁。龍蝦肉少，很多都是硬殼，伊麵13人份量來說份量比較少。古法椒鹽鮑魚 - 椒鹽煮法整的鮑魚都沒有太大期望。蒜蓉粉絲蒸元貝- 元貝大大隻，粉絲吸汁，非常彈牙，蒜蓉味濃。椒鹽瀨尿蝦 - 一隻瀨尿蝦一開四，肉質不嫩滑不彈牙， 有膏在裏面， 可是味精太濃。白灼海生蝦 - 賣相不討好，不夠鮮味，分量是足夠的， 蝦不是常見的品種。薑蔥炒蟹 - 三隻空洞洞蟹蓋， 蟹肉多有鮮味。香蒜椒鹽墨魚 - 又係好咸，好碎。$498 原隻燒鵝皇- 果然不是吃燒鵝的地方，同事吃到鴨味，海鮮比較靠譜。沙薑雞腳 - 是我喜歡吃的林身鬆化雞腳， 吮得好好味，有膠質。蒜蓉西蘭花 - 有蒜蓉，但沒蒜味。芡汁杰，花冠軟身花莖很硬。總體都合格，中上， 一分錢一分貨。但$20/枝可樂就貴左啲…查看更多

今晚和家人到西貢食海鮮，由巴士總站沿住海傍向舊墟方向行，沿途有好多海鮮酒家，行了幾間，覺得這間環境不錯，可坐外面座位，吹吹海風，非常有風味。我們選了四人共聚餐，可以選5款主食，仲有油菜和糖水送，只需$278/位，不需加一，幾抵食。特濃芝士焗龍蝦伊麵底 芝士味又濃又香，芝士汁好creamy，龍蝦肉及伊麵有濃濃芝士味，感覺很正。古法椒鹽鮑魚 這種煮法還是第一次吃，椒鹽味道好濃厚，鮑魚亦非常彈牙。椒鹽瀨尿蝦 四個人只有兩隻瀨尿蝦，如果一人有一隻當然更好，味道唔錯，只可惜份量少左d。蒜蓉粉絲蒸元貝元貝鮮甜，仲有我最愛的蒜蓉粉絲鋪係面。薑蔥炒蟹 薑蔥炒非常香，蟹肉完全炒到入哂味。油菜紅豆沙…查看更多

西貢海鮮的選擇很多，而全記就係我地屋企人經常光顧的店。每逢有慶祝活動，我地都會黎西貢食海鮮，因為鍾意全記有套餐叫，唔駛自己揀海鮮。門口已經放滿各式各樣生鯭海鮮😍😍我地叫左一個3人套餐，可以選擇5款海鮮！！薑蔥炒蟹，非常有鍋氣！雖然蟹肉不太多，但味道非常足夠。蒜蓉蒸扇貝，肉非常大粒，而且蒸得剛剛好，配上粉絲來吃非常好味。每個套餐也會附送一碟油菜，個人認為少油一點會好些，下一次會落單前提醒。我最愛吃的是芝士龍蝦伊麵，出面有很多餐廳都會有龍蝦伊面，但是現在多數也是上湯的，芝士要加錢。這裏的芝士配上伊面非常好味！而且龍蝦肉也非常多，這個很抵食😍焗鮑魚也是第一次嘗試，多數鮑魚也會是清蒸的，但這個像炸了一般的鮑魚，有驚喜可以嘗試。清蒸海上鮮其實是倉魚，火候剛剛好，肉質也很滑。本身套餐也可以選擇瀨尿蝦的，但店員說套餐包的瀨尿蝦已經賣完，可能與散叫的大細不同。所以我們只有額外再叫。😆椒鹽瀨尿蝦是這裏較為出名的菜式，一隻賴尿蝦可以大到斬開一半來吃，而且用椒鹽來炒非常非常非常好味🤩🤩🤩這個菜式只有這裏才能夠吃到，平時出面吃的賴尿蝦是非常細隻的😂最後來一個紅豆沙作為總結，裏面的材料也不少，非常豐富。…查看更多

得閒嚟西貢行下，除咗海鮮外，其他餐廳都無乜吸引。呢間菜館之前食過個幾次，食品質素OK外，價錢合理無取巧。啖啖肉，呢個真係超抵食我鐘意食蔥，不過呢碟炒蟹落鹽重手咗啲，咸咗啲，啲蟹砌番出嚟都有2隻架！MAMA地，空殼多過肉，而且啲蛽肉又真係太細粒了…超值，原條倉魚，唔似得其他酒樓，2人餐俾得半邊你…隨餐附送飯後糖水變飯後果…個橙砌番出嚟得1個，所以食糖水抵啲，下次要襯早ORDER留定貨真價實，呢個價錢包哂茶介、醬油、加一，真係超GOOD！！…查看更多

是日朋友生日，所以人多可以食多Ｄ款既海鮮，聽聞食套餐會細碟, 所以都係散叫海鮮, 而且佢地服務都幾好, 樓面D姐姐又好識做, 本來只有生果或甜品, 見我地有人生日, 主動話俾生果同埋甜品我地, 都算係咁囉~ 仲免加一添。好喇, 講下D餸先。椒鹽瀨尿蝦　　　(超好味, 炸到好脆, 但佢個椒鹽似七味粉, 都好好味既)椒鹽鮮魷　　　　(一般啦)清蒸青衣　　　　(初初蒸得未夠熟, 樓面話再蒸就唔好食, 所以再淋多次熟油, 都好滑)蒜蓉粉絲蒸扇貝　(蒸耐O左, 粒扇貝好”UN”)油鹽花甲加粉絲　(好味, 粉絲入晒花甲D鮮味, 而花甲亦不會太熟而難食)果皮蒸飽魚　　　(唔覺有果皮香味, 一般)酥炸生蠔　　　　(炸得好乾身, 又唔太多粉醬, 好正)豉椒炒聖子　　　(啖啖肉, 好味)薑蔥炒蟹　　　　(OK~蟹膏頂晒蓋)…查看更多