贊和豆品

點解咁多人排隊?  點解每次都長長人龍?  點解不論陰天/晴天/雨天都仲係有人排隊?每次到荃灣，例必走嚟食街排一排，為乜?  為咗一碗$3既豆腐花囉  雙拼同單豆腐花同價，但我每次例必食白果薏米豆腐花白果同薏米煲得好夠時間, 有咬口但又林林地，豆花有微微豆香，甜度可自己落，落乜?  薑汁糖水/糖水/桂花糖水/紅糖 隨你喜好 !而我每次都係獨姑一味.... 薑汁糖水$3一碗CP值極高 !!!! 食過之後唔會捨得去其他地方食…查看更多

星期四晚上八時半，這條位於荃灣嘅食街，永遠都有見到長長嘅人龍⋯排隊做乜呢？因為⋯這兒有兩間豆腐花店，兩間都有不同長短嘅人龍。朋友住喺荃灣，朋友就推介我食贊和，話比較有豆香同埋滑。3蚊一碗豆腐花！ $3一碗係雙拼價，可以拼紅豆沙/綠豆沙/芝麻糊/薑汁/桂花/薏米白果等等⋯唔好執輸人排我有排真係冇眼花，真係$3一碗！薏米白果豆腐花$3一隻公雞碗裝滿晒豆腐花，再淋殼薏米白果，盛為港幣$3真係平通街！有豆香而滑溜，平靚正！唔怪之得人龍不絕…查看更多

今日行過路德圍見到排曬長龍買贊和豆腐花， 我都排埋一份買咗一碗薏米白果拼豆腐花坐系度食~🤗🤗🤗好好味' 薏米白果濃軟綿綿 豆腐花滑食完買薏米白果拼豆花同芝麻糊拼豆花拎返屋企孝敬兩老🤗🤗…查看更多

天暑時熱行經呢度，見到5蚊有碗凍豆花仲有得加料！即刻排隊要返一碗我要咗薏米白果豆腐花雖然收你5蚊姐，但大大碗，食落好多薏米好多白果，一d都冇欺場仲有3支薑汁，桂花冰糖，冰糖 任你加呢個中途站cp值非常高!…查看更多

微涼細雨的秋天週日，經過荃灣這條為食街，仍然見到兩間豆腐花店熱鬥豆腐花， 正所謂「鷸蚌相爭，食客得利」，我都走過去以行動投一票先。揀呢間全因為「笑容」兩字，食嘢最緊要開心，兩名老闆娘四萬咁口地做生意，未食都感覺到果份香甜。薏米豆白果腐花此類街頭小食都可以算是本港立食始祖，由牛什、燒賣、魚蛋、串燒，返返到今時今日一人拿住一個公雞碗食豆腐花的年代；香港人其實一直都好簡單，大人細路都唔介意齊齊立食。我最感動嘅喺，仍然5蚊碗。薏米白果份量夠，煮得淋又香，平時唔食白果嘅我都全清豆腐花好滑，好好滑甜度適中，淡口味者不需再放糖好甜者，可以加糖粉，糖水，任勻選擇最開心嘅感覺喺大家排隊俾錢，自己拎匙羹，食完自己放入膠筒，被服待慣嘅港女港男港童，啱晒嚟立食一下。 …查看更多

我們剛好行過，見到$5豆腐花，$7芝麻糊，就過去試了下。排了一條長龍，不過$5同$7非常化算，排隊也值了，而且店舖既整作速度也非常快，我地也唔係等得太耐就已經買到。我點了個芝麻糊，她也點了個薏米白果豆腐花，企左係路邊食。我既芝麻糊確實好好食，芝麻味好香，係小時候才食到既芝麻香味，已經好耐未食過了但她食既豆腐花還是不足，只能說很滑同暖，但冇豆味，可以說係冇味。不追求味覺既人士，以$5黎講還算可以吧。…查看更多

今晚同男朋友行街返屋企既時候，經過荃灣路德圍有好多人排隊，原來係買緊5蚊豆腐花！你無睇錯，的確係5蚊😆😆😆原本以為咁便味道麻麻，點知食落真係意想不到好味喔！😋😋😋我order咗薏米白果豆腐花，白果好香，薏米好煙銀，唔會太甜！正呀！👍🏻👍🏻👍🏻男朋友order咗黑芝麻豆腐花，佢都話幾好食，一下子就食哂啦！😃😃😃呢間鋪頭仲有好多種口味，下次可以試下食其他，相信都唔會差得去邊！😌😌😌…查看更多

行行下街見到間豆腐花出面好多人，望真d，原來做緊優惠，全部豆腐花都系五蚊！渣渣臨買返碗凍既薏米白果豆腐花。原本以為五蚊可能質素一般，點知又幾好味。食落有好香煉奶味，d薏米同白果好有咬口。豆腐花唔算太甜膩，一個人好快食曬一碗，都唔覺濟。如果覺得唔夠甜，仲可以自己落黃糖同各種糖漿。我試左落少少桂花糖漿，其實就冇乜桂花味，好淡好淡，我會建議落返黃糖算。個度仲有好多其他味，見到有好多人食芝麻糊豆腐花，下次去試下。…查看更多

與友人在荃灣附近辦點事，之後就在附近找點東西吃。大約半年前來，記得亞玉豆花的人龍遠比贊和的長，不知是否電視台的威力，上過電視的贊和也有了一條旗鼓相當的人龍。大家都是鬥平，$5碗，益食客。雖然是$5，但份量並沒有偷工減料，與外頭吃到的十幾蚊一碗的沒有兩樣。有約莫8款豆腐花可選，一律$5。先試熱的薏米白果，薏米香味和咬口完全蓋過白果。豆腐花豆味不多，但夠滑。之後再試凍芝麻糊。阿姐是用擠醬的樽吱出來的，芝麻糊可想而知不會太稠。芝麻味道算是有的，但並不深刻。不幸是豆腐花也沒有甚麼味道，只靠少許糖水吊味。有點後悔，本想再買另一碗試其他味道，但人龍比之前更長，唯有打消念頭，倒了這碗豆花落肚就算了。浪子撇開不將兩家相鄰的豆腐花比較。單以贊和而言，豆味的確太淡，既沒有香味也沒有味道。但因為豆花做得很滑，為這碗豆花挽回了一些分數。加上以價錢去妥協，這樣的出品已經非常難得。外頭很多店鋪，賣緊十幾廿蚊一碗，硬過啫喱，粉過糊的豆腐花也大有人在。所以綜合價錢、份量和味道，還是可以俾笑面吧。…查看更多