楚撚記大排檔 (馬頭圍道)

好難book位啊！八月底book九月位，全部都係得翻5:30-7:00pm嘅位，全部7:00同8:30時段爆晒，可想而知幾多人食。果然！真係冇令人失望，價錢抵食，野食份量合理，基本上每一樣野都好食。環境乾淨企理，侍應有講有笑，用香港嘅標準，態度可以算得上非常好，絕對會返兜！*西檸煎軟雞 $88雞肉外皮炸到脆卜卜，入面嘅雞腿肉嫩滑，皮下脂肪唔多，唔會過分油膩。檸檬汁酸酸甜甜，炸衣因為檸檬汁半脆半腍，薄薄一層汁包住炸雞肉，西檸雞作為第一道菜非常開胃。香煎黑松露手打蓮藕墨魚餅 $96墨魚餅有七塊，厚肉彈牙，仲有啲爽脆嘅蓮藕粒，黑松露香味唔算濃烈。外表煎到金黃，香口但唔係脆卜卜嘅質感。老干媽青椒炒牛肉 $80辣！老干媽就係辣，辣得嚟又唔會成碟辣油。牛肉塊少少韌有咬口，唔係醃到腍啤啤嘅肉，成塊肉都帶老干媽辣味。成碟最辣係青椒紅椒，由舌頭辣到喉嚨。豆腐杞子鮮腐竹浸時蔬 $78腐竹唔係行滑嫩路線，反而好香黃豆味，娃娃菜煮到軟腍，而且菜本身已經清甜，又吸晒豆乳湯味，碟湯直情可以就咁飲。飛天通菜煲 $78出晒煙嘅通菜煲，有少少辣椒粒，蒜香味非常重，完全冇通菜菜腥味，通菜亦唔會太韌，非常惹味又有鑊氣。麻辣韭菜鴨血煲 $86上枱個煲仲係咕嚕咕嚕滾緊，鴨血係薄片帶厚度，一啖食落去係麻，咬耐左慢慢辣上嚟，重口味嘅香料完全蓋過腥味。韭菜索晒麻辣汁，但實在太韌。鑊氣豉椒炒蜆 $92炒蜆份量完全對得住價錢，新鮮飽滿又大粒，基本上冇乜蜆係冇開，用豉椒炒一定惹味，唔會太辣，洋蔥紅椒青椒除咗有豉椒味，仲帶啲蜆嘅鮮甜味。菠蘿拔絲咕嚕肉 (梅頭) $99用梅頭嘅咕嚕肉冇可能唔好食，外面炸到脆，入面嘅梅頭軟腍又不失咬口，醬汁薄薄地包住每一塊肉，酸甜帶啲果香，青椒菠蘿蜜桃嘅份量都唔會孤寒。避風塘鮮魷 $95成碟都係避風塘炸蒜同埋鮮魷，非常惹味，有細粒辣椒但唔會過辣，撈飯一流。魷魚熟度啱啱好，可惜切到唔夠厚，差咗咬啖啖厚肉嘅快感。附送蕃薯糖水熱糖水係蕃薯糖水，凍糖水係清保涼。蕃薯糖水有三至四塊蕃薯，入面煮到軟腍，但外層有少少硬纖維，削得唔夠深，糖水偏甜，薑味亦唔重，似小朋友口味。…查看更多

-{黃店💛土瓜灣大排檔🫖}依間大排檔勁出名 唔book枱嘅話起碼要半個鐘🥲我地提前左1個月book😌🤤楚撚原隻脆皮炸豬手🤤 ($135)脆皮好脆😍😆軟骨同肉好分明 但3樣一齊食好夾😜鐘意點芥末醬會襯啲🤣👖褲評: 8/10🤤蜜椒薯仔牛柳粒🤤 ($98)個薯仔係沾滿蜜糖汁不過有啲淋同細粒 牛柳粒反而好有驚喜 冇用鬆肉粉同埋好有牛味😉不過整體細份咗啲🥺👖褲評: 6/10🤤酥炸黑松露牛丸🤤 ($95)一碟有八粒 牛丸係幾彈但牛味唔夠 黑松露味更加唔得😢朋友話有啲似蘑菇汁😂👖褲評: 4/10🤤飛天通菜煲🤤 ($72)菜正常發揮 炒得幾香口😉份量亦足夠😚👖褲評: 7/10🤤西檸煎軟雞🤤 ($85)呢個反而有驚喜 個雞嘅肉好嫩滑 而且啲汁少少酸酸甜甜幾好味😜👖褲評: 7.8/10🤤椒鹽鮮魷🤤 ($92)個炸粉夠趣面頭淋咗好多炸蓉😙識落魷魚好香脆 好惹味 不過都係細碟咗啲🥺👖褲評: 7.3/10當日申請藍妹啤酒會員有得送兩大支藍妹🤣晚飯仲有糖水送幾抵食😎但菜式有啲參差😌最推介係個豬手🙌遲啲有機會介紹我最鍾意嘅大排檔/打冷🥰性價比: 8/10服務: 8.3/10環境: 8/10…查看更多

做冬叫楚撚記，預左要等耐dd，最後差不多1個鐘送到。 沙拉骨-味道濃郁，調得幾好食，份量都唔少，但有幾舊近骨位未熟透燕麥金沙蝦球-佢2個炸野個盒都剪左個洞，等佢地唔好焗到淋晒，不過可能都唔係即食既關係，黎到都係淋左。 但個味係好食既，蝦夠爽口，感蛋黃汁好惹味，配埋d燕麥個口感好正。個炸豆腐其實唔係我地叫，應該係執錯左，新鮮炸起應該好好食，皮好薄糯米飯-多臘味，飯夠煙韌，都幾大碗豬油撈飯-豉油同豬油另上，自己撈，邪惡又滿足最後仲送左蕃薯糖水，薑味濃，蕃薯大大舊又夠淋，唔會過甜，食完飯整番碗真係好滿足。下次真係要去堂食，應該再好食好多。…查看更多

店舖位於土瓜灣一大街和小巷之間的轉角位，雖比大街的店舖隱蔽但亦不至於令人留意唔到它的存在。每次經過見到佢大大個霸氣店名同埋post出來的新式餸菜相都好想試，呢晚終於搵齊屋企人一齊過來食晚飯~雖說位置有少少隱閉，但來到的時候已見輪候人群，睇來口碑應該唔錯。店面唔大，不過來的人都唔少餐廳裝潢行懷舊大排檔風我地一行五人，家母以為小菜份量唔會多，一開始就叫左成堆餸，而事實係其實佢地小菜的量都好足好抵食，我地係叫多左😑可能因為人多，一開始上菜速度有點慢（以小菜餐廳而言），等左一段時間至上第一道餸：楚撚記小炒王$60之前食過的小炒王多以蝦乾或魷魚乾為主，略嫌有些難咬。楚撚記則較多用白飯魚仔，夠鹹香又脆口，另外亦加添肉乾同炒。雖則家母覺得偏鹹，但我地其他人覺得正是佐飯好餸菜～鮑粒海皇福建炒飯$68雖則淋左汁但飯粒仍然分明。只係本人本身唔特別偏愛福建炒飯，所以沒有很深刻。楚撚記原隻脆皮炸豬手$94好多肉，皮脆肉嫩🤤香煎黑松露蓮藕墨魚餅 $78是日最推介特色小菜。見到呢道自創菜式覺得幾得意就叫啦，外面煎得金黃，店家重插埋牌提醒食客呢道餸要即食。墨魚餅豐腴彈牙，黑松露、蓮藕同墨魚比例恰到好處，好有咬口，正蝦醬骨 $68用的應該係豬扒，本身重以為會用排骨🙈比起一般坊間蝦醬菜式，個人覺得呢道餸的蝦醬香算好足，味道都好夠蒜茸炒時蔬 $52我地揀左炒芥蘭，蒜茸都落得夠家鄉三絲炒米粉 $68麵質乾身唔油其實佢地的餸菜份量好足，重要叫左兩碗白飯，所以其實已經食得好飽，五個人咁叫係嗌多左🙈最後都剩少少食唔哂要打包～雖然好飽，但原來重有後續。店家為食客煮左蕃薯糖水作為甜品。糖水唔會太甜，但薑味偏重（不過我妹就鍾意佢薑味重）。不過有呢個心思都係有誠意值得一讚👍🏻我覺得楚撚記比起一般街坊小菜餐廳來得有心思，在其創新菜式方面可見一斑，而且份量又足。其實佢地重有其他出面無的新款菜式我地未試過，下次一定要再來食🤤！…查看更多

住係土瓜灣 成日都同屋企人落街食飯 小炒店居多 今天見到內街有間睇落好新淨嘅小炒店 就決定試下 店內裝修係懷舊風 差唔多八點到店內都已經坐滿 人流好旺首先嚟左個小炒王 入面有韮菜 大蝦 蝦乾 魷魚 花生 魚乾 好夠味 餸飯一流👍🏻原隻炸豬手 呢到嘅招牌 侍應話每日只係賣大約20份 好矜貴😂 一嚟到 見到份量咁多 只係$94真係好抵！豬手皮脆 肉熟度剛剛好 有口感😊福建炒飯好大兜 上面嘅料都好足 有好多鮑粒 有炒飯香 唔錯！呢個黑松露蓮藕墨魚餅算係幾有創意嘅一味 應該係因為間鋪都係年青人創業 有香黑松露味 但唔會感覺太漏 而且咬落好full嘅墨魚肉同蓮藕 口感又爽又有咬口 係我全晚最愛👍🏻蒜香炒芥蘭 蒜香味夠 香口好食！三線炒米粉 我覺得冇出面食嘅咁油 有埋芝麻就更香口😊蝦醬骨 食落有蝦醬味 但唔算好重 唔會太heavy 炸得好香脆 肉質都肥瘦分明👍🏻最後仲送蕃薯糖水 好大陣薑味 我最鍾意 清甜又解膩🤗整體嚟講係幾有特色嘅小炒店 份量都好多 食物質素亦高 價錢合理 cp值高 會再encore!…查看更多

記得以前細個住東區嗰陣，爸爸都會帶我同家姐去柴灣嘅大排檔食嘢，雖然記憶好模糊，間大排檔都已經無咗，但仲記得好多嘢都係好好味，而且第一次感受到咩叫鑊氣。到依家大嗰咗，呢個年代真係少左好多大牌檔，樣樣都講監管、講規矩、講牌照，好多大排檔唔好彩就執笠，好彩就由街邊檔搬咗上舖。上左舖嘅大排檔，因為競爭大咗，都好似餐廳咁要講究環境、食物特色、服務質素……就到父親節，都想帶爸爸去搵間有質素既大排檔去食，咁咪上網搵下資料又聽下人講，就發現左呢間新新哋嘅大排檔：楚撚記。 為咗確保當日一家人都滿意，所以我就約咗個舊同事去Gathering順便又睇下間嘢咩料啦。其實我唔係好熟土瓜灣啲路，不過間嘢係大馬路，用google搵左坐邊架巴士，落左車行一陣就到，都好易搵。環境方面，裝修都幾搞笑幾有特色，整咗好多個牌寫住有啲咩食，而且仲有好多懷舊海布介紹自己啲撚手小菜。雖然舖仔細細，不過都坐得舒服，無排到好密好壓迫咁，侍應都好細心，仲主動俾張凳我放嘢。聽講佢哋除左一般大排檔嘢食之外，仲有啲創新食物。我最鍾意試呢啲新派嘢，所以叫咗幾樣嚟試試。叫咗個黃金蛋黃炸魚皮，梗係同平時街邊買一包一包嗰啲唔同。咸蛋黃無同魚皮分離，魚皮都係新鮮炸，咬落好有質感，有番一定厚度但仲出奇地脆。呢個唔錯，幾特別。跟住仲叫咗個酥炸黑松露菌醬芝心乒乓球牛丸。可唔可以簡化吓個名……哈哈……有張紙話要小心，真心驚佢咬落去係口入面爆開，所以食個陣都好少心慢慢咬開。牛丸本身幾香，有少少黑椒味，牛味都夠，入面個醬好香，呢個好味。另外仲叫咗個香麻辣子炒羊腩。呢個就最好食，通常羊腩都係冬天食羊腩煲，辣炒好似平時比較少見，之前去沙田圍某間出名飯店食啲羊腩好鞋口，今次呢度就好滑，有少少肥肉住，都可以接受，食落好香，唔會太羶 （不過就算羶我都ok 哈哈）。健康飲食一定要食菜，但無理求其叫個炒菜咖？所以我地揀左飛天通菜煲。我以為佢會乾身啲，原來都有啲汁，可能係啲菜出左水掛。用左大隻蝦干炒，所以好有蝦既香味。因為想要番少少碳水化合物，本來想叫豬油撈飯咖，不過又驚自己食得太油會胃痛，所以就叫咗個豬潤蒸排骨配陳村粉底。啲陳村炒索咗排骨同豬潤嘅汁，所以個粉最好食，質感幾好，咬落軟硬適中。最後原來仲會送糖水。蕃薯糖水好夠薑味。不過小弟就唔多喜好，我都係鍾意水果類嘅糖水多啲。去到埋單，叫咗咁多，以為都貴啦，原來都只係三百六十幾蚊，咁又幾抵食喎……美中不足嘅係呢度未有酒牌，所以無得飲酒。快啲搞好個酒牌啦，去大排檔唔飲番支啤酒，好難同爸爸交代咖………查看更多