樓下冰室 (已結業)

今日又來食樓下冰室啦！一排無食有D掛住個招牌 叉燒滑蛋飯大大舊叉燒加上即整滑蛋再淋上秘製豉油汁，超級大碟飯一個普通女仔一定食唔曬！撈埋一齊食隻越食越想食！不過都係食唔曬另外介紹如果唔係好肚餓既選擇蕃茄濃湯通粉其實都好大碗！！仲可以加餸，睇你係想要直接加入通粉煮既配料定另外炸既配料都有，加埋又係勁大份食得曬先好加啦！少少酸既蕃茄湯好開胃，其實淨係通粉份量都唔少食曬成碗都已經好飽！！再加上一杯 菠蘿冰🍍用新鮮菠蘿肉整成，冰涼感覺最岩夏天啦…查看更多

晏晝2點有多係荃灣放lunch, 特登老遠去到呢間"樓下冰室"食嘢。位置好闊落，裝潢帶點懷舊感覺。冰室嘅推介，款款都好吸引，睇到都流晒口水我點左：番茄濃湯通粉配瑞士雞髀($48)蕃茄濃湯通粉個湯底堅濃，熱辣辣勁正！又唔會好鹹或者重味精，加上佢通粉軟硬適中好爽口！湯底仲要係越食越濃嗰隻，無誇張..因為佢D蕃茄溶左落湯會再"傑"左..jesus..我成個湯飲晒！！至於牛奶滑蛋，第一佢mass夠, 其次真係好香，有少少生生地，更加滑溜溜咁！！瑞士雞髀（跟餐）好夠份量，雞髀皮同肉都好嫩，仲有佢嘅豉油汁同出邊嘅有少少唔同，我覺得好似甜啲同埋有少少甘甘地。平時食開嘅茶餐都$4X，食完仲要唔係特別飽，呢到成個餐通粉加雞髀先$48，勁夠食，好滿意。另外加左杯綠椰冰（跟餐加$11)本應唔知咩嚟，但係飲完覺得值得一試。佢其實係杯類似紅豆冰嘅嘢，但係其實係綠豆+椰漿，味道方面冇紅豆冰咁甜，但綠豆味都好香，夏天黎講係幾清新嘅！！本應同店員講要少甜，但係佢哋話全部都係椰漿，冇得少甜，由此可見應該冇額外落糖水，like！飲飽食醉呀真係，個日食完lunch出job, 係巴士訓得好甜wahahah 一定有下次…查看更多

男朋友雖然成日陪我食西餐食日本菜，但我都明白男人的浪漫係茶餐廳，今日準時收工就去荃灣接佢放工，陪佢食佢推薦ge茶餐! 來到餐廳大約7點左右，晚飯時間餐廳差唔多滿座，好彩岩岩趕得切入到最後一個空置ge二人卡位。一入到來望到Ｄ裝修好懷舊，唔係殘舊果種，而係睇得出店主想做出仿舊的感覺，黃色牆壁和掛畫都有八十至九十年代的色彩，我好像覺得曾經在當年的電影看過的熟悉感。大概，這就是男生喜歡的浪漫吧。第一次食當然要試招牌菜－－蕃茄濃湯通粉配牛乳炒蛋，另外加了一塊吉列魚柳。蕃茄湯底濃郁，但不會很酸，味道偏鮮甜，絕對不是罐頭蕃茄湯味，我覺得湯的調味做得很好。而牛乳炒蛋一如所料的非常香滑，吉列魚柳炸得香脆，魚肉也嫩滑。看似很普通的茶餐，但這麼簡單的菜式，卻可以做到讓客人覺得好吃，才是高手呢。男朋友點的另一個招牌菜－－瑞士汁雞脾，另配沙律及蒜蓉包。我吃了一口就明白為什麼會是招牌菜了，雞脾肉質鮮美，瑞士汁帶有濃濃的香草味，大概是獨家秘方，非常惹味。蒜蓉包也烤得鬆軟，難得的是沙律也沒有交行貨，薯仔蘋果沙律感覺很新鮮。另外點了芝士焗西蘭花。一碟西蘭花淋上滿滿的芝士，份量足料，很好吃也很飽肚的。飲品方面，我們點了紅豆冰和菠蘿冰，看外表就充滿懷舊風味。另外就是飲品非常足料！我們一邊喝一邊覺得很驚訝，一直吃著紅豆和菠蘿，都好像吃不完似的，喝完飲品覺得超飽！值得一提的是，餐廳雖然人多，但侍應服務態度仍然很好。下單很快就有人過來招呼；因為二人枱較小，而我們點的東西又多，侍應都會幫我們盡量擺好，而且吃完以後很快幫我們收碟，服務很貼心呢。普通茶餐廳的價錢，不普通的食物和服務，怪不得男朋友常常來吃午餐呢。以後也許會多來接他放工…查看更多

每次lunch time 經過樓下冰室都好多人，今次我記晏少少去啦！星期四下午兩點去到，lunch人潮依然未退，但好彩搵到位聽聞呢度最出名係雞脾同蕃茄通，我緊係點黎試下啦！瑞士雞脾Size幾大隻！ 一見到佢嘅色,同埋有點骨肉分離嘅狀態，就知佢鹵嘅時候好夠。果然無令我失望！ 皮固然係入口即溶，雞脾肉亦夠嫩滑同入味真係忍唔住用手拎起隻脾，大啖大啖咁食先夠爽！蕃茄濃湯通粉，再加$8牛肉意想不到嘅係牛肉都幾多，肉質算唔錯蕃茄通真係名不虛傳！！！勁足蕃茄，係食到好多蕃茄肉，湯係好濃而無「假」或味精嘅感覺！牛乳炒蛋好滑！ 如果鐘意蕃茄湯底嘅人真係唔會失望！吉列豬扒、厚切牛乳蛋治拼粟米沙律成碟有張枱咁闊，個蛋治勁厚身，朋友食完已經覺得6成飽 沙律有好多菠蘿同粟米吉列豬扒炸得很脆，皮薄唔乾身點左杯招牌飲品綠椰冰原來係綠豆加椰汁，差唔多有1/3至1/2綠豆蓉，椰香味濃。咸檸7欣賞嘅係一罐7喜自己慢慢加，但咸味唔夠，變左檸7...呢間冰室人流旺，但食物質素不減，係真心好食嘅平價美食！！…查看更多

荃灣真係幾多好野食，同元朗一樣，緊係要踏下場啦!起網上搵左間食落唔會太有負擔既食店，慰藉下想食好東西的肚子!!!成日都話自己唔想食得太有負擔，是因為覺得食物係要好吃才擺入口，最近既經驗都覺得好食的往往是小食!!正好就起網上見到個瑞士雞脾非常吸引了!廚師會將瑞士汁加入碟上，令食到沒有瑞士覆蓋的部分也可以點個瑞士汁再入肚!顏色係好深，以為會好咸，但係瑞士汁係取色，甜甜的瑞士汁咁深入肉質!食客往往都會怕隻雞脾擺左入去瑞士汁入面煲會令到個肉質更為粗糙!反而呢個又無，大概佢地烹調都會有一定的時間控制，上次食元朗既WHATEVER個陣就見佢地用個錶去計時!蕃茄超濃，每一下都盛著蕃茄肉，真的落左本用好多蕃茄煮成的!廚師同餐廳都好用心咁維持仍地招牌菜的聲威，見到之前無數個食評都對此有讚無彈就知啦!蕃茄湯都比左好多我，好滿的一碗，其實食食下都好似飲湯!! 實在太甜啦!咁多新鮮蕃茄!個蛋係加左牛奶煎架! 其實好明顯分別得出，因為軟滑度有好多大的分別!平時起茶餐廳都只係用牛油炒滑蛋，其實食到牛油的脂肪味架!而落牛奶就唔會有那個油膩感!…查看更多

其實，一間餐廳的菜單款式不需要特別多；太多，反而難以兼顧，難以把食物做好。這間茶記的選擇種類恰到好處，食物質素佳，自然吸引顧客。近日主要是沿地鐵的「紅色線」搵食！平日晚上8時半，和男友光顧餐廳，仍有不少人呢！我是穩陣派，只會叫店舖的招牌！就是番茄濃湯通粉（配牛乳炒蛋） ，配瑞士雞髀。男友堅持想食咖喱（明明大家都推介蕃茄類的食物）不過，這兩個餐也沒有令我們失望！番茄濃湯通粉（唔好意思，掛住食唔記得影）好熱！是燙口的熱！不知為何，吃到熱辣辣的食物，總會對餐廳特別有好感呢！欣賞番茄湯底不是一味死鹹， 酸甜度剛剛好。湯底好thick ,好好飲！牛乳炒蛋，真的不得了！牛奶味香濃，非常幼滑，拍得上澳牛呢！瑞士汁雞脾（掙扎左好耐，食雞髀定雞翼好）不過想啖啖肉，就一於食雞髀啦！雞髀厚身，內裡嫩滑。瑞士汁甜甜濃濃的，好滿足呢！至於金牌咖喱牛腩飯，是令人驚喜之作！咖喱汁比較稠身，因為有許多香料的關係，帶點起沙。椰汁味不算重，微辣。又幾好味（係咁偷吃男友的份）牛腩分量好多，肉質不會韌。$48真係好抵！（唯獨配菜不夠新鮮，有待改善）綠椰冰？又幾特別個人不太好紅豆冰，因為不太喜歡紅豆有渣、起沙的感覺。這次換上了綿綿的綠豆蓉， 感覺很清新呢！本來，還想食完飯去食糖水，但最後還是捧着肚子走，吃不了喇！雖然餐廳選擇不及一般茶記多，但就是貴精不貴多，才能維持一貫水準吧！…查看更多

裝修好靚 似懷舊茶餐廳咁格局但坐位係大梳化 坐得好舒服懷舊餐牌好得意 見到佢咁得意 就叫左必吃同必試食雞脾好快就試木臺十分巨型 有成部iPhone 6 咁大雖然雞肉唔算好滑 不過食得到師傅有收汁收左汁之後味道更香濃每一啖雞肉都充滿滷水既香味好鐘意食依個蕃茄通粉餐廳標榜冇味精我食既時候都食得出鮮蕃茄味比一般茶餐廳既蕃薯粉更有誠意 蕃茄味道香濃 加埋滑滑既牛肉同滑蛋 真係好正餐飲 話梅柑桔檸檬蜜好fresh 飲一飲洗走哂滷水味…查看更多

今日同媽咪去左荃灣新之城行街，街到3點肚餓就去左附近路德圍食野休息下，果頭好多野食，之後我地揀左「樓下冰室」，今日熱熱地食下蕃茄野開開胃～呢間餐廳有幾個侍應，唔會唔夠人手招呼你，環境唔錯，乾淨～坐位都舒服！打開menu就叫左幾款野食share一齊食！…查看更多

天氣太冷了!!在荃灣shopping未夠 7:00pm已經肚餓，2個人去路德圍附近看看有什麼好吃。路德圍一帶有很多小店，中、西、日、泰、韓什麼都有，我們選了間港式茶餐廳。餐廳環境闊落，刻意營造舊式茶餐廳氣氛。這裡有中、西式的飯/意粉，常餐的配搭亦很多。招牌菜是瑞士雞翼，蕃茄湯通粉等，全都是我們喜愛的。我跟朋友點了蕃茄濃湯通粉 + 瑞士雞翼 $46 及 豬骨濃湯通粉 + 厚切牛乳炒蛋治 $46。厚切蛋治先到，蛋起碼有2cm厚而且奶味濃，若煎的時間短一點效果更好。麵包鬆軟，份量多，每人吃1件已覺飽肚。再試瑞士雞翼，瑞士汁味道剛剛好，不會太甜或太鹹。雞翼入味炆得軟腍，肉質仍保持彈性，好味!朋友大愛蕃茄濃湯通粉，蕃茄湯味濃郁不會太假，裡面有新鮮蕃茄粒，跟內裡的炒蛋同吃像〝蕃茄炒蛋〞，朋友說有家的感覺。Haha~豬骨濃湯通粉跟街外的有點不同，豬骨湯不會太油膩，奶味很重，裡面還有薑絲可以祛寒。通粉厚身細細粒，平時放得久會發漲變腍。但這裡並沒有此情況發生。豬骨湯奶味重，通粉也變得滑滑的。飲品方面點了菜蜜及自製羅漢果茶，羅漢果味道清甜，夠滋潤。…查看更多