發記海鮮酒家

今日係我的大日子，雖然是中午飲宴，但都真係忙到無乜點食嘢，所以老公話今晚要帶我食好嘢慶祝。佢知我鍾意食海鮮，竟帶我入布袋澳，是我第一次嚟！地方好大，坐在窗邊位仲可望住嗰靚景食，正！先去海鮮檔即揀即製，全部都好生猛新鮮，全部由我話事，要蟶子、扇貝和斑，好期待!豉椒炒蟶子（$220）腸粉底（+$30）好有新意。蟶子大大隻，又爽又鮮；腸粉滑嘟嘟，炒好夠鑊氣，香辣惹味，正！蒜蓉粉絲蒸扇貝（$70/隻）熱辣辣上枱，好有蒜香。隻隻都重量級，肉厚肥大，爽彈嫩口非常鮮甜，還有充滿蒜蓉香嘅粉絲，入晒味，好正！玫瑰斑($264) 即點即蒸，新鮮熱辣。大小中等，好有肉，魚肉一片片，蒸得合時，白滑鮮味，淋啲豉油，伴些薑絲蔥花更好味！椒絲腐乳炒通菜 ($58 ) 好有鑊氣，翠綠爽嫩，還加入紅椒絲和腐乳，味道鹹香，不錯！海鮮湯（$68）係豆腐白菜魚湯，熱度十足，呈奶白色，有些胡椒香。泰國椰青 ($45) 冰涼透心，味道香甜，正！…查看更多

每年大時大節同屋企人生日都會去發記食海鮮~雖然位置比較偏、但佢上菜快、而且好食又抵食。例牌必嗌白灼蝦、鮮甜、新鮮、但海鮮始終好睇彩數、今次食嗰啲都偏細隻、大隻會再好食啲椒鹽鮮魷鬆脆！自己响屋企一定唔會炸、同炸唔到呢個效果。大推！蒜蓉扇貝、蒜蓉蟶子、蒸到剛剛好~ 剛剛好就係、扇貝好容易就挑到出嚟、唔會黐實個殼、聖子唔會過韌、然後粉絲同蒜蓉都好香好好食。好鍾意佢畀蒜蓉從不手軟上湯龍蝦鮮美！好多肉呀又係煮到剛剛好！好甜！師傅好野！希望一直keep到個品質~去食飯已經變成我嘅家庭活動。會繼續支持…查看更多

週末走到布袋澳逛逛，嚟到梗係要食海鮮啦，今次都係去發記海鮮酒家👍🏻今日舖頭人唔多，我哋揀咗靠窗嘅位置，之後走到餐廳門口嘅魚缸揀海鮮👀，🐟🦞🦐🦀🦑🐙好多海鲜款式👍🏻我哋叫咗芝士上湯焗龍蝦🦞伊麵底、蒜蓉粉絲蒸貴妃蚌、蒜蓉粉絲蒸扇貝、豉椒炒蜆、腐乳炒通菜同煲魚湯😋其實款款海鮮都好新鮮，煮得好味👍🏻。今次唯獨是個魚🐟湯比白菜嘅味道蓋過魚嘅鮮味😅，略嫌清淡咗d，有d失望😥不過喜歡食海鮮嘅我，真係大滿足😋👍🏻…查看更多

聽人講布袋澳食海鮮比其他地方平靚正，可能係交通唔方便，但既然一家人郊遊完就順便落去試一試附近風景真係好靚好寧靜一個古色古鄉既漁村行到尾見到兩間店鋪，見呢間門囗貼左好多明星相，就俾佢吸引左入到去見到有散叫或一圍圍套餐:)雖然套餐底食好多，但分量太多食唔晒，所以選左散叫，行去海鮮區睇吓有乜海鮮選我地選左海蝦、鮑魚、扇貝、東風螺、海魚、鹽水雞、豉油皇炒麵、發記炒飯、西蘭花。白灼海蝦:大細適中,鮮甜彈牙豉油皇炒麵:麵幼炒得乾身夠鑊氣發記炒飯:需然唔係好大碟,但好足料乾身味美鹽水雞:皮滑肉嫩,鹹度適中蒜蓉西蘭花:大細適中,一啖一嚿,美味爽口蒜蓉粉絲蒸扇貝:好多蒜蓉和粉絲,粉絲好軟硬適中,索左蒜蓉、熟油和扇貝既鮮甜味好正,扇貝新鮮彈牙清蒸海魚:唔知係乜嘢海魚,但蒸得唔老,魚肉嫰滑,有鮮味清蒸鲍魚:果皮既清香和豉油熟油加埋一齊,提升左鮑魚既鮮味,而且咬落唔靱白灼東風螺:美味鮮甜、彈牙爽口美中不足,就係太細粒,輸左口感今次真係大快耳朵,都係用左而且比其他地方平,新鮮好味,下次多d人就可以叫套餐,同試多d嘢…查看更多

想黎布袋澳試海鮮好耐架喇 ﹗坊間傳文依度既海鮮比西貢市更平更靚更抵，一定要黎睇睇啦 ﹗一直以為布袋澳係西貢市附近，原來要係大坑上山再去郊區再到海邊架 ﹗終於黎到布袋澳，第一次黎完全唔識路，原來要穿過布袋澳村，走到海邊就係食肆喇 ﹗見到只有兩三間海鮮檔，我上網睇過最多好評既係發記，所以一早訂左位喇。我地一行五人決定唔食套餐，散叫既選擇空間較大，先到海鮮檔睇吓有咩好野先 ﹗叔叔們都好殷勤友善地講解同推介，仲幫我地計埋份量，怕叫得太多食唔晒就會浪費，唔該晒呀 ﹗依度既海鮮種類非常多，食得更開心 ﹗食肆建係水上面，不過已用鋼筋水泥釘實，但我梗係覺得飄飄地，朋友仔話我因為剛落船所以仲飄緊囉。望望個 menu，依度主打海鮮，所以其他小菜、小食、蔬菜都較少。而且佢地十點就 last call 架喇，要早啲到呀 ﹗豉椒炒蟶子皇，成日都係食蒜蓉粉絲好鬼悶，又已經叫左蒜蓉粉絲扇貝，今次想食得惹味一點，豉椒炒啦 ﹗我好怕煮蟶子煮得過火，會搞到又乾又鞋囉。蟶子黎到喇 ﹗嘩 ﹗非常滿意 ﹗鑊氣十足，而且蟶子剛剛熟，好大隻 ﹗鮮甜嫩滑又多汁 ﹗加上豉椒炒就更香口添 ﹗椒鹽瀨尿蝦皇，賣剩最後一碟喇 ﹗我地九點幾先到，差少少就賣晒，好采仲趕到。游水瀨尿蝦皇肉彈汁多，炒得香口，得幾條五個人分梗係唔夠喉啦 ﹗好味呀 ﹗蒜蓉炒油麥菜，成枱都係肉，叫兩個青菜平衡返先。菜夠鮮爽甜美，夠鑊氣，好食好食 ﹗如果個芡薄返少少就更好。蒜蓉炒西蘭花，腍左少少，都爽爽地既，但如果再脆返少少就更好味喇 ﹗清甜 ﹗蒜蓉粉絲蒸扇貝，毫不吝嗇蒜蓉，勁多呀 ﹗超香囉 ﹗熱騰騰連蔥連蒜連粉絲一齊啪入口 ﹗肉汁豐富、質感棉滑、味道鮮甜，真係好正啊 ﹗高質數 ﹗試過某食店，扇貝個心仲係凍架，粉絲又係凍架，蒜蓉得一篤仔，陰功。蒜蓉開邊海蝦，又係蒜蓉，哈哈哈 ﹗早知白灼算啦 ﹗味道不過不失，肉質保持爽口彈牙，未算過火，合格。蒜蓉蔥花蝦汁好鬼香呀，如果撈飯食一定好正 ﹗蛋白蒸奄仔蟹，必食招牌菜 ﹗我黎依度都係為左佢乍 ﹗五個人三隻蟹，我唔客氣喇 ﹗客氣生疏食少好多架 ﹗搶個蟹蓋食先，爆膏呀 ﹗蟹膏甘香軟棉，我仲想食多個蟹蓋啊 ﹗蛋白吸收晒所有蟹汁，黃油已經完全覆蓋整碟蛋白，極濃蟹味，聞到都颷晒口水，正 ﹗雖然蟹仔細細，但蟹肉都非常彈牙又鮮甜呢 ﹗椒鹽魷魚鬚，嘩 ﹗好硬喎個殼，層炸粉厚到好似殼一樣 ﹗剝左層殼食係唔錯既，鮮魷夠爽彈。叔叔話 last call 喇，最後機會，廚房大佬要收工 ﹗我地怕唔夠食，所以加多個魷魚鬚囉，點知到最後都係食唔晒 ﹗好飽喇 ﹗海鮮湯，完全見唔到海鮮既海鮮湯，只見到大量白菜仔，仲有魚肉碎同埋魚骨碎囉 ﹗無咩味道，又淡又水。只有魚腥味同菜味，依個滾湯不飲也吧。 不推介，算罷。基本上我每餐都要飲湯架 ﹗無論中餐、西餐、日、泰、意、法、等等，我都會叫碗湯飲架。豉椒炒蟶子皇、椒鹽瀨尿蝦皇、蒜蓉炒油麥菜、蒜蓉炒西蘭花、蒜蓉粉絲蒸扇貝、蒜蓉開邊海蝦、蛋白蒸奄仔蟹、椒鹽魷魚鬚、海鮮湯，再加唔知幾多支大藍妺 ﹗五個人食得勁高興勁滿足 ﹗咁豐富既海鮮餐每日都只係四百幾，Good ﹗除左最後兩樣外，碟碟味道都幾滿意，可以再黎幫襯 ﹗我地坐正係海邊，如果朝早的話風景會更好。飯店旁既海邊小徑，太黑咩都睇唔到。食飽飽，埋完單，再行出外面影多張團體照先，但太黑影唔到風景啦。差不多十一點喇，原路行返出去村口 call 的士。Call 左幾個八折的都無的士係黎接我地呀 ﹗最後都要 call 返環保的士大台先有架綠的係大坑上黎接我地，陰功。…查看更多

香港吃海鮮的地方其實很多，不一定要到西貢或鯉魚門。除了一向喜愛的金九記之外，布袋澳的發記也是一個可以一遊的地方，價錢又比西貢便宜一點，一試又何妨。只是發記水準有時不太穩定，而且交通也真的不太方便，沒有駕車的朋友真的要有莫大的動力才有興趣一遊。這天剛好朋友駕車，一行數人一起去「嚐鮮」。布袋澳位於西貢附近，地理位置比較偏僻，交通不方便，因此造就它優靜的環境（晩上例外）。駕車到了以後，發現很多人，根本沒有地方泊車。因此和其他人一樣，將車交給專門泊車的檔口。蒜蓉粉絲蒸扇貝不知道甚麼時候開始蒜蓉和扇貝已成一對。沒有蒜蓉的蒸扇貝，清甜有餘卻總是若有所失，少了一份韻味。發記這碟蒜蓉蒸扇貝，非常清甜，扇貝飽滿有肉，蒜蓉不會太乾身，也沒有那些新蒜的辛辣味，蒸的時間也剛剛好，粉絲吸收了扇貝的鮮味，帶著濃郁的蒜香，令人垂涎欲滴，不錯。清蒸青斑（應該是青斑吧？忙著吃，忘了）這條斑肉質細嫩，味道鮮美，只是略嫌不夠爽口。蒸的時間掌握得剛剛好，偌大的一條斑，不容易。加上蒸魚醬油，鮮味十足，「撈」飯吃一流！蛋白蒸蟹是日蟹非常新鮮，蟹肉結實清甜，蒸的時間剛剛好，蛋白不會顯得太老。蟹水混著蛋白，連帶蛋白也滲出蟹的鮮味，「撈」飯很美味，不錯！如果蟹可以再肥美一些，味道會更好！龍蝦伊麵龍蝦肉質「實淨」，味道不錯。只是伊麵麵身比較硬，沒有充份的時間吸收龍蝦的汁，失色了一點。是晚整體而言，水準還算不錯。…查看更多