毫無分串陀地串燒酒場

銅鑼灣太多美食啦，呢間串燒店bookmark咗好耐，呢晚終於嚟食啦😎 串燒店喺世貿中心對面，好啱行完街去食飯 。維他奶芝士系列呢個係餐廳獨有嘅招牌菜，用維他奶同芝士整成醬，味道都幾特別，而且芝士有超勁嘅拉絲效果，真係望到都覺得好正🧀 今次試咗呢個系列嘅幾款串燒，最鍾意都係芝士年糕嘅配搭，外層同埋裏面嘅芝士係兩種不同嘅味道👅♦️維他奶芝士免治雞肉條♦️維他奶芝士翠玉瓜♦️維他奶芝士獅子狗♦️維他奶芝士豆卜♦️維他奶芝士小甜薯♦️維他奶芝士芝士年糕惹味辣雞腎幾爽口，調味帶少少香辣🐥鹽燒牛舌心幾推介呢個牛舌心，入口軟腍又Juicy⭐️老銅牛叉燒第一次食用牛整嘅叉燒，比起豬叉燒有咬口，但食落口唔會好韌🐮蒜蓉燒蠔有三款口味可以選擇，我哋揀咗最Classic嘅蒜蓉味，蠔肉肥美🦪和牛炒飯炒得夠乾身，炒到粒粒分明，入面仲有啲和牛碎🍚 唔L同沙嗲牛麵個名令到我好好奇究竟呢度嘅沙嗲牛麵會有幾特別，牛肉冇過分醃製，每一片都食到肉嘅紋理😗 另外個沙嗲非常香花生味。飲品♦️維他奶奶凍紅豆冰紅豆煲得好腍，唔用椰奶，用上維他奶都幾好味🤤♦️維他奶奶凍黑芝麻冰黑芝麻味道濃郁，配埋用維他奶製成嘅奶凍，可以增加口感。呢間港式串燒店好有特色，好鍾意呢種fusion嘅新派感覺 。餐廳仲有唔少霓虹燈、小巴牌同麻雀嘅裝飾，將香港最標誌性嘅嘢放晒出嚟，邊食邊打卡就啱晒📸…查看更多

🎞️近排興食串燒，見各區都開了不少串燒店，熊妹都幾鐘意架，可以同朋友們把酒談歡，飲酒作樂的好地方。📌聽講銅鑼灣開左間串燒店《毫無分串》裝潢好地道，富有香港懷舊風味，一於等埋富妹放工，同佢去探店一下。📌地理位置就係銅鑼灣世貿中心對面，地方好容易搵。📌店舖唔算好大，但係裝潢確實令人眼前一亮。用上霓虹光管砌成嘅字句非常親民，「活在當下」、「不醉無歸」都係年青一代常見的口頭禪。📌有一個角落掛上好多麻雀牌🀄️，砌成一幅麻雀牌牆，好似去左麻雀館咁，富有香港人昔日生活的味道。📌非常特別嘅係，推出了一套維他奶奶醬系列的產品，有六款串燒，兩款流心芝士同埋兩款奶凍特飲，全部都想試哂去。維他奶奶醬系列維他奶從小飲飲到大，老少咸宜，相信都係香港人的回憶。將系列就係用上維他豆奶加入芝士做成，然後厚厚咁鋪係串燒上面，串燒食落去就會帶有豆奶嘅甜味，又鹹又甜，食法特別。維他奶醬燒免治雞肉條 ，$38平時食開日式月見雞肉棒跟上蛋黃遇見醬汁，呢度就用上維他奶奶醬取代，味道都夾喎，好似食完鹹食又食甜食咁。維他奶醬燒豆ト，$32豆卜本身冇咩味道，所以就可以好好享受呢層豐厚嘅維他奶醬。維他奶醬燒日本小甜薯，$20一串三粒嘅日本少甜薯本身都已經帶有甜味，同埋維他奶醬一齊食，就好似食甜品咁。流心維他奶芝士年糕，$38本身厚厚的芝士年糕已經有流心效果，面頭仲鋪上一層維他奶醬，芝士味道豐富到唸起都興奮。維他奶醬燒翠玉瓜，$20翠玉瓜好多汁清甜，可以解下芝士奶醬的膩濟。維他奶醬燒芝士獅子狗，$32獅子狗一串有三粒，融入埋啲芝士奶醬，味道好夾。厚豬五花肉，$24陀地燒中點了厚燒五花肉，餐廳推介兩粒星。厚切五花腩真係幾厚，厚身肉地有咬口，咬落再咇出肥膏豬油汁，更加肥美。腐乳多士，$24從來無唸過腐乳做醬多士，食落係好特別，濃味的腐乳當多士醬咁搽又出奇地夾到！滷水牛舌，$38用上懷舊風味嘅公雞碗真係好復古，一大嚿厚身嘅蘿蔔薦底，上面鋪上六七塊大大塊厚身嘅滷水牛舌。牛舌炆得好軟淋，食落啖啖肉一啲筋都冇，滷水汁做到唔鹹唔濃但好夠味，做得都幾出色，份量夠多又幾抵食。原條蒜香燒茄子，$48食串燒店燒茄子都係必點之選。原條茄子切開上面鋪滿蒜蓉調味粉，燒到茄子肉軟淋，可以一絲絲咁夾起茄子肉食，非常惹味。蒜蓉燒蠔，$145/半打消耗做得好特別，蠔面燒到乾身，但係入邊又好夠水份，加上秘製嘅醬汁一啲腥味都無，味道仲要好特別，令人食完再想食。唔L同沙嗲牛麵，$58聽個名咁震撼點都要試吓啦。有咩咁唔同？就係個沙嗲牛醬十分濃郁，濃郁到令人回味無窮，成碗湯都會想飲埋佢。啖啖牛肉非常軟腍又冇根，又真係做得幾唔同喎！維他奶奶凍紅豆冰（左），$32用上原味維他奶溝紅豆冰，味道絕配，仲有一粒粒維他奶奶凍，成個維他奶特飲配撘很不錯。維他奶奶凍黑芝麻冰（右），$32熊妹本身好鐘意黑芝麻系列產品，黑芝麻醬加埋維他奶，絕對係無懈可擊。📌串燒項目仲有好多選擇，另有燒海鮮、暢飲小食，特飲仲有黑牛同埋白雪公主，可見菜式上面真係花咗唔少心機。📌Follow IG📸/FB，叫夠10串串燒以上，就可以優惠價加$68叫半打蔥蒜燒蠔，另外午市加五毫子，可以轉加加大勁量凍飲一公升裝，全部優惠都抵到爛！📌今晚維他奶盛宴真係夠哂豐富夠哂滿足，配合埋餐廳懷舊的環境，成件事好有噱頭。完全感受到餐廳落足本的裝潢及食物選材的心思💞，抵佢喺銅鑼灣黃金地站得住腳🐾！📌「時光可變，世界可變，人情亦許多都變遷」。世界變化萬千，食物種類變得更多元化，閒時飲一口維他奶，回味一下昔日的味道，「心內那熱暖，仍是純真未變」🎶。…查看更多

【#特色串燒店 】今日去銅鑼灣行街，發現咗一間好多打卡點港味濃厚嘅串燒店，入面嘅裝修好有特色，有好多唔同嘅霓虹燈、麻雀、塗鴉背景、港式標語，超有懷舊香港🇭🇰有幾款嘢食真心推介🌟唔L同既沙嘇牛肉麵 $58（晚市價）Local既年輕人好難挨！山窮水盡，日日食沙嗲牛肉麵！食食下覺得唔夠 重口味，自己研發左唔L同既沙嗲牛肉麵！少少辣辣地嘅味道 好襯沙嗲😍🌟維他奶醬燒系列真係全港首創，好特別， 啲芝士仲好拉絲今次試咗免治雞肉條、翠玉瓜、獅子狗、豆卜、小甜薯同芝士年糕，全部串燒上面都淋滿咗芝士同維他奶sauce，配搭幾有創意🌟老銅牛叉燒（試過就知）老銅牛叉燒醬料香氣豐富，好有鹹鮮味🌟蒜蓉燒蠔燒蠔不算大隻，但厚肉飽滿，🌟創製維他奶特飲維他奶奶凍紅豆冰 （好多粒粒紅豆）維他奶奶凍黑芝麻冰 （黑芝麻冰真係唔係度度有得飲）…查看更多

友人帶路，到了一家小店食新奇串燒。半打蒜蓉燒蠔甫放下蒜香立即撲鼻湧上，每隻蠔皆鋪滿蒜蓉，十分吸引。雖然看起來蠔並非很大隻，但蠔肉算厚，兼且有汁，跟蒜蓉同時送進口裡，正中本蠔怪的死穴。衝著串燒而來，點了數串，特別之處就是並非一般的沙嗲醬，而是用上店家獨製的維他奶芝士醬，滑溜溜的芝士醬鹹鹹甜甜，跟肉很匹配。而最美味的非芝士年糕莫屬，軟糯的口感一流！飯麵的選擇不多，不是沙牛麵就是和牛炒飯。唔L同沙牛麵，牛肉很大塊，肉質很嫩，而重點沙嗲醬食到明顯的花生醬香味，較其他地方濃杰，果有不同。頗特別、有創意。…查看更多

🎀銅鑼灣。港式氣氛霓虹特色維他奶串燒主題店🫣🎀🪄店名* #毫無分串陀地串燒酒場🔮地址* 銅鑼灣謝斐道526號地舖🔮🗾分店地區🗾 沒有分店💰價錢$660 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵餐廳環境主打港式情懷打卡熱點，門面如茶餐廳，內裡充滿地道特色！霓虹燈招牌（如「不醉無歸」）、麻雀牌裝飾與直率標語點綴，麻將牆更是必影打卡位。懷舊金曲背景音樂，沉浸感十足。🍽️食物質素🍽️食物以玩味創新作為噱頭，主打創意港式串燒： ✅ 必試維他奶芝士系列，玩味十足 ✅ $12起享超 40 款串燒，有辣有唔辣 ✅ 「陀地飯」午市套餐：雞扒/豬頸肉等配爆漿三眼蛋，白飯/烏冬無限追加！ ✅ 海鮮燒、粥麵、甜品齊備 ✅ 飲品超 20 款：懷舊黑牛、白雪公主、酒類俱全 🌟 銅鑼灣員工出示證件享 9 折🌟 加$0.5硬幣即可升級1L 凍飲（投入錢罌儀式感滿分！） 👀評分💖💖💖💖🍢串燒🍢🪄 汁燒牛胸爽$38 - 油脂香氣突出，口感帶嚼勁 🪄燒菠蘿 - 酸甜平衡，解膩效果佳 🪄陀地正燒豬頸肉 - 外層微焦，肉質軟嫩不乾柴 🪄維他奶芝士系列（免治雞肉條/翠玉瓜/獅子狗/豆卜/小甜薯/芝士年糕) 維他奶芝士醬濃稠帶甜香，與串燒搭配屬創新嘗試 芝士年糕外皮酥脆，內餡流心效果明顯 小甜薯綿密質地與鹹甜醬意外協調 整體份量適中，適合淺嚐多款 👀評分💖💖💖💖💖🪄 蒜蓉燒蠔 半打 $145蠔整體飽滿新鮮，蒜蓉調味不過重，保留海鮮原味，半打性價比合理👀評分💖💖💖💖💖🪄 和牛炒飯$48 & 唔L同既沙嗲牛肉麵 $58(晚市價)和牛炒飯飯粒乾爽分明，醬油香氣足，和牛粒增添口感層次 沙嗲麵醬汁濃厚偏重口味，辣度溫和 ，公仔麵彈牙，牛肉量足且嫩滑，份量適合分享 👀評分💖💖💖💖💖🪄 維他奶奶凍紅豆冰 - 紅豆綿密，維他奶基底降低甜膩感 🪄維他奶奶凍黑芝麻冰 - 芝麻香濃郁，甜度剛好，口感順滑 (5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級🎈味道評分*😋😋😋😋🎈環境質素*🎇🎇🎇🎇🎈抵食程度*💰💰💰💰🎈服務態度*💌💌💌💌…查看更多

無論食物與環境都完全展示港式味道, 麻雀, 潮語跟霓虹燈, 滿有感覺 🤩 不過如果不是坐在卡位就有機會坐圓櫈, 或許未必太舒服 🙂 唔L同沙嗲牛麵名字十分可愛, 究竟有什麼不同, 或許在餐廳內撈麵比較少見 🤔 沙嗲醬十分濃郁, 基本上每一口都充滿濃厚沙嗲味 😋 麵不會煮得太淋, 剛剛好。牛肉切片, 不過每一塊都有一定厚度, 很有口感, 同時不會覺得韌。陀地正燒豬頸肉豬頸肉燒到燶邊, 有點脆口, 中間軟腍, 口感彈牙, 加了咸咸甜甜的醬汁, 甜咸之中又有燒焦香, 很不錯的 😊牛胸爽第一次嚐這款牛肉, 口感非常爽彈, 完全不覺得自己在吃牛肉一樣, 感覺不錯但不是我非常喜歡的味道和口感。維他奶芝士系列串燒每1款串燒上面鋪了層芝士, 是混合維他奶的芝士, 鹹香之中帶輕微甜味, 新穎又特別, 串燒包括以下幾款:免治雞肉串翠玉瓜豆卜芝士年糕小甜薯這5款入面芝士年糕最出色, 雙重芝士享受 ☺️ 裡面更有少許拉絲效果, 年糕又夠軟腍鬆軟 👍🏻豆卜也不錯, 由於豆卜本身沒什麼味, 加了芝士的味道出奇地突出, 而且有水份流出來 😚 小甜薯本身好吃, 但跟芝士完全不配, 各有各的 🫠蒜蓉燒蠔半打燒蠔加了大量蒜蓉跟青蔥, 味道十足, 不過當蒜蓉味道漸漸消失, 就發現燒蠔有點腥 😶 不過我本身對腥味太過敏感之故, 所以我吃了1件朋友就吃了整整5件 😂腐乳多士腐乳加上花生醬, 吃下去不會太咸, 味道剛好 🤗 腐乳份量每件有出入, 第1件不太感受到腐乳味, 若有所失的, 但第2件味道十分豐富, 所以如果每件都有1定份量的腐乳味就是讚的 😬維他奶奶凍紅豆冰維他奶奶凍黑芝麻冰紅豆冰朋友試, 佢覺得紅豆和維他奶有分離感覺, 不太配合, 然而我的黑芝麻並沒有這個問題, 一拍即合 🤭 而且芝麻味道也突出, 奶凍純粹增加口感, 沒什麼味道的。感受一下香港味道都係一個不錯體驗, 食物有不少款式, 保證會吃到飽滿, 不過價錢上略為減一減更理想。…查看更多