而家好多餐廳都好早關門，想同朋友夜啲出去食嘢吹水都難。太子呢間串燒店「好燒式」真係唔錯！開到凌晨兩點，鋪頭喺太子站附近，對住旺角睿景酒店，仲近中港巴士站，交通超方便。環境熱鬧得嚟唔會太嘈，座位舒服，啱晒同朋友慢慢吹水，唔使趕頭趕命。串燒款式多，海鮮選擇特別多，仲有唔少佐酒小食。食得出係即叫即燒，但又唔會要等好耐。🐚蒜蓉燒聖子王：👉必食推薦！聖子王真係超大隻，係真正嘅king size，做緊$180/2隻，以呢個size同新鮮程度而言，好值得食！肉厚鮮甜，彈牙又多汁，食得好滿足。🐟鹽燒白鱔：魚皮燒到金黃微焦，鱔肉肥美唔腥，簡單用鹽燒已經好鮮味。🐷泰式豬豚肉：豚肉肥瘦均勻，配泰式調味幾惹味。🍗雞中翼 & 雞全翼：外皮燒到香脆，鎖住肉汁，醃料味道恰到好處。雞全翼亦燒得啱啱好，夠入味，正！🍖燒雞胸軟骨串：雞胸軟骨燒得啱啱好，咬落去咔咔聲，爽口彈牙，口感十足，送酒一流！🥓煙肉露荀卷：鹹香煙肉配上嫩滑露荀，口感清甜不膩。🍖雞軟骨：脆卜卜又帶點油香，咬落「索索」聲，送啤酒真係一流！🥬娃娃菜：燒到軟淋淋，菜葉吸咗燒烤香，清甜多汁。🥬蒜芯：燒完依然爽脆冇渣，帶淡淡蒜香，解膩一流。🍆原條蒜蓉燒茄子：蒜蓉份量剛好，夠香同時唔會太油，食到茄子本身嘅清甜，口感軟綿綿。🍄牛油金菇包：牛油香氣十足，金菇吸晒精華，爽滑多汁，點泰式醬汁出奇地夾。🐡燒日本雞泡魚乾：魚乾燒到微脆唔韌，點沙律醬食，嚼勁十足，好岩送酒。啤酒：叫左1664 draft beer，店內仲有好多唔同支裝啤酒選擇，岩邊食串燒邊飲。…查看更多
一入到舖頭，有啲意外完全冇乜油煙味
聖子鮮味多汁、配合蒜蓉同金菇，口感風味更有層次
食得出海鮮材料幾新鮮，有咬口，我連啲汁都飲埋😂呢個又係一定要試，菇好多汁，再配合芝士，好似食緊有肉汁嘅牛扒嘅感覺
估唔到廁所都咁乾淨，衛生水平非常高
