茶木‧台式休閒餐廳 (已結業)

岩岩同朋友做完運動就落黎茶木，哈！勁易搵位，仲要係坐望海既Car位哩～雖然話做完運動唔好即刻食野，不過唔理咁多啦，食完再算！唔知點解任何時候都想食雞翼，無論係游水後定係運動後，就算唔運動都係想食雞翼，所以大家一致決定點雞翼！呢個係邪惡既芝士雞翼，一咬就半流心既芝士，仲要係無骨啖啖肉！我杯紫薯奶蓋黎啦，唔會太甜加上奶蓋少少咸，拌勻就超好味！而朋友點既朱古力火山都一樣咁好味，我貪飲左一啖，似朱古力奶昔。做完運動特別肚餓，點左個焗豬扒飯。嘿～係藜麥飯感覺比白飯健康無咁guilty! 豬扒好juicy一d都唔乾；配埋忌廉汁更惹味，不自覺係咁食飯⋯幾時都話甜品係第二個胃！明明話左飽架啦，都係要點士多啤梨蜜糖多士磚⋯內裡係切左粒粒且沾滿蜜糖既麵包多士，配埋士多啤梨雪糕加埋大大粒新鮮士多啤梨，甜！飽！滿足！…查看更多

其實身邊有好多人都話茶木既甜品好食，但我真係完全冇食過🤣而咁啱見到佢用小丸子做生招牌😍😍而身為小丸子既忠實fans，當然無論如何都要去試啦。而啱啱食完晚飯想食下甜野，然後就諗起茶木。其實一開始都唔知茶木係食甜品呢個甜品一睇就流唒口水🤤有我最鐘意既士多啤梨味。呢份甜品總共有三塊多士，上面有一球士多啤梨味雪糕，同埋一大pat士多啤梨醬同埋棉花糖，真係超正。多士個邊好脆，而麵包部分係微脆仲揸左蜜糖，搞到又酸又甜，非常夾。不過一個人食唔晒，因為好制同好飽肚，所以可以兩個人share。呢個芋圓仙草同平時係糖水舖食嘅完全冇分別，只係多咗個小丸子牌，完全唔值呢個價☹️…查看更多