燐寿司

今日放假去了荃灣海之戀商場逛逛,  看見  " 燐寿司" . 步入餐廳, 大家深深被壽司吧檯的 師傅團隊吸引. 各人都好專業, 我們正期待美食.座位設計不錯, 有卡 位方桌, 也可坐吧檯.我們選擇兩個套餐定食加小食及飲品, 大家分嘗.  落單約 十分鐘後, 先送來涼冰冰的雪碧汔水, 及波子汔水, 配上  鱈魚幹 ~  香脆小食, 沾上沙律醬, 更開胃. 炸軟殼蟹 ~  鬆脆又香口, 冇油膩. 套餐定食包 ~  每人一個沙律 同 茶碗蒸, 先食沙律熱熱身, 沙律菜新鮮, 食落爽口.茶碗蒸 ~   蒸蛋添加了魚肉, 魚籽, 香菇 , 口感好豐富. 第一碟 壽司  ~  赤貝, 珍寶帆立貝, 大拖羅, 海膽, 鮭魚子.赤貝 ~  顏色有光澤,   肉質爽脆, 好鮮味.珍寶帆立貝 ~  軟滑甜美.大拖羅 ~ 口感非常好, 入口即溶化.馬糞海膽壽司 ~ 金黃色的馬糞海膽好鮮甜,  以脆脆的紫菜包著,  入口即溶.  第二碟 ~  Jumbo 熟蝦,  BB 營光魷魚, 真鯛, 油甘魚,  甜蝦, 油甘魚 ~ 滑溜溜,  魚脂較豐滿.    真鯛 ~ 好睇好食,  好厚肉啊！營光魷魚 ~ 軟嫩細滑, 味道獨特.  巨型熟蝦 ~  真的好大, 一口食唔到, 要分兩啖食, 豐厚肉質.大家食得起勁,  再加點壽司:深海池魚, 赤身.  鮟鱇魚肝, 飛魚子, 各一件, 各有特式.  深海池魚 ~  鮮味甘香.   赤身 ~ 脂肪含量較低, 肉質較結實.  鮟鱇魚肝 ~  系日本高級魚種, 含膠原蛋白, 營養成分高.  口感細嫩 .定食 的 細角切魚生飯  送到.擺設靚, 好亮麗.   色澤鮮明, 有多種魚生, 配有玉子蟹籽..味噌湯 ~ 吃完壽司, 來一碗熱騰騰的味噌湯最適合.  喝後肚腸有暖和感, 好舒服.  最後送上   關東和牛壽喜燒 ~ 伴有原只生日本蛋.  用鐵鍋上枱,  保持熱量, 鍋中材料有 牛肉,  紹菜,  香菌, 豆腐等,牛肉大大片,  肉質美. 色澤嫩紅, 入口香滑, 軟綿綿.師傅手藝好,  食材有質素, 價錢合理,  餐廳環境舒適. …查看更多

今晚提早慶祝生日，今晚食番餐好既，荃灣海之戀新開左間日本料理餐廳#燐寿司 ，一出西鐵站搭𨋢上三樓，超級方便。晚餐有四款餐單，揀左大滿足寿司定食，有即叫即制。包括有沙律、茶碗蒸、麵豉湯、種刺身、11貫壽司、丼飯選擇，好豐富。💕沙律翠綠沙律菜 + 車厘茄沙律，清新爽口，配合蟹肉茶碗蒸，味道滑順，令我對接下來嘅菜式充滿期待。💕茶碗蒸加入咗蟹肉、魚子、蝦同帶子，剛蒸起的茶碗蒸熱辣辣，蒸蛋好滑，尤其蟹肉鮮味最特出。💕麵豉湯暖心又滿足，湯底濃而不膩，豆腐滑嫩。💕大滿足壽司11貫刺身(左至右)象拔蚌｜深海池魚｜金目鯛｜中拖羅｜大拖羅象拔蚌口感爽脆。拖羅油脂豐富無渣，入口溶化，明顯真材實料貨。深海池魚肥美，食落順滑鮮甜。灸燒(左至右)｜魷魚｜燒拖羅｜左口魚邊｜松葉蟹腳魷魚經過灸燒後，更為彃牙。左口魚滑嫩清甜，魚油豐富。松葉蟹腳，不用任何調味，已經夠晒鮮甜味，原汁原味！刺身牡丹蝦&海膽大大件牡丹蝦，甜甜軟軟，味道好濃郁，沒有腥味，海膽味道新鮮，質感厚實，好食！💕細日本海膽三文魚子碎拖羅飯三色丼飯，三文魚子脤卜卜，粒粒多汁，啖啖鮮味滿滿。💕汁燒銀鱈魚一流水準，外皮燒得脆，白雪雪魚肉肉質juicy有油脂香！💕炸軟殼蟹呢度嘅軟殼蟹味道唔錯，口感又軟又脆，濃海水味，仲有提供沙律醬，但無唔沾都夠晒味。💕巨峰提子梳打每道菜式都仔細介紹，不時添茶更換碟，態度誠懇有禮既餐廳。…查看更多

突然好想食壽司, 知道 荃灣海之戀  新開張的「燐寿司」有即叫即制壽司, 乘西鐵直達, 好方便. 餐廳的木系裝潢幾雅致, 有多位師傅坐陣, 真係岩哂我地壽司控.  我即點壽司套餐:  豐盛壽司定食 ７ 貫指定壽司 + ３ 貫時令壽司 +  細盛角切魚生飯（或豚肉糖心蛋湯烏冬）又包括: 茶碗蒸, 沙律, 麵豉湯.  $438-朋友點了 和風定食, 關東和牛壽喜燒, 包括: 茶碗蒸, 沙律, 麵豉湯.  $318-兩個定食:  沙律 同 茶碗蒸, 快速送到.   翠綠沙律菜 + 車厘茄, 口感新鮮又清爽. 茶碗蒸:  夠熱,  蒸蛋非常滑, 內有魚肉, 魚籽, 好鮮美. 大家一起吃兩款小食:   鱈魚乾:    超級香口, 脆卜卜.   加沾沙律醬 ,  食罷一塊又塊,  超好食. 炸軟殼蟹,  飲雪碧汔水, 好寫意.   軟殼蟹剛炸起, 熱辣辣, 炸得好鬆脆. 我的   10 貫 壽司  分兩盤, 續一送到.  件件亮麗. 第一盤:  三文魚子, 海膽,  大拖羅, 珍寶帆立貝, 赤貝, 第二盤:  甜蝦, 油甘魚, 真鯛, 營光魷魚,  蝦,  先食第一個心頭好:   三文魚子, 海膽, 海膽壽司:   橙黃色海膽,  味道濃郁, 質感油潤細滑.三文魚子:  紫菜夠脆口, 三文魚子粒粒亮晶晶,  好食.赤貝:  新鮮爽甜夠厚肉.  大拖羅:  油脂豐富, 好正.甜蝦 :  彈牙可口.   熟蝦: 好巨型呀, 肉質甜美.珍寶帆立貝:  味鮮又軟滑真鯛:  肉質細膩, 魚味濃.   油甘魚: 魚肉幼嫩,  十分新鮮 .營光魷魚:  味道鹹香, 口感爽脆.再飲一碗 熱熱的 麵豉湯  暖暖胃, 好享受.接著定食來個細角切魚生飯.材料鋪至滿滿, 完全遮蓋了白飯, 配有玉子, 鮭魚, 蟹籽, 食材 鮮甜肉滑, 配上 醋飯搭配得宜, 食得非常豐富.朋友點 的 關東和牛壽喜燒,  材料滿滿, 有牛肉, 豆腐, 金菇, 冬菇, 伴有日本蛋.原隻生雞蛋撈勻所有材料, 湯底好清甜.  牛肉的肉質柔軟,  混合蛋汁, 又滑又香.  拌白飯一起吃, 真飽肚.大家坐一會兒, 又忍不住加點４個壽司:鮟鱇魚肝, 飛魚子, 深海池魚, 赤身.  魚肝燒得香口細膩, 入口柔順. 赤身:  肉質細膩, 魚味濃.  深海池魚: 鮮味甘香.餐廳食物新鮮, 廚師廚藝很有水準, 店員細心, 餐廳環境舒適, 大家吃得爽  !  會再來.…查看更多