非凡小廚 (已結業)

剛要去土瓜灣做野放工, 行過北帝街, 估唔到成條街都係食肆, 不同菜色都有, 見到呢間小菜館-非凡小廚, 入去一試, 座為有大圍枱的, 也有4人枱的, 見到有精選推介的菜式，所以照跟住叫, 叫了2款- 鐵板黑椒鹽豬手$110, 茄子炆倉魚$78, 金蒜蒸中蝦$128, 二人食剛好, 先來鐵板黑椒鹽豬手：用鐵板上，好大隻, 店員慢慢倒入黑椒汁，熱燙燙的, 侍應即時將豬手分拆, 見到肉身好腍, 容易切, 試左一啖, 成口漿住, 充滿骨膠原,  肉質夠腍, 豬皮又滑，蘸了黑椒汁好惹味！ 再上茄子炆倉魚$78，呢個價錢咁大條倉魚超值，而且魚身厚肉，夠滑鮮甜，淋滿蠔油醬汁，面鋪埋茄子，有魚有菜，好豐富。到金蒜蒸中蝦$128, 有7至8隻，用粉絲蒜蔥一齊蒸，蝦肉彈牙。最後到甜品，我們選了夠晒特色既，炸雪糕 ，淋了焦糖味、外面炸至金黃色，外脆內軟，雪糕係雲呢拿味，好香，面滲透焦糖醬味。好完美，夠晒穫氣的小菜王，菜色巧手夠特別。

港九新界離島咁多地方，唔知有咩地方你係未去過呢？同A姐傾開計，唔計啲山旮旯無人島，原來佢未去過土瓜灣㗎！唔知等幾耐先等到沙中線開車，所以我今日一於就帶A姐去土瓜灣旅行啦！其實我都唔知土瓜灣有乜嘢玩，不過，呢啲時候當然要懶man咁帶A姐四圍去啦！去土瓜灣最出名嘅當然係牛棚藝術村，睇吓唔同嘅藝術小攤檔啦！睇完牛棚，當然要去食飯醫肚。今日A姐話想簡簡單單，食啲住家餸，咁就隨意搵間小廚啦，就去非凡小廚Flavor！今日所有餸菜都畀A姐發版，有魚有雞有肉又有菜呀！茄子炆倉魚：A姐好怕食魚，最驚多骨，所以少骨嘅倉魚就係佢嘅favorite！倉魚煎過再炆，好入味呀！仲用咗好多茄子去炆，夠晒份量！XO醬雞煲：雞煲就食得多，但今次就唔係重慶版，係XO醬版！雞肉鮮嫩惹味，煲仔入面仲有好多三色椒同洋蔥。醬汁味濃郁，好入味，唯一瑕疵係雞比較多骨。涼瓜炆排骨：鑊氣夠，係全餐飯入面我哋兩個嘅最愛！涼瓜唔會好苦，排骨唔肥，有咬口，成個餸都好好味，真係可以添多碗飯呀！