滾得囍宮廷火鍋小炒

講開好耐冇打過邊爐 雖然天氣咁熱 但都無阻約埋朋友一齊打邊爐又打卡既心 。 上網睇到依間主打清朝宮廷打卡風既邊爐店 就試下又打卡又食既體驗可能位置比較偏僻 加上天氣熱 又午餐時間 所以冇乜人。靜靜地幾舒服。 一入到門口 就見到打卡位既龍椅同埋一旁既服裝打扮區， 有格格服、大臣服、皇帝服提供 不過飾物就欠奉了 。 但勝在有小朋友size 所以都可以同小朋友打下卡既。 內裡裝潢都滿宮廷風格。 幾特別咁同朋友簡左花膠雞湯鍋（$338） ， 唔係講笑 上枱見到係望落相當濃既湯底， 仲跟埋花膠同半隻雞。 花膠仲要超大塊 好震驚既真材實料。 個湯底飲落唔會太膩 啲花膠咁大塊又唔會太膠質搞到癡粒粒咁 。 岩喵女仔飲 超滋陰養顏 個湯底好飲到差啲想當湯咁飲哂佢🤣🤣啲雞好滑唔鞋 好好食😋仲叫左雜菜拼盤（$128）、 黃金雙拼（$88）、宮廷餃子拼盤（$138） 、本地牛頸脊（細）（$338） 。雜菜拼盤擺盤好靚！ 超足料！ 黃金雙拼其實即係炸魚皮同響鈴，用左秘製咸蛋黃醬整 入哂味 滾完食真係又唔熱氣又濃味！ 宮廷餃子拼盤， 聽聞係自家製 ， 口味有菜苗帶子、芝士牛肉、韭菜豬肉、芋泥豬肉、 馬蹄冬菇豬肉。 粒粒都好足料，口感唔錯。本地牛頸脊擺盤好打卡feel，即使係細其實都幾足料。 不過肉感麻麻， 因為我唔食牛關係 朋友就話比較鞋， 唔太好食。 服務方面應該唔太夠人 因為得一個職員。 想搵佢好似要行到入面先得。 不過當佢出黎都會主動幫手打番啲湯。 整體還好 …查看更多

朋友推介滾得囍宮廷火鍋，齋聽個名就好吸引，非試不可，呢晚來到門口就睇到裡面裝修非常宮廷風味。過年期間仲有一棵桃花樹開得非常靚，不過我無影到。入座後就睇到聖旨，接旨，大家都好興奮，不停咁影相，完全忘記落單，我哋6個人同行，為咗滿足大家既口味，朋友點咗兩個湯底，有辣有唔辣任君選擇，龍頭鍋好特別，感覺好霸氣。建寧公主麻辣卜卜蜆鍋，火紅既湯底，睇見都噴火，下面有大量卜卜蜆，不過蜆太多沙了，接受唔到囉。康熙花膠雞湯鍋，金黃色既湯底，非常濃郁既雞湯味，侍應叫我哋先飲咗湯再倒雞同花膠落去打邊爐，花膠非常厚，雞湯好好飲，我好鍾意養顏嗎⋯嚮鈴即炸非常新鮮，手打墨魚丸都非常彈牙，本地手切牛肉，唔知係切得太厚或是烚得太耐，口感麻麻，因為掛住食，好多食物都無影到，其中鴨血配麻辣鍋是非常好味推介。…查看更多

第500篇啦，所以揀了一間很特別又高質的宮廷火鍋進餐，希望將來繼續品嚐到各式美食。今日來北角食宮廷火鍋，一踏入餐廳有如入皇宮的飯堂，裝潢很有中國特色，通花間隔屏風，木櫈與紅色中國人風坐墊，環境舒適帶點氣派，光鮮富貴的感覺。宮廷火鍋有多款不同款式的鍋具，令人感覺更身在宮廷之中，但今日我們點的湯鍋用另一款鍋具上枱。很好奇吧，繼續看就知啦。湯底已經有十多款，大多都是用有名的歷史人物命名，而且用皇上的名子，有乾隆、道光、康熙、同治、光緒，連慈禧都有，有創意又特別的菜名。我們點了黑豚肉、墨魚滑、餃子、蝦丸、油炸鬼、蔬菜拼盤等等，仲有竹蔗茅根，配料多款式，價錢仲好抵食。宮廷醬芥 $20/位，有基本的蒜、蔥、辣椒及芫荽。連餐具都很新很乾淨。康熙花膠雞湯鍋（半隻）$288，有全隻或半隻雞選擇，兩人食半隻雞就剛剛好。金黃色閃令令的湯底，原隻雞有如在黃金湯中沐浴，很華麗閃耀。連鍋具都有龍頭裝飾，很有feel。當湯底滾至雞肉熟透後，便可用附上的剪刀及夾子幫忙剪成雞件，如果覺得太難處理，可請店員幫手代爲處理，店員好細心，服務也很好。肥美的雞脾，雞皮又薄又滑溜，連雞胸肉都很嫩有彈性，味道很香而不膩。湯底看似很油，餐廳提供用具去掉面層肥油，所以雞湯香濃不膩，而且不太鹹，溫和暖胃很好飲。另一主角是花膠，有7-8塊之多，非常滿足。花膠厚身又大塊，膠質重好軟滑，吸了雞湯的香味更好食。鹿兒島日本黑豚肉 $68，上枱時還有乾冰的飄煙效果，很有心思，份量有十片左右，這個價錢很抵食。肉味幾重，脂肪平均，肉質有彈性。竹蔗茅根 $28，原本以為一杯，估唔到是一大瓶，價錢吸引。中國風枱細膩得連杯也用中式茶杯，別有一番風味。竹蔗茅根用料足，味道清爽夠冰凍。黑松露墨魚滑  $48，加入大量黑松露，上菜時已經傳來陣陣香味。有得玩有得食，自己整成小塊墨魚肉，熟了的墨魚滑更加重黑松露味，彈牙質感，一口一粒很好咬。值得一讚，我食過最濃郁黑松露味的墨魚肉，超正。帶子韮菜餃 $48 ，一客四粒剛剛好。原本想像餡料是原粒帶子，但原來是與餡料混合，味道好香，餡料特別嫩滑，應該是自家製，味道不錯。手打芝心丸 $48，用蝦肉製成，可看到保留蝦肉質感，是自家製手打的。蝦丸十分爽彈，有鮮蝦味，芝心雖不多，但仍然有半溶芝士流出，十分好食滋味十足，必食之選。即炸響鈴 $38，即叫即炸，直接食好鬆脆不膩，吸到濃濃的湯汁味道更正。食到中段，店員拿來一個舊款新式的熱水瓶，心想不用熱水也不用加茶之類。原來用來裝放熱湯底，需要加湯時，可以倒入雞湯鍋內，好有創意，又不失風格。鬼馬油炸鬼 $48，貌似燒賣或丸類，鬼馬油炸鬼一般都是用油炸鬼釀入蝦滑，但這裡是蝦滑包著油炸鬼，真是太鬼馬啦。蝦肉同樣好爽彈，內裡的油炸鬼吸到湯汁之餘，仲有蝦肉的味，加上油炸鬼本身的油香，味道幾特別。滾得囍蔬菜拼盤 $68，有娃娃菜、菜芯、生菜、木耳、粟米及蕃茄，相當豐富又新鮮。粟米令湯底更甜，而且粟米吸到雞湯味；蔬菜及木耳都好爽，涮得剛熟就食得。…查看更多