煮宮

嘩！呢間煮宮真係要推介！好好味呀！佢嘅午市燉湯套餐真係好正！平時自己都會煲下湯飲，但佢嘅燉湯真係足料又好飲！由於早一日book，廚師精選燉湯會升級至花膠燉湯！加上職員一早幫我地喺WhatsApp點好餐，一入到去唔洗等，即刻有得食啦！🟡燉湯蒸飯套餐（💰$80）🟡包括一盅燉湯及一個蒸飯/陳村粉🔸花膠燉湯燉湯真係唔講得笑！真係好好飲，無乜味精，唔會飲到口渴，只會想係咁飲😂有好多好多料: 花膠、瘦肉好多舊、雞腳、元貝、杞子、紅棗、雪梨、桂圓肉。我連啲湯料都食埋👍🏻🔸蘿蔔牛肋條 配 陳村粉平時啲陳村粉可能會好油，或者好淋，一pet pet，但呢度嘅陳村粉好乾身，唔會蒸到過龍，真係恰到好處！蘿蔔好甜好入味，牛肋條都好淋，用咗好多心思去醃製同烹調！真係好出色啊！🔸蟲草花蒸雞 配 香蒜飯蟲草花蒸雞配飯又係正！佢嘅雞係煎過先再蒸嘅，雞亦都算嫩滑👍🏻加埋少少醬汁，味道唔會太濃，突出雞嘅鮮味，但又唔會搶過香蒜飯嘅蒜香味！加上滿滿嘅蔥花，一啲都唔會覺得油膩，仲好惹味添呀！呢度嘅蒸飯都用一個不銹鋼蒸籠裝住，底鋪一塊荷葉。不論係陳村粉定蒸飯都蒸得剛好，仲有淡淡嘅荷葉香氣。食完餐飯真係好開心，覺得recharge咗咁。下次一定會再幫襯呀！評分: 9/10 🎉😁😁…查看更多

誤打誤撞下友人介紹呢間食lunch，好彩一早book定左，個燉湯🥣由每日精選燉湯upgrade左做花膠燉湯。大家記得早啲book定位啦👍🏻門口已經有大大塊餐牌寫有咩食，足足有成5️⃣款。師傅話快就可能兩星期轉一次，耐就一兩個月轉餐牌🤤花膠燉湯🐟-一坐低就好快送上花膠燉湯超級熱辣辣🔥一大舊厚肉花膠食落好黏口好正！配料方面有大大粒原粒瑤柱🐚、稔身勁入味冬瓜、稔身既小雞腳🐔同豬肉。湯味道好濃郁食得出一定係真材實料熬製👍🏻不得不讚呢個煲到好稔身既豬肉，都有好幾舊🐷食落好稔一啲都唔鞋👟超級入味又多汁🤤梅子豆卜排骨配香蒜飯🐷$80-荷葉上放左煮到恰到好處既香蒜米飯🍚米飯軟糯吸收哂荷葉香味🍃經梅子調味過既排骨分外開胃，個汁都係甜甜地仲有少少梅子皮梅子肉🤤豆卜都入哂梅子醬既味，份量超多絕對足夠👍🏻好出色好出色😋豆卜蒸鮮魷配陳村粉🦑$80-老闆話原來鮮魷魚🦑係每日去街市買架！難怪會咁新鮮彈牙👍🏻魷魚大塊厚肉咬落好爽口！配上蟲草花點綴！不得不讚係個特別調製過既豉油，食落甜甜地，完全同現成蒸魚豉油無得比！陳村粉食落似河粉，更加吸收曬荷葉既香🍃結論：下星期再黎食先好正！…查看更多

上年已經知道有呢間野，但疫情關係，一直都WFH，無機會試今日機會終於來喇！查詢好menu，前一日訂好位，可以飲到花膠燉湯餐廳好寬敞，枱同枱之間都隔得幾開，安全先上湯，好足料有花膠一大塊，雞肉，雞腳，瘦肉，雪耳好清，好甜飲完湯，佢就會上埋個飯。我叫左茄子，佢落左少少辣椒，好惹味有炸蒜粒，增加香味。不過就油膩左少少。食完好滿足，好胞同事叫呢個，佢話啲豚肉好滑。相同comment,都係油膩左少少不過都會再encore,想試埋個蒜香飯同再飲個湯…查看更多