點心到 MIX·大排檔

好耐冇食中菜了，今日好有興致想食，搜尋一下，見到碟「冰鎮咕嚕肉」吸引咗我🤩所以就嚟咗「點心到 Mix.大排檔」，餐廳午市主打點心，而晚市以小菜為主。餐廳環境寬敞，有原枱及卡座，仲設有魚缸，提供新鮮海鮮。🥢紅燒乳鴿 $55 見到好多人都叫紅燒乳鴿，望到幾靚，都好想試吓。乳鴿外皮燒到色澤均勻，有光澤。外皮入口脆卜卜，入邊肉質鮮嫩香滑，保留到肉汁。配上淮鹽同醋調味，但隻乳鴿本身已經好鮮味，原汁原味更好，都唔需要用調味料😋🥢冰鎮咕嚕肉 $88賣相顏色色彩鮮艷，炸到香脆熱辣辣咕嚕肉，即以冰鎮降溫，令外皮香脆可口。咕嚕肉肉質半肥瘦，醬汁酸甜度適中，用上菠蘿，紅椒及青椒作配料，健康又好食😋🥢花膠海鮮小米粥（細鍋） $99呢窩小米粥，以南瓜蓉融入小米粥，所以粥底呈橙黃色。材料非常豐富，有大大粒鮮甜帶子，好爽嘅大蝦，仲有花膠，同埋魷魚。粥底濃稠度剛好，啖啖都有南瓜同海鮮味。雖然係細鍋，但絕對唔少，有3至4人份量，非常大滿足！🥢榴槤雪媚娘 $16名稱有趣，引起我留意，原來係榴槤糯米糍💚糯米皮好薄同煙靭，入邊包裹住新鮮榴槤肉同埋忌廉，啖啖肉，陣陣榴槤香滲出嚟，大顛🤩🤩🤩🥢茶芥每位$10…查看更多

去波鞋街睇鞋睇到肚餓，就去咗附近既「點心到MIX·大排檔」食野，估唔到點心同大排檔可以MIX埋 ，兩樣都係香港既特色。睇落依間野唔係開左好耐，裝修幾新幾靚，啲燈都夠光，座位寬敞，估唔到係食大排檔，價錢親民而且食物質素都唔錯。兩個人貪心少少叫左五樣野：「冰川話梅浸聖女果 」（$38）：未必所有朋友仔都知依樣係咩黎，簡單啲黎講係冰糖話梅浸車厘茄，本身已經好鍾意食，平時大排檔未見過有得食，所以無諗過會喺呢到會有，所以一見到就叫咗。浸完話梅嘅車厘茄酸酸甜甜，非常開胃，做前菜非常岩🤤「土匪牛肉 」（$78）：「土匪雞翼」就食得多啦，「土匪牛肉」又真係未食過。牛肉配上洋蔥同辣椒仔，但唔會太辣，而且好香口，鍾意土匪既朋友仔唔可以錯過！「花膠海鮮小米粥 」（$99）：雖然叫咗細鍋，但已經係3-4人份量。本身驚2個人食唔哂，但佢個粥唔會太稀太稠啱啱好，而且花膠同海鮮非常足料，朋友仔不知不覺就自己食左3碗，最後食曬。「鑊氣豉椒炒蜆」（ $89）：忽然想食炒蜆，就叫左依碟餸，呢碟炒蜆同個名一樣，夠鑊氣，上菜果時都仲熱辣辣，調味都好夠，唔會太咸，豆豉味都好香口，送飯既話應該會仲正👍🏻「豆豉鯪魚炒時蔬 - 油麥菜」（$62）：平時食炒菜最驚係啲菜會太油，但依碟菜唔會太油，豆豉鯪魚都夠多。…查看更多