饞。台式食堂 (已結業)

#MC帶你去尖沙咀.K11 Musea除咗過江龍美食、米芝蓮褻餐廳、日韓精緻料理，其實都仲有間位置比較隱世嘅台式餐廳，主打親民價錢台式輕餐、台式茶飲等。➖➖➖➖➖➖➖➖➖➖➖➖➖➖➖➖✨ 饞。台式食堂.餐點主打簡約及價錢親民嘅台式輕餐，更會盡量挑選來自台灣原裝嘅食材及醬料，還原熟悉嘅台灣味道！餐廳裝修簡約，以木系文青嘅小清新風為主。➖➖➖➖➖➖➖➖➖➖➖➖➖➖➖➖🥢 饞三寶–台灣炸滷排骨飯 $59.飯粒用上台灣本地生產嘅蓬萊米，就係為咗貼近台灣原味道！薄薄炸粉嘅滷排骨外層香脆，口感軟嫩，唔會太乾身，而且滷汁甜甜地，味道不錯。➖➖➖➖➖➖➖➖➖➖➖➖➖➖➖➖🥢 半筋半肉麵（四川麻辣）$90.黑色湯底味道極為濃郁帶少少中藥嘅甘醇味，湯底用上台灣高雄岡山辣豆瓣，香濃微辣有後勁，搭配彈牙滑順嘅陽春麵，口感紮實有咀嚼感。牛腩經過6小時配以9種辛香料慢火熬煮，肉質厚身厚切，口感軟腍入味；牛筋超軟稔彈牙，口感一流。➖➖➖➖➖➖➖➖➖➖➖➖➖➖➖➖🥢 最佳拍檔 $68.即係鹽酥雞拼台灣香腸。鹽酥雞用咗無骨雞腿肉加上五香粉等作餣料，肉質嫩滑，口感酥脆，外脆內軟，仲有肉汁流出嚟，十分Juicy💦；台灣香腸採用台灣CAS認證之溫體黑毛豬製作而成，香氣十足！蒜片嘅辛辣配上香腸嘅酥脆外皮和肉汁，經典組合還原正宗嘅台灣味！➖➖➖➖➖➖➖➖➖➖➖➖➖➖➖➖🥢 芝芝芒芒 $45（跟餐 $35）.芒果奶蓋沙冰呈淡黃色，飲落仲有少少芒果肉粒🥭同沙冰，口感細膩，夏天消暑係一流。➖➖➖➖➖➖➖➖➖➖➖➖➖➖➖➖🥢 芝芝蜜桃 $45（跟餐 $35）.蜜桃奶蓋冰沙呈現出浅橘粉，搭配綿密濃厚嘅奶蓋，飲落好順滑帶淡淡桃味，咸甜度適中。➖➖➖➖➖➖➖➖➖➖➖➖➖➖➖➖…查看更多

餐廳：饞。台式食堂地點：尖沙咀K11 Musea菜式：台灣野餐牌：幾款麵，飯，小食，原盅燉湯，茶飲，沙冰，咖啡。用QR code落單。牛肉麵 $78牛肉麵湯底我揀左原味，仲可以加$2揀四川麻辣。原味湯味道唔錯，完全唔油，感覺好正宗。有牛肉三舊幾，算腍而啖啖肉，仲帶少少肥膏。個麵係陽春麵，幼身又有咬口，都唔錯。配有生菜，入味紅白蘿蔔各一舊，同好多甜甜地既鹹菜，另外灑上蔥花。碗麵熱辣辣，食完暖笠笠。炸物拼盤 $71炸物拼盤好豐富，有椒鹽花枝丸3粒，好彈牙；府城蝦卷6條，外脆而內彈牙；甜不辣份量好多，味道甜甜哋，口感煙煙韌韌；雙色地瓜QQ球6粒，地瓜味唔錯，甜甜哋。炸物熱辣辣炸起，伴有甜酸醬可降溫。芝芝芒芒同芝芝蜜桃大大杯，面頭係滿滿一層芝士奶蓋。芝芝芒芒 跟餐加$35芝芝芒芒呈淺黃色，味道天然帶芒果香甜味，伴少少鹹香芝士奶蓋正呀！芝芝蜜桃 跟餐加$35芝芝蜜桃呈淺粉紅色，蜜桃味都好好飲，味道唔錯！今餐食物質素唔錯。餐廳裝修光猛新凈，座位及格。平日午市都好多食客。…查看更多

之前都有幫襯過呢間台式餐廳嘅灣仔分店🤓 呢次就嚟咗尖沙咀嘅分店 餐廳裝修簡約 以木色做主調 俾人一種好溫馨嘅感覺🤪滷牛腱肉拌麵滷牛腱肉肥瘦均勻🐮 呢個拌麵係用上陽春麵 幼身嘅麵條都好好攪拌 有辣椒同蔥特嘅配料混合埋食就更加惹味🍜 而且幾鍾意佢個拌麵比較乾爽 加埋有少少辣椒喺面 都幾刺激🌶️ 唔鍾意食辣嘅朋友 仲可以喺攪拌前挑走紅燒牛腩手工滷肉飯呢個紅燒牛腩 本來係配白飯 但係因為朋友好鍾意食滷肉飯 所以就加咗錢食手工滷肉飯🍚 呢度嘅飯粒幾有咬口 配埋滷肉真係好快就可以食晒碗飯 滷肉睇得出用三層肉處理 所以食落嘅口感都唔會太肥🐷 呢個紅燒牛腩炆得非常入味 而且每條都係半肥瘦咁樣 口感軟腍🥰最佳拍檔呢個小食拼盤係鹽酥雞拼台灣香腸 鹽酥雞外層望落比較黑 但係唔係炸得過火嗰種🤣 而係因為以豉油 五香粉等香料醃製🐥 台灣香腸加埋蒜片一齊食 唔會太肥膩👍🏻 呢一個台式嘅最佳拍檔真係必食之選 尤其係佢嘅鹽酥雞 外層酥脆入面仲好Juicy添啊茉香珍珠奶茶呢個珍珠奶茶味道幾好 茉莉綠茶底淡淡地唔會太膩🧋 珍珠煙韌有咬口 幾鍾意佢唔會太硬芝芝芒芒呢啲消暑飲品真係好適合我 芒果沙冰入面食到有少量芒果肉🥭 重點係擺咗一陣都唔會分開兩層好嚴重 面頭嘅芝士奶蓋味道會好鹹 薄薄地夠晒吊味🧀尖沙咀呢間分店仲特設台式飲品嘅外賣區域 啱晒鍾意飲手搖飲品嘅上班一族啊😎 夏日炎炎真係要買返杯手搖飲品嘆下呀…查看更多

尖沙咀店同另外2兩間門店唔同 有台式飲品嘅外賣位置有珍珠奶茶、水果茶、沙冰、芝士奶蓋、咖啡🧋-🍜饞•半筋半肉麵 💰$86有紅燒、麻香、蔥燒湯底口味選擇 牛腩好大舊 牛筋好Q彈麵底可以揀陽春麵或者刀削麵 刀削麵好掛湯成碗份量都好多 食完超滿足😆-🥩饞•牛肉麵 💰$84-🍡炸物拼盤 💰$68有花枝丸、甜不辣、府城蝦卷、QQ 球QQ球好煙韌 每款都好惹味😆-🍵鮮奶雪頂抹茶冰沙 💰$40最頂有啲cream 唔太甜的抹茶冰沙唔係好重抹茶味 似食壽司飲嗰種綠茶🤣-🥭芝芝芒芒 💰$40芝士奶蓋夠濃味 芒果味唔假…查看更多

2023年第一餐去了尖沙咀 K11 Musea 的「饞。台式食堂」。這間台式食堂由一位90後台灣女生主理，以台式飯麵和小食配以台式飲品為主。餐廳裝潢走木系簡約風格，感覺温暖清新。全店免收加一，凡惠顧任何麵或飯類，所有飲品一律減$10。饞·牛肉麵$84揀選了紅燒湯底搭刀削麵，經長時間熬製的紅燒湯底，融合了牛肉香濃肉汁，味道亦不算過鹹，吃完也沒有感到口渴。牛肉用小火煨煮的技巧，讓肉質的鮮甜軟嫩體現出來。刀削麵略帶厚度，入口Q彈富嚼勁，波浪麵體更易吸附湯汁。藥膳排骨麵$80藥膳湯底加上滋補藥材，促進氣血循環，達到暖胃效果，排骨亦不會太多骨位，咬下去夠啖啖肉，肥瘦適中，炆得稔滑入味，陽春麵質地純樸滑口，即使浸久了也不會過軟。炸物拼盤$68一客炸物拼盤就可嚐遍多款小食，包括花枝丸、甜不辣、府城蝦卷、QQ球，充滿寶島古早風味。花枝丸裡面有一片片的魷魚粒，口感夠彈牙，府城蝦捲用料實在，甜不辣魚漿咬起來飽滿Q彈，QQ球由紫薯及甜薯製成，外脆內軟，蕃薯味濃。芝芝芒芒$40芒果天然果香酸酸甜甜，厚厚的芝士奶蓋入口綿密順滑，甜中帶鹹的微妙配搭，喝完也不會覺得膩。三寶奶茶 凍$32三寶奶茶奶香和茶味俱全，有齊紅豆、珍珠及仙草三種配料，下得夠足料，豐富了多重的口感層次。…查看更多